Published:Updated:

தண்ணீர் - அறிவியல்+அரசியல்+அழிவியல் - 13 - குமரியின் பழையாறு... மீள்வது எவ்வாறு?

தண்ணீர் - அறிவியல்+அரசியல்+அழிவியல் - 13 - குமரியின் பழையாறு... மீள்வது எவ்வாறு?
பிரீமியம் ஸ்டோரி
தண்ணீர் - அறிவியல்+அரசியல்+அழிவியல் - 13 - குமரியின் பழையாறு... மீள்வது எவ்வாறு?

தண்ணீர்‘பொறிஞர்’ அ.வீரப்பன், தொகுப்பு: த.ஜெயகுமார், படங்கள்: ரா.ராம்குமார்

தண்ணீர் - அறிவியல்+அரசியல்+அழிவியல் - 13 - குமரியின் பழையாறு... மீள்வது எவ்வாறு?

தண்ணீர்‘பொறிஞர்’ அ.வீரப்பன், தொகுப்பு: த.ஜெயகுமார், படங்கள்: ரா.ராம்குமார்

Published:Updated:
தண்ணீர் - அறிவியல்+அரசியல்+அழிவியல் - 13 - குமரியின் பழையாறு... மீள்வது எவ்வாறு?
பிரீமியம் ஸ்டோரி
தண்ணீர் - அறிவியல்+அரசியல்+அழிவியல் - 13 - குமரியின் பழையாறு... மீள்வது எவ்வாறு?

மிழக நீர் வளங்களின் முக்கியத்துவமும், அவற்றின் அழிவும், மீட்டுருவாக்கமும், அதைச் சார்ந்த

தண்ணீர் - அறிவியல்+அரசியல்+அழிவியல் - 13 - குமரியின் பழையாறு... மீள்வது எவ்வாறு?

அரசியல் பிரச்னைகளைப் பற்றியும் பேச இருக்கிறது, இத்தொடர். நீர்வளங்களைப் பாதுகாக்கவும் அதை மீட்டெடுக்கவும் தூண்டுகோலாக இந்தப் பகுதி அமையும்.

காவிரி, வைகை, தாமிரபரணி என்று பெயர் சொல்லிக்கொள்கிற அளவுக்குப் பெரிய ஆறுகள் எதுவுமில்லாத மாவட்டம் என்றால், அது கன்னியாகுமரிதான். இம்மாவட்டத்தில் ஓடும் ஆறுகள் அனைத்தும் சிறியவை. ஆனால், அவற்றின் பாசன அமைப்பு நம்மை வியக்க வைக்கிறது. அதனால்தான் நெல், வாழை, மலர்கள், மரப்பயிர்கள் என்று இன்றும் விவசாயம் செழித்துக் கொண்டிருக்கிறது. குறிஞ்சி, முல்லை, மருதம், நெய்தல் என்ற நான்கு வகை நிலங்களும் ஒருங்கே கொண்ட மாவட்டமாகத் திகழ்கிறது, கன்னியாகுமரி. இந்த மாவட்டத்தில் ஆறுகள் பெரியளவில் இல்லாமல் போனதற்குக் காரணம், அதன் நிலவியல் அமைப்புதான். இருப்பினும் மாவட்டம் முழுவதும் இருக்கும் சிற்றாறுகள், கால்வாய்கள் தண்ணீரை பல பகுதிகளுக்குக் கொண்டு சேர்த்துப் பாசனத்துக்கும் குடிநீருக்கும் உதவி வருகின்றன.

தண்ணீர் - அறிவியல்+அரசியல்+அழிவியல் - 13 - குமரியின் பழையாறு... மீள்வது எவ்வாறு?

கோதையாறு, பறளியாறு, பழையாறு, தாமிரபரணி (குழித்துறையாறு) மற்றும் சித்தாறு ஆகியவை முக்கிய ஆறுகள். இவற்றோடு ஆழத்துறையாறு, வள்ளியாறு, மாம்பழத்துறையாறு, முல்லையாறு என்று சிறிய ஆறுகளும் உண்டு. கோதையாறு இடது கால்வாய், பாண்டியன் கால், பத்மநாபபுரம் புத்தனார் கால்வாய், தோவாளை வாய்க்கால் ஆகியவை முக்கியமான கால்வாய்கள். பருவ மழையின்போது, மேற்குத்தொடர்ச்சி மலையிலிருந்து வரும் தண்ணீர்தான் இந்த ஆறுகளுக்கு மூல ஆதாரம்.

தண்ணீர் - அறிவியல்+அரசியல்+அழிவியல் - 13 - குமரியின் பழையாறு... மீள்வது எவ்வாறு?

கன்னியாகுமரி மாவட்டத்தின் பாசன முறை, முதற்சங்க காலத்திலேயே தொடங்கியிருக்கிறது. ஆய் மன்னர் காலத்தில் அதாவது கி.மு 4-ம் நூற்றாண்டு மற்றும் கி.பி 9-ம் நூற்றாண்டுகளிலேயே பாசன முறை தொடங்கிப் பரவலாயிருக்கிறது. அதனால்தான் ‘நாஞ்சில் நாடு’ வளம் கொழிக்கும் நிலமாக உருமாறியுள்ளது. பொதுவாக, நெல் பயிரிடும் பகுதிகளைத் தண்ணீர் வளமுள்ளவை என்று சொல்வார்கள். அதன்படி நாஞ்சில் நாட்டில், பல நூற்றாண்டுகளுக்கு முன்பிருந்தே நெல் பயிரிடப்பட்டு வருகிறது. சங்க காலத்தில் எழுதப்பட்ட புறநானூறு, பதிற்றுப்பத்து, மதுரைக்காஞ்சி பாடல்களில் நாஞ்சில் நாட்டின் சிறப்புகள் பற்றிப் பாடப்பட்டுள்ளன.

கன்னியாகுமரி மாவட்டத்தில் ஓடும் ஆறுகள் அனைத்தையுமே ‘ஓடைகள்’ என்றே சொல்லலாம். அவற்றின் ஓடு தூரம் (நீளம்) அதிகபட்சம் 50 கிலோமீட்டர் தூரத்துக்குள்தான் இருக்கும். ஆறுகள், கால்வாய்கள், குளங்கள், ஏரிகள் என்று தொடர்ச்சியாக நீர்நிலைகளும் இருக்கிறது.

தண்ணீர் - அறிவியல்+அரசியல்+அழிவியல் - 13 - குமரியின் பழையாறு... மீள்வது எவ்வாறு?

கோதையாற்றின் குறுக்கே கட்டப்பட்டுள்ள பேச்சிப்பாறை அணை, பறளியாற்றின் குறுக்கே கட்டப்பட்டுள்ள பெருஞ்சாணி அணை ஆகியவைதான் மாவட்டத்தின் முக்கிய அணைகள். பேச்சிப்பாறை அணையிலிருந்து நீளும் கோதையாறு, பெருஞ்சாணி அணையிலிருந்து நீளும் பறளியாறு ஆகிய இரண்டும் திருவட்டாறு என்ற இடத்தில் இணைந்து தாமிரபரணி ஆறு (குழித்துறை ஆறு) தொடங்குகிறது.
 
பேச்சிப்பாறை அணையையும் பெருஞ்சாணி அணையையும் இணைக்கும் மாபெரும் கால்வாய், ‘கோதையாறு இடது கால்வாய்’ என்று அழைக்கப்படுகிறது. இதை அமைத்தது, பாண்டிய மன்னன். இதேபோல, பெருஞ்சாணி அணையிலிருந்து செல்லும், பாண்டியன் கால் என்று அழைக்கப்படும் கால்வாய்தான், பழையாறாகப் பயணித்து மணக்குடி என்ற இடத்தில் கடலில் கலக்கிறது. பாண்டிய மன்னனால் கட்டப்பட்ட பாண்டியன் அணைதான் இன்று பெருஞ்சாணி அணை என்று அழைக்கப்படுகிறது. அணையை அமைத்து அதிலிருந்து கால்வாய் உருவாக்கி, ஓர் ஆறே உருவாவதற்கு அடிக்கோடிட்ட பாண்டிய மன்னன், பாராட்டுக் குரியவர்தான். அவரால் அமைக்கப்பட்ட கால்வாய் மற்றும் அணை ஆகியவை, நூற்றாண்டுகள் கடந்தும் அதன் பெருமையைப் பேசுகின்றன. இந்த அணைக் கட்டுமானத்தில் உள்ள பொறியியல் ஆளுமை மெச்சத்தகுந்தது.

அதன்பிறகு வந்த திருவாங்கூர் சமஸ்தானம்... கால்வாய், அணைகளைக் கட்டி குமரி மாவட்டத்துக்கு மேலும் சிறப்புச் சேர்த்துள்ளது. பறளியாற்றின் திட்டமாகக் கருதப்படும் நாஞ்சில்நாடு புத்தனார் கால்வாய், 1750-ம் ஆண்டு கட்டப்பட்டது. இதற்குக் காரணமானவர் திருவாங்கூர் சமஸ்தானத்தைச் சேர்ந்த மார்த்தண்ட வர்மன்.

கன்னியாகுமரியின் ஆறுகளில் நீளமானது என்று சொல்லப்படும் பழையாற்றின் குறுக்கே 11 தடுப்பணைகள் கட்டப்பட்டுள்ளன. இந்தப் பழையாறு, பல ஏரிகளுக்குத் தண்ணீர் வழங்கி வருகிறது. மாவட்டத்தின் போதுமான நீர்த்தேவையை, இந்த ஆறுதான் நிறைவேற்றி வருகிறது. இது 37-40 கிலோமீட்டர் நீளமுடையது.

கன்னியாகுமரியின் பழைய ஆறுகளில் முக்கியமானது பறளியாறு. மேற்குத்தொடர்ச்சி மலையின் மகேந்திரகிரி மலைப்பகுதியில் உருவாகும் நீர் பெருஞ்சாணி அணையில் சேர்கிறது. அங்கிருந்து நீளும் பறளியாறானது கோதையாற்றுடன் சேர்ந்து தாமிரபரணி ஆறாகத் தேங்காய்ப்பட்டினம் என்ற இடத்தில் கடலில் கலக்கிறது. இந்த ஆற்றின் குறுக்கேதான் மாத்தூர் தொட்டிப்பாலம் கட்டப்பட்டுள்ளது. நிறைய திரைப்படங்களில் இந்தப் பாலத்தைப் பார்த்திருப்போம். வள்ளியாறு 16 கிலோமீட்டர் தொலைவுடையது. இது வள்ளிமலையிலிருந்து உற்பத்தியாகிறது.

கன்னியாகுமரி மாவட்டத்தின் மொத்தப் பரப்பளவு 1,67,200 ஹெக்டேர். இதில் பாதியளவு நிலப்பரப்பில் மலைகள்தான் இருக்கின்றன. மீதியுள்ள 74,712 ஹெக்டேர் பரப்பில் (44.6 சதவிகிதம்)விவசாயம்தான் நடைபெறுகிறது. பெரும் தொழிற்சாலைகளோ, கம்பெனிகளோ எட்டிப்பார்க்காத இம்மாவட்டத்தில் விவசாயம்தான் பிரதானம். ஆண்டுதோறும் இரண்டு போகச் சாகுபடி நடைபெற்று வருகிறது. இதற்குக் கைகொடுத்து வருபவை ஆறுகள், கால்வாய்கள், ஏரிகள்தான். இந்த அமைப்புகளைச் சரியாகப் பராமரிப்பதும் பாதுகாப்பதும் அவசியம். கால்வாய்களில் பல இடங்களில் சேறும் சகதியும், தாவரங்களும் மண்டியிருப்பதால், மழைக்காலத்தில் எளிதில் தண்ணீர் செல்ல முடிவதில்லை. இதனால், தண்ணீரின் போக்கு ஒழுங்கு இல்லாமல் இருக்கிறது.

அதேபோல, குமரியின் முக்கிய ஆறான பழையாற்றின் குறுக்கே உள்ள 11 தடுப்பணைகளும் சரியாகப் பராமரிக்கப்படாததால்... சமீபத்தில் வீசிய ஒகி புயல் காரணமாக மிகுதியாக வந்த தண்ணீர் வீணானது. தடுப்பணைகள் கட்டுவதன் நோக்கமே ஆங்காங்கே தண்ணீரைத் தேக்கி விவசாயத்துக்குப் பயன்படுத்துவதுதான். ஆனால், அதன் நோக்கமே சீர்குலைந்துள்ளது. அதேபோல, இந்த ஆற்றில் சாக்கடைக் கழிவு நீரும் கலந்துவிடப்படுகிறது. தடுப்பணைகளில் ஒன்றான சபரி அணை சாக்கடை நீராக உருமாறியுள்ளது. இந்த அணைகளுக்குச் செல்லும் கால்வாய்களிலும் குப்பைகள் கொட்டப்படுவதால், பாழடைந்திருக்கின்றன.

பண்டைய தமிழர்கள் மழை வரும் காலத்தை அறிந்து, நீர் நிலைகளைச் சரி செய்ய வேண்டிய நேரத்தையும் தெளிவாகத் தெரிந்து வைத்திருந்தனர். அதன்படி சரியாகச் செய்தும் வந்தனர். தற்போது, நீர்நிலைகளின் மீது மக்களுக்கிருந்த அதிகாரம் குறைந்து போனதால், ‘யாரோ சரி செய்யப்போகிறார்கள், நமக்கென்ன?’ என்ற மனநிலை உருவாகிவிட்டது. ஆனால், யாரோ ஒருவர் செய்தாலும், அவர்களைச் (அரசை) செய்ய வைக்கும் பொறுப்பு மக்களிடம்தான் உள்ளது. குமரி மாவட்டம் படித்தவர்கள் அதிகமுள்ள மாவட்டம். புரிந்து கொள்வார்கள் என்று நினைக்கிறேன்.

- பாயும்  

அணைகளும் பயன்பெறும் பகுதிகளும்

பேச்சிப்பாறை அணையின் மூலம் தக்கலை, கொளச்சல், விளவங்கோடு, திருவட்டாறு உள்ளிட்ட பகுதிகள் பயன்பெறுகின்றன.

பெருஞ்சாணி அணையின் மூலம் தோவாளை, நாகர்கோவில், ஆரல்வாய்மொழி, திருப்பதிசாரம், அழகியபாண்டியபுரம், புத்தேரி உள்ளிட்ட பகுதிகள் பயன்பெறுகின்றன.

பழையாற்றின் குறுக்கே கட்டப்பட்டுள்ள அணைக்கட்டுகள்

வீரப்புலி, குட்டை, பள்ளிகொண்டான் அணை, வீரமங்கலம் அணை, சபரி அணை, குமரி அணை, சோழந்தட்டான் அணை, பிள்ளை பெத்தான் அணை, மிஷன் அணை உள்ளிட்டவை.

கேள்வி-பதில்

நிலத்தடி நீரை அறிய உதவும் கருவி!


“தேங்காய், நீர்க்குடம், இரும்புச்சங்கிலி ஆகியவற்றைக் கொண்டு... நிலத்தடி நீர் இருப்பைக் கண்டுபிடிக்கிறார்கள். இப்படி நீரோட்டம் பார்ப்பதற்கு நவீனக் கருவிகள் உள்ளனவா?”

-சோ.சண்முகவேலு, பேரையூர், மதுரை.


“நிலத்தடி நீரை அளவிட ‘நில அளவியல் கருவி’ (Geo Physical Survey Equipment) எனும் கருவி, இந்தியாவில் அறிமுகப்படுத்தப்பட்டுப் பல ஆண்டுகள் ஆகின்றன. மின்சாரத்தால் இயங்கும் இக்கருவியோடு இணைக்கப்பட்டிருக்கும் வயரை நிலத்தின் பல இடங்களில் பரவி வைத்துவிட வேண்டும். அதன் வயர்கள் இணைக்கப்பட்டிருக்கும் பகுதியைக் கையில் பிடித்துக்கொண்டு, நிலத்தின்மீது நடந்து சென்றால், பூமிக்குள் நீர்வளம் இருக்கும் இடத்தில் மின்புள்ளிகள் (எலெக்ட்ரிசிட்டி பாயின்ட்) மூலம் அளவுகள் காட்டப்படும். அந்த அளவுகளுக்கு ஏற்ப நீர் எத்தனை அடி ஆழத்தில் இருக்கிறது என்பதைத் துல்லியமாக அறியலாம். இந்தக் கருவி அதிக நம்பகத்தன்மை கொண்டது. முன்பெல்லாம் இதுபோன்ற கருவிகள் கிடையாது. அதனால், தேங்காய், இரும்புச்சங்கிலி என்று பயன்படுத்தி வந்தோம். இப்போது அறிவியல் ரீதியாகத் துல்லியமாக அளவிடும் கருவிகள் இருக்கின்றன. இக்கருவியின் விலை 10 ஆயிரம் ரூபாய் முதல் 15 ஆயிரம் ரூபாய் வரை இருக்கும்.”

தண்ணீர் - அறிவியல்+அரசியல்+அழிவியல் - 13 - குமரியின் பழையாறு... மீள்வது எவ்வாறு?

“நான் கிணற்றிலிருந்து 600 அடி தள்ளிப் பண்ணைக்குட்டை அமைத்திருக்கிறேன். இந்தப் பண்ணைக்குட்டையிலிருந்து நீர்க்கசிவு ஏற்பட்டுக் கிணற்றுக்கும் போர்வெல்லுக்கும் தண்ணீர் சென்று விடுகிறது. இதனால், பண்ணைக்குட்டை வற்றி விடுகிறது. இந்த நீர்க்கசிவைத் தடுக்க என்ன செய்யலாம்?”

-முத்தையா, சங்கரன்கோவில், திருநெல்வேலி.


“பண்ணைக்குட்டை என்றில்லை, கிணறு, ஏரி என்று எதுவாக இருந்தாலும் அதில் நீர்க்கசிவு ஏற்படுகிறது என்றால் அதற்கு மண்தான் காரணம். குறிப்பாகப் ‘போரஸ் சாயில்’ என்று சொல்லப்படும் சரளை மண்ணில் எளிதில் நீர்க்கசிவு ஏற்படும். இதைத் தடுக்க மழைக்காலத்தின்போது பண்ணைக்குட்டையின் உள்பக்கத்தில் தரமான, அதேசமயம் திடமான பிளாஸ்ட்டிக் ஷீட்டை விரித்து (பரிசல் போன்ற அமைப்பு) அதில் மழைநீரைச் சேகரிக்க வேண்டும். இப்படிச் செய்தால் நீர்க்கசிவு இருக்காது.”

தண்ணீர் - அறிவியல்+அரசியல்+அழிவியல் - 13 - குமரியின் பழையாறு... மீள்வது எவ்வாறு?

கேள்விகள் கேட்கலாம்!

தண்ணீர் வளம், பாசன நுட்பங்கள்... குறித்த உங்களின் கேள்விகளுக்குப் பதில் அளிக்கவுள்ளார், மூத்த பொறியாளர் அ.வீரப்பன். கேள்விகளை, தண்ணீர்-கேள்வி பதில் பகுதி, பசுமை விகடன், 757, அண்ணா சாலை, சென்னை-600 002 என்ற முகவரிக்கு அஞ்சல் மூலமும், pasumaivikatan@gmail.com என்ற மின்னஞ்சல் முகவரிக்கும் அனுப்பலாம்.