Published:Updated:

“ஆரோக்கியத் தானம் செய்றேன்!”

“ஆரோக்கியத் தானம் செய்றேன்!”
பிரீமியம் ஸ்டோரி
“ஆரோக்கியத் தானம் செய்றேன்!”

அனுபவம்ஆ.சாந்தி கணேஷ்

“ஆரோக்கியத் தானம் செய்றேன்!”

அனுபவம்ஆ.சாந்தி கணேஷ்

Published:Updated:
“ஆரோக்கியத் தானம் செய்றேன்!”
பிரீமியம் ஸ்டோரி
“ஆரோக்கியத் தானம் செய்றேன்!”

விஜி சந்திரசேகரை, வித்தியாசமான கதாபாத்திரங்களைத் தேர்ந்தெடுத்து நடிக்கும் சிறந்த நடிகையாக நமக்குத் தெரியும். அவருடைய விவசாய முகமும், இயற்கை விவசாயத்தில் அவருக்கிருக்கும் அபரிமிதமான ஈடுபாட்டையும் பார்க்கும்போது ஆச்சர்யமாக இருக்கிறது.

``இயற்கை விவசாயம் செய்றவங்க பின்னணியில் ஏதாவது ஒரு பிரச்னை வந்து, அதிலிருந்து மீண்டு வந்த கதை ஒண்ணு இருக்கும். என்னைப் பொறுத்தவரை ஆரோக்கியம்... ஆரோக்கியம்... ஆரோக்கியம்! இது ஒண்ணு மட்டும்தான், இயற்கை விவசாயத்துல ஈடுபாடு காட்டுவதற்குக் காரணம். என் சின்ன வயசிலிருந்தே, ஆரோக்கியம் சம்பந்தப்பட்ட விழிப்பு உணர்வு என் மனசுல ஊறிப் போயிடுச்சு. 

“ஆரோக்கியத் தானம் செய்றேன்!”

எங்களுக்கு சென்னையடுத்த மகாபலிபுரம் பக்கத்துல 10 ஏக்கரில் பண்ணை இருக்கு. கிட்டத்தட்ட 20 வருஷமா அந்தப் பண்ணையில் இயற்கை முறையில் விவசாயம் பண்ணிக்கிட்டிருக்கோம். ஆரம்பத்துல எங்க வீட்டுக்கு மட்டும் கத்திரிக்காய், வெண்டைக்காய், தக்காளினு சில காய்கறிகளை மட்டும் விளைவிக்கலாம்னு ஆரம்பிச்சோம். ஆனா, கடையில் வாங்குற காய்கறிகளுக்கும், எங்க பண்ணையில் இயற்கை முறையில் வளர்ந்த காய்கறிகளுக்கும் இருந்த சுவை வித்தியாசம், ரசாயன மருந்து ஏதும் தெளிக்காத ஃபிரெஷ்ஷான காய்கறிகள் ஆகியவை பிடிச்சு போச்சு. அதனால, வீட்டுக்குத் தேவையான அத்தனை காய்கறிகளையும் நம்ம பண்ணையில்தான் சாகுபடி செய்யணும்னு முடிவு பண்ணி, ஆள்களை வேலைக்கு அமர்த்திக் களத்துல இறங்கினோம். இப்ப வெங்காயத்துல ஆரம்பிச்சு கறிவேப்பிலை, கொத்துமல்லி வரைக்கும் எங்க பண்ணையில இருந்து எங்க வீட்டு சமையல் அறைக்கு வந்துக்கிட்டிருக்கு’’ என்று சிரித்துக் கொண்டே சொன்னவர், அடுத்துச் சொன்னதுதான் ஆரோக்கியத்தின் உச்சமான விஷயம்.

``காய்கறிகள் மட்டுமல்ல, சமையலுக்குத் தேவையான எண்ணெயைக்கூட நாங்க கடைகளில் வாங்குறது கிடையாதுங்க. இதுக்காக எள்ளு மட்டுமே மூணு ஏக்கருக்கு விதைச்சிருக்கோம். கடலை எண்ணெய்க்காகக் கொஞ்சம் நிலக்கடலையும் சாகுபடி செய்திருக்கோம். அறுவடை செய்த நிலக்கடலையைக் காயவெச்சு, மரச்செக்குகளில் கொடுத்து ஆட்டி எண்ணெய் எடுத்துப்போம். இந்த நல்லெண்ணெயும் கடலை எண்ணெயும்தான் அந்த வருஷம் முழுக்கச் சமையலுக்குப் பயன்படுத்துவோம். நம்ம அம்மா காலத்துல, பாட்டி காலத்துல எல்லாம் இப்படி எண்ணெய் ஆட்டி வருஷம் முழுக்கப் பயன்படுத்துவாங்கன்னு கேள்விப்பட்டிருக்கிறேன். அதைத்தான் நாங்களும் இப்போ பண்ணிக்கிட்டிருக்கோம்.

“ஆரோக்கியத் தானம் செய்றேன்!”

ராதிகா சரத்குமார், பூர்ணிமா பாக்யராஜ்னு என்னோட நெருங்கிய தோழிகள் சிலருக்கும் சொந்தக்காரங்களுக்கும் அவங்களுக்குப் பிடிச்ச காய்கறிகளை அனுப்பி வைப்பேன். மத்தபடி, வீட்டுத் தேவைக்குப் போக இயற்கை அங்காடிகளுக்கு விற்பனை செய்றோம். விளைச்சல் அதிகமா இருக்கும்போது, எங்க பண்ணை பக்கத்துல வசிக்கிறவங்களை எல்லாம் கூப்பிட்டுக் காய்கறிகளைக் கொடுத்து விடுவோம். அன்னதானம், கல்விதானம்... போல ஆரோக்கியம் குறைந்த இந்தக் காலத்துக்கு, இயற்கைக் காய்கறிகள் கொடுக்கிற ஆரோக்கியத் தானமும் அவசியம்’’ என்று அக்கறையாகப் பேசி முடித்தார் விஜி சந்திரசேகர்.