Published:Updated:

வயநாடு: பாரம்பர்ய நெல் ரகங்களை மீட்டெடுத்த பழங்குடிகள்!

வயநாடு: பாரம்பர்ய நெல் ரகங்களை மீட்டெடுத்த பழங்குடிகள்!
பிரீமியம் ஸ்டோரி
வயநாடு: பாரம்பர்ய நெல் ரகங்களை மீட்டெடுத்த பழங்குடிகள்!

பக்கத்து வயல்த.ஜெயகுமார்

வயநாடு: பாரம்பர்ய நெல் ரகங்களை மீட்டெடுத்த பழங்குடிகள்!

பக்கத்து வயல்த.ஜெயகுமார்

Published:Updated:
வயநாடு: பாரம்பர்ய நெல் ரகங்களை மீட்டெடுத்த பழங்குடிகள்!
பிரீமியம் ஸ்டோரி
வயநாடு: பாரம்பர்ய நெல் ரகங்களை மீட்டெடுத்த பழங்குடிகள்!
வயநாடு: பாரம்பர்ய நெல் ரகங்களை மீட்டெடுத்த பழங்குடிகள்!

கேரளா என்றாலே மலைகளும் மரங்களும் அடர்ந்த பசுமை சூழ்ந்த பகுதி என்பது அனைவருக்கும் தெரியும். அதில் பசுமை சொப்பனமாக இருப்பது வயநாடு மாவட்டம். கடல் மட்டத்திலிருந்து சுமார் 2 ஆயிரம் மீட்டர் உயரத்தில் அமைந்திருந்திருக்கிறது வயநாடு. சுற்றுலாத் தலத்துக்குப் பெயர் பெற்ற வயநாட்டில் விவசாயமும் சிறப்பாக நடைபெற்று வருகிறது.

வயநாடு: பாரம்பர்ய நெல் ரகங்களை மீட்டெடுத்த பழங்குடிகள்!

ஒட்டுமொத்த விகடனுக்கும் ஒரே ஷார்ட்கட்!

காபி, மிளகு, பலா, பாக்கு, நெல் ஆகியவை முக்கியப் பயிர்களாக இருந்துவருகின்றன. இந்த விவசாயத்துக்கு முக்கியப் பங்காற்றி வருபவர்கள் பழங்குடி இன மக்கள். அதிலும் அவர்களின் பாரம்பர்ய நெல் விவசாயம் இன்றும் உயிர்ப்போடு இருக்கிறது.  அண்மையில் வயநாட்டில் பத்திரிகையாளர்களுக்கான பயிற்சி முகாம் நடைபெற்றது. அதன் ஒருபகுதியாக வயநாட்டில் பழங்குடி மக்கள் மேற்கொண்டு வரும் விவசாயம் பற்றி அறிய அழைத்துச் சென்றனர். நம்மை அழைத்துச் சென்றவர் எம்.எஸ்.சுவாமிநாதன் ஆராய்ச்சி மையத்தைச் சேர்ந்த களப்பணியாளர் விபின்தாஸ், “கேரளாவில் 36 பழங்குடி இனங்கள் இருக்கின்றனர். அதில் 13 பழங்குடி இன மக்கள் வயநாட்டில் வாழ்ந்து வருகிறார்கள். இதில் பனியா, ஆதியா, காட்டுநாயக்கன், குறிச்சியா, குருமா போன்ற பழங்குடி இனங்கள் முக்கியமானவை. இதில் ‘குறிச்சியா’ இனம் வேளாண் சமூகத்தைச் சார்ந்தது. அவர்கள்தான் அதிக அளவில் விவசாயம் மேற்கொண்டு வருகின்றனர். இவர்கள் பிரிட்டிஷ் ஆட்சிக் காலத்தில் படைவீரர்களாகப் பணியாற்றியவர்கள். அதிகமாக நிலம் வைத்திருக்கும் பழங்குடிகளில் குறிச்சியா இனத்தைச் சேர்ந்தவர்கள் அதிகம். அதற்குக் காரணம் கூட்டுக் குடும்ப வாழ்க்கைமுறைதான்.

வயநாடு: பாரம்பர்ய நெல் ரகங்களை மீட்டெடுத்த பழங்குடிகள்!

நாம் விழாக்களிலும் விசேஷங்களிலும்தான் கூட்டாக இணைகிறோம். இவர்கள் விழாக்கள், விஷேசங்களோடு விவசாய வேலைகளையும் சமூகத்தின் முக்கிய முடிவுகளையும் கூட்டாக இணைந்து மேற்கொள்கின்றனர். அதனால்தான் விவசாயத்தைத் தொடர்ந்து இவர்களால் செய்து வர முடிகிறது. மற்ற பழங்குடிகளைவிட இவர்களின் வசிப்பிடங்களும் பழக்க வழக்கங்களும் நாகரிகமடைந்துள்ளன. இந்த இனத்தைவிட எண்ணிக்கையில் அதிகமாக இருக்கும், பனியா பழங்குடி மக்கள் கூலித் தொழிலாளர்களாகவும் பிற வேலைகளைச் செய்பவர்களாகவும் இருக்கிறார்கள்.

குறிச்சியா இன மக்கள் பாரம்பர்யமாக இருந்துவரும் விவசாயத் தொழில்நுட்பங்களைப் பயன்படுத்தி விவசாயம் செய்து வருகின்றனர். மேடு, சரிவுப் பகுதிகளில் காபி, மிளகு என்றும் பள்ளமான சமவெளிப் பகுதிகளில் நெல், வாழை என்றும் சாகுபடி செய்து வருகின்றனர். மற்ற பகுதிகளைப் போலவே பாரம்பர்ய ரகங்கள் இங்கும் அழிந்து வருகின்றன. கடந்த சில ஆண்டுகளாகவே அதை மீட்டெடுக்கும் பணிகள் வேகமெடுத்து வருகின்றன. அதில் முக்கியப் பங்காற்றி வருபவர்கள் குறிச்சியா சமூகத்தினர்” என்றவர் அந்த இனத்தின் ஒருபகுதியினர் வசிக்கும் கம்பலக்காடு அருகில் உள்ள ஆனேரிமுட்டில் கிராமத்துக்கு அழைத்துச் சென்றார்.

வயநாடு: பாரம்பர்ய நெல் ரகங்களை மீட்டெடுத்த பழங்குடிகள்!

கிராமம் என்றால் நம்ம ஊர் மாதிரி வீடுகள் எல்லாம் ஒரே இடத்தில் இருக்காது. மேட்டில், பள்ளத்தில் என்று ஆங்காங்கே தோட்டம் உள்ள இடங்களில் வீடுகள் இருக்கின்றன. இப்படி 10 வீடுகள் ஒன்றாக இருக்கும் இடத்துக்கு நம்மை அழைத்துச் சென்றார் விபின்தாஸ். வீடுகளுக்கு நடுவே நெல் அடிக்கும் களம். களத்தைச் சுற்றி வீடுகள். கேரளாவில் உயர் சமூகத்தினர் கட்டியிருக்கும் வீடுகளைப் போன்றே குறிச்சியா சமூகத்தினரின் வீடுகளும் இருந்தன. அறுவடை செய்யப்பட்ட நெல் சுமைகளைத் தூக்கி வந்து களத்தில் போட்டுக் கொண்டிருந்தனர் பழங்குடியினர். அவர்களில் கங்காதரனை நமக்கு அறிமுகப்படுத்தினார்.

கங்காதரனிடம் பேசினோம். “விவசாயம்தான் எனக்கு முழுநேரத் தொழில். ஆறு ஏக்கர் நிலம் இருக்கு. மூணு ஏக்கரில் காபி, பாக்கு, இஞ்சி இருக்கு. மீதி மூணு ஏக்கரில் நெல்லும், கொஞ்சமாக வாழையும் இருக்கு. இரண்டு மாடுகள் இருக்கு.

வயநாடு: பாரம்பர்ய நெல் ரகங்களை மீட்டெடுத்த பழங்குடிகள்!

இதோடு கேரள அரசு பழங்குடி மக்களின் வாழ்வாதாரத்தை மேம்படுத்துவதற்காகக் கட்டிகொடுத்த மீன் குளமும் இருக்கு. அது மூலமாக மீன் வளர்ப்பிலும் ஈடுபட்டு வருகிறோம். எங்கள் சமூக மக்கள் கூட்டாக இணைந்து மீன்களை வளர்த்து விற்பனை செய்து வருகிறோம். ஆறுமாத வயதுகொண்ட கந்தகசாலா, சோமலா, நான்கு மாத வயது கொண்ட ஆதிரா (ஆராய்ச்சி ரகம்) ஆகிய நெல் ரகங்களை இரண்டரை ஏக்கரில் சாகுபடி செய்திருக்கிறேன். இதற்குக் குளத்துப் பாசனம் மூலம்தான் தண்ணீர் பாய்ச்சுகிறேன். இந்த ஆண்டு (2017) நல்ல மழை பெய்திருக்கிறது. அதனால்தான் குளத்தில் தண்ணீர் நிறைந்திருக்கிறது. இதில் பம்ப் மூலம் தண்ணீர் இறைத்துப் பாய்ச்சுகிறோம்.

வயநாடு: பாரம்பர்ய நெல் ரகங்களை மீட்டெடுத்த பழங்குடிகள்!

ஜூன்-ஜூலை மாதங்களில் நெல் பயிரிடுவோம். நவம்பர்-டிசம்பர் மாதங்களில் அறுவடை செய்வோம். விவசாய வேலைக்கு ஆட்களை வெளியிலிருந்து கூப்பிடுவதில்லை. எங்கள் குடும்ப உறுப்பினர்களிடையே வேலைகளைப் பகிர்ந்துகொள்கிறோம். தனித்தனிக் குடும்பமாக வாழ்ந்து வந்தாலும், வேலைகளைப் பங்கிட்டுக்கொள்கிறோம். இதனால், கூலியாள்கள் செலவு எங்களுக்கு இல்லை. அதேபோல மாடுகள் மூலமா கிடைக்கும் சாண எருவும், இலைதழைகளும் முக்கிய உரம். அதுவும் பலாமர இலைகளின் மட்கு நல்ல உரமாகப் பயன்படுகிறது. பெரும்பாலும் நாற்றுவிட்டுதான் நெல் நடவு செய்கிறோம். நெல் சாகுபடிக்குப் பூச்சிக்கொல்லி தெளிக்கும் வழக்கம் இல்லை. எரு, இலைதழை உரம்தான் முக்கிய இடுபொருள். அதையும் நடவு செய்யும்போதே கொடுத்துவிடுவோம். பிறகு தண்ணீர் பாய்க்கிறதுதான் முக்கியப் பராமரிப்பு.

இந்தப் பகுதியில் காட்டுப்பன்றி, குரங்குகளின் தொல்லைகள் அதிகம். எனக்கு வில் வித்தை தெரியும் என்பதால், வில்லேந்தி அம்பு எய்தால் காட்டுப்பன்றிகள், குரங்குகள் அதிகமாக வருவதில்லை. டிசம்பர் மாதத்தில் அறுவடை நடக்கும். அந்தப் போகத்தில் என்ன கிடைக்கிறதோ, அதுதான் விளைச்சல். இந்தமுறை இயற்கை கொடுத்ததுதான் இவ்வளவுதான் என்று எடுத்துக்கொள்வோம்.

வயநாடு: பாரம்பர்ய நெல் ரகங்களை மீட்டெடுத்த பழங்குடிகள்!

விதைநெல்லைச் சேமித்து வைக்கிற பழக்கம் இன்றைக்கும் எங்கள் சமூகத்தில் இருந்து வருகிறது. இப்போதும் எங்கள் வீட்டில் பத்தாயம் இருக்கிறது. அதில் விதைநெல்லைச் சேமித்து வருகிறேன்.இந்தப் பாரம்பர்ய விவசாயத்தின் மூலமாகத்தான் என் மகனை பி.எஸ்.ஸி கம்ப்யூட்டர் சயின்ஸ் படிக்க வைத்துக் கொண்டிருக்கிறேன்” என்றார். அவரைத் தொடர்ந்து பேசிய பழங்குடி இனப் பெண் அம்மணி, “நாங்கள் 100 குடும்பங்கள் சேர்ந்து வாழ்ந்தோம். விவசாயம், தேன் எடுக்கிறது மாதிரி பல வேலைகளைச் செய்வோம். 100 குடும்பமானது 40 குடும்பமாச்சு. அப்புறம் 20, இப்போது 10. பழங்குடி இனங்களில் எங்கள் இனம்தான் நெல்லை அதிகம் பயன்படுத்துறோம். நெல்லை அண்டாவில் வேகவைத்து, அதைக் காயவைத்து உலக்கை மூலமாகக் கையால் குத்திதான் அரிசி எடுத்துச் சாப்பிடுகிறோம்” என்றவர் அதற்கான அடுப்பையும், அண்டாவையும், உலக்கையும் காட்டிப் பெருமையாகப் பேசினார் அம்மணி.

நிறைவாகப் பேசிய எம்.எஸ்.சுவாமிநாதன் ஆராய்ச்சி மையத்தைச் சேர்ந்த திட்ட நிர்வாகி கோபாலகிருஷ்ணன். “வயநாடு பல்லுயிர் தாவரங்கள் பரவியிருக்கும் பகுதி. இதன் மரபுத் தன்மையைக் காப்பாற்ற வேண்டும் என்றால், அதன் பாரம்பர்யத்தை மீட்டெடுக்க வேண்டும். வயநாட்டின் நெல் ரகங்கள் பாரம்பர்ய மிக்கவை. அதைத் தேடியபோது ஒருசில பழங்குடி மக்கள்தான் தொடர்ந்து அதைச் சாகுபடி செய்து வருவதை அறிந்தோம். அவர்களிடமே ‘விதை கிராமம்’ (Seed Village) என்ற அமைப்பை உருவாக்கி, இந்தப் பாரம்பர்ய நெல் ரகங்களைப் பரவலாக்கினோம்.

வயநாடு: பாரம்பர்ய நெல் ரகங்களை மீட்டெடுத்த பழங்குடிகள்!

இந்த ரகங்களைத் தொடர்ந்து சாகுபடி செய்ய வேண்டும் என்பதற்காக நபார்டு உதவியோடு உழவர் உற்பத்தியாளர் கம்பெனியை உருவாக்கி, அதன் விற்பனைக்கு வழிவகை செய்து கொடுத்திருக்கிறோம். முன்பு ஒரு கிலோ பாரம்பர்ய அரிசி 14 ரூபாய்க்கு விற்றவர்கள், தற்போது 50 ரூபாய் வரை விற்பனை செய்கிறார்கள்.

வாரந்தோறும் சந்தைத் நடத்தி அவர்களின் விளை பொருள்களை விற்பனை செய்வதற்கு வழிகாட்டி வருகிறோம். இதோடு மஞ்சள், காபி, மிளகு, மலைவாழையையும் இயற்கை முறையில் பயிர் செய்வதற்குப் பயிற்சிகள், தொழில்நுட்ப உதவிகளும், இயற்கையாகக் கிடைக்கும் குடம்புளி, தேன் போன்றவற்றை விற்பனை செய்வதற்கான வழிகளையும் செய்து கொடுத்திருக்கிறோம்” என்றார்.

அவர்களின் முயற்சிக்கு வாழ்த்துகளைத் தெரிவித்துவிட்டு விடைபெற்றோம்.

தொடர்புக்கு,
எம்.எஸ்.சுவாமிநாதன் ஆராய்ச்சி மையம்,
சமூக வேளாண் பல்லுயிர்ப்பெருக்க மையம்,
புத்தூர்வயல், வயநாடு.
தொலைபேசி: 04936 204477/207019

10 விதை கிராமங்கள்

பாரம்பர்ய நெல் ரகங்கள் குறித்து வயநாட்டில் உள்ள எம்.எஸ்.சுவாமிநாதன் ஆராய்ச்சி மையத்தின் சமூக வேளாண் பல்லுயிர்ப்பெருக்க மைய இயக்குநர் முனைவர் அனில்குமாரிடம் பேசினோம். “உலக அளவில் பல்லுயிரினத் தாவரங்கள் அடர்ந்து காணப்படும் பகுதிகளில் வயநாடும் ஒன்று. பழைய ரிக்கார்படி 105 நெல் ரகங்கள் இருந்தாகப் பதிவு செய்யப்பட்டுள்ளன. இது 35 ஆகக் குறைந்து, தற்போது 10 நெல் ரகங்கள்தான் சாகுபடி செய்யப்படுகிறது.

பாரம்பர்ய நெல் ரகங்கள் குறைந்து போனதற்குக் காரணம், உயர் விளைச்சல் ரகங்கள் அதிகமாகப் புழங்கியதுதான். இதனால், வயநாட்டின் பாரம்பர்யத் தன்மை வெகுவாகக் குறைந்துபோனது. இப்போது பாரம்பர்ய நெல் ரகங்களைப் பெருக்குவதற்காக 10 கிராமங்களில் விதை கிராமங்கள், குழுக்கள் உருவாக்கப்பட்டுள்ளன. விற்பனைக்கு வழிகாட்டும் வகையில் நெல் ரகங்களின் ஊட்டச்சத்துத் தன்மையும் மருத்துவத் தன்மையையும் நுகர்வோரிடம் பரவலாக்கி வருகிறோம். இந்த நெல் ரகங்கள் இயல்பிலேயே வறட்சியையும், மழையையும் தாங்கி வளரக்கூடியவை. அதோடு நறுமணம்கொண்ட அரிசி வகையாகவும் இருக்கிறது.

இந்த 10 ரகங்களில் 7 ரகங்களைத் தேர்ந்தெடுத்துப் பருவநிலை மாற்றத்தைத் தாங்கி வளரும் ஆராய்ச்சிக்காகவும் மேம்படுத்தி வருகிறோம். இந்தப் பாரம்பர்ய நெல் ரகங்களுக்காக நாட்டிலேயே இரண்டாவது மரபுத்தன்மை பாதுகாக்கப்படும் இடத்துக்காக வயநாட்டுக்கு விருதும் வழங்கப்பட்டிருக்கிறது.

எம்.எஸ்.சுவாமிநாதன் ஆராய்ச்சி மையம் மூலம் ‘ஆதிவாசி விகாஷனா’ என்ற அமைப்பை உருவாக்கி விதைத் திருவிழா, பாரம்பர்ய விதைகளைச் சேகரிப்பதற்கு விருதுகள் என அந்த மக்களை ஊக்கப்படுத்தி வருகிறோம்” என்றார்.

20 வகையான பாரம்பர்ய நெல் ரகங்கள்

வெளியன், செட்டுவெளியன், பல்வெளியன், தொண்டி, பல்தொண்டி, மரத்தொண்டி, செந்நெல்லு, கைமா, உருணிகைமா, முள்ளன்கைமா, பூத்தடிகைமா, கந்தகசாலா, ஜீரகசாலா, முள்ளன்பஞ்சா, தொண்ணூரன் தொண்டி, கள்ளடியார்யன், ஒனவட்டம், செம்பதி, சோமலா, செந்தடி...
இவற்றில் சில ரகங்களின் சாகுபடிக் காலமும் பயிரிடுவதற்கு ஏற்ற மாதங்களும்...

கந்தகசாலா:
150-180 நாள்கள் வயது கொண்டது. குட்டை மற்றும் உருண்டை வடிவிலான அரிசி. வாசனைத்தன்மை கொண்டது. ஜூன்-ஜூலை மாதங்களில் பயிரிட ஏற்றது.

சோமலா: 165-180 நாள்கள் வயது கொண்டது. சிவப்பு நிற வரிகள்கொண்ட அரிசி. வாசனைத்தன்மை கொண்டது. நேரடி விதைப்புக்கு ஏற்றது. ஜூன்-ஜூலை மாதங்களில் பயிரிட ஏற்றது.

செந்நெல்லு:
120-125 நாள்கள் வயது கொண்டது. தங்க நிறத்தோல்கொண்ட நெல். வெளிறிய சிவப்புநிறம்கொண்ட அரிசி. ஜூன்-ஜூலை, அக்டோபர்-நவம்பர் மாதங்களில் பயிரிட ஏற்றது.

ஜீரகசாலா: 150-180 நாள்கள் வயது கொண்டது. வாசனைத்தன்மைகொண்ட வெள்ளையரிசி. ஜூன்-ஜூலை மாதங்களில் பயிரிட ஏற்றது.

கைமா: 150-180 நாள்கள் வயது கொண்டது. வாசனைத்தன்மைகொண்டது. ஜூன்-ஜூலை மாதங்களில் பயிரிட ஏற்றது.

 

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism