Published:Updated:

நெல்லுக்கான ஆதார விலை... நாடகமாடும் மத்திய அரசு!

நெல்லுக்கான ஆதார விலை... நாடகமாடும் மத்திய அரசு!
பிரீமியம் ஸ்டோரி
நெல்லுக்கான ஆதார விலை... நாடகமாடும் மத்திய அரசு!

பிரச்னைகு.ராமகிருஷ்ணன், படங்கள்: ம.அரவிந்த்

நெல்லுக்கான ஆதார விலை... நாடகமாடும் மத்திய அரசு!

பிரச்னைகு.ராமகிருஷ்ணன், படங்கள்: ம.அரவிந்த்

Published:Updated:
நெல்லுக்கான ஆதார விலை... நாடகமாடும் மத்திய அரசு!
பிரீமியம் ஸ்டோரி
நெல்லுக்கான ஆதார விலை... நாடகமாடும் மத்திய அரசு!

‘விவசாய விளைபொருள்களுக்கு 2018-19-ம் ஆண்டுக்கான குறைந்தபட்ச ஆதரவு விலையைத் தீர்மானிக்க... டாக்டர் எம்.எஸ்.சுவாமிநாதன் குழுவின் கோட்பாடு பின்பற்றப்பட்டுள்ளது’ எனக் கடந்த ஜூலை மாதம் அறிவித்துள்ளது, மத்திய அரசு. இந்த அறிவிப்பு பெரும் சர்ச்சையைக் கிளப்பியுள்ளது.

‘உற்பத்திச் செலவுடன் கூடுதலாக 50 சதவிகிதம் லாபம் நிர்ணயம் செய்து, நெல் உள்ளிட்ட விளைபொருள்களுக்கு விலை வழங்க வேண்டும்’ என 2004-ம் ஆண்டு, எம்.எஸ். சுவாமிநாதன் குழு பரிந்துரை செய்தது. ஆனால், இந்தப் பரிந்துரையை எந்த அரசும் நடைமுறைப்படுத்தவில்லை. அதனால், ‘விளைபொருள்களுக்கு எம்.எஸ்.சுவாமிநாதன் குழுவின் பரிந்துரைபடி விலை நிர்ணயம் செய்ய வேண்டும்’ எனத் தமிழ்நாடு மற்றும் பல மாநிலங்களில் உள்ள விவசாயச் சங்கங்கள் கடந்த 14 ஆண்டுகளாகத் தொடர்ந்து கோரிக்கை எழுப்பி வருகின்றன. இதை நடைமுறைப்படுத்தினால்தான் தங்களுக்கு ஓரளவுக்காவது லாபம் கிடைக்கும் என்பது விவசாயிகளின் எண்ணம்.

நெல்லுக்கான ஆதார விலை... நாடகமாடும் மத்திய அரசு!

கடந்த நாடாளுமன்றத்தேர்தலின்போது இந்த விஷயத்தைப் பிரசார ஆயுதமாக எடுத்த பாரதிய ஜனதா கட்சி, ‘பா.ஜ.க ஆட்சிக்கு வந்தால், எம்.எஸ்.சுவாமிநாதன் குழுவின் பரிந்துரைபடி விளை பொருள்களுக்குக் குறைந்தபட்ச ஆதரவு விலை வழங்கப்படும்’ என வாக்குறுதி அளித்தது. தொடர்ந்து பா.ஜ.க ஆட்சியைப் பிடித்ததும், ‘தங்களுக்கு விரைவில் விடிவுகாலம் பிறக்கப்போகிறது’ என நம்பிய விவசாயிகளுக்கு ஏமாற்றம்தான் மிஞ்சியது. ஆட்சிப்பொறுப்பேற்று நான்கு ஆண்டுகள் கடந்தும் எம்.எஸ்.சுவாமிநாதன் குழுவின் பரிந்துரை குறித்துப் பிரதமர் மோடி வாய் திறக்கவே இல்லை.

நெல்லுக்கான ஆதார விலை... நாடகமாடும் மத்திய அரசு!

இந்நிலையில், இந்த ஆண்டு நெல்லுக்கான குறைந்தபட்ச ஆதரவு விலையாக ஒரு குவிண்டாலுக்கு 1,750 ரூபாய் என அறிவித்தது, மத்திய அரசு. இது கட்டுப்படியான விலையல்ல என்று விவசாயிகள் ஆதங்கப்பட்டுக் கொண்டிருக்கும் சூழ்நிலையில்தான், ‘இது எம்.எஸ்.சுவாமிநாதன் குழுவின் பரிந்துரைபடி வழங்கப்பட்ட விலை’ என மத்திய அரசு தெரிவித்துள்ளது.

இதுகுறித்து நம்மிடம் பேசிய வேளாண் பொருளியல் ஆய்வாளரும் தமிழக உழவர் முன்னணி ஆலோசகருமான கி.வெங்கட்ராமன், “பா.ஜ.க அரசு ஒரு மோசடியான அறிவிப்பை வெளியிட்டு விவசாயிகளை ஏமாற்றப் பார்க்கிறது. நெல் உள்ளிட்ட எந்த விளைபொருளுக்குமே எம்.எஸ்.சுவாமிநாதன் குழுவின் பரிந்துரைபடி விலை நிர்ணயம் செய்யப்படவில்லை. உற்பத்திச் செலவைக் கணக்கீடு செய்ய, ‘C2 + 50%’ என்ற வரையறுப்பை எம்.எஸ்.சுவாமிநாதன் குழு வலியுறுத்துகிறது. ‘C2’ என்பது மொத்த உற்பத்திச் செலவைக் குறிக்கிறது. இது, ‘A2 + FL+R’ என்ற சூத்திரம் மூலம் உருவாக்கப்பட்டுள்ளது. இதில் விதை, உரம், பூச்சிக்கொல்லி, நீர்ப்பாசனம், தொழிலாளர் ஊதியம் என நிலத்தில் செய்யப்படும் இயல்பான செலவு ‘A2’ (Actual) எனவும்; விவசாயிகள் குடும்ப உழைப்புக்கான ஊதியம் ‘FL’ எனவும்; குத்தகை நிலமாக இருந்தால் வாடகை, சொந்த நிலம் என்றால் அதில் செலுத்தப்பட்டுள்ள மூலதனத்துக்கான வட்டி, நிலத்தின் வள தேய்மானம் ஆகியவை ‘R’ [Rent] எனவும் குறிக்கப்படுகிறது.

தொழிற்சாலையில் தயாரிக்கப்படும் பொருள்களுக்கு இதன் அடிப்படையில்தான் உற்பத்திச் செலவு கணக்கீடு செய்யப்படுகிறது. இதைத்தான் விவசாயத்துக்கும் எம்.எஸ்.சுவாமிநாதன் குழு, கோட்பாடாக உருவாக்கியது. இதோடு, கூடுதலாக 50 சதவிகிதம் லாபம் சேர்த்து விலை நிர்ணயம் செய்ய வேண்டுமெனச் சொன்னது. ஆனால், மத்திய அரசு இந்தக் கோட்பாட்டைப் பின்பற்றவேயில்லை. ஆனால், எம்.எஸ்.சுவாமிநாதன் குழுவின் பரிந்துரைபடி விலை நிர்ணயிக்கப்பட்டதாகப் பொய் சொல்லி விவசாயிகளை ஏமாற்றுகின்றன.

நெல்லுக்கான ஆதார விலை... நாடகமாடும் மத்திய அரசு!

விவசாயக் குடும்ப உறுப்பினர்களின் உழைப்பு மற்றும் நிலத்துக்கான வாடகை ஆகியவை இதில் இடம்பெறவில்லை. நல்ல பாசன வசதியுள்ள நிலத்தில் நெல் சாகுபடி செய்ய, உழவு, விதை, இடுபொருள், தொழிலாளர்கள் ஊதியம் உள்ளிட்ட செலவுகளுக்கு 31 ஆயிரம் ரூபாய்ச் செலவாகிறது. ஒரு ஏக்கர் நிலத்தில் சராசரியாக 18 குவிண்டால் நெல் மகசூல் கிடைக்கிறது. இதன்படி பார்த்தால் ஒரு குவிண்டால் நெல்லுக்கு நிலத்தில் செய்யப்படும் செலவு மட்டுமே 1,760 ரூபாய். இதில் 50 சதவிகிதம் லாபம் கிடைக்கவேண்டுமானால், ஒரு குவிண்டால் நெல்லுக்கு 2,440 ரூபாய் என விலை நிர்ணயித்திருக்க வேண்டும். ஆனால், 1,750 ரூபாய் விலை என அறிவித்துவிட்டு வேஷம் போடுகிறது, மத்திய அரசு. வரவிருக்கும் நாடாளுமன்றத்தேர்தலின்போது இதைச் சாதனையாக அறிவிக்க பா.ஜ.க திட்டமிடுகிறது என்பதுதான் உண்மை” என்றார்.

மத்திய அரசின் இந்தப் பொய்ப் பிரசாரத்தைக் கண்டித்தும், எம்.எஸ்.சுவாமிநாதன் குழுவின் பரிந்துரையை நேர்மையாகச் செயல்படுத்த வலியுறுத்தியும்... அகில இந்திய விவசாயிகள் சங்கங்களின் போராட்டக்குழு சார்பில், கடந்த ஜூலை 13, 14 ஆகிய இரு தினங்கள் புதுடெல்லியில் கூட்டம் நடைபெற்றது. இதில் அனைத்து மாநிலங்களிலும் உள்ள 190 விவசாயச் சங்கங்களின் பிரதிநிதிகள் கலந்து கொண்டார்கள். அக்கூட்டத்தில், இக்கோரிக்கைகளை வலியுறுத்தி நாடு தழுவிய அளவில் மிகப்பெரிய போராட்டம் நடத்தத் திட்டமிடப்பட்டுள்ளது.