Published:Updated:

வடகிழக்குப் பருவமழை பயன் தருமா? - பல்கலைக்கழகம் கணிப்பு

வடகிழக்குப் பருவமழை பயன் தருமா? - பல்கலைக்கழகம் கணிப்பு
பிரீமியம் ஸ்டோரி
News
வடகிழக்குப் பருவமழை பயன் தருமா? - பல்கலைக்கழகம் கணிப்பு

முன்னறிவிப்பு

அக்டோபர் மாதம் முதல் டிசம்பர் மாதம் வரை நிலவவிருக்கும் வடகிழக்குப் பருவமழைக்காலத்தில், தமிழகத்துக்குக் கிடைக்கக்கூடிய மழையளவு குறித்த அறிவிப்பை வெளியிட்டிருக்கிறது, தமிழ்நாடு வேளாண்மைப் பல்கலைக்கழகம். அந்த அறிக்கையில்... “தமிழ்நாடு வேளாண்மைப் பல்கலைக் கழகத்திலுள்ள வேளாண் காலநிலை ஆராய்ச்சி மையம் மூலம், ஜூன் மற்றும் ஆகஸ்ட் மாதங்களில் பசிபிக் பெருங்கடலில் பூமத்திய ரேகையை ஒட்டியுள்ள கடற்பகுதியில் ஆராய்ச்சி மேற்கொள்ளப்பட்டது. கடலின் மேற்பரப்பு நீரின் வெப்பநிலை மற்றும் அதன் மண்டலக் காற்றழுத்த குறியீடு ஆகியவற்றைக் கொண்டு... ஆஸ்திரேலியா நாட்டிலிருந்து பெறப்பட்ட ‘மழை மனிதன்’ என்னும் கணினி மென்பொருளின் மூலம் தமிழகத்துக்குக் கிடைக்கும் மழையளவு கணக்கிடப்பட்டுள்ளது. தமிழ்நாட்டில் தென்மேற்கு மற்றும் வடகிழக்கு பருவகால சராசரி மழையளவு 925 மி.மீ. இந்த ஆண்டு, தமிழகத்தில் பல மாவட்டங்களில் 60 சதவிகித அளவு மழை கிடைக்க வாய்ப்புண்டு. பொதுவாகவே தமிழகம் முழுவதும் சராசரி மழையளவு கிடைக்க வாய்ப்புண்டு” என்று தெரிவிக்கப்பட்டுள்ளது.

வடகிழக்குப் பருவமழை பயன் தருமா? - பல்கலைக்கழகம் கணிப்பு

வடகிழக்குப் பருவமழை குறித்துப் பேசிய வேளாண் காலநிலை ஆராய்ச்சி மையத்தின் பேராசிரியர் மற்றும் தலைவர் பன்னீர்செல்வம், “தற்போதைய பருவத்தில் தமிழ்நாட்டின் வட கிழக்கு மண்டலப்பகுதியைச் சேர்ந்த விவசாயிகள்... நிலக்கடலை, கம்பு, மானாவாரி நெல், கொடிவகைக் காய்கறிகள், தர்பூசணி ஆகிய பயிர்களைச் சாகுபடி செய்யலாம். வடமேற்கு மண்டலப்பகுதியைச் சேர்ந்த விவசாயிகள்... மரவள்ளி, நிலக்கடலை, பயறு வகைகள், ஆமணக்கு, மானாவாரி தக்காளி, சோளம், மக்காச்சோளம், கேழ்வரகு, வெண்டை, வெங்காயம் ஆகிய பயிர்களைச் சாகுபடி செய்யலாம். மேற்கு மண்டலப் பகுதியைச் சேர்ந்த விவசாயிகள்... நிலக்கடலை, ஆமணக்கு, துவரை, சோளம், மக்காச்சோளம் ஆகியவற்றைச் சாகுபடி செய்யலாம். காவிரி டெல்டா மண்டலத்தைச் சேர்ந்த விவசாயிகள்... நெல், எள், கம்பு, சோளம், மக்காச்சோளம், சாமந்தி, சம்பங்கி, செவ்வந்தி ஆகியவற்றைச் சாகுபடி செய்யலாம்.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
வடகிழக்குப் பருவமழை பயன் தருமா? - பல்கலைக்கழகம் கணிப்பு
வடகிழக்குப் பருவமழை பயன் தருமா? - பல்கலைக்கழகம் கணிப்பு

தெற்கு மண்டலப்பகுதியைச் சேர்ந்த விவசாயிகள்... மக்காச்சோளம், நிலக்கடலை, பயறு வகைகள், காய்கறிகள், பருத்தி, சிறுதானியங்கள், மல்லிகை, செவ்வந்தி ஆகிய பயிர்களைச் சாகுபடி செய்யலாம். அதிக மழைபெறும் மண்டலத்தைச் சேர்ந்த விவசாயிகள்... நெல், நிலக்கடலை, பயறு வகைகள் ஆகிய பயிர்களைச் சாகுபடி செய்யலாம். தாழ்வான பகுதிகளில் நிலம் வைத்திருப்பவர்கள், வடிநீர் வாய்க்கால்களை அமைக்க வேண்டும். விவசாயிகள், நிலத்தில் பண்ணைக் குட்டை அமைத்து மழைநீரைச் சேமிக்கலாம். மரம் வளர்க்கும் விவசாயிகள் மரங்களைச் சுற்றி பாத்தி அமைத்து நிலத்தில் தண்ணீர் சேமிக்கலாம்” என்று ஆலோசனை வழங்கினார். தொடர்புக்கு

வடகிழக்குப் பருவமழை பயன் தருமா? - பல்கலைக்கழகம் கணிப்பு

வேளாண் காலநிலை ஆராய்ச்சி மையம், தமிழ்நாடு வேளாண் பல்கலைக்கழகம், கோயம்புத்தூர்.

தொலைபேசி: 0422 6611319/6611519

- துரை.நாகராஜன்