Published:Updated:

`சாலையில் மயங்கி விழுந்த மக்கள்... அதிகரிக்கும் பலி எண்ணிக்கை’ -ஆந்திராவைப் பதற வைத்த விஷவாயு கசிவு

விஷவாயு கசிவு
விஷவாயு கசிவு ( Twitter/@IamKalyanRaksha )

ஊரடங்கு உத்தரவு காரணமாக இந்த நிறுவனம் செயல்படாமல் இருந்த நிலையில், தற்போது வழங்கப்பட்டுள்ள தளர்வுகள் காரணமாக மீண்டும் இயங்கத் தயாராகிக் கொண்டு இருந்ததாகக் கூறப்படுகிறது. அப்போதுதான் இந்த விபத்து ஏற்பட்டதாகவும் கூறப்படுகிறது.

ஆந்திர மாநிலம் விசாகப்பட்டினத்தில் உள்ள ரசாயன தொழிற்சாலையில் இன்று காலையில் ஏற்பட்ட விஷவாயுக் கசிவு, ஒட்டுமொத்த தேசத்தை அதிர்ச்சியில் ஆழ்த்தியுள்ளது.

`சாலையில் மயங்கி விழுந்த மக்கள்... அதிகரிக்கும் பலி எண்ணிக்கை’ -ஆந்திராவைப் பதற வைத்த விஷவாயு கசிவு

நாடு முழுவதும் கொரோனா வைரஸுக்கு எதிராக மக்களும் அரசுகளும் போராடி வரும் நிலையில் ஆந்திர மாநிலம் விசாகப்பட்டினத்தில் ஆர்.ஆர் வெங்கடபுரம் என்னும் கிராமத்தில் உள்ள மக்களுக்கும் அதைச் சுற்றியுள்ள மக்களுக்கும் இன்று காலை திடீரென கண் எரிச்சல் ஏற்பட்டது.

தொடர்ந்து உடலில் எரியும் உணர்வு ஏற்பட, மக்கள் அச்சத்தில் உறைந்தனர். அதைத் தொடர்ந்து சாலைகளில் நடந்து சென்ற பலருக்கும் மூச்சு விடுவதில் சிரமம் ஏற்பட பலரும் மயங்கி விழத் தொடங்கினர். உடனடியாக பாதுகாப்புத் துறைக்குத் தகவல் தெரிவிக்கப்பட்டது. உடனடியாக நடத்தப்பட்ட ஆய்வில், கோபால்பட்டணத்தில் உள்ள எல்.ஜி பாலிமர்ஸ் என்னும் தொழிற்சாலையில் கசிவு ஏற்பட்டது கண்டுபிடிக்கப்பட்டது.

`சாலையில் மயங்கி விழுந்த மக்கள்... அதிகரிக்கும் பலி எண்ணிக்கை’ -ஆந்திராவைப் பதற வைத்த விஷவாயு கசிவு

மாவட்ட நிர்வாகம் உடனடியாக, மாநில மற்றும் தேசிய பேரிடர் மீட்புக் குழுவை வரவழைத்தது. சாலையில் மயங்கி விழுந்தவர்களை மீட்க போதுமான ஆம்புலன்ஸ் வசதிகள் இல்லாததால் வெகு நேரம் அவர்கள் சாலையில் கிடத்தப்பட்டு இருந்தார்கள். மயங்கிய நிலையில் இருப்பவர்களுக்கு உதவுபவர்கள் மூச்சு விட சிரமப்படுவதாகக் கூறப்படுகிறது.

இந்தக் கசிவினால் குறைந்தது 2,000 பேர் பாதிக்கப்பட்டுள்ளதாகவும் ஒரு குழந்தை உட்பட 3 பேர் இதுவரை பலியாகியுள்ளதாகவும் கூறப்படுகிறது. 200-க்கும் மேற்பட்டவர்கள் மருத்துவமனையில் அனுமதிக்கப்பட்டுள்ளனர். பலரும் மிக மோசமாகப் பாதிக்கப்பட்டுள்ளதாகவும் இதனால் பலி எண்ணிக்கை அதிகரிக்கும் என்றும் அஞ்சப்படுகிறது.

கசிவை சரி செய்யும் பணிகளும் தீவிரப்படுத்தப்பட்டுள்ளது. 1961 -ம் ஆண்டு ஹிந்துஸ்தான் பாலிமர்ஸ் என்ற பெயரில் தொடங்கப்பட்ட இந்த நிறுவனம் 1997-ம் ஆண்டு பிரபல தென் கொரிய கெமிக்கல் நிறுவனமான எல்.ஜி கெம் நிறுவனத்தால் வாங்கி பின் எல்.கி பாலிமர்ஸ் எனப் பெயர் மாற்றம் செய்யப்பட்டது. ஊரடங்கு உத்தரவு காரணமாக இந்த நிறுவனம் செயல்படாமல் இருந்த நிலையில், தற்போது வழங்கப்பட்டுள்ள தளர்வுகள் காரணமாக மீண்டும் இயங்கத் தயாராகிக் கொண்டு இருந்ததாகக் கூறப்படுகிறது. அப்போதுதான் இந்த விபத்து ஏற்பட்டதாகவும் கூறப்படுகிறது.

அடுத்த கட்டுரைக்கு