Published:Updated:

பாரம்பர்ய விதையில் பலன் தரும் மாடித்தோட்டம்!

பாரம்பர்ய விதையில் பலன் தரும் மாடித்தோட்டம்!
பிரீமியம் ஸ்டோரி
பாரம்பர்ய விதையில் பலன் தரும் மாடித்தோட்டம்!

மாடித்தோட்டம்துரை.நாகராஜன், படங்கள்: வ.யஷ்வந்த்

பாரம்பர்ய விதையில் பலன் தரும் மாடித்தோட்டம்!

மாடித்தோட்டம்துரை.நாகராஜன், படங்கள்: வ.யஷ்வந்த்

Published:Updated:
பாரம்பர்ய விதையில் பலன் தரும் மாடித்தோட்டம்!
பிரீமியம் ஸ்டோரி
பாரம்பர்ய விதையில் பலன் தரும் மாடித்தோட்டம்!

மாடித்தோட்டம் மூலம் காய்கறிகள், கீரைகள் என உற்பத்திச் செய்பவர்களில் பெரும்பாலானோர் விதைக்கடைகளில் கிடைக்கும் வீரிய ரக விதைகளைத்தான் விதைத்து வருகிறார்கள். காரணம் இத்தகைய விதைகள் அனைத்து இடங்களிலும் கிடைக்கும் என்பதுதான். ஆனால், நாட்டு ரக விதைகளைத் தேடிப்பிடித்து அவற்றை  மாடித்தோட்டத்தில் விதைப்பவர்களும் இருக்கத்தான் செய்கிறார்கள். அத்தகையோரில் ஒருவர்தான், சென்னை, மந்தைவெளி பகுதியைச் சேர்ந்த நீலா சுகன்யா. ஒரு காலை வேளையில் மாடித்தோட்டச் செடிகளுக்குத் தண்ணீர் விட்டுக்கொண்டிருந்தவரை சந்தித்தோம்.

“ஒரு வருஷம் முன்னாடி விளையாட்டா 20 தொட்டிகளை வெச்சு மாடித்தோட்டத்தை ஆரம்பிச்சேன். இப்போ 80 தொட்டிகள் அளவுக்குப் பெருகிடுச்சு. அதைவிட மாடித்தோட்டம் என்னை விவசாயியாவும் மாத்திடுச்சு. ஆமாம், மாடித்தோட்டத்துல மூலமா வந்த விவசாய ஆசையால, நண்பர்களோடு சேர்ந்து ஈ.சி.ஆர்-ல நிலம் வாங்கி விவசாயம் செஞ்சுட்டுருக்கேன். மாடித்தோட்டத்துலயும் சரி, நிலத்துலயும் சரி... வீரிய ரக விதைகளைப் பயன்படுத்துறதில்லை. நாட்டு ரக விதைகளைத்தான் பயன்படுத்துறேன். அங்க எள் போட்டு அறுவடை முடிஞ்சு காய்கறி போட்டேன். அதுவும் இப்போ அறுவடைக்கு வந்துடுச்சு. இங்க மாடித்தோட்டத்துல வாரம் மூணு நாளுக்குத் தேவையான காய்கறிகள் கிடைச்சுடுது” என்ற நீலா சுகன்யா மாடித்தோட்ட செடிகளைக் காட்டிக்கொண்டே பேசினார்.

பாரம்பர்ய விதையில் பலன் தரும் மாடித்தோட்டம்!

தான் வளர்த்த செடிகளுடன் நீலா சுகன்யா....

“பி.வி.சி குழாய்களைக் (பைப்புகள்) கொண்டு மேடை மாதிரி அமைச்சு, அது மேலதான் தொட்டிகளை வெச்சுருக்கேன். அதனால, மாடியைச் சுலபமா சுத்தப்படுத்த முடியுது. தண்ணீர் தேங்கி பாசி பிடிக்கிறதில்லை. இப்போ, கத்திரி, வெண்டை, வெள்ளரி, கொத்தவரை, பாகல், புடலை, தக்காளி, கீரைகள்னு விதைச்சுருக்கேன். அடுத்து வர்ற குளிர் காலத்துல முள்ளங்கி, கேரட், பீன்ஸ் விதைக்கலாம்னு இருக்கேன். அதுக்கான விதைகளும் தயாரா இருக்கு. காய்கறிச்செடிகளைச் சுத்தி வேலி மாதிரி நிறைய பூச்செடிகள் இருக்கு. அதனால, தேனீக்கள் அதிகமா வந்து மகரந்தச்சேர்க்கைக்கு உதவி செய்யுது. இங்க முழுக்க இயற்கை இடுபொருள்களைத்தான் பயன்படுத்திட்டுருக்கேன்.

பாரம்பர்ய விதையில் பலன் தரும் மாடித்தோட்டம்!

தொட்டிகளைத் தயார் செய்றப்போ... தேங்காய் நார், செம்மண், மண்புழு உரம்னு மூணையும் கலந்து போட்டு நடவு செய்வேன். பூச்சிகள் வந்தா மூலிகைப் பூச்சிவிரட்டி, வேப்பெண்ணெய்க் கரைசல், இஞ்சி பூண்டு கரைசல்னு தெளிப்பேன். அரிசி கழுவுற தண்ணீரைச் செடிகளுக்கு ஊத்திடுவேன். பயன்படுத்தின டீத்தூளையும் தொட்டிகள்ல போட்டுடுவேன். தேவைப்படும்போது கம்போஸ்ட் உரம், ஜீவாமிர்தம்னும் பயன்படுத்துறேன். அப்பப்போ ஊட்டத்துக்காக வாழைப்பழக் கரைசலைத் தெளிப்பேன். தினமும் ஒருமுறை தண்ணீர் ஊத்துவேன். அதிகமா வெயில் அடிக்கிற காலங்கள்ல ரெண்டு வேளை தண்ணீர் கொடுப்பேன்” என்ற நீலா சுகன்யா நிறைவாக,

பாரம்பர்ய விதையில் பலன் தரும் மாடித்தோட்டம்!

“நிறைய பேர் ஆசையிருந்தும், மாடித்தோட்டம் அமைச்சா தளம் பழுதாகிடும்னு தவிர்க்குறாங்க. ஆனா, இந்தப் பி.வி.சி குழாய் மேடை அமைச்சோ அல்லது தரையில பாலித்தீன் ஷீட் விரிச்சோ மாடித்தோட்டம் அமைச்சா தளம் பழுதாகாது. மாடித்தோட்டத்துக்கு வந்து செடிகளைப் பார்த்தாலே மனசுல இருக்குற இறுக்கம் குறைய ஆரம்பிச்சுடும். மாடித்தோட்டம் அமைச்சா மனசும், உடலும் ஆரோக்கியமா இருக்கும். நான் சென்னையில் நடக்குற இயற்கைக் கண்காட்சிகள்ல கலந்துகிட்டு நிறைய நாட்டு விதைகளைச் சேகரிச்சு வெச்சிருக்கேன். நம்ம ஆரோக்கியத்தைப் பாதுகாக்கணும்னா மாடித்தோட்டம் அவசியம்” என்று சொல்லி விடைகொடுத்தார்.

தொடர்புக்கு,

நீலா சுகன்யா,
செல்போன்: 94442 14144