Published:Updated:

அதிகரிக்கும் சிறுதானியச் சாகுபடி!

அதிகரிக்கும் சிறுதானியச் சாகுபடி!
பிரீமியம் ஸ்டோரி
News
அதிகரிக்கும் சிறுதானியச் சாகுபடி!

திட்டம்

றண்ட மற்றும் மானாவாரிப் பகுதியில் சோளம், கம்பு, கேழ்வரகு, சாமை, தினை, வரகு, பனிவரகு, குதிரைவாலி ஆகிய சிறுதானியப் பயிர்கள்தான் முன்னிலை வகிக்கின்றன. குறிப்பாக ஏழை மக்களின் பொருளாதார வளர்ச்சியில் சிறுதானியங்கள் பெரும்பங்கு வகிக்கின்றன. இந்நிலையில், ‘பசுமை விகடன்’ சிறுதானியங்கள் சிறப்பிதழுக்காக... தமிழக வேளாண்மைத் துறை இயக்குநர் தட்சிணாமூர்த்தியைச் சந்தித்துச் சிறுதானியங்களுக்காகத் தமிழக அரசு மேற்கொண்டு வரும் திட்டங்கள் குறித்துப் பேசினோம்.

“இந்த ஆண்டுத் தமிழகத்தில் மழை ஓரளவு கைகொடுத்துள்ளது. அதனால், விவசாயிகள் நெல் சாகுபடிப் பக்கம் திரும்பியிருக்கிறார்கள். ஆனால், நெல்லைவிட அதிகம் கைகொடுப்பது, சிறுதானியப் பயிர்கள்தான். அதனால்தான் தமிழகத்தில் சிறுதானியங்களை அதிக அளவில் சாகுபடி செய்ய ஊக்குவித்து வருகிறோம். பெரம்பலூர், சேலம், திண்டுக்கல், தூத்துக்குடி, திருப்பூர், விருதுநகர், கடலூர், விழுப்புரம், ஈரோடு ஆகிய 9 மாவட்டங்களைத் தேர்வு செய்து, அம்மாவட்டங்களில் சிறுதானியச் சாகுபடி குறித்து மாதிரி பண்ணைகள், விளக்கத்திடல்கள் என அமைத்துள்ளோம். தேசிய உணவுப்பாதுகாப்பு இயக்கத்தின் கீழ் சிறுதானியங்களை மேம்படுத்தவும் முயற்சிகள் மேற்கொண்டு வருகிறோம்.

அதிகரிக்கும் சிறுதானியச் சாகுபடி!

2017-18-ம் ஆண்டில் சேலம், கோயம்புத்தூர், தர்மபுரி, கிருஷ்ணகிரி, திருச்சி, பெரம்பலூர், திருப்பூர், திண்டுக்கல், தேனி, தூத்துக்குடி ஆகிய 10 மாவட்டங்களில் 5.77 கோடி ரூபாய் செலவில், சிறுதானியப் பயிர்களில் மேம்படுத்தப்பட்ட சாகுபடி முறைகளுக்கான தொகுப்பு செயல் விளக்கங்கள், பயறுவகைப் பயிர்களில் ஊடுபயிர் உயர் விளைச்சல் ரகங்கள் மற்றும் வீரிய ஒட்டு ரகங்கள், விதை விநியோகம் ஆகிய திட்டங்களைச் செயல்படுத்தியுள்ளோம். இத்திட்டங்கள் மூலம் 26,741 விவசாயிகள் பயனடைந்துள்ளனர்.

சிறுதானியங்களின் முக்கியத்துவத்தைக் கருத்தில்கொண்டு, சிறுதானியங்களின் உற்பத்தியை அதிகரிக்க, 2018-19-ம் ஆண்டில் தேசிய உணவுப் பாதுகாப்பு இயக்கத்தின் கீழ்... தொகுப்பு மாதிரி விளக்கத் திடல்கள் அமைத்தல், சான்று விதைகள் மற்றும் வீரிய ஒட்டு ரக விதைகள் விநியோகம், ஊடுபயிர்கள் குறித்த விளக்கம், செயல் விளக்கத் திடல்கள், ஒருங்கிணைந்த உர நிர்வாகம் குறித்த விளக்கம், ஒருங்கிணைந்த பூச்சி நிர்வாகம் குறித்த விளக்கம், கைதெளிப்பான்கள் விநியோகம் மற்றும் விளம்பரம் போன்ற திட்ட இனங்களைச் செயல்படுத்த ஒப்புதல் அளிக்கப்பட்டுள்ளது” என்ற தட்சிணாமூர்த்தி நிறைவாக,

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
அதிகரிக்கும் சிறுதானியச் சாகுபடி!

“தமிழ்நாட்டில் 2011-12-ம் வருடம், 6.38 லட்சம் ஹெக்டேராக இருந்த சிறுதானிய சாகுபடிப்பரப்பு, 2017-18-ம் ஆண்டில் 9.16 லட்சம் ஹெக்டேர் அளவுக்கு உயர்ந்துள்ளது. ஓவ்வோர் ஆண்டும் சாகுபடிப் பரப்பும் உற்பத்தி அளவும் அதிகரித்துக் கொண்டேதான் இருக்கின்றன. சிறுதானியங்கள் பற்றிய தகவல்கள் தேவைப்படும் விவசாயிகள், அந்தந்த மாவட்டங்களில் உள்ள வேளாண் விரிவாக்க மையங்களில் கேட்டுத் தெரிந்து கொள்ளலாம்” என்று அழைப்புவிடுத்தார்.

- துரை.நாகராஜன்