Published:Updated:

தரமான கன்றுகள்... நியாயமான விலை... விவசாயிகளுக்கு உதவும் மருங்குளம் பழப்பண்ணை!

தரமான கன்றுகள்... நியாயமான விலை... விவசாயிகளுக்கு உதவும் மருங்குளம் பழப்பண்ணை!
பிரீமியம் ஸ்டோரி
தரமான கன்றுகள்... நியாயமான விலை... விவசாயிகளுக்கு உதவும் மருங்குளம் பழப்பண்ணை!

நாற்றுப்பண்ணைகு.ராமகிருஷ்ணன், படங்கள்: ம.அரவிந்த்

தரமான கன்றுகள்... நியாயமான விலை... விவசாயிகளுக்கு உதவும் மருங்குளம் பழப்பண்ணை!

நாற்றுப்பண்ணைகு.ராமகிருஷ்ணன், படங்கள்: ம.அரவிந்த்

Published:Updated:
தரமான கன்றுகள்... நியாயமான விலை... விவசாயிகளுக்கு உதவும் மருங்குளம் பழப்பண்ணை!
பிரீமியம் ஸ்டோரி
தரமான கன்றுகள்... நியாயமான விலை... விவசாயிகளுக்கு உதவும் மருங்குளம் பழப்பண்ணை!

விவசாயிகளுக்குக் காய்கறிப் பயிர்கள், பழப்பயிர்கள், மரப்பயிர்கள் போன்ற பயிர் வகைகளின் நாற்றுகள் தரமாகக் கிடைக்க வேண்டும் என்ற நோக்கத்தில்... தோட்டக்கலைத்துறை மூலம் பண்ணைகள் அமைத்து நாற்றுகளை உற்பத்தி செய்து குறைவான விலையில் விற்பனை செய்து வருகிறது, தமிழ்நாடு அரசு. அத்தகைய பண்ணைகளில் குறிப்பிடத்தகுந்த ஒரு பண்ணை, மருங்குளம் அரசு தோட்டக்கலைப் பண்ணை.

தஞ்சாவூரிலிருந்து 13 கிலோமீட்டர் தொலைவில் அமைந்துள்ளது, இந்த மருங்குளம் அரசு தோட்டக்கலைப் பண்ணை. மொத்தம் 26 ஏக்கர் 50 சென்ட் பரப்பில் பரந்து விரிந்து செழிப்பாகக் காட்சி அளிக்கும் இந்தப்பண்ணை, மாநில அளவில் புகழ் பெற்றது.

தரமான கன்றுகள்... நியாயமான விலை... விவசாயிகளுக்கு உதவும் மருங்குளம் பழப்பண்ணை!

மா, கொய்யா, பலா, சப்போட்டா போன்ற பழ வகைக்கன்றுகள் உற்பத்திக்காக, 1966-ம் ஆண்டு, ‘மருங்குளம் பழப்பண்ணை’ என்ற பெயரில் இப்பண்ணை தொடங்கப்பட்டது. நாளடைவில் தேக்கு, முந்திரி, அலங்காரச் செடிகள், மூலிகைகள், மிளகாய், கத்திரி போன்ற பயிர்களின் நாற்றுகளும் தரமாக உற்பத்தி செய்யப்பட்டு, மலிவான விலையில் விற்பனை செய்யப்பட்டது. அதனால், ‘அரசு தோட்டக்கலைப் பண்ணை’ எனப் பெயர் மாற்றம் செய்யப்பட்டது. ஆனால், விவசாயிகள் தற்போதும், இப்பண்ணையை ‘மருங்குளம் பழப்பண்ணை’ என்றுதான் அழைத்து வருகிறார்கள். இங்கு குறைவான விலையில் தரமான கன்றுகள் விற்பனை செய்யப்படுவதால், தமிழ்நாட்டின் பல்வேறு மாவட்டங்களிலிருந்தும் ஏராளமானோர், இங்கு வந்து கன்றுகள் வாங்கிச் செல்கிறார்கள். குறிப்பாக, காவிரி டெல்டா மாவட்டங்களைச் சேர்ந்த விவசாயிகள், இப்பண்ணை மூலம் அதிகப்பலன் அடைகிறார்கள்.

தரமான கன்றுகள்... நியாயமான விலை... விவசாயிகளுக்கு உதவும் மருங்குளம் பழப்பண்ணை!

விதைகள் சிறப்பிதழுக்காகப் பண்ணைக்கு ஒரு விசிட் அடித்தோம். அங்கு மரக்கன்றுகள் வாங்க வந்திருந்த துரைராஜ் என்பவரிடம் பேசியபோது, “நான் ஒரத்தநாடு பக்கத்துல இருக்குற துரையுண்டார் கோட்டை கிராமத்துல இருந்து வந்திருக்கேன். இங்க வாங்கக்கூடிய கன்றுகள் எல்லாமே நல்லா உயிர்ப்போடு பொழைச்சி வந்துடும். உறுதியா நம்பி வாங்கலாம். தனியார் வியாபாரிகள்கிட்ட வாங்குற கன்றுகளுக்கு உத்தரவாதம் இருக்காது. அதில்லாம விலையும் அதிகம். நான், மூணு வருஷத்துக்கு முன்னாடி இந்தப் பண்ணையில் இருந்து செந்தூரம், நீலம், இமாம் பசந்த் எல்லாம் கலந்து 150 மாங்கன்றுகள் வாங்கிட்டுப் போனேன். எல்லாமே நல்லா வளந்து காய்க்க ஆரம்பிச்சுருக்கு” என்றார்.

தரமான கன்றுகள்... நியாயமான விலை... விவசாயிகளுக்கு உதவும் மருங்குளம் பழப்பண்ணை!

பண்ணையின் செயல்பாடுகள் குறித்துத் தோட்டக்கலை உதவி அலுவலர் ‘விவேக்’கிடம் பேசினோம். “இங்க உற்பத்தி செய்யக்கூடிய கன்றுகள் தரமாக இருக்க, இங்கவுள்ள மண்ணும் ஒரு முக்கியமான காரணம். இந்தப் பண்ணையில் நிரந்தரப் பணியாளர்களாக 19 பேரும் தற்காலிகப் பணியாளர்களாக 9 பேரும் வேலை பார்க்கிறாங்க. தொடர்ச்சியான கண்காணிப்புல கன்றுகள் தரமாக உற்பத்தி செய்யப்படுது. செம்மண், மணல், தொழுவுரம், தேங்காய் நார், அசோஸ் ஸ்பைரில்லம், பாஸ்போ பாக்டீரியா, சூடோமோனஸ், டிரைக்கோடெர்மா விரிடி மாதிரியான இயற்கை இடுபொருள்களை மட்டும்தான் இங்க பயன்படுத்துறோம். போன வருஷம், 47 லட்சம் ரூபாய்க்குக் கன்றுகள் விற்பனை செய்யப்பட்டுருக்கு. இந்த வருஷம் 71 லட்சம் ரூபாய் இலக்கு வெச்சுருக்கோம். 

தரமான கன்றுகள்... நியாயமான விலை... விவசாயிகளுக்கு உதவும் மருங்குளம் பழப்பண்ணை!
தரமான கன்றுகள்... நியாயமான விலை... விவசாயிகளுக்கு உதவும் மருங்குளம் பழப்பண்ணை!

மரக்கன்றுகள், மூலிகைச் செடிகள், பழமரக்கன்றுகள், அலங்காரச் செடிகள்னு கோடிக்கணக்கான நாற்றுகள் உற்பத்தி செய்றோம். இதோடு நெட்டை ரகத் தென்னங்கன்றுகள், செடி முருங்கை நாற்றுகள், நெல்லி நாற்றுகள், நாட்டு ரக மாதுளை நாற்றுகள், நாட்டு ரக எலுமிச்சை நாற்றுகள்னும் உற்பத்தி செய்றோம்” என்றார் விவேக்.

தரமான கன்றுகள்... நியாயமான விலை... விவசாயிகளுக்கு உதவும் மருங்குளம் பழப்பண்ணை!

நிறைவாகப் பேசிய விவேக், “இங்க உற்பத்தி செய்யப்படுற ஒட்டுரக மாங்கன்றுகளுக்கு விவசாயிகள்கிட்ட ஏகப்பட்ட வரவேற்பு. நாங்களே ஒட்டுக்கட்டி, கன்றுகள உற்பத்தி செய்றோம். விவசாயிகள் எங்க பண்ணையைப் பயன்படுத்திக்கணும்” என்று அழைப்புவிடுத்தார். 

மருங்குளம் பழப்பண்ணையில் கிடைக்கும் கன்றுகளின் விவரம் இங்கே கொடுக்கப்பட்டுள்ளது.

மரக்கன்றுகள்

தேக்கு, மகோகனி, ரோஸ்வுட், வேங்கை, செம்மரம், புங்கன், வேம்பு, பூவரசு, வில்வம், விலா, நீர் மருது, கரு மருது உள்ளிட்ட ரகங்கள்.

மூலிகைச் செடிகள்

சோற்றுக்கற்றாழை, துளசி, கருந்துளசி, திருநீற்றுப்பச்சிலை, தூதுவளை, நொச்சி, சித்தரத்தை, பிரண்டை, ஓமவள்ளி, நன்னாரி, வெற்றிலை, தவசி முருங்கை, கரிசலாங்கண்ணி, கீழாநெல்லி, வல்லாரை உள்ளிட்ட ரகங்கள்.

பூச்செடிகள்

ரோஜா, அரளி, மல்லிகை, செம்பருத்தி, காக்கரட்டான், ஜாதிமுல்லை, சந்தனமுல்லை, பவளமல்லி, இட்லிப்பூ, பாரிஜாதம், மைசூர்மல்லி, நந்தியாவெட்டை, செண்பகப்பூ, புளுமேரியா, தங்க அரளி.

மிளகாய் நாற்றுகள்

பிரியங்கா, சியாரா.

மாங்கன்றுகள்

பெங்களூரா, பஞ்சவர்ணம், பீத்தர், பாதிரி, ருமானி, செந்துரா, மல்கோவா, பங்கனப்பள்ளி, காலப்பாடு, இமாம் பசந்த், நீலம், அல்போன்ஸா ஆகிய ரகங்கள்.

கொய்யாக் கன்றுகள்

லக்னோ 49, அலகாபாத், பனாரஸ்.

பலாக் கன்றுகள்

பட்டுக்கோட்டை பலா, பண்ருட்டி, சிங்கப்பூர் பலா, முத்தாண்டிக் குப்பம் உள்ளிட்ட ரகங்கள்.

சப்போட்டாக் கன்றுகள்

கிரிக்கெட்பால், பெரியகுளம்-1, ஓவல், துவரப்பொடி உள்ளிட்ட ரகங்கள்.

கத்திரி நாற்றுகள்

மணப்பாறை, ரவையா, சம்யுக்தா.