Published:Updated:

தூத்துக்குடி: வீட்டின் மேற்கூரை இடிந்து விழுந்து விபத்து - தாய், கர்ப்பிணி மகளுக்கு நேர்ந்த சோகம்

இடிந்து விழுந்த மேற்கூரை

தூத்துக்குடியில் இன்று அதிகாலையில் சுமார் 60 ஆண்டுகள் பழைமையான வீட்டின் மேற்கூரை, திடீரென இடிந்து விழுந்ததில் இடிபாடுகளில் சிக்கி தாயும், கர்ப்பிணி மகளும் பரிதாபமாக உயிரிழந்தனர்.

தூத்துக்குடி: வீட்டின் மேற்கூரை இடிந்து விழுந்து விபத்து - தாய், கர்ப்பிணி மகளுக்கு நேர்ந்த சோகம்

தூத்துக்குடியில் இன்று அதிகாலையில் சுமார் 60 ஆண்டுகள் பழைமையான வீட்டின் மேற்கூரை, திடீரென இடிந்து விழுந்ததில் இடிபாடுகளில் சிக்கி தாயும், கர்ப்பிணி மகளும் பரிதாபமாக உயிரிழந்தனர்.

Published:Updated:
இடிந்து விழுந்த மேற்கூரை

தூத்துக்குடி அண்ணாநகர் 3-வது தெருவைச் சேர்ந்தவர் முத்துராமன். இவரின் மனைவி காளியம்மாள். இவர்களின் ஒரே மகள் காத்தம்மாள் என்ற கார்த்திகா. கார்த்திகாவுக்கும் மார்த்தாண்டம்பட்டியைச் சேர்ந்த செல்வராஜ் என்பவருக்கும் கடந்த 10 மாதங்களுக்கு முன்பு திருமணம் நடந்தது. காத்தம்மாள் தற்போது ஏழு மாத கர்ப்பிணி என்பதால், கடந்த வாரம் வளைகாப்பு நடத்தி அழைத்த வந்துள்ளனர். இவர்கள் வசிக்கும் வீடு சுமார் 60 ஆண்டுகளுக்கு முன்பு கட்டப்பட்டது. வீட்டின் மேற்கூரை மிகவும் பழுதடைந்ததால் தெர்மோகோல் சீலிங் அமைத்துள்ளனர்.

உயிரிழந்த காளியம்மாள், காத்தம்மாள்
உயிரிழந்த காளியம்மாள், காத்தம்மாள்

இதனால், கூரை மேலும் மோசமானதை வீட்டில் உள்ளவர்கள் கவனிக்கவில்லை. சீலிங்கில் மேற்கூரை கான்கிரீட் உதிர்ந்து விழுந்ததை எலி ஒடுவதாக நினைத்துள்ளனர். முத்துராமன், தூத்துக்குடி காமராஜர் காய்கனி மார்க்கெட்டில் செயல்பட்டுவரும் கட்டணக் கழிப்பறைகளில் கட்டணம் வசூல் செய்யும் வேலை செய்துவருகிறார். இந்த வேலைக்குச் செல்வதற்காக தினமும் வழக்கமாக அதிகாலை 3 மணிக்கு அவர் எழுந்து செல்வது வழக்கம்.

ஒட்டுமொத்த விகடனுக்கும் ஒரே ஷார்ட்கட்!

விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

இந்த நிலையில், இன்று அதிகாலை சுமார் 3 மணியளவில் வீட்டில் தூங்கிக்கொண்டிருந்தபோது கூரை இடிந்து விழுந்துள்ளது. இதில், இடிபாடுகளில் சிக்கிய காளியம்மாள், கர்ப்பிணியான காத்தம்மாள் என்ற கார்த்திகா இருவரும் உயிரிழந்தனர். முத்துராமன் மீது கட்டைகள் விழுந்ததால்அவர் மயக்கமடைந்துள்ளார். அதிகாலையில் வேலைக்குச் செல்ல எழுந்து வரும் முத்துராமன் வராதாதல் உள்ளே சென்று பார்த்த அவரின் தாயார் வீடு இடிந்து கிடப்பதைக் கண்டு கூச்சலிட்டுட்டுள்ளார்.

இடிந்து விழுந்த மேற்கூரை
இடிந்து விழுந்த மேற்கூரை

அவரின்அலறல் சத்தத்தைக் கேட்டு அக்கம் பக்கத்தினர் கூடினர். இதனைத் தொடர்ந்து தூத்துக்குடி தென்பாகம் காவல் நிலைய போலீஸார், தீயணைப்புத்துறையினர் விரைந்து வந்து இடிபாடுகளில் சிக்கி உயிரிழந்த தாய், மகளின் உடல்களையும் மீட்டனர். காயமடைந்த முத்துராமன் சிகிச்சைக்காக அரசு மருத்துவமனையில் அனுமதிக்கப்பட்டுள்ளார். வீட்டின் மேற்கூரை இடிந்து தாய், கர்ப்பிணி மகள் உயிரிந்த சம்பவம் அப்பகுதியில் சோகத்தை ஏற்படுத்தியுள்ளது.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism