Published:Updated:

“விவசாயிகளின் விடுதலைப் போராட்டம் இன்னும் முடியவில்லை!”

“விவசாயிகளின் விடுதலைப் போராட்டம் இன்னும் முடியவில்லை!”
பிரீமியம் ஸ்டோரி
“விவசாயிகளின் விடுதலைப் போராட்டம் இன்னும் முடியவில்லை!”

நாட்டுநடப்பு#KisanMuktiBillsஜெ.லெவின் - படங்கள்: தி.குமரகுருபரன்

“விவசாயிகளின் விடுதலைப் போராட்டம் இன்னும் முடியவில்லை!”

நாட்டுநடப்பு#KisanMuktiBillsஜெ.லெவின் - படங்கள்: தி.குமரகுருபரன்

Published:Updated:
“விவசாயிகளின் விடுதலைப் போராட்டம் இன்னும் முடியவில்லை!”
பிரீமியம் ஸ்டோரி
“விவசாயிகளின் விடுதலைப் போராட்டம் இன்னும் முடியவில்லை!”

டன் துயரிலிருந்து முழு நிவாரணம், விவசாய விளைபொருள்களுக்கு உறுதி செய்யப்பட்ட நியாய விலை இந்த இரண்டு கோரிக்கைகளையும், விவசாயிகள் நீண்ட காலமாகக் கேட்டுவருகின்றனர். இதைச் சட்டமாகக் கொண்டு வர நாடு முழுவதுமுள்ள விவசாயிகள் அகில இந்திய விவசாயிகள் போராட்ட ஒருங்கிணைப்புக் குழு (AIKSCC) என்ற பெயரில் ஒன்றிணைந்துள்ளனர். இந்தக் குழுவின் பத்திரிகையாளர் சந்திப்பு, கடந்த மே 10-ம் தேதி சென்னையில் நடைபெற்றது.  

“விவசாயிகளின் விடுதலைப் போராட்டம் இன்னும் முடியவில்லை!”

இதில் பேசிய பாதுகாப்பான உணவுக்கான கூட்டமைப்பின் ஒருங்கிணைப்பாளர் அனந்து, “மே 10, 1857-ம் ஆண்டு இந்தியச் சுதந்திரப் போராட்டம் தொடங்கியது. இதன் முதல் போராட்டம் சிப்பாய் கலகம். அந்த நாளைக் குறிக்கும் வகையில் ஒவ்வொரு ஆண்டும் மே 10-ம் தேதியைச் சுதந்திரப் போராட்டத் தினமாகக் கொண்டாடப்படுகிறது. இந்தியாவின் விடுதலைப் போராட்டம் முடிந்தது. ஆனால், விவசாயிகளின் விடுதலைப் போராட்டம் இன்னும் முடிவடையவில்லை. அதைப் பெறுவதற்காகத்தான் விவசாயிகள் சார்பில் இரண்டு மசோதாக்கள் உருவாக்கப்பட்டு, அதை நாடாளுமன்றத்தில் கொண்டு வரவேண்டும் என்று எம்.பிக்களிடம் கேட்டுக்கொண்டோம்.

அவர்கள் தனிநபர் மசோதாவாகக் கொண்டு வந்துள்ளனர். அதைச் சட்டப்பூர்வமாக்க குரல் கொடுத்துவருகிறோம். இதுபற்றிய விஷயம் விவசாயிகளிடமும், ஆட்சியாளர்களிடமும் பரவலாகச் சேர வேண்டுமென்று 1,500 விவசாயிகளிடம் கையெழுத்து வாங்கிச் சென்னை மாவட்ட ஆட்சியரிடம் கொடுத்திருக்கிறோம்” என்றார்.  

“விவசாயிகளின் விடுதலைப் போராட்டம் இன்னும் முடியவில்லை!”

நீடித்த, நிலைத்த வேளாண்மைக்கான கூட்டமைப்பின் (ஆஷா) ஒருங்கிணைப்பாளர் கவிதா குருகந்தி பேசும்போது, “விவசாயிகளுக்குச் சட்டபூர்வ உரிமை என்பது வரலாற்று முக்கியத்துவம் வாய்ந்த ஒரு நிகழ்வு. பெண்கள் உரிமை, குழந்தைகள் உரிமை, சிறுபான்மையினர் உரிமை என இந்தியாவில் எல்லாத் தரப்பினருக்கும் சட்டபூர்வ உரிமை இருக்கிறது. விவசாயிகளுக்கு இதுபோன்ற உரிமையில்லை. இதற்காகத்தான் இந்தியாவில் 162 விவசாய அமைப்புகளும் ஒன்றிணைந்து, கடந்த ஆண்டு நவம்பரில் விவசாயிகளுக்காக விவசாயிகளே இணைந்து இந்தச் சட்ட மசோதாவை உருவாக்கினோம்.

பிறகு, கடந்த மார்ச் மாதம், 21 அரசியல் கட்சி பிரதிநிதிகளையும் ஒருங்கிணைத்து இதன் அவசியம் குறித்தும், இதை நாடாளுமன்றத்தில் மசோதாவாகக் கொண்டு வருவது குறித்தும் வலியுறுத்தினோம். கட்சிகளும் இந்தச் சட்ட மசோதாவுக்கு ஆதரவளிப்பதாகக் கூறின. இதன்படி மகாராஷ்டிராவைச் சேர்ந்த நாடாளுமன்ற உறுப்பினர் ராஜூ ஷெட்டி, மாநிலங்களவை உறுப்பினர் கே.கே.ராகேஷ் ஆகிய எம்.பிக்கள் தனிநபர் மசோதாவாகக் கொண்டுவந்தனர். இதைச் சட்டமாக இயற்ற அனைத்து உறுப்பினர்களும் ஆதரவு வழங்குமாறு கேட்டிருக்கிறோம். இன்று சென்னை மட்டுமில்லாமல் திருவள்ளூர், திருவண்ணாமலை, பெரம்பலூர், புதுக்கோட்டை உள்ளிட்ட மாவட்ட ஆட்சியர்களிடமும் கோரிக்கைகள் அடங்கிய கையெழுத்துத் தீர்மான நகல் கொடுக்கப்பட்டுள்ளது” என்றார்.

பாதுகாப்பான உணவுக்கான கூட்டமைப்பின் துணை ஒருங்கிணைப்பாளர் பார்த்தசாரதி, “குறுகிய மற்றும் நீண்ட காலத்துக்கு வட்டியில்லா கடன், இடுபொருள்கள் செலவைக் கட்டுப்படுத்துவதற்கான ஒழுங்கமைவு, செலவு குறைந்த இயற்கை விவசாய முறை, அனைத்து விவசாய விளைபொருள்களுக்கும் நியாயமான விலை, உற்பத்தி செலவோடு 50 சதவிகிதக் கூடுதல் விலை, குறைந்தபட்ச ஆதார விலை அனைத்து விவசாயிகளுக்கும் கிடைக்கச் செய்தல் போன்ற கோரிக்கைகளை உள்ளடக்கியது இந்தச் சட்ட மசோதா. இதை உடனடியாகச் சட்டமாக இயற்றி விவசாயிகளின் விடுதலைக்கு வழிசெய்ய வேண்டும். இந்தச் சட்ட மசோதா நிச்சயமாக எதிர்காலத்தில் மிகப்பெரிய பலன்களைக் கொடுக்கும்” என்றார்.

தமிழக விவசாயிகள் சங்கத்தின் மாநிலத் தலைவர் வேட்டவலம் மணிகண்டன், “விவசாயிகளோட உடனடித் தலைவலி இந்தக் கடன்சுமைதான். இதை உடனடியாகத் தள்ளுபடி செய்ய வேண்டும். கோட்டு, சூட்டுத் தைக்கிறவங்களெல்லாம் அவங்களுக்கான விலையை நிர்ணயிச்சுக்கிறாங்க. ஆனா, நாள் முழுக்க வெயில், மழைனு உழைக்கும் விவசாயிகள், தங்களுக்கான விலையை நிர்ணயிக்க முடியறதில்ல. இதையெல்லாம் அரசுகளே முன்வந்து செய்யணும். ஆனா, விவசாயிகள் போராட வேண்டியிருக்கு. அரசாங்கத்துக்கிட்ட நாங்க பிச்சை கேட்கலை. உரிமையைத்தான் கேக்கிறோம். அதை உடனே செஞ்சுகொடுத்தா, விவசாயிக வாழ்வு நல்லா இருக்கும்” என்றார்.