தண்டோரா

‘த ண்டோரா’ பகுதியில் இடம்பெறும் நிகழ்ச்சிகளில் கடைசி நேர மாறுதல்கள் ஏற்படலாம். எனவே,

. சம்பந்தப்பட்ட நிறுவனங்கள், அமைப்புகள் ஆகியவற்றிடம் நிகழ்ச்சி குறித்த தகவல்களைத் தொலைபேசி அல்லது செல்போன் வாயிலாக, முன்கூட்டியே உறுதிசெய்த பின், பயண ஏற்பாடுகளைச் செய்யவும்.

- ஆசிரியர்

இலவசப் பயிற்சிகள்

வெள்ளாடு வளர்ப்பு

. கடலூர், கால்நடை மருத்துவ அறிவியல் பல்கலைக்கழகப் பயிற்சி மற்றும் ஆராய்ச்சி மையத்தில் ஜனவரி 21-ம் தேதி ‘வெள்ளாடு வளர்ப்பு’, 28-ம் தேதி ‘கறவைமாடு வளர்ப்பு’ ஆகிய பயிற்சிகள் நடைபெற உள்ளன. முன்பதிவு அவசியம்.

தொடர்புக்கு: 04142 290249.

இயற்கைப் பூச்சிவிரட்டி

நாமக்கல் வேளாண் அறிவியல் மையத்தில் ஜனவரி 28-ம் தேதி முதல் பிப்ரவரி 2-ம் தேதி வரை ‘இயற்கைப் பூச்சிவிரட்டி தயாரித்தல்’ பயிற்சி நடைபெற உள்ளது. முன்பதிவு அவசியம்.

தொடர்புக்கு: 04286 266345.

சுருள்பாசி வளர்ப்பு

சிவகங்கை மாவட்டம், பிள்ளையார்பட்டி, பஞ்சாப் நேஷனல் வங்கியின் உழவர் பயிற்சி மையத்தில் ஜனவரி 22-ம் தேதி ‘நாட்டுக்கோழி வளர்ப்பு’, 24-ம் தேதி ‘காடை மற்றும் முயல் வளர்ப்பு’, 29-ம் தேதி ‘அரசு விதிமுறைப்படி செம்மரங்கள் சாகுபடி மற்றும் சந்தைப்படுத்துதல்’, 31-ம் தேதி ‘சுருள்பாசி வளர்ப்பு மற்றும் சந்தைப்படுத்துதல்’ ஆகிய பயிற்சிகள் நடைபெற உள்ளன. முன்பதிவு முக்கியம்.

. தொடர்புக்கு: 77088 20505, 94885 75716.

கெண்டை மீன் வளர்ப்பு

காஞ்சிபுரம் மாவட்டம், காட்டுப்பாக்கம் வேளாண் அறிவியல் மையத்தில் ஜனவரி 17, 18-ம் தேதிகளில் ‘பூச்சி மற்றும் நோய் மேலாண்மை’, 21, 22-ம் தேதிகளில் ‘தென்னைச் சாகுபடிக்கேற்ற மண் மேலாண்மை’, 23, 24-ம் தேதிகளில் ‘மதிப்பூட்டப்பட்ட சிறுதானிய பொருள்கள்’, 29, 30 ஆகிய தேதிகளில் ‘கெண்டை மீன் வளர்ப்பு’ ஆகிய பயிற்சிகள் நடைபெற உள்ளன. முன்பதிவு செய்து கொள்ளவும்.

. தொடர்புக்கு: 044 27452371.

கறவைமாடு வளர்ப்பு

திண்டுக்கல் மாவட்ட ஆட்சியர் வளாகத்தில் உள்ள கால்நடை மருத்துவ அறிவியல் பல்கலைக்கழகப் பயிற்சி மற்றும் ஆராய்ச்சி மையத்தில் ஜனவரி 22-ம் தேதி ‘கறவைமாடு வளர்ப்பு’ பயிற்சி நடைபெற உள்ளது. முன்பதிவு செய்து கொள்ளவும்.

தொடர்புக்கு: 0451 2460141

மதிப்புக்கூட்டல்

சென்னை, கொடுவேளியில் உள்ள உணவு மற்றும் பால்வளத் தொழில்நுட்பக் கல்லூரியில் ஜனவரி 29-ம் தேதி முதல் 31-ம் தேதி வரை ‘புதுமையான தொழில்நுட்பங்களைப் புகுத்துதல்’ என்ற பயிற்சி நடைபெற உள்ளது. இப்பயிற்சியில் சிறுதானிய ஐஸ்கிரீம், சாக்லேட், யோகர்ட் பானம் உள்ளிட்ட மதிப்புக்கூட்டும் பொருள்கள் தயாரிப்பு குறித்து பயிற்சியளிக்கப்பட உள்ளது. இணையதளம் அல்லது மின்னஞ்சலில் முன்பதிவு செய்து கொள்ளவும்.

இணையதளம்: www.istedtanuvas.in

மின்னஞ்சல்: istedtanuvas@gmail.com

தொடர்புக்கு: 94451 99034

கட்டணப் பயிற்சிகள்

அசோலா வளர்ப்பு

கன்னியாகுமரி மாவட்டம், விவேகானந்த கேந்திரம், இயற்கை வள அபிவிருத்தித் திட்டத்தில் ஜனவரி 19-ம் தேதி ‘அசோலா வளர்ப்பு’ பயிற்சி நடைபெற உள்ளது. பயிற்சிக் கட்டணம் 100 ரூபாய். முன்பதிவு அவசியம்.

தொடர்புக்கு,

தொலைபேசி: 04652 246296.

ஒருங்கிணைந்த பண்ணை

புதுக்கோட்டை மாவட்டம், கீரனூர் ஒடுகம்பட்டி அருகே உள்ள குடும்பம் - கொழிஞ்சி பண்ணையில் ஜனவரி 24, 25, 26-ம் தேதிகளில் ‘ஒருங்கிணைந்த பண்ணைச் சாகுபடி முறைகள்’ பயிற்சி நடைபெற உள்ளது. முன்னோடி இயற்கை விவசாயிகள், வல்லுநர்கள் பயிற்சி வழங்க உள்ளனர். தங்குமிடம், உணவு, களப்பயணமும் உண்டு. முன்பதிவு அவசியம். மூன்று நாள்களுக்கான கட்டணம் ரூ.600.

தொடர்புக்கு, தொலைபேசி:

0431 2331879, 98424 33187.

ஆடு வளர்ப்பு

ஈரோடு மாவட்டம், கோபிசெட்டிப்பாளையம், மைராடா வேளாண் அறிவியல் நிலையத்தில், ஜனவரி 25-ம் தேதி ’சிறுதானிய மதிப்புக்கூட்டல்’, 28-ம் தேதி, ‘இயற்கை விவசாயத் தொழில்நுட்பம்’, 29-ம் தேதி ‘ஆடு வளர்ப்பு, பருப்பு மதிப்புக்கூட்டல்’, 30-ம் தேதி ‘காளான் வளர்ப்பு, மாடித்தோட்டம் அமைத்தல்’ ஆகிய பயிற்சிகள் நடைபெற உள்ளன. முன்பதிவு அவசியம். பயிற்சிக் கட்டணம் 150 ரூபாய்.

தொடர்புக்கு, தொலைபேசி: 04285 241626.

. நாட்டுக்கோழி வளர்ப்பு

அரியலூர் மாவட்டம், சோழன்மாதேவியில் உள்ள வேளாண் அறிவியல் மையத்தில் ஜனவரி 24-ம் தேதி ‘நாட்டுக்கோழி வளர்ப்பு’ப் பயிற்சி நடைபெற உள்ளது. முன்பதிவு செய்து கொள்ளவும். பயிற்சிக் கட்டணம்: ரூ100.

தொடர்புக்கு, செல்போன்: 96559 26547, 97512 80089.

தேனீ வளர்ப்பு

தூத்துக்குடி மாவட்டம், வாகைகுளம் ஸ்காட் வேளாண்மை அறிவியல் மையத்தில், ஜனவரி 23-ம் தேதி முதல் 25-ம் தேதி வரை ‘வருமானத்தை அதிகரிக்கும் ஒருங்கிணைந்த பண்ணைய முறைகள்’, 25-ம் தேதி ‘மல்லிகைச் சாகுபடி தொழில்நுட்பங்கள்’, 30 மற்றும் 31 ஆகிய தேதிகளில் ‘தேனீ வளர்ப்பு’ ஆகிய பயிற்சிகள் நடைபெற உள்ளன. பயிற்சிக் கட்டணம் 150 ரூபாய். முன்பதிவு அவசியம். தொடர்புக்கு, 0461 2269306,

செல்போன்: 99429 78688.

. அறிவிப்பு

‘தண்டோரா’ பகுதியில் இடம்பெறும் நிகழ்ச்சிகளில் பங்கேற்கும் விவசாயிகள், நிகழ்ச்சிகள் குறித்த நிறைகுறைகளை உடனுக்குடன் தெரிவிக்க 044 66802927 என்ற எண்ணில் தொடர்புகொள்ளுங்கள். அங்கே கணினிக் குரல் வழிகாட்டும். அதற்கேற்ப 3 நிமிடங்களுக்குள், உங்கள் கருத்தைப் பதிவுசெய்யுங்கள். எதிர்முனையில் உங்களுடன் உரையாட யாரும் இருக்க மாட்டார்கள். எனவே, அந்த 3 நிமிடங்கள் முழுக்க முழுக்க உங்களுக்கே! அவசியமென்றால், நாங்களே உங்களைத் தொடர்புகொண்டு, மேலும் விவரங்களைப் பெற்றுக் கொள்வோம்.

தண்டோரா

Vikatan Correspondent