Published:Updated:

‘‘கல் பாத்திரங்கள்... கண்வலிச் செடி... விவரங்கள் எங்கு கிடைக்கும்?’’

‘‘கல் பாத்திரங்கள்... கண்வலிச் செடி... விவரங்கள் எங்கு கிடைக்கும்?’’
பிரீமியம் ஸ்டோரி
‘‘கல் பாத்திரங்கள்... கண்வலிச் செடி... விவரங்கள் எங்கு கிடைக்கும்?’’

நீங்கள் கேட்டவை

‘‘கல் பாத்திரங்கள்... கண்வலிச் செடி... விவரங்கள் எங்கு கிடைக்கும்?’’

நீங்கள் கேட்டவை

Published:Updated:
‘‘கல் பாத்திரங்கள்... கண்வலிச் செடி... விவரங்கள் எங்கு கிடைக்கும்?’’
பிரீமியம் ஸ்டோரி
‘‘கல் பாத்திரங்கள்... கண்வலிச் செடி... விவரங்கள் எங்கு கிடைக்கும்?’’

‘‘சேலம் பகுதியில் மாக்கல் பாத்திரங்கள் விற்பனை செய்யப்படுவதாகக் கேள்விப்பட்டோம். கேஸ் அடுப்பில், மாக்கல் பாத்திரங்களைப் பயன்படுத்த முடியுமா, இதன் விவரங்களைச் சொல்லுங்கள்?’’

எஸ்.சரஸ்வதி, மந்தைவெளி.

‘‘கல் பாத்திரங்கள்... கண்வலிச் செடி... விவரங்கள் எங்கு கிடைக்கும்?’’

மாக்கல் குறித்து விழிப்பு உணர்வு ஏற்படுத்தி, விற்பனை செய்து வரும் சேலம் லியோன் பதில் சொல்கிறார்.

‘‘சேலம் மாவட்டம், ஓமலூர், நங்கவள்ளி, வாழப்பாடி மற்றும் மங்களபுரம் பகுதிகளில் மாக்கல் வெட்டி எடுக்கப்பட்டு, சமையல் பாத்திரங்கள் செய்யப்படுகின்றன. இவை சேலம் நகரிலும், அதைச் சுற்றியுள்ள பகுதிகளிலும் விற்பனைச் செய்யப்படுகின்றன. மாக்கல்லின் மகிமையைத் தமிழ்நாட்டைக் காட்டிலும் கேரள மக்கள் அதிகம் உணர்ந்துள்ளனர். இதனால், பெருமளவு மாக்கல் பாத்திரங்கள் கேரளாவுக்குச் செல்கின்றன. ஐந்து நட்சத்திர உணவகங்களில் சூப், வத்தக்குழம்பு... போன்ற குறிப்பிட்ட உணவு வகைகளை மாக்கல் பாத்திரத்தில்தான் சமைத்துக் கொடுக்கிறார்கள். மாக்கல் பாத்திரத்தில் சமையல் செய்த உணவில் ருசி கூடுதலாக இருக்கும். பருப்புச்சட்டி, பனியாரச்சட்டி... போன்ற பாத்திரங்களைப் பொதுமக்கள் வாங்கிப் பயன்படுத்தி வருகிறார்கள்.

‘‘கல் பாத்திரங்கள்... கண்வலிச் செடி... விவரங்கள் எங்கு கிடைக்கும்?’’

சேலம் பகுதி மக்கள் மாக்கல் பாத்திரத்தில் மீன்குழம்பு, கறிக்குழம்பு வைப்பதைப் பழக்கமாக வைத்துள்ளார்கள். கல் பாத்திரத்தில் சமைத்த குழம்பை உண்டவர்களுக்கு, வேறு பாத்திரத்தில் சமைத்துச் சாப்பிட்டால், சுவை குறைவாகத் தெரியும். வீடுகளில் பெரும்பாலும் கேஸ் அடுப்பில்தான் சமையல் செய்யப்படுகிறது. சிலர், கல் பாத்திரங்கள் பயன்படுத்தும் விதம் தெரியாமல், கேஸ் அடுப்பில் கல் பாத்திரத்தை வைத்து சமைக்கும்போது, பாத்திரம் வெடித்துவிட்டது என்று புகார் கூறுகிறார்கள். கல் பாத்திரத்தை எடுத்தவுடனே பயன்படுத்தக் கூடாது. முக்கியமாக, வாங்கியவுடன் எண்ணெய் தடவி சமைத்தால், கல் பாத்திரம்  வெப்பமாகி வெடித்துவிடும் வாய்ப்புகள் உள்ளன. இதற்குத்தான் ‘சட்டி பழக வேண்டும்’ என்று பேச்சுவழக்கில் சொல்வார்கள்.

அதாவது, கல்பாத்திரத்தை வாங்கிச் சென்றவுடன், ஒருநாள் முழுவதும் சோற்று கஞ்சியை ஊற்றி வைக்க வேண்டும். அடுத்த நாள், அந்தப் பாத்திரத்தில் பருப்பு வேக வைக்கலாம். அதற்கடுத்த நாள், அதாவது மூன்றாம் நாள் வழக்கமான சமையல் செய்யலாம்.

கல் பாத்திரத்தை கேஸ் அடுப்பில் வைத்து சமையல் செய்யும்போது, நுணுக்கமாக ஒரு விஷயத்தைச் செய்ய வேண்டும். அதாவது, கல் பாத்திரம் நன்றாகச் சூடானவுடனே, அடுப்பைக் குறைவான வெப்பத்தில் (சிம்மில்) எரியவிட வேண்டும். கல்பாத்திரம் சூடேறிவிட்டால், அதன் வெப்பம் குறைந்தபட்சம் 2 மணி நேரத்துக்கு நீடிக்கும். அடுத்து, கல் பாத்திரத்தைக் கவனமாகக் கையாள வேண்டும். கொஞ்சம் கவனம் சிதறி, பாத்திரம் கீழே விழுந்தாலும், உடைந்துவிட வாய்ப்புகள் உள்ளன.

கல் பாத்திரத்தில் சமைத்துச் சாப்பிடுவது உடல் நலனுக்கு நல்லது என மருத்துவர்கள் சொல்லி வருகிறார்கள். என்னுடைய அனுபவத்தில், கல் பாத்திரத்தில் வைக்கப்படும் தயிர் கெட்டியாகப் புளிப்புத் தன்மை இல்லாமல் இருக்கிறது. ஊறுகாயைக் கல் பாத்திரத்தில் வைத்தால், விரைவில் கெட்டுப்போகாது. உப்பைக் கல் பாத்திரத்தில் கொட்டி வைத்தால், எந்தக் காலத்திலும் தண்ணீர் விடாது. தற்போது, சிறுதானிய உணவு சாப்பிடுவது குறித்த விழிப்பு உணர்வு அதிகரித்து வருகிறது. சிறுதானிய உணவுகளைக் கல் பாத்திரத்தில் சமைத்துச் சாப்பிட்டால், சுவை தூக்கலாக இருக்கும். குறிப்பாகச் சிறுதானிய உணவுகளுடன் நெய்யைப் பயன்படுத்தினால், கூடுதல் சுவையாக உள்ளதை அனுபவத்தில் உணரலாம்.’’

தொடர்புக்கு, செல்போன்: 96007 33126.

‘‘மருந்து கூர்க்கன் மற்றும் கண்வலிச் செடியைச் சாகுபடி செய்ய விரும்புகிறோம். இதற்கு யாரைத் தொடர்பு கொள்வது?’’

@எம்.சுப்புராஜ்

‘‘மருந்து கூர்க்கன் என்று அழைக்கப்படும் கோலியஸ் கிழங்கின் சாகுபடிக் காலம்,

6 மாதங்கள். வடிகால் வசதியுள்ள செம்மண் மற்றும் இருமண் பாங்கான நிலங்கள் ஏற்றவை. ஆவணி மற்றும் ஐப்பசி பட்டங்களில் சாகுபடி செய்யலாம். இந்தப் பட்டங்களில் சாகுபடி செய்தால்... மழையால் பாதிக்கப்படாது. வேர்க்கிழங்குகள் மருந்துப் பொருள்களில் அதிகம் பயன்படுகின்றன. வேர்கள் கேரட்டைப்போலப் பருமனாகவும் நீளமாகவும் (30 செ.மீ வரை) இருக்கும். வேர்கள் இளமஞ்சள் நிறத்தில் வாசனைத் தன்மையுடன் இருக்கும். இதில் போர்ஸ்கோலின் (Forskolin) மூலப்பொருள் உள்ளது. இது ரத்த அழுத்தத்தைச் சீர்செய்யப் பயன்படுகிறது. இதைச் சாகுபடி செய்து ஏக்கருக்கு ஒரு லட்சம் ரூபாய் வருமானம் எடுக்கும் பல விவசாயிகள் தமிழ்நாட்டில் உள்ளனர்.

‘‘கல் பாத்திரங்கள்... கண்வலிச் செடி... விவரங்கள் எங்கு கிடைக்கும்?’’

அடுத்து கண்வலிக்கிழங்கு எனப்படும் காந்தள் மலர் மருந்துச் செடி சேலம், ஈரோடு, கரூர் திண்டுக்கல், மதுரை.... மாவட்டங்களில் சாகுபடி செய்யப்படுகிறது. செம்மண், பொறை மண் வகைகள் ஏற்றவை. வடிகால் வசதியுடைய மண் வகைகள் மிகவும் ஏற்றவை. கடினதன்மை வாய்ந்த மண்வகைகள் சாகுபடிக்கு உகந்தவை அல்ல. கிழங்கு மற்றும் விதைகளில் கோல்ச்சிசின் (Colchicines) மற்றும் சுப்பர்பின் (Superbine) ஆகிய மூலப்பொருள்கள் உள்ளன. இந்த மருந்துப் பொருள் பயிர் மேம்பாட்டு ஆராய்ச்சியில் சடுதி மாற்றத்திற்காகப் பயன்படுகின்றன. மேலும், வாதம், மூட்டுவலி, தொழுநோய், குடற்புழுக்கள், வயிற்று உபாதை மற்றும் விஷக்கடிகளுக்கும் மருந்தாகப் பயன்படுகின்றன. விதைகளில் அதிக அளவு கோல்ச்சின் மருந்து உள்ளதால், ஏற்றுமதி வாய்ப்பு அதிகமாக உள்ளது.

மருந்து கூர்க்கன் மற்றும் கண்வலிச்செடி பயிர்களின் விற்பனை வாய்ப்புகள் குறித்துத் தெளிவாகத் தெரிந்து கொள்ளவும். நல்ல லாபம் கிடைக்கும் என்று உடனே, சாகுபடி செய்ய வேண்டாம். ஏற்கெனவே, சாகுபடி செய்துள்ளவர்களின் தோட்டங்களுக்குச் சென்று, அனுபவங்களைக் கேட்டப்பின்பு பயிர் செய்யவும். சாகுபடி சம்பந்தமான தொழில்நுட்ப உதவிக்கும், கோயம்புத்தூரில் உள்ள தமிழ்நாடு வேளாண் பல்கலைக்கழகத்தில் உள்ள மூலிகை மற்றும் நறுமணப் பயிர்கள் துறையைத் தொடர்பு கொள்ளவும்.’’

தொடர்புக்கு, தொலைபேசி: 0422 6611365.

- புறாபாண்டி, ஓவியம்: வேலு

‘‘கல் பாத்திரங்கள்... கண்வலிச் செடி... விவரங்கள் எங்கு கிடைக்கும்?’’

விவசாயம், கால்நடை, மீன்வளம் மற்றும் சுற்றுச்சூழல் என்று பல துறைகள் பற்றி வாசகர்களின் சந்தேகங்களுக்கான பதில்களை உரிய நிபுணர்களிடம் பெற்றுத் தருவதற்காகவே ‘புறா பாண்டி’ சும்மா ‘பரபர’த்துக் கொண்டிருக்கிறார்.

உங்கள் கேள்விகளை ‘நீங்கள் கேட்டவை’,  பசுமை விகடன், 757, அண்ணா சாலை, சென்னை-2 என்ற முகவரிக்குத் தபால் மூலமும், pasumai@vikatan.com என்ற முகவரிக்கு இ-மெயில் மூலமும்,
99400 22128 என்ற எண்ணுக்கு வாட்ஸ்அப் மூலமும், facebook.com/PasumaiVikatan என்ற முகவரிக்கும், twitter.com/PasumaiVikatan என்ற முகவரிக்கும்  அனுப்பலாம்.