Published:Updated:

இழந்தது மலையளவு... கொடுப்பது கடுகளவு... அரசின் புயல் நிவாரண மோசடி!

இழந்தது மலையளவு... கொடுப்பது கடுகளவு... அரசின் புயல் நிவாரண மோசடி!
பிரீமியம் ஸ்டோரி
இழந்தது மலையளவு... கொடுப்பது கடுகளவு... அரசின் புயல் நிவாரண மோசடி!

இழப்பீடு

இழந்தது மலையளவு... கொடுப்பது கடுகளவு... அரசின் புயல் நிவாரண மோசடி!

இழப்பீடு

Published:Updated:
இழந்தது மலையளவு... கொடுப்பது கடுகளவு... அரசின் புயல் நிவாரண மோசடி!
பிரீமியம் ஸ்டோரி
இழந்தது மலையளவு... கொடுப்பது கடுகளவு... அரசின் புயல் நிவாரண மோசடி!

தமிழகத்தில் கோர தாண்டவம் ஆடிச்சென்றிருக்கும் ‘கஜா’ புயலால் மிகுந்த பாதிப்புக்குள்ளாகியிருக்கிறார்கள்  விவசாயிகள். ஆண்டுக்கணக்கில் வருமானம் கொடுத்துக் கொண்டிருந்த லட்சக்கணக்கான தென்னை மரங்கள் அடியோடு சாய்ந்து கிடக்கின்றன. விவசாயிகளின் வாழ்வாதாரங்களான நெல், வாழை, கரும்பு, மா, பலா, தேக்கு, மக்காச்சோளம், மரவள்ளி, வெற்றிலை உள்ளிட்ட பலவிதமான பயிர்கள் நாசமாகிக் கிடக்கின்றன.

இந்நிலையில் ஒட்டுமொத்த வாழ்வாதாரத்தையும் இழந்து நிர்க்கதியாய் நிற்கும் விவசாயிகள், மத்திய, மாநில அரசுகளின் நிவாரணம் மற்றும் இழப்பீடுகளைத்தான் பெரிதும் எதிர்பார்த்துக் காத்துக்கிடக்கிறார்கள்.

மத்திய அரசு இதுசம்பந்தமாகப் பெரிய அறிவிப்பை எதுவும் வெளியிடாத நிலையில், இழப்பீடு மற்றும் நிவாரணப்பணிகளுக்காக ஆயிரம் கோடி ரூபாயை ஒதுக்கி... தென்னை மரங்களை இழந்த விவசாயிகளுக்கு நிவாரணம் மற்றும் மறு சாகுபடிக்காக ஒரு ஏக்கர் பரப்புக்கு 1,05,840 ரூபாய் இழப்பீடு; வாழை, நெல், கரும்பு, காய்கறிகள் மற்றும் மலர்கள் உள்ளிட்ட பயிர்களுக்கு ஒரு ஏக்கர் பரப்புக்கு 5,400 ரூபாய் இழப்பீடு என அறிவித்துள்ளது, தமிழக அரசு. இதைத்தொடர்ந்து மிகவும் குறைவாக இழப்பீட்டுத்தொகை அறிவிக்கப்பட்டு இருப்பதாகக் குற்றம் சாட்டுகிறார்கள், விவசாயிகள்.

இழந்தது மலையளவு... கொடுப்பது கடுகளவு... அரசின் புயல் நிவாரண மோசடி!

ஒட்டுமொத்த விகடனுக்கும் ஒரே ஷார்ட்கட்!

இதுகுறித்துப் பேசிய தமிழ்நாடு தோட்டக்கலைப் பயிர்கள் உற்பத்தியாளர்கள் சங்கத் தலைவர் ‘புலியூர்’ நாகராஜன், “தமிழக அரசின் நிவாரண அறிவிப்பு, ‘யானைப் பசிக்குச் சோளப்பொரி’போல இருக்கு. ஒரு ஏக்கர்ல 1,000 வாழை மரங்கள் இருக்கும். பொங்கல் சமயத்துல ஒரு தார் 500 ரூபாய் வரை விலை போகும். அந்தக்கணக்குல ஒரு ஏக்கர்ல இருந்து கிட்டத்தட்ட 5,00,000 ரூபாய் வரை வருமானம் கிடைக்கும். புயலால ஒரு வாழைமரம்கூடத் தோப்புல இல்லை. ஒரு ஏக்கர் வாழை போட்டிருந்தாலும் கிட்டத்தட்ட ஐந்து லட்சம் ரூபாய் வருமானம் போச்சு. அப்படி இருக்குறப்போ, கொஞ்சம்கூடக் கூசாம ஏக்கருக்கு வெறும் 5,400 ரூபாய் நிவாரணம்னு அறிவிச்சிருக்காங்க. ஒரு ஏக்கருக்கு விவசாயிகள் பண்ணுன செலவே ஒரு லட்சம் ரூபாய்க்கு மேல இருக்கும்.

இழந்தது மலையளவு... கொடுப்பது கடுகளவு... அரசின் புயல் நிவாரண மோசடி!

இதேபோலத்தான், கரும்பு, நெல் எல்லாப் பயிர்களுக்கும். வாழை விவசாயிகள் ஏக்கருக்கு ஐந்து லட்சம் ரூபாயும், கரும்பு விவசாயிகள் ஏக்கருக்கு ஒரு லட்சம் ரூபாயும், நெல் விவசாயிகள் ஏக்கருக்கு ஐம்பதாயிரம் ரூபாயும் இழப்பீடு வேணும்னு கோரிக்கை வெச்சிருந்தாங்க. அதையெல்லாம் கண்டுக்காம இவ்வளவு குறைவா நிவாரணம் அறிவிச்சுருக்காங்க. அதில்லாம, புயலால், 2,20,255 ஏக்கர் பாதிப்புனு தமிழக அரசு சொல்லுது. இதுவும் பொய்யான தகவல். பெரும்பாலான ஊர்கள்ல கணக்கெடுப்பே நடத்தலை. எப்படிப்பார்த்தாலும் 5,00,000 ஏக்கருக்கு மேல பாதிப்டைஞ்சுருக்கும். அதையும் வேணும்னே மறைக்கிறாங்க” என்றார்.

இழந்தது மலையளவு... கொடுப்பது கடுகளவு... அரசின் புயல் நிவாரண மோசடி!

தஞ்சாவூர் மாவட்டம், பட்டுக் கோட்டையைச் சேர்ந்த ‘முன்னோடி தென்னை விவசாயி’ வீரசேனன், “தமிழக அரசு பொய்யான தகவல்களையும் மோசடியான அறிவிப்புகளையும் வெளியிட்டுள்ளது.

தஞ்சாவூர் மாவட்டத்துல மட்டுமே ஒரு லட்சம் ஏக்கர்ல தென்னைச் சாகுபடி செஞ்சிருந்தாங்க. திருவாரூர், நாகப்பட்டினம் உள்ளிட்ட மற்ற மாவட்டங்கள்லயும் லட்சக்கணக்கான தென்னை மரங்கள் இருந்துச்சு. ஆனா, தமிழக அரசு தென்னைச் சாகுபடி பரப்பை மிகவும் குறைவாகக் கணக்கு காட்டுது. ஒரு தென்னை மரத்துக்கு 50 ஆயிரம் ரூபாய் நஷ்ட ஈடு கொடுத்தாத்தான் சரியா இருக்கும். சேலம்-சென்னை எட்டுவழிச்சாலைக்கு நிலம் கையகப்படுத்தினதுக்கு... ஒரு தென்னை மரத்துக்கு நாற்பதாயிரம் ரூபாய்ல இருந்து ஐம்பதாயிரம் ரூபாய் வரை இழப்பீடு அறிவிச்சுருந்தாங்க. அந்தக்கணக்குல எங்களுக்கும் ஏக்கருக்கு 35,00,000 ரூபாய் வரை இழப்பீடு கொடுக்கணும். ஆனா, 1,05,840 ரூபாய்னு அறிவிச்சுருக்கு தமிழக அரசு. இது நியாயமே இல்லை” என்றார்.

இழந்தது மலையளவு... கொடுப்பது கடுகளவு... அரசின் புயல் நிவாரண மோசடி!

தஞ்சாவூர் மாவட்ட ‘காவிரி விவசாயிகள் பாதுகாப்பு சங்க’த்தின் துணை செயலாளர் சுகுமாறன், “திருவையாறு, கும்பகோணம், தொட்டியம், குளித்தலை உள்ளிட்ட பகுதிகள்ல ஆயிரக்கணக்கான ஏக்கர்ல சாகுபடி செஞ்சுருந்த வெற்றிலைப் பயிர் முழுமையா அழிஞ்சிடுச்சி. ஒரு ஏக்கர்ல வெற்றிலைச் சாகுபடி செய்ய ஆறு லட்சம் ரூபாய்ச் செலவாகும். இது இரண்டரை வருஷப் பயிர். ஏக்கருக்கு 5 லட்சம் ரூபாய் லாபம் கிடைக்கும். மொத்தத்துல 10 லட்சம் ரூபாய் இழப்பு. இதுக்கு ஏக்கருக்கு 5,400 ரூபாய் நிவாரணம் அறிவிச்சுருக்காங்க. இது மிகப்பெரிய மோசடி. வாழைக்கும் இதே தொகைதான் அறிவிச்சுருக்காங்க. இந்தத்தொகை வாழைக்கன்னு வாங்கக்கூடப் போதாது.

இதுல இன்னொரு விஷயம், இந்தச் சொற்பத்தொகையும்கூட விவசாயிகளுக்கு ஒழுங்காகப் போய்ச் சேராதுங்கறதுதான் யதார்த்தமான உண்மை. எப்பவுமே இது மாதிரியான நிவாரணங்கள், ஆளுங்கட்சிக்காரங்களுக்கு மட்டும்தான் கிடைக்கும். தமிழக அரசு ஒதுக்கியிருக்குற ஆயிரம் கோடி ரூபாய்ல சாலை சீரமைப்புக்குனு பல கோடி ரூபாயை ஒதுக்கி பெரிய கொள்ளை நடக்கப்போகுது. அதேபோல ஏற்கெனவே நடைமுறையில இருக்குற சொட்டுநீர்ப்பசன மானியத் திட்டத்தையும் இதுக்குள்ள கொண்டுவந்து மோசடி செஞ்சுருக்காங்க” என்றார்.

மொத்தத்தில் வெந்த புண்ணில் வேல் பாய்ச்சுகிற வேலையைத்தான் தமிழக அரசு செய்கிறது என ஆதங்கப்படுகிறார்கள், விவசாயிகள். விவசாயிகளின் கண்ணீரைத் துடைக்க வேண்டியது ஆள்பவர்களின் தலையாயக் கடமை.

- கு.ராமகிருஷ்ணன், படங்கள்: ம.அரவிந்த், ஏ.எஸ்.ஈஸ்வர்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism