Published:Updated:

மரத்தடி மாநாடு: பெட்ரோல், டீசலுக்கு மானியம் கிடைக்குமா? - எதிர்பார்ப்பில் விவசாயிகள்!

மரத்தடி மாநாடு: பெட்ரோல், டீசலுக்கு மானியம் கிடைக்குமா? - எதிர்பார்ப்பில் விவசாயிகள்!
பிரீமியம் ஸ்டோரி
மரத்தடி மாநாடு: பெட்ரோல், டீசலுக்கு மானியம் கிடைக்குமா? - எதிர்பார்ப்பில் விவசாயிகள்!

ஓவியம்: வேல்

மரத்தடி மாநாடு: பெட்ரோல், டீசலுக்கு மானியம் கிடைக்குமா? - எதிர்பார்ப்பில் விவசாயிகள்!

ஓவியம்: வேல்

Published:Updated:
மரத்தடி மாநாடு: பெட்ரோல், டீசலுக்கு மானியம் கிடைக்குமா? - எதிர்பார்ப்பில் விவசாயிகள்!
பிரீமியம் ஸ்டோரி
மரத்தடி மாநாடு: பெட்ரோல், டீசலுக்கு மானியம் கிடைக்குமா? - எதிர்பார்ப்பில் விவசாயிகள்!

ருவத்துக்கு வந்திருந்த பசுமாட்டைப் பொலிகாளையுடன் இனச்சேர்க்கை செய்துவிட்டுத் தோட்டத்துக்குக் கூட்டிச் சென்று கொண்டிருந்தார், ‘ஏரோட்டி’ ஏகாம்பரம். வியாபாரத்தை முடித்துவிட்டு வந்து கொண்டிருந்த ‘காய்கறி’ கண்ணம்மாவும் ஏரோட்டியுடன் இணைந்து கொண்டார். கண்மாய்ப் பாதையிலிருந்து தோட்டத்துக்குத் திரும்பும் இடத்தில், மிதிவண்டியில் வந்து கொண்டிருந்த ‘வாத்தியார்’ வெள்ளைச்சாமியும் அவர்களோடு இணைந்துகொள்ள... நாட்டு நடப்புகளைப் பேசிக்கொண்டே நடக்க ஆரம்பித்தனர்.

நடந்துகொண்டே ஒரு செய்தியைச் சொல்லி அன்றைய மாநாட்டை ஆரம்பித்து வைத்தார், வாத்தியார். “டீசல் மோட்டார்ல இயங்குற படகு வெச்சுருக்குற மீனவர்களுக்கு டீசல் வாங்குறதுக்கு அரசாங்கம் மானியம் கொடுக்குது. அதே மாதிரி, விவசாயிகளுக்கும் பெட்ரோல், டீசலுக்கு மானியம் கொடுக்கணும்னு விவசாயிகள் கேட்க ஆரம்பிச்சுருக்காங்க. டிராக்டர், பவர் டில்லர், ஸ்பிரேயர், பிரஷ் கட்டர்னு நிறைய இயந்திரங்கள் மானிய விலையில் கிடைக்கிறதால, ஏராளமான விவசாயிகள் இந்த மாதிரி இயந்திரங்களைப் பயன்படுத்த ஆரம்பிச்சுருக்காங்க. இந்த இயந்திரங்கள் எல்லாமே பெட்ரோல் அல்லது டீசல்ல இயங்குற இயந்திரங்கள்தான். இப்போ பெட்ரோல், டீசல் விலையெல்லாம் உச்சத்துல இருக்குறதால, விவசாயிகளுக்கு அதிகச் செலவாகுது. அதனால, விவசாயிகளுக்கும் மானியம் கொடுக்கணும்னு கேட்க ஆரம்பிச்சுருக்காங்க” என்று சொல்லிக் கொண்டிருக்கும்போதே மூவரும் தோட்டத்துக்குள் நுழைந்துவிட்டனர்.

மரத்தடி மாநாடு: பெட்ரோல், டீசலுக்கு மானியம் கிடைக்குமா? - எதிர்பார்ப்பில் விவசாயிகள்!

ஏரோட்டி, மாட்டை நிழலில் கட்டி வைத்துவிட்டு வந்தவுடன் மூவரும் மரத்தடியில் அமர்ந்து மாநாட்டைத் தொடர்ந்தனர்.

ஒரு செய்தியைச் சொல்ல ஆரம்பித்த ஏரோட்டி, “இந்திய அளவுல பட்டுக்கூடு உற்பத்தி செய்ற மாநிலங்கள்ல தமிழ்நாடும் ஒன்று. பட்டுக்கூடு உற்பத்தி செய்ற விவசாயிகளுக்குத் தமிழ்நாடு பட்டுவளர்ச்சித்துறை சார்பிலேயும் மத்தியப் பட்டு வாரியம் சார்பிலேயும் நிறைய மானியம் கொடுத்துட்டு இருக்காங்க.

ஒட்டுமொத்த விகடனுக்கும் ஒரே ஷார்ட்கட்!

மரத்தடி மாநாடு: பெட்ரோல், டீசலுக்கு மானியம் கிடைக்குமா? - எதிர்பார்ப்பில் விவசாயிகள்!

அதன்படி தமிழ்நாடு அரசு சார்பில 2016-17-ம் வருஷத்துல ரெண்டு மானியத் திட்டங்களை அறிவிச்சு கொடுக்க ஆரம்பிச்சாங்க. அதாவது, முட்டை வாங்கிட்டு வர்ற விவசாயிகளுக்குப் போக்குவரத்துச் செலவுக்காக ஒரு முட்டைக்கு ஒரு ரூபாய் மானியம்னும், 80 சதவிகித அளவு பட்டுக்கூடு மகசூல் எடுக்குற விவசாயிகளுக்கு ஒரு கிலோ பட்டுக்கூடுக்கு 10 ரூபாய் மானியம்னும் கொடுத்தாங்க. அப்போ இருந்தே, ‘80 சதவிகத மகசூல் எடுக்குற விவசாயிகளுக்கு மட்டுமில்லாம பட்டுக்கூடு உற்பத்தி பண்ற எல்லா விவசாயிகளுக்கும் மானியம் கொடுக்கணும்.

ஒரு கிலோ கூடுக்கு 10 ரூபாய்ங்கிறதை அதிகரிச்சு கொடுக்கணும்’னு விவசாயிகள் கேட்டுட்டு இருந்தாங்க. ஆனா, மானியத்தை உயர்த்தாம, ரெண்டு வருஷமா இந்த ரெண்டு மானியத்தையும் அடியோடு நிறுத்திட்டாங்க. இதே நேரத்துல கர்நாடகா மாநிலத்துல 50 சதவிகித அளவு மகசூல் எடுக்குற விவசாயிகளுக்கே ஒரு கிலோ கூடுக்கு 50 ரூபாய் மானியம் கொடுத்துட்டு ருக்காங்க. தமிழ்நாட்டுல ஒரு நடவடிக்கையும் எடுக்குறதில்லைனு விவசாயிகள் புலம்பிட்டு இருக்காங்க. பட்டு வளர்ச்சித் துறை அதிகாரிகள்கிட்ட கேட்டா மாநில அரசு நிதி ஒதுக்கலைனு சொல்லிக் கையை விரிக்கிறாங்களாம்” என்றார்.

காய்கறி, தான் கொண்டு வந்திருந்த கேழ்வரகு புட்டை எடுத்து ஆளுக்குக் கொஞ்சம் கொடுத்தார். அதைச் சாப்பிட்டுக்கொண்டே ஒரு செய்தியைச் சொல்ல ஆரம்பித்தார், வாத்தியார்.

“நாகப்பட்டினத்துல இருக்குற தமிழ்நாடு மீன்வளப் பல்கலைக்கழகமும் திருச்சி வானொலி நிலையமும் இணைஞ்சு ‘பண்ணைக் குட்டைகளில் மீன் வளர்ப்பு’ங்கிற வானொலி வேளாண்மைப் பள்ளிப் பாடத்தை ஆரம்பிச்சுருக்காங்க.

மரத்தடி மாநாடு: பெட்ரோல், டீசலுக்கு மானியம் கிடைக்குமா? - எதிர்பார்ப்பில் விவசாயிகள்!

வர்ற அக்டோபர் மாசம் 7-ம் தேதியில இருந்து டிசம்பர் மாசம் வரை மொத்தம் 13 பாடங்களை வானொலியில நடத்தப் போறாங்க. பண்ணைக் குட்டை அமைக்கிறது, மீன் வகைகள், தீவன மேலாண்மை, நோய் மேலாண்மைனு பல தலைப்புகள்ல பேராசியர்களும், அனுபவ விவசாயிகளும் பாடம் நடத்தப்போறாங்க. அந்தத் தொடர் முடிஞ்சதும் ஒருநாள் நேரடிப் பயிற்சி வகுப்பும் நடத்தப் போறாங்களாம். இந்தப் பாடத்தைத் திருச்சி வானொலி முதல் அலைவரிசை 936 khz- லயும், காரைக்கால் பண்பலை வானொலி 100.3 mhz-லயும் கேக்கலாமாம்” என்றார். அந்த நேரத்தில் வெயில் ஏறத்தொடங்க... “மாட்டுக்குத் தண்ணி காட்டிட்டு இடம் மாத்திக் கட்டிட்டு வர்றேன்” என்று சொல்லிக்கொண்டே எழுந்து சென்றார், ஏரோட்டி. அன்றைய மாநாடும் அதோடு முடிவுக்கு வந்தது.

கயிறு பொருள்களுக்கு ஐரோப்பிய நாடுகளின் அங்கீகாரம்!

அண்மையில் பொள்ளாச்சிக்கு அருகிலுள்ள மணக்கடவு வாணவராயர் வேளாண் கல்லூரியில் உலகத் தென்னைத் தினவிழா கொண்டாடப்பட்டது. வாணவராயர் வேளாண் கல்லூரி, கோயமுத்துார் தென்னை உற்பத்தியாளர் நிறுவனம், விநாயகா தென்னை உற்பத்தியாளர் நிறுவனம் ஆகியவை இணைந்து இவ்விழாவை நடத்தின. விழாவில், மத்தியக் கயிறு வாரியத் தலைவர் ராதாகிருஷ்ணன், சக்தி குழும டெக்ஸ்டைல்ஸ் பிரிவு செயல் இயக்குநர் ராஜ்குமார், கோயம்புத்தூர் தோட்டக்கலைக் கல்லுாரி மற்றும் ஆராய்ச்சி நிலைய முதல்வர் ஜவஹர்லால், தென்னை வளர்ச்சி வாரியத் துணை இயக்குநர் பாலசுதாகரி, தென்னிந்தியத் தென்னை சாகுபடியாளர்கள் சங்கத் தலைவர் கிருஷ்ணசாமி ஆகியோர் கலந்துகொண்டனர்.

விழாவில் பேசிய மத்தியக் கயிறு வாரியத் தலைவர் ராதாகிருஷ்ணன், “தென்னை விவசாயிகள் கூட்டுறவு அமைப்பை உருவாக்கி, தென்னையில் மதிப்புக்கூட்டப்பட்ட பொருள்களைத் தயாரிக்க வேண்டும். தென்னையிலிருந்து தயாரிக்கும் கயிறுப் பொருள்களுக்கு ஐரோப்பிய நாடுகளில் அங்கீகாரம் கிடைத்துள்ளது. அமெரிக்க நாடுகளிலும் அங்கீகாரம் பெறுவதற்கான பணிகளை மேற்கொண்டு வருகிறோம். விரைவில், தென்னைநார் கொண்டு தயாரிக்கப்படும் பர்னிச்சர் பொருள்கள், உலக அளவில் விற்பனை செய்யப்படும். மரங்களைக் கொண்டு தயாரிக்கப்படும் பிளைவுட் பொருள்களுக்காக மரங்களை அழிக்க வேண்டும். ஆனால், தென்னை நாரில் தயாரிக்கப்படும் பிளைவுட் பொருள்களுக்குத் தென்னையை வாழ வைத்தால் போதும்.

கயிறு வாரியம், ‘இகோ மார்க்’ பெற்றுள்ளது. இது ‘கெஜட்டில்’ அறிவிக்கப்பட்ட பிறகு பிளைவுட் பொருள்களின் ஏற்றுமதி அதிகரிக்கும். ‘கொப்பரை விலை வீழ்ச்சியடையும்போது, ஆதரவு விலையை உயர்த்தி மத்திய அரசே கொப்பரையைக் கொள்முதல் செய்ய வேண்டும்’ எனப் பிரதமர் மோடியிடம் வேண்டுகோள் வைத்துள்ளோம்” என்று உறுதியாகப் பேசினார்.

“அலுவலர்கள் பிரச்னை செய்தால் நீதிமன்றம் கடுமையாக அணுகும்!”

  மத்திய அரசு, சென்னை-சேலம் எட்டு வழிப் பசுமைச் சாலைத் திட்டத்துக்கு நிலம் கையகப்படுத்துவதற்கான அறிவிப்பை வெளியிட்டுள்ளதை எதிர்த்து... பொது நல மனுக்கள் தாக்கல் செய்யப்பட்டுள்ளது.  இவ்வழக்கு, நீதிபதிகள் டி.எஸ்.சிவஞானம், பவானி சுப்பராயன் அடங்கிய, ‘டிவிஷன் பெஞ்ச்’ முன், விசாரணைக்கு வந்தது. ‘மறு உத்தரவு வரும் வரை, நில உரிமையாளர்களை நிலத்தைவிட்டு அப்புறப்படுத்தக் கூடாது’ என நீதிபதிகள் உத்தரவிட்டுள்ளனர். தொடர்ந்து நடந்த வழக்கு விசாரணைக்குப் பிறகு... ‘நிலம் கையகப்படுத்துவதற்கான அறிவிப்பு வெளியிடப்படும் என மனுதாரர்கள் கருதுவது போல எதுவும் நடக்காது’ என கூடுதல் சொலிசிட்டர் ஜெனரல் சொல்லியிருக்கிறார். தற்போதும் அவரது கருத்து தொடர்கிறது. வனத்துறை சார்பில், மேற்கொண்டு தீவிர நடவடிக்கைகள் இருக்கக்கூடாது.

தமிழக அரசோ, அலுவலர்களோ, எந்தக் கடுமையான நடவடிக்கைகளையும் நிலம் கையகப்படுத்துவதில் மேற்கொள்ளக் கூடாது என, ஏற்கெனவே தெரிவித்து உள்ளோம். எனவே, இந்த விஷயத்தில், எந்தப் பிரச்னையும் செய்யக்கூடாது என களத்தில் இருக்கும் அதிகாரிகளுக்குத் தேவையான உத்தரவுகளைப் பிறப்பிக்க வேண்டும். பிரச்னை செய்தால், நீதிமன்றம் அந்த விஷயத்தைக் கடுமையாக அணுகும். விசாரணை, வரும் செப்டம்பர் 24-ம் தேதிக்குத் தள்ளி வைக்கப்படுகிறது’ என நீதிபதிகள் உத்தரவிட்டுள்ளனர்.

-ஜி.பிரபு

மரத்தடி மாநாடு: பெட்ரோல், டீசலுக்கு மானியம் கிடைக்குமா? - எதிர்பார்ப்பில் விவசாயிகள்!

திருத்தம்!

கடந்த 25.9.2018 தேதியிட்ட பசுமை விகடன் இதழில், 18-ம் பக்கத்தில் ‘மண்புழு உரம்... மாடித்தோட்டம்... நெகிழிக்கு மாற்று...’ கட்டுரை இடம்பெற்றிருந்தது. இதில் பேரூராட்சிகள் இயக்குநர் எஸ்.பழனிச்சாமி ஐ.ஏ.எஸ் படத்துக்குப் பதிலாக, வேறொருவரின் புகைப்படம் இடம் பெற்றுவிட்டது. தவறுக்கு வருந்துகிறோம்.

- ஆர்