Published:Updated:

படைப்புழுத் தாக்குதல்... படையெடுத்த விவசாயிகள்!

படைப்புழுத் தாக்குதல்... படையெடுத்த விவசாயிகள்!
பிரீமியம் ஸ்டோரி
படைப்புழுத் தாக்குதல்... படையெடுத்த விவசாயிகள்!

படைப்புழுத் தாக்குதல்... படையெடுத்த விவசாயிகள்!

படைப்புழுத் தாக்குதல்... படையெடுத்த விவசாயிகள்!

படைப்புழுத் தாக்குதல்... படையெடுத்த விவசாயிகள்!

Published:Updated:
படைப்புழுத் தாக்குதல்... படையெடுத்த விவசாயிகள்!
பிரீமியம் ஸ்டோரி
படைப்புழுத் தாக்குதல்... படையெடுத்த விவசாயிகள்!

டைப்புழுத் தாக்குதல் மூலம் பயனற்றுப்போன மக்காச்சோளப் பயிர்களுக்கு உரிய இழப்பீடு வழங்கிட வலியுறுத்தி, அண்மையில் விவசாயிகள் சோளக் கதிர்களுடன் தூத்துக்குடி ஆட்சியர் அலுவலகத்தை முற்றுகையிட்டனர். தூத்துக்குடி மாவட்டத்தில் ஓட்டப்பிடாரம், கோவில்பட்டி, விளாத்திகுளம் மற்றும் எட்டயபுரம் ஆகியவை மானாவாரி விவசாயம் நிறைந்த பகுதிகளாகும். இப்பகுதியில் மானாவாரியாகக் கம்பு, சோளம், உளுந்து, பாசி, மக்காச்சோளம், வெள்ளைச்சோளம், பருத்தி உள்ளிட்ட பயிர்கள் விளைவிக்கப்படுவது வழக்கம்.

இந்த ஆண்டு விளைவிக்கப்பட்ட மக்காச்சோளப் பயிர்களில் படைப்புழுக்களின் தாக்குதலால் பயிர்கள் முழுவதும் சேதம் அடைந்துள்ளதாகவும், சேதமடைந்த பயிர்களைக் கணக்கிட்டு உடனடியாக இழப்பீடு வழங்கிடவும் வலியுறுத்தி விவசாயிகள் படைப்புழுக்கள் தாக்கிய மக்காச்சோளப் பயிர்களுடன் தூத்துக்குடி மாவட்ட ஆட்சியர் அலுவலகத்தை முற்றுகையிட்டு ஆட்சியரிடம் மனு அளித்தனர்.

படைப்புழுத் தாக்குதல்... படையெடுத்த விவசாயிகள்!

இதுகுறித்துக் கரிசல்பூமி விவசாயிகள் சங்கத்தின் தலைவர் வரதராஜன் பேசுகையில், ``தூத்துக்குடி மாவட்டத்தில் இந்த ஆண்டு புரட்டாசிப் பட்டத்தில் மானாவாரி நிலங்களில் உளுந்து, மக்காச்சோளம், வெங்காயம், மிளகாய், சூரியகாந்தி ஆகியவையும் கம்பு, குதிரைவாலி போன்ற சிறுதானியங்களையும் விவசாயிகள் பயிரிட்டுள்ளனர். கடந்த மூன்று ஆண்டுகளாக உளுந்து, பாசிப்பயறு ஆகியவற்றுக்குச் சந்தையில் சரியான விலை கிடைக்கவில்லை. அத்துடன், கடந்த 2016-17-ம் ஆண்டில் ஏற்பட்ட வறட்சியில் பாதிக்கப்பட்ட பயிர்களில் மக்காச்சோளப் பயிர்களுக்கு முன்னுரிமை அளித்துப் பயிர் காப்பீட்டுத் தொகை அளிக்கப்பட்டது. கம்பு, சோளம், உளுந்து, பாசி, வெங்காயம் ஆகிய பயிர்களுக்கு இழப்பீடு கிடைப்பதில் தாமதம் ஏற்பட்டது.

ஒட்டுமொத்த விகடனுக்கும் ஒரே ஷார்ட்கட்!

படைப்புழுத் தாக்குதல்... படையெடுத்த விவசாயிகள்!

இதனால், தற்போதைய 2018-19-ம் ஆண்டு இந்த மாவட்டத்தில் 1,70,000 ஹெக்டேர் நிலப்பரப்பில் 80 சதவிகிதம் மக்காச்சோளப் பயிரையே விவசாயிகள் சாகுபடி செய்தனர். இந்த நிலையில், இந்த ஆண்டு மக்காச்சோளப் பயிரில் குருத்துப் பகுதியில் படைப்புழு எனப்படும் குருத்துப்புழு உற்பத்தியாகி குருத்தை முழுவதுமாகத் தின்றதால் பூ பிடிக்கவில்லை. பூ பிடித்து வளர்ச்சி பெற்ற கதிர்களின் உட்பகுதியிலும் இந்தப் புழு உறிஞ்சி தாக்குதலை ஏற்படுத்தியுள்ளது. ஒரு பயிரில் 1,500 முட்டைகள் வரை இடுகிறது. இதனால், புழுக்களின் உற்பத்தியும் பெருக்கம் அடைந்தே வருகிறது.

உழவு, விதை, விதைப்பு, அடிஉரம், மேல்உரம், களைஎடுப்பு, இடுபொருள் தெளிப்பு எனத் தற்போது வரை ஏக்கர் ஒன்றுக்கு ரூ.12,000 வரை செலவாகி உள்ளது. ஏக்கருக்கு 200 குவிண்டால் மகசூல் கிடைக்கும் எனக் கடனை வாங்கிச் செலவழித்த நிலையில், தற்போது 2 குவிண்டால் கூடக் கிடைக்காது என்பதை நினைத்து விவசாயிகள் நிலைகுலைந்து போயுள்ளனர். தற்போது பயிர்கள் முழுவதும் குருத்துப் புழுக்கள் சூழ்ந்துள்ளதால் மாடுகளுக்குத் தீவனமாகக்கூட போட முடியாத சூழலில், முற்றிலும் டிராக்டரால் உழுது அழிப்பதைத் தவிர வேறு வழியில்லை.

படைப்புழுத் தாக்குதல்... படையெடுத்த விவசாயிகள்!

மக்காச்சோளம் மட்டுமல்லாமல் அதன் அருகில் பயிரிட்டுள்ள கம்பு, சோளம் போன்ற மற்ற பயிர்களிலும் ஊடுருவித் தாக்குதலை ஏற்படுத்தும் அபாயம் உள்ளது. எனவே, வேளாண்மைத்துறை அதிகாரிகள் துரிதமாகப் பாதிக்கப்பட்ட மக்காச்சோளம் விளைவிக்கப்பட்டுள்ள பகுதிகளை ஆய்வுசெய்து, பாதிக்கப்பட்ட எந்தவொரு விவசாயியும் விடுபடாமல் கணக்கீடு செய்து உரிய இழப்பீடு வழங்கிட வேண்டும். இல்லாவிட்டால் விவசாயிகள் மிகப்பெரிய அளவில் திரண்டு போராட்டம் நடத்திடுவோம்” என்றார் உறுதியாக.

விரைவில் நடவடிக்கை எடுக்கப்படும் என மாவட்ட ஆட்சியர் கூறியதைத் தொடர்ந்து விவசாயிகள் போராட்டத்தைக் கைவிட்டு கலைந்துசென்றனர்.

- இ.கார்த்திகேயன்