Published:Updated:

இந்தோனேசியா: புறப்பட்ட சில நிமிடங்களில் தொடர்பு துண்டிப்பு - 60 பயணிகளுடன் மாயமான விமானம்!

இந்தோனேசிய விமானம்
இந்தோனேசிய விமானம்

இந்தோனேசிய தலைநகர் ஜகார்த்தாவிலிருந்து (Jakarta) புறப்பட்ட ஸ்ரீவிஜயா (SJ182) விமானம் புறப்பட்ட சிறிது நேரத்திலேயே கட்டுப்பாட்டு மையத்துடனான தொடர்பை இழந்தது.

ஜகார்த்தா விமான நிலையத்திலிருந்து புறப்பட்ட சில நிமிடங்களிலேயே, எஸ்.ஜே .182 (SJ 182) விமானம் ரேடார் (Radar) சிக்னலிலிருந்து மாயமாகியிருக்கிறது.

இந்தோனேசிய விமானம்
இந்தோனேசிய விமானம்

இந்தோனேசிய தலைநகர் ஜகார்த்தாவிலிருந்து (Jakarta) புறப்பட்ட ஸ்ரீவிஜயா (SJ182) விமானம் புறப்பட்ட சிறிது நேரத்திலேயே ரேடாருடனான தொடர்பை இழந்திருக்கிறது. விமானத்துக்கும் தரைக் கட்டுப்பாடு நிலையத்துக்குமான தொடர்பு துண்டிக்கப்பட்டிருக்கிறது.

ஸ்ரீவிஜயா ஏர் நிறுவன விமானம் ஜகார்த்தாவின் சோகர்னோ-ஹட்டா (Soekarno-Hatta) விமான நிலையத்திலிருந்து புறப்பட்டது. உள்நாட்டு விமான சேவையை வழங்கிவரும் அந்த நிறுவனத்தின் விமானம், மேற்கு காளிமந்தனின் (West Kalimantan) மாகாணத் தலைநகரான போன்டியனாக் (Pontianak) நோக்கிச் சென்றுகொண்டிருந்தது. ஜகார்த்தாவிலிருந்து புறப்பட்ட நான்கு நிமிடங்களில் நடுவானில் திடீரென விமானம் மாயமாகியிருக்கிறது.

346 பேரை பலிவாங்கிய போயிங் விமானம் மீண்டும் பறக்க அனுமதி... எதனால், ஏன், எப்படி கிடைத்தது?!

மாயமான விமானத்தில், ஐந்து சிறுவர்கள் மற்றும் ஒரு கைக்குழந்தை உட்பட 60-க்கும் மேற்பட்ட பயணிகள் இருந்ததாக இந்தோனேசிய ஊடகங்கள் தெரிவிக்கின்றன. போயிங் 737-500 ரக விமானமான எஸ்.ஜே.182 விமானம், ஒரு நிமிடத்துக்குள் 10,000 அடிக்கு மேல் தன் உயரத்தை இழந்து கீழ் நோக்கி இறங்கியிருக்கிறது என்று விமான கண்காணிப்பு வலைதளமான ஃபிளைட்ரேடார் 24 (FlightRadar24) தெரிவித்திருக்கிறது. மாயமான விமானத்தைத் தேடும் பணியில் இந்தோனேசிய பேரிடர் மீட்புப்படை உள்ளிட்ட பல்வேறு ஏஜென்சிகளும் ஈடுபட்டன.

அடுத்த கட்டுரைக்கு