Published:Updated:

நீங்கள் கேட்டவை: “பாலில் புரதச்சத்து அதிகரிக்க என்ன செய்ய வேண்டும்?”

நீங்கள் கேட்டவை: “பாலில் புரதச்சத்து அதிகரிக்க என்ன  செய்ய வேண்டும்?”
பிரீமியம் ஸ்டோரி
நீங்கள் கேட்டவை: “பாலில் புரதச்சத்து அதிகரிக்க என்ன செய்ய வேண்டும்?”

புறாபாண்டிஓவியம்: ஹரன்

நீங்கள் கேட்டவை: “பாலில் புரதச்சத்து அதிகரிக்க என்ன செய்ய வேண்டும்?”

புறாபாண்டிஓவியம்: ஹரன்

Published:Updated:
நீங்கள் கேட்டவை: “பாலில் புரதச்சத்து அதிகரிக்க என்ன  செய்ய வேண்டும்?”
பிரீமியம் ஸ்டோரி
நீங்கள் கேட்டவை: “பாலில் புரதச்சத்து அதிகரிக்க என்ன செய்ய வேண்டும்?”

‘‘பால் மாடுகள் வளர்த்து வருகிறோம். மாட்டின் பாலில் புரதச்சத்துக் குறைவாக உள்ளது என்று சொல்கிறார்கள். இதைச் சரி செய்ய வழி சொல்லுங்கள்?’’

கே.உமாதேவி, பண்ணைப்பட்டி.

நீங்கள் கேட்டவை: “பாலில் புரதச்சத்து அதிகரிக்க என்ன  செய்ய வேண்டும்?”



நாமக்கல் கால்நடை மருத்துவக் கல்லூரி மற்றும் ஆராய்ச்சி மையத்தின் முன்னாள் முதல்வர் முனைவர் ஆ.துரைசாமி பதில் சொல்கிறார்.

“பாலில் புரதச்சத்து குறைவாக இருந்தால், பாலின் விலை குறைந்துவிடும். எனவே, கறவை மாடுகளுக்குப் புரதச்சத்துள்ள தீவனங்களைக் கொடுக்க வேண்டும். பாலில் புரதச்சத்து குறைவாக உள்ளது என்பதை, விவசாயிகள் எளிதில் அறிந்துகொள்ள முடியும். பால் கறக்கும்போது, நுரை வருகிறதா என்று கவனியுங்கள். நுரை வந்தால்தான் புரதச்சத்து நன்றாக இருக்கிறது என்று அர்த்தம்.

ஒட்டுமொத்த விகடனுக்கும் ஒரே ஷார்ட்கட்!

நீங்கள் கேட்டவை: “பாலில் புரதச்சத்து அதிகரிக்க என்ன  செய்ய வேண்டும்?”

நுரையில்லாமல் தண்ணீர்போல இருந்தால் புரதச்சத்துப் பற்றாக்குறையே காரணம் என்று புரிந்துகொள்ளலாம். புண்ணாக்கு, பருத்திக்கொட்டை போன்றவற்றைத் தீவனமாகக் கொடுத்து இதைச் சரி செய்ய முடியும். தவிர, டானின் (சுருங்கிய வடிவில் உள்ள புரதம்) அதிகமாக உள்ள சவுண்டல் (சூபாபுல்), கிளரிசீடியா, வாதநாராயணன் போன்ற மரங்களின் இலைகளையும் தீவனமாகக் கொடுக்க வேண்டும். இவற்றைப் புறவழிப் புரதங்கள் என்பார்கள் (Bypass Protein). இவை மாட்டின் இரைப்பையிலுள்ள நான்காம் அறையில் தங்கிச் செரிமானம் ஆகும். இதனால், பாலில் புரதம் கூடும்.

பாலில் எஸ்.என்.எஃப் என்று சொல்லப்படும் கொழுப்பு தவிர, பிற சத்துகளின் அளவு குறைவாக இருந்தால், தாதுஉப்புக் கலவையைக் கொடுக்க வேண்டும். சிலர் இதைத் தீவனத்தொட்டியில் கொட்டிவிடுகிறார்கள். அது தவறு. அப்படிச் செய்யும்போது, தொட்டியின் அடியில் சென்று தங்கிவிடுவதால், மாடுகளுக்குக் கிடைக்கவேண்டிய சத்துகள் கிடைக்காது.

இதைத் தவிர்க்க தீவனத்துடன் தாதுஉப்புக்களை நன்றாகப் பிசைந்து, அதனுடன் 50 கிராம் சமையல் சோடா உப்பையும் கலந்து கொடுக்க வேண்டும். இந்தத் தீவனத்தைத் தொடர்ந்து கொடுக்கும்போது ஒரு வாரத்திலேயே பாலில் மாற்றம் தெரியும். இந்தத் தீவனமுறை தொடர்ந்து பின்பற்றினால், பாலில் புரதச்சத்து அதிகரிப்பதுடன் மாடும் ஆரோக்கியமாக இருக்கும்.”

‘‘கொத்தவரைச் சாகுபடி செய்ய விரும்புகிறோம். நல்ல விளைச்சல் கொடுக்கக்கூடிய ரகத்தைப் பற்றியும் சாகுபடி நுட்பங்களையும் விளக்குங்கள்?’’

ஏ.ராமநாதன், உடுமலைப்பேட்டை.

தமிழ்நாடு வேளாண்மைப் பல்கலைக்கழகத்தில் செயல்பட்டு வரும் காய்கறிகள் பயிர்கள்துறை விஞ்ஞானி முனைவர் பிரேமலட்சுமி பதில் சொல்கிறார்.

‘‘கொத்தவரை நார்ச்சத்து மற்றும் புரதச் சத்து நிரம்பிய, எளிதில் சாகுபடி செய்யக்கூடிய காய்கறிப் பயிராகும். கொத்தவரை ஒரு சிறந்த காய்கறிப் பயிராகும். ஏனெனில், வறட்சியைத் தாங்கி வளரக்கூடிய, களர், உவர் நிலங்களிலும் பயிர்ச் சாகுபடி செய்யக்கூடிய, குறைந்த வயதுடைய, அதிகச் சாகுபடிச் செலவு இல்லாத, தொழிற்துறை பயன்பாடுகள் அதிகம் உடைய ஒரு காய்கறிப் பயிராகும்.

நீங்கள் கேட்டவை: “பாலில் புரதச்சத்து அதிகரிக்க என்ன  செய்ய வேண்டும்?”


கொத்தவரங்காய் நமக்குப் பலவிதங்களில் பயன்படுகிறது. சமைப்பதற்குப் பச்சையாகவும், பதப்படுத்தி வற்றலாகவும், பசுந்தாள் உரமாகவும் பயன்படுத்தலாம். இக்காயில் ஊட்டச்சத்துகள் முறையே புரதம், நார்ச்சத்து மட்டுமல்லாமல், மருத்துவக் குணமும் நிறைந்து காணப்படுகிறது. உதாரணமாக ரத்தத்தில் சர்க்கரை அளவு மற்றும் கெட்ட கொழுப்பினைக் குறைக்கிறது. இதன் விதைகளில் காணப்படும் வேதிப்பொருளான ‘கேலக்டோமேனன்’ என்ற பிசின் ஜவுளித் தொழிற்சாலை, தபால்துறையில் அச்சிடுதல், தபால் தலையை ஒட்டும் பிசினாகவும், மருந்துத் தொழிற்சாலைகளில் பிணைப்புப் பொருளாகவும், பெட்ரோலியம் எடுக்கும் கனிமத்தொழிற்சாலையில் துளையிடும்போது பிசினாகவும், உணவுத் தொழிற்சாலையில் ஐஸ்கிரீம், பாலாடைக் கட்டி, வெண்ணெய் போன்றவற்றைக் கெட்டியாக நிலைப்படுத்தவும் என்று இதன் தொழில் சார்ந்த பயன்பாடுகள் ஏராளமாக உள்ளன.

கொத்தவரையில் 4 ஆண்டுகள் ஆராய்ச்சி மேற்கொள்ளப்பட்டு ஆராய்ச்சிகளின் முடிவில் எம்.டி.யு-1 என்ற புதிய ரகம் தோட்டக்கலைத்துறை, வேளாண் கல்லூரி மற்றும் ஆராய்ச்சி நிலையம் (தமிழ்நாடு வேளாண்மைப் பல்கலைக்கழகம்) மதுரையிலிருந்து, ஜனவரி 2015-ம் ஆண்டு வெளியிடப்பட்டது.

நல்ல வடிகால் வசதியுடைய மணற்பாங்கான நிலம் சாகுபடிக்கு ஏற்றது. வண்டல் மண் உடைய நிலப்பகுதியும் மிகவும் உகந்தது. மண்ணின் அமிலக் காரத் தன்மை 7.5 - 8.5 (அதிகக் காரத்தன்மையைத் தாங்கி வளரக்கூடிய) வரை இருக்கலாம். மேலும், உவர் நிலங்களிலும் சாகுபடி செய்யலாம்.

நீங்கள் கேட்டவை: “பாலில் புரதச்சத்து அதிகரிக்க என்ன  செய்ய வேண்டும்?”

கொத்தவரை ஒரு வெப்ப மண்டலப் பயிர். இது அதிக அளவிலான வெப்பத்தையும் தாங்கி வளரக்கூடியது. இருந்தபோதிலும் விதைப்பதற்கு ஜூன் - ஜூலை மற்றும் அக்டோபர் - நவம்பர் மாதங்கள் ஏற்றது. பயிர் இடைவெளியாக வரிசைக்கு வரிசை 45 செ.மீ., செடிக்குச் செடி 30 செ.மீ. என்ற அளவில் விதைக்க வேண்டும்.

நன்கு முற்றிய, சிறந்த விதைகளாக 10 - 15 கிலோ ஒரு ஹெக்டேருக்குத் தேவைப்படும். ஆறிய அரிசி கஞ்சியில் 600 கிராம் ரைசோபியம் என்ற பாக்டீரியா நுண்ணுயிர் உரத்தைக் கொண்டு விதைநேர்த்தி செய்ய வேண்டும். நுண்ணுயிர் நேர்த்தி செய்த விதையை 30 நிமிடங்கள் நிழலில் உலர்த்த வேண்டும். விதையை நன்கு கலவையோடு கலந்து, உலர்ந்த பிறகு விதைப்புக்கு எடுத்துச் செல்ல வேண்டும்.

விதைப்புக்கு ஒரு நாள் முன்பு, நிலத்திற்கு லேசாக நீர்ப்பாய்ச்ச வேண்டும். விதைப்பு முடிந்தவுடன் உடனடியாக நீர்ப்பாய்ச்ச வேண்டும். விதைத்த மூன்றாவது நாளில் உயிர் நீர் பாய்ச்ச வேண்டும். அதன் பிறகு செடியின் வளர்ச்சிக்கு ஏற்றவாறு, பருவநிலையைக் கருத்தில்கொண்டு, நிலத்தின் தன்மை அறிந்தும் நீர் பாய்ச்சுதல் வேண்டும். கொத்தவரை குறைந்த மழை உள்ள பகுதிகளில், நன்கு வளரக்கூடியது.

கொத்தவரை விதைத்த 50-வது நாளிலிருந்து அறுவடைக்குத் தயாராகிறது. காய்கள் சரியான நேரத்தில் அறுவடைசெய்ய வேண்டும். அறுவடைசெய்யும்போது, காய்க்குப் பாதிப்பு வராமல் அறுவடை செய்ய வேண்டும். இளம் பச்சை நிற, பிஞ்சு காய்களாக அறுவடை செய்து உடனடியாகச் சந்தைக்கு அனுப்ப வேண்டும். காய் முற்றிவிட்டால் அதன் சந்தை மதிப்பை இழந்துவிடும். விதைக்கு என்றால் காய் நன்றாக முற்றிப் பழுத்து மஞ்சள் நிறமாக மாறிய பிறகு, செடியை அப்படியே மண்ணிலிருந்து பிடுங்கி, உலர் தளத்தில் காயவைக்க வேண்டும்.

காய்ந்த பின்பு சிறு குச்சி கொண்டு தட்டி, நெற்றின்மேல் தோல், விதை என்று பிரித்துச் சுத்தம் செய்து விதைகளை 8-10 சதவிகித ஈரப்பதம் உள்ளவாறு உலர்த்தித் துணி பைகளில் சேமிக்க வேண்டும். ஹெக்டேருக்கு 16 டன் வரை மகசூல் கொடுக்கும் திறன் கொண்டது.’’

தொடர்புக்கு: காய்கறிகள் பயிர்கள் துறை, தமிழ்நாடு வேளாண் பல்கலைக்கழகம், கோயம்புத்தூர்-641 003.

தொலைபேசி: 0422 6611283.

நீங்கள் கேட்டவை: “பாலில் புரதச்சத்து அதிகரிக்க என்ன  செய்ய வேண்டும்?”

விவசாயம், கால்நடை, மீன்வளம் மற்றும் சுற்றுச்சூழல் என்று பல துறைகள் பற்றி வாசகர்களின் சந்தேகங்களுக்கான பதில்களை உரிய நிபுணர்களிடம் பெற்றுத் தருவதற்காகவே ‘புறா பாண்டி’ சும்மா ‘பரபர’த்துக் கொண்டிருக்கிறார்.

உங்கள் கேள்விகளை ‘நீங்கள் கேட்டவை’,  பசுமை விகடன், 757, அண்ணா சாலை, சென்னை-2 என்ற முகவரிக்குத் தபால் மூலமும், pasumai@vikatan.com என்ற முகவரிக்கு இ-மெயில் மூலமும்,
99400 22128 என்ற எண்ணுக்கு வாட்ஸ்அப் மூலமும், facebook.com/PasumaiVikatan என்ற முகவரிக்கும், twitter.com/PasumaiVikatan என்ற முகவரிக்கும்  அனுப்பலாம்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism