Published:Updated:

விவசாயத்தில் சாதிக்கும் தமிழர்கள்!

விவசாயத்தில் சாதிக்கும் தமிழர்கள்!
பிரீமியம் ஸ்டோரி
விவசாயத்தில் சாதிக்கும் தமிழர்கள்!

நாட்டு நடப்புஆறுச்சாமி

விவசாயத்தில் சாதிக்கும் தமிழர்கள்!

நாட்டு நடப்புஆறுச்சாமி

Published:Updated:
விவசாயத்தில் சாதிக்கும் தமிழர்கள்!
பிரீமியம் ஸ்டோரி
விவசாயத்தில் சாதிக்கும் தமிழர்கள்!

ண்மையில் நபார்டு வங்கியின் 37-வது நிறுவன நாள் விழா சென்னையில் நடைபெற்றது. நிகழ்ச்சியில் சிறப்பு விருந்தினராகக் கலந்துகொண்டு பேசிய தமிழ் வளர்ச்சி மற்றும் தொல்லியல் துறை அமைச்சர் மாஃபா கே.பாண்டியராஜன், ‘‘நபார்டு வங்கி நடத்தும், இந்த நிகழ்ச்சிக்குத் தமிழ்மொழி மற்றும் கலாசார அமைச்சரான என்னை அழைத்தமைக்கு முக்கியக் காரணம் உள்ளது.

தமிழ்நாட்டில் விவசாயம் என்பது தொழில் மட்டுமல்ல; அது கலாசாரமாகவும் உள்ளது. அடிப்படையில் தமிழர்கள் விவசாயத்தில் புதிய யுக்திகளைப் பின்பற்றுவதில் முன்னோடியாக உள்ளனர். வரலாற்றைக் கொஞ்சம் திரும்பிப் பார்த்தால், அதற்கான ஆதாரங்களைக் கண்டுகொள்ளலாம். மலேசியா காடுகளைச் சீர்த்திருத்தி ரப்பர் தோட்டங்களை உருவாக்க தமிழ்நாட்டிலிருந்து தான் விவசாயிகள் சென்றனர். மொரீசியஸ் நாட்டில் கரும்புத் தோட்டம் அமைக்க, தமிழர்களைத்தான் அழைத்துச் சென்றார்கள். இலங்கையில் தேயிலைத் தோட்டத்தை உருவாக்க, உழைத்துச் சலிக்காத தமிழ்நாட்டு உழவர்கள்தான் சென்றார்கள்.

விவசாயத்தில் சாதிக்கும் தமிழர்கள்!

சென்ற மண்ணிலெல்லாம் வேர்பிடித்து, அந்த மண்ணில் மணம் பரப்பி, மண்ணுக்கு மகிமை சேர்த்தது தமிழினம். ஆக, விவசாயம் என்பது, தமிழ்நாட்டு மக்களின் வாழ்வியலோடு இணைந்த ஒன்று. தமிழர்கள் விவசாயத்தில் முன்னோடிகள். உலகின் சிறந்த விவசாய விஞ்ஞானிகளில் ஒருவரான எம்.எஸ்.சுவாமிநாதன் தமிழ்நாட்டைச் சேர்ந்தவர் என்பது குறிப்பிடத்தக்கது. பாரம்பர்யமும், வரலாற்றுச் சிறப்பும் கொண்ட தமிழ்நாட்டின் கிராமப்புற மற்றும் விவசாய வளர்ச்சிக்கு நபார்டு வங்கி ஆற்றி வரும் சேவை மகத்தானது. நபார்டு வங்கியின் தமிழ்நாடு மண்டல முதன்மைப் பொதுமேலாளர் பத்மா ரகுநாதனிடம், நபார்டு மூலம் சி.எஸ்.ஆர் என்று சொல்லப்படும் நிறுவனங்களின் சமூகப் பொறுப்புணர்வு பணிகளைச் செய்கிறீர்களா என்று கேட்டேன். ‘‘நபார்டு வங்கி மூலம் செய்யும் ஒவ்வொரு பணியும் சி.எஸ்.ஆர் (சமூக பொறுப்புணர்வு பணிகள்)தான்’’ என்று பளீரென்று பதில் சொன்னார்கள்.

தமிழக விவசாயிகளைத் தொழில் முனைவோர்களாக மாற்ற வேண்டும் என்பதுதான், முன்னாள் முதல்வர் ஜெ.ஜெயலலிதாவின் கனவு. அந்தக் கனவை நனவாக்க, உழவர் உற்பத்தியாளர் நிறுவனங்களைத் தொடங்க, நபார்டு வங்கி உதவி வருவதை வரவேற்கிறேன். வாழ்த்துகிறேன்...’’ என்று ஆங்கிலத்திலும், தமிழிலும் மாறி மாறி பேசி அசத்தினார். நிகழ்ச்சியில் சிறப்பாகச் செயல்பட்ட வங்கிகள் மற்றும் உழவர் உற்பத்தியாளர் நிறுவனங்களுக்கு விருதுகள் வழங்கப்பட்டன. தமிழ்நாடு வேளாண் பல்கலைக்கழகத்தின் துணைவேந்தர், மீன்வளப் பல்கலைக்கழகத்தின் துணைவேந்தர் மற்றும் அரசு உயர் அலுவலர்கள் நிகழ்ச்சியில் கலந்து கொண்டனர்.