Published:Updated:

அள்ளித்தரும் அக்கரைச் சீமை... ஏற்றுமதிக்கு வழிசொல்லும் வெற்றி சூத்திரங்கள்! - 6

அள்ளித்தரும் அக்கரைச் சீமை... ஏற்றுமதிக்கு வழிசொல்லும் வெற்றி சூத்திரங்கள்! - 6
பிரீமியம் ஸ்டோரி
அள்ளித்தரும் அக்கரைச் சீமை... ஏற்றுமதிக்கு வழிசொல்லும் வெற்றி சூத்திரங்கள்! - 6

மதிப்புக்கூட்டினால் ஏற்றுமதியில் கலக்கலாம்!ஏற்றுமதி

அள்ளித்தரும் அக்கரைச் சீமை... ஏற்றுமதிக்கு வழிசொல்லும் வெற்றி சூத்திரங்கள்! - 6

மதிப்புக்கூட்டினால் ஏற்றுமதியில் கலக்கலாம்!ஏற்றுமதி

Published:Updated:
அள்ளித்தரும் அக்கரைச் சீமை... ஏற்றுமதிக்கு வழிசொல்லும் வெற்றி சூத்திரங்கள்! - 6
பிரீமியம் ஸ்டோரி
அள்ளித்தரும் அக்கரைச் சீமை... ஏற்றுமதிக்கு வழிசொல்லும் வெற்றி சூத்திரங்கள்! - 6

ஏற்றுமதியில் உத்தரவாதமானதும், நீண்ட நாள் தாங்கக்கூடியதுமான பொருள் என்றால் அது மதிப்புக்கூட்டப்பட்ட பொருள்கள்தான். மதிப்புக்கூட்டுவதற்குப் பெரிய பெரிய இயந்திரங்களெல்லாம் தேவையில்லை. சாதாரண முறைகளிலேயே மதிப்புக்கூட்டலாம். உதாரணத்துக்கு வெண்டைக்காயை எடுத்துக் கொள்வோம். வெண்டைக்காய் ஒரு கிலோ இங்கு 10-15 ரூபாய்க்கு விற்கிறோம். அதையே 1 இன்ச் அளவுக்கு சிறிதாக நறுக்கி மோரும், உப்பும் கலந்த கலவையில் சேர்த்து வெயிலில் காயவைத்தால் வெண்டை வத்தல் தயார். 3 கிலோ வெண்டைக்காயை நறுக்கி காயவைத்தால் ஒரு கிலோ வத்தல் கிடைக்கும். 1 கிலோ வத்தல் 110 ரூபாய்க்குச் சிங்கப்பூர் மற்றும் மலேசியாவுக்கு அனுப்பலாம். நம் நாட்டிலும் இந்த விலைக்குத்தான் விற்பனையாகிறது. 3 கிலோ வெண்டைக்காய் விற்பனையின் மூலம் 30-45 ரூபாய்தான் கிடைக்கும். அதையே மதிப்புக்கூட்டினால் லாபத்தின் அளவு அதிகரிக்கிறது. நம்மிடையே ஒரு பழக்கம் இருக்கிறது ‘முத்தலைத்தான் வத்தல் போடுவோம்’ என்று நினைக்கின்றனர். இந்த வழக்கத்தை மாற்றிக்கொள்ள வேண்டும்.

அள்ளித்தரும் அக்கரைச் சீமை... ஏற்றுமதிக்கு வழிசொல்லும் வெற்றி சூத்திரங்கள்! - 6

காய்கறி வத்தலில் வருமானம்!

இதேபோன்று கத்திரி, மணத்தக்காளி விதைகள், கோவக்காய்(திமிட்டி வத்தல்), அவரைக்காய், கொத்தவரங்காய், சுண்டைக்காய் என இந்தப் பட்டியல் நீள்கிறது.  இதேபோல, வத்தலை கிலோ கணக்கில் பாக்கெட் போடக்கூடாது. 100 கிராம், 50 கிராம் பாக்கெட்களாக விற்பனை செய்யலாம். நம் நாட்டிலேயே வத்தல்களுக்குப் பெரிய வரவேற்பு இருக்கிறது. 100 கிராம் வத்தல் 35 ரூபாய் எனச் சூப்பர் மார்க்கெட்களில் விற்பனையாகிறது. அதற்கடுத்து இருப்பது மிளகாய். இன்று  ஐந்து நட்சத்திர ஹோட்டல்களிலேயே தயிர் சாதத்துக்கு மிளகாய் வத்தல்தான் வழங்கப்படுகிறது. பெரிய ஹோட்டல்கள் மட்டுமல்லாமல் அனைத்து உணவகங்களிலும் நீக்கமற பயன்படுத்தப்படுகிறது வத்தல். இதற்கான சந்தையும் நிலையாக உள்ளது. நான் ஏற்றுமதி செய்வதிலேயே வத்தல்களுக்கு முக்கிய இடம் உண்டு. விலையில்லாதபோது வந்த காசுக்கு விற்பதைவிட இது எவ்வளவோ மேலல்லவா?

அள்ளித்தரும் அக்கரைச் சீமை... ஏற்றுமதிக்கு வழிசொல்லும் வெற்றி சூத்திரங்கள்! - 6

தக்காளி பவுடருக்கு வரவேற்பு!

காய்கறிகளில் தக்காளி அடிக்கடி குறைந்த விலைக்கு விற்கப்பட்டு, ரோட்டில் கொட்டும் நிலையில் உள்ளது. இதற்கு மாற்று ஏற்பாடு அதை மதிப்புக்கூட்டுவதுதான். சிலர் தக்காளி ஊறுகாய் போடுகிறார்கள், இதையே பவுடராக்கினால் அதற்கு நல்ல விற்பனை வாய்ப்பு உள்ளது.

அள்ளித்தரும் அக்கரைச் சீமை... ஏற்றுமதிக்கு வழிசொல்லும் வெற்றி சூத்திரங்கள்! - 6

நட்சத்திர ஹோட்டல்களில் கொடுக்கப் படும் தக்காளி சூப் பெரும்பாலும் தக்காளி பவுடரில்தான் தயாரிக்கப்படுகிறது. அதனால், தக்காளியை வெட்டி காயவைத்துப் பவுடராக்கினால் நல்ல விலை கிடைக்கும். 100 கிலோ தக்காளியைக் காயவைத்துப் பவுடராக்கினால் 12-15 கிலோ பவுடர் கிடைக்கும். 1 கிலோ தக்காளி பவுடர் 250 ரூபாய்க்கு மேல் விற்பனையாகிறது. 100 கிலோ தக்காளியை 1 கிலோ 10 ரூபாய்க்கு விற்றால்கூட 1,000 ரூபாய்தான் கிடைக்கும். அதையே மதிப்புக்கூட்டினால் 3,000 ரூபாய்க்கு மேல் கிடைக்கும். இதேபோன்று முள்ளங்கி, புதினா, முருங்கை இலை, கறிவேப்பிலையைப் பவுடராக்கி விற்பனை செய்தால் கூடுதல் லாபம் பார்க்க முடியும்.

அள்ளித்தரும் அக்கரைச் சீமை... ஏற்றுமதிக்கு வழிசொல்லும் வெற்றி சூத்திரங்கள்! - 6

புளியை விரும்பும் மலேசியா!

வெளிநாடுகளில் நல்ல வரவேற்பு உள்ள பொருள்களில் புளியும் ஒன்று. புளியின் ஓடு நீக்கி, நார் பிரித்து, விதைகளை எடுத்துவிட்டு, அச்சில் புளியை அடைத்து நமக்குத் தேவையான வடிவங்களில் புளியை உருவாக்கிக் கொள்ளலாம். செவ்வகம், சதுரம், வட்டம் என்று பல வடிவங்களில் விற்கலாம். புளியோடு சர்க்கரை சேர்த்து உருட்டினால் அதுவொரு மிட்டாய் ஆகிவிடும். விமானங்களில் பயணிக்கும்போது வாந்தி வராமல் இருப்பதற்காக இந்த மிட்டாய் வழங்கப்படுகிறது.

அள்ளித்தரும் அக்கரைச் சீமை... ஏற்றுமதிக்கு வழிசொல்லும் வெற்றி சூத்திரங்கள்! - 6

கறுப்பாக இருக்கும் பழைய புளி நல்ல புளிப்புச் சுவை கொண்டது. இதற்கு மலேசியாவில் நல்ல விற்பனை வாய்ப்பு உள்ளது. அதேபோன்று செம்மண் நிறத்தில் இருக்கும் புதிய புளி இனிப்புச் சுவை கொண்டது. இதற்குச் சிங்கப்பூரில் நல்ல விற்பனை வாய்ப்பு உள்ளது. புளிக்கு இங்கிருக்கும் சந்தைவிலையைவிட ரூ.50லிருந்து 100 ரூபாய் வரை கூடுதலாக விற்க முடியும். நான் புளூ ஆப்பிள் என்ற பிராண்ட் பெயரில் புளியைத்தான் ஏற்றுமதி செய்து வருகிறேன். நீண்ட நாள்கள் கெடாமல் இருப்பு வைத்து விற்பனை செய்வதற்கு ஏற்ற பொருள் புளி.

அள்ளித்தரும் அக்கரைச் சீமை... ஏற்றுமதிக்கு வழிசொல்லும் வெற்றி சூத்திரங்கள்! - 6

பதமான உணவுகள்!

இதற்கடுத்து இருப்பது பதப்படுத்தப்பட்ட உணவு வகைகள். இதற்கும் பெரிய மெனக்கெடல் தேவைப்படாது. வினிகரில் வெள்ளரி விதைகள், நெல்லி ஆகியவற்றை ஊறவைத்து விற்பனை செய்யலாம். தேனில் நெல்லி, அத்திப்பழம் உள்ளிட்டவற்றைப் போட்டு விற்பனை செய்வதற்கு அனுப்பலாம். அதேபோன்று வேகவைத்த மக்காச்சோளத்தைப் பாக்கெட் செய்து அப்படியே விற்கலாம். உலர் பழங்கள், பருப்பு வகைகள் ஆகியவையும் மதிப்புக் கூட்டலில்தான் வரும். இதேபோன்று மஞ்சள் உணவு, காஸ்மெட்டிக், மருந்து தயாரிப்பில் பயன்படுகிறது.

அள்ளித்தரும் அக்கரைச் சீமை... ஏற்றுமதிக்கு வழிசொல்லும் வெற்றி சூத்திரங்கள்! - 6

அரிசி, ஜவ்வரிசி கொண்டு தயாரிக்கும் வடத்துக்கு நல்ல வரவேற்பு உண்டு. மதிப்புக்கூட்டப்பட்டப் பொருள்களை விற்க அவசரம் இல்லை. இருப்பு வைத்து விற்க முடியும். உள்ளூர், வெளிநாடுகள் என்று சந்தைகள் பரவலாக இருக்கின்றன. நாம் செய்யவேண்டியது தரமான பேக்கிங்கில், கவரக்கூடிய விதத்தில் ஒரு பிராண்ட் பெயரை வைத்து பொருள்களைத் தயார் செய்ய வேண்டும்.

அள்ளித்தரும் அக்கரைச் சீமை... ஏற்றுமதிக்கு வழிசொல்லும் வெற்றி சூத்திரங்கள்! - 6

மதிப்புக்கூட்டலுக்குத் தஞ்சாவூரில் உள்ள இந்திய உணவு பதப்படுத்தும் நிறுவனம், மைசூருவில் உள்ள மத்திய உணவுத் தொழில்நுட்ப ஆராய்ச்சி நிலையம், சென்னையடுத்த அலமாதியில் உள்ள பால்வளத் தொழில்நுட்பக் கல்லூரி, தமிழ்நாடு வேளாண்மைப் பல்கலைக்கழத்தில் உள்ள அறுவடை பின்சார் தொழில்நுட்ப துறை, சென்னையில் உள்ள பேக்கிங் இன்ஸ்ட்டியூட் எனப் பல அமைப்புகள் குடிசைத் தொழில் முதல் பெரிய இண்டஸ்ட்ரி வரை மதிப்புக்கூட்டலுக்கு வழிகாட்டுகின்றன. மேற்சொன்னவற்றைத் தவிர்த்து மதிப்புக்கூட்டலில் இன்னும் பல பொருள்கள் இருக்கின்றன. அவற்றைப் பற்றி முழுமையாகத் தெரிந்துகொண்டு ஏற்றுமதியில் ஈடுபடலாம்.

- ஏற்றுமதி பெருகும்

- கே.எஸ்.கமாலுதீன்,

தொகுப்பு. த.ஜெயகுமார்

எஃப்.எஸ்.எஸ்.ஐ சான்று

மதிப்புக்கூட்டப்பட்ட பொருள்களுக்கு எஃப்.எஸ்.எஸ்.ஐ (Food Safety and Standards Authority of India) தரச்சான்றிதழ் பெறுவது அவசியம். ஊறுகாய், மாம்பழ கூழ், பன்னீர், மில்க் ஷேக், பழச்சாறு வகைகள் உள்ளிட்ட பொருள்களுக்கு இந்த அமைப்பில் சான்றிதழ் பெற வேண்டும்.

இதற்கு foodlicensing.fssai.gov.in என்ற இணையதளத்தில் சென்று விண்ணப்பிக்க வேண்டும். இதற்கான தொகை 7,500 ரூபாய். இந்தச் சான்றிதழ் உள்நாட்டில் விற்க கண்டிப்பாகத் தேவை. வெளிநாடுகளுக்கும் இது தேவைப்படுகிறது. இதோடு இறக்குமதியாளர் கேட்கும் சான்றிதழ்களையும் வாங்கிப் பொருள்களை அனுப்ப வேண்டி இருக்கும்.

அள்ளித்தரும் அக்கரைச் சீமை... ஏற்றுமதிக்கு வழிசொல்லும் வெற்றி சூத்திரங்கள்! - 6

கேள்விகள் கேட்கலாம்!

ஏற்றுமதி வியாபாரம் குறித்த உங்களின் கேள்விகளுக்குப் பதில் அளிக்கவுள்ளார், கே.எஸ்.கமாலுதீன். கேள்விகளை ஏற்றுமதி, கேள்வி-பதில் பகுதி, பசுமை விகடன், 757, அண்ணா சாலை, சென்னை-600 002 என்ற முகவரிக்கு அஞ்சல் மூலமும், pasumai@vikatan.com என்ற மின்னஞ்சல் முகவரிக்கும் அனுப்பலாம்.

கேள்வி பதில்

“தேங்காயைத் தேடும் துபாய்!”

“இந்தியாவிலிருந்து அயல் நாடுகளுக்கு ஏற்றுமதி ஆகும் அனைத்து பொருள்களின் பெயர் பட்டியல் தரக்கூடிய இணையதள முகவரியின் பெயரைச் சொல்லவும்?”

லாவண்யா, ஆதம்பாக்கம், சென்னை-88


“ஏற்றுமதி சம்பந்தமான கொள்கை முடிவுகள், திட்டங்கள், புதிய அறிவிப்புகள் உள்ளிட்ட அனைத்து விஷயங்களையும் தருகிறது மத்திய வர்த்தக அமைச்சகத்தின் கீழ் இயங்கும் commerce.gov.in என்ற இணையதளம். இந்த இணையதள முகப்புப் பக்கத்தில் about us என்பதைக் கிளிக் செய்து அதில் Division என்பதைக் கிளிக் செய்தால் Export Products Division என்று காட்டும். அதைக் கிளிக் செய்தால் வேளாண் பொருள்கள், எலெக்ட்ரிக் பொருள்கள், ஜூவல்லரி, பார்மாச்சுட்டிகல்ஸ் என ஏற்றுமதி செய்யப்படும் பொருள்களின் பட்டியலையும், அது கடந்த மூன்றாண்டுகளில் வர்த்தகம் ஆன விவரத்தையும் தெரிந்து கொள்ளலாம். இதேபோன்று www.indiantradeportal.in என்ற இணையதளத்திலும் தகவல்களைப் பெறலாம்.”

“என்னிடம் நிறைய தேங்காய் உள்ளது. இதை எப்படி ஏற்றுமதி செய்வது? இதற்குத் தேவையான அடிப்படை விஷயங்களைச் சொல்லவும்?”

பி.தனபால், சேலம்.


“தேங்காய் ஏற்றுமதிக்குத் துபாயில் உள்ள ஆவிர் மார்க்கெட் முக்கியச் சந்தையாக உள்ளது. ஏற்றுமதி செய்ய ஒரு தேங்காயின் அளவு 450-550 கிராம் எடை அல்லது 13-14 இன்ச் வெளிசுற்றளவு இருக்க வேண்டும். ஒரு பையில் போடும்போது 11-லிருந்து 13 கிலோ தேங்காய் (25 தேங்காய்கள்) இருக்க வேண்டும். இந்த அளவுகளில் தேங்காயை ஏற்றுமதி செய்யலாம். இதேபோன்று தேங்காயில் செய்யப்படும் கைவினை பொருள்களையும் ஏற்றுமதி செய்யலாம். ஏற்றுமதி செய்வதற்குத் தேவையான ஆவணங்களைத் தயார் செய்துகொண்டு, தென்னை வாரியத்தில் பதிவு செய்து தேங்காய் ஏற்றுமதியில் ஈடுபடலாம்.”

அனுப்புவதற்கு முன் தயார் செய்ய வேண்டிய ஆவணங்கள்...

கடந்த இதழில் இறக்குமதியாளரிடம் கேட்க வேண்டிய 10 விஷயங்கள் பற்றிக் குறிப்பிட்டிருந்தேன். அவர்களிடம் பேசி ஆர்டர் பெற்ற பிறகு, அந்த ஆர்டரை உறுதிப்படுத்திக் கொள்வது குறித்தும், அவற்றிற்கான ஆவணங்களைத் தயார் செய்வதும் குறித்தும் பார்ப்போம். இந்த ஆவணங்களை நமக்குப் புரியும்படி சொல்வதென்றால் இன்வாய்ஸ் அல்லது கொட்டேஷன் என்று சொல்லலாம். இந்த ஆவணங்களை நான்கு வகையாகப் பிரிக்கலாம். அவை

அடிப்படை ஆவணங்கள் (Basic Documents)
தாய் ஆவணங்கள் (Mother Documents)
அலுவல் ஆவணங்கள் (Official Documents)
ஷிப்பிங் ஆவணங்கள் (Shipping Documents)

இங்கிருந்து வாழைக்காய், பாகற்காய், கத்திரி, முருங்கைக்காய் இந்த விலைக்கு அனுப்புகிறேன் என்று அவர்களுக்குப் புகைப்படத்தை அனுப்பி இதைத்தான், இந்த சைஸில், இந்த விலைக்கு அனுப்புகிறேன் என்பதைத் தெரிவிக்க வேண்டும். இதற்குப் ‘புரோபார்மா’ (Proform) என்று சொல்வர். இறக்குமதியாளர் இல்லை... இல்லை... இந்த விலைக்கு, இந்தச் சைஸில்தான் வேண்டும் என்று திரும்பவும் ஒரு விலையைச் சொல்வார்.

உதாரணமாகச் சமீபத்தில் எனக்குக் கத்தார் நாட்டில் உள்ள தோஹாவிலிருந்து ஒரு ஆர்டர் கிடைத்தது. நான் ஒரு கிலோ காய்கறியின் விலை 1.716 US$, 1.624 US$, 1.856 US$ என்று விலையை அனுப்பியிருந்தேன். அவர்கள் 1.5 அமெரிக்க டாலர் (108 ரூபாய்) விலையில் அனைத்து காய்கறிகளையும் அனுப்ப முடியுமா என்று  கேட்டிருக்கிறார்கள். அவர்கள் சொல்லும் விலை, கிடைக்கும் ஆர்டரின் அளவு, விவசாயிகளிடம் வாங்கும் விலை, எனக்கான மார்ஜின் விலை ஆகியவற்றைக் கணக்கிட்டு முடிவு எடுப்பேன். அவர்களிடம் உடனடியாக எதுவும் சொல்லவில்லை. அந்த விலை நமக்குக் கட்டுப்படியானால் மட்டுமே, அந்த ஆர்டரை அனுப்புவதற்கான வேலையைத் தொடங்குவேன். இறக்குமதியாளரிடம் பர்ச்சேஸ் ஆர்டரைப் பெற்ற பிறகு சேல்ஸ் அக்ரிமென்ட் போட வேண்டும். இதுபோன்ற விஷயங்கள் அடிப்படை ஆவணங்கள் எனப்படும். 

மதர் டாக்குமெண்ட்ஸில் கமர்ஷியல் இன்வாய்ஸ் தயாரிக்க வேண்டும். ஏற்றுமதி செய்யப்படும் பொருள்களுக்கு இது தேவை. அடுத்துப் பேக்கிங் லிஸ்ட்.

இதில் கிராஸ் வெய்ட், நெட் வேய்ட்டைக் கணக்கிட வேண்டும். கிராஸ் வெய்ட் என்பது பேக்கிங்குடன் கூடிய எடை. நெட் வெய்ட் என்பது பொருளின் எடையைக் குறிக்கும். இறக்குமதியாளரிடம் பேக்கிங் நெட் வேய்ட்டிலா, கிராஸ் வேய்ட்டிலா என்பதை முன்கூட்டியே உறுதி செய்து கொள்ள வேண்டும்.

மதிப்புக்கூட்டலுக்கு உதவும் அமைப்புகள்...

மதிப்புக்கூட்டலுக்கு உதவும் அமைப்புகளின் முகவரி மற்றும் தொடர்பு எண்கள்...

 பதப்படுத்தும் நிறுவனம்

இந்திய உணவு பதப்படுத்தும் தொழில்நுட்ப நிறுவனம், புதுக்கோட்டை சாலை,
தஞ்சாவூர்- 613005
தொலைபேசி: 04362 228155

அறுவடை பின்சார்

பேராசிரியர் மற்றும் தலைவர்,
அறுவடை பின்சார் தொழில்நுட்ப மையம், தமிழ்நாடு வேளாண்மைப் பால்கலைக்கழகம்,
கோயம்புத்தூர்-641003
தொலைபேசி 0422 6611268,
0422 6611340
செல்போன்: 94426 52834

பேக்கிங்

துணை இயக்குநர்,
எண். 169, இண்டஸ்ட்ரியல் எஸ்டேட்,
2வது மெயின் ரோடு, பர்மா காலனி,
பெருங்குடி, சென்னை – 600096.
தொலைபேசி: 044 24960730/24961560,
செல்போன்: 93821 99089.

பால்

உணவு மற்றும் பால்வளத் தொழில்நுட்பக் கல்லூரி, அலமாதி - கொடுவேளி,
சென்னை - 600052.
தொலைபேசி: 044 27680214/15

சி.எஃப்.டி.ஆர்.ஐ

Central Food Technological Research Institute,
Cheluvamba Mansion, Valmiki Road,
Opp. Railway Museum, Devaraja Mohalla,
CFTRI Campus, Kajjihundi, Mysuru, Karnataka 570020
0821 2515910, 2514534