Published:Updated:

பூச்சிகளும் நம் நண்பர்களே..! - 2.0 - இயற்கை விவசாயத்தில் வருமுன் காப்பது அவசியம்!

பூச்சிகளும் நம் நண்பர்களே..! - 2.0 - இயற்கை விவசாயத்தில் வருமுன் காப்பது அவசியம்!
பிரீமியம் ஸ்டோரி
பூச்சிகளும் நம் நண்பர்களே..! - 2.0 - இயற்கை விவசாயத்தில் வருமுன் காப்பது அவசியம்!

பூச்சி மேலாண்மை 2

பூச்சிகளும் நம் நண்பர்களே..! - 2.0 - இயற்கை விவசாயத்தில் வருமுன் காப்பது அவசியம்!

பூச்சி மேலாண்மை 2

Published:Updated:
பூச்சிகளும் நம் நண்பர்களே..! - 2.0 - இயற்கை விவசாயத்தில் வருமுன் காப்பது அவசியம்!
பிரீமியம் ஸ்டோரி
பூச்சிகளும் நம் நண்பர்களே..! - 2.0 - இயற்கை விவசாயத்தில் வருமுன் காப்பது அவசியம்!

பூச்சிகள் இல்லாமல் விவசாயம் சாத்தியமே இல்லை. பயிர்கள் அவற்றுக்கான நோய் எதிர்ப்பு சக்தியை

பூச்சிகளும் நம் நண்பர்களே..! - 2.0 - இயற்கை விவசாயத்தில் வருமுன் காப்பது அவசியம்!

உருவாக்கிக்கொள்ளப் பூச்சிகளும் முக்கியக் காரணிகள்.

பூச்சிகள்மூலம் எதிர்ப்புத் திறனை உருவாக்கிக் கொள்ளும் செடிதான் தரமான செடி. அதிலிருந்துதான் விதைகளைச் சேமித்தனர், நம் முன்னோர். அதனால், வயலில் பூச்சிகளைக் கண்டவுடனே பயப்பட வேண்டிய அவசியமில்லை. வயலில் ஏற்பட்டுள்ள பிரச்னைக்குக் காரணம் பூச்சியா, நோயா என்பதைப் புரிந்து கொள்ள வேண்டும்.

நமக்குச் சளி, காய்ச்சல் போன்றவற்றை ஏற்படுத்துபவை வைரஸ்கள். வாந்தி, பேதி போன்றவற்றை ஏற்படுத்துபவை, பாக்டீரியாக்கள். சொரி, சிரங்கு, படை போன்றவற்றை ஏற்படுத்துபவை, பூஞ்சணங்கள். சுகாதாரமின்மையால் குடலில் புழுக்கள் உண்டாகின்றன. தாவரங்களில் நோய்களை உண்டாக்குபவையும் இவைதான். வைரஸ்கள், பாக்டீரியாக்கள், பூஞ்சணங்கள், நூற்புழுக்கள் போன்றவற்றால்தான் தாவரங்களுக்கு நோய்கள் வருகின்றன.

பூச்சிகளும் நம் நண்பர்களே..! - 2.0 - இயற்கை விவசாயத்தில் வருமுன் காப்பது அவசியம்!

பூச்சித் தாக்குதலால் உண்டாகும் சில அறிகுறிகளும், நோய்த் தாக்குதலால் உண்டாகும் சில அறிகுறிகளும் மேம்போக்காகப் பார்க்கும்போது ஒன்று போலத்தோன்றும். அதனால், குழம்பிப்போய் நோய்க்கான மருந்து, பூச்சிக்கொல்லி இரண்டையும் வாங்கிச் சிலர் தெளிப்பார்கள். இப்படிச் செய்வதால் சாகுபடிச்செலவு அதிகரிக்குமே தவிர, பிரயோஜனம் இருக்காது. அதனால், பூச்சிக்கும் நோய்க்கும் வித்தியாசம் தெரிந்துகொள்ளப் பழக வேண்டும். பூ, காய், பழம் போன்றவற்றில் உள்ள அறிகுறிகளை விவசாயிகள் எளிதாக இனம் கண்டுவிடுவார்கள். ஆனால், இலை, வேர், தண்டு போன்றவற்றில் ஏற்படும் பாதிப்புகளைப் புரிந்துகொள்ள முடிவதில்லை. அதனால், முதலில் பூச்சிகளைப் பற்றிய புரிதல் அவசியம்.

வயலில் உள்ள பூச்சிகளின் நிலைகள் மற்றும் அவற்றின் வளர்ச்சி நிலைகள் குறித்து அறிந்துகொள்ள வேண்டும். ஒரு புழு செடியில் இருக்கிறது என்று வைத்துக்கொள்வோம். அந்தப்புழு இலையை உண்ணும் புழுவா... வேரைக் குடையும் புழுவா... தண்டைக் குடையும் புழுவா... காயைத் தின்னும் புழுவா... எனத் தெரிந்துகொள்ள வேண்டும். அதன் பிறகு, தீமை செய்யும் பூச்சிகளை உண்ணக்கூடிய நன்மை செய்யும் பூச்சிகள் நம் வயலில் இருக்கின்றனவா எனப் பார்க்க வேண்டும். நன்மை செய்யும் பூச்சிகள் இருந்தால்... அவை தீமை செய்யும் பூச்சிகளைப் பிடிக்கும் திறனைக் கொண்டுள்ளனவா என்பதையும் அறிய வேண்டும். இப்படிப் பல்வேறு தகவல்களைத் தெரிந்துகொண்டு திட்டமிட்டுதான், தீமை செய்யும் பூச்சிகளை விரட்டியடிக்க வேண்டும். இவற்றை விரட்ட நன்மை செய்யும் பூச்சிகளைக் கூலிப்படையாகப் பயன்படுத்திக்கொள்ள வேண்டும்.

பூச்சிகளும் நம் நண்பர்களே..! - 2.0 - இயற்கை விவசாயத்தில் வருமுன் காப்பது அவசியம்!

நன்மை செய்யும் பூச்சிகளின் எண்ணிக்கை, தீமை செய்யும் பூச்சிகளின் எண்ணிக்கை, மண்ணின் ஈரப்பதம், காலச் சூழ்நிலை, பயிரின் வளர்ச்சி நிலை, பயிரின் தாங்கு திறன் ஆகியவற்றைக் கொண்டு முடிவெடுத்தால்தான் விவசாயத்தில் வெற்றிகரமான மகசூல் சாத்தியம்.தாவரங்களில் அதிக நோய்களை உருவாக்குபவை வைரஸ்கள்தான். வைரஸ்கள் பரவுவதற்குக் காரணமாக இருப்பவை... பலவிதமான சாறு உறிஞ்சும் பூச்சிகள். ஒரு செடியிலிருந்து அடுத்தச் செடிக்கு வைரஸைக் கொண்டு செல்பவை சாறு உறிஞ்சும் பூச்சிகள்தான். வைரஸ் தாக்குதலுக்கு மருந்துகள் இல்லை என்பதால், சாறு உறிஞ்சும் பூச்சிகள்மீது அதிகக் கவனம் வைக்க வேண்டும்.

சாகுபடிக்காலம் தெரிந்துதான் ஒவ்வொரு பயிரையும் விதைப்போம். எந்தப் பயிரைச் சாகுபடி செய்கிறோமோ... அதன் சாகுபடிக்காலத்துக்குள் எந்தெந்த நாள்களில் என்னென்ன நோய்கள் மற்றும் பூச்சிகள் அப்பயிரைத் தாக்கக்கூடும் என்பதையும் தெரிந்துகொள்ள வேண்டியது அவசியம்.

பூச்சிகளும் நம் நண்பர்களே..! - 2.0 - இயற்கை விவசாயத்தில் வருமுன் காப்பது அவசியம்!

அவற்றை முன்கூட்டியே தெரிந்துகொண்டு ‘வருமுன் காப்போம்’ முறையைக் கடைப்பிடித்தால் பிரச்னையே இருக்காது. குறிப்பாக இயற்கை விவசாயத்துக்கு வருமுன் காப்போம் முறைதான் சிறந்தது. நோயோ, பூச்சியோ தாக்கியபிறகு நடவடிக்கை எடுப்பது, சேதாரத்தை அதிகமாக்கிவிடும். வருமுன் காப்பது மூலமாகச் சேதாரத்தைக் குறைப்பதோடு, செலவுகளையும் குறைக்கலாம். நன்மை செய்யும் பூச்சிகள், தீமை செய்யும் பூச்சிகள் பற்றிப் பார்த்திருக்கிறோம். தீமை செய்யும் பூச்சிகள் என்றால்... அவை பயிரைத் தாக்கும் பூச்சிகள் மட்டுமல்ல.

பூச்சிகளும் நம் நண்பர்களே..! - 2.0 - இயற்கை விவசாயத்தில் வருமுன் காப்பது அவசியம்!

மனிதர்கள் மற்றும் கால்நடைகளுக்கு நோயைப் பரப்பும் பூச்சிகளும் தீமை செய்யும் பூச்சிகள்தான். சேமித்து வைக்கப்பட்ட தானியங்களைச் சேதப்படுத்தும் பூச்சிகளும் உள்ளன. அதேபோல நன்மை செய்யும் பூச்சிகள் என்றால்... மற்ற பூச்சிகளைச் சாப்பிடும் அசைவ இனங்கள் என்று மட்டும் எண்ணிவிடக் கூடாது. தனது வம்சத்தையே உணவாகக் கொள்ளும் அபாயகரமான பூச்சிகளும் உள்ளன. மகரந்தச் சேர்க்கைக்கு உதவும் பூச்சிகள், உயிரினங்களுக்கு நோயைப் பரப்பும் பூச்சிகள், களைகளைக் கட்டுப்படுத்தும் பூச்சிகள், இலைதழைகளை மட்க வைக்கும் பூச்சிகள், தடய அறிவியலில் தடம் பதிக்கும் பூச்சிகள்... எனப் பல்வேறு விதமான பூச்சிகள் உள்ளன.

பூச்சிகளும் நம் நண்பர்களே..! - 2.0 - இயற்கை விவசாயத்தில் வருமுன் காப்பது அவசியம்!

பொதுவாக, தேனீக்களும், பட்டாம்பூச்சிகளும்தான் மகரந்தச் சேர்க்கைக்கு உதவக்கூடிய பூச்சிகள் என நாம் நினைத்துக் கொண்டிருக்கிறோம். ஆனால், மரத்தைக் குடைந்து உள்ளே போய்க் கூடுகட்டும் வண்டுகள், அத்திப்பழக் குளவிகள், எறும்புகள் போன்ற பல பூச்சிகள் மகரந்தச் சேர்க்கைக்கு உதவி வருகின்றன. அதேபோல மரபணு மாற்றுத்தொழில்நுட்ப ஆராய்ச்சிக்குப் பெரிதும் உதவி செய்பவை பழ ஈக்கள். இப்படி மண்ணை வளமாக்குவதில் தொடங்கி... மனிதர்கள், கால்நடைகள் எனப் பூமியில் வாழும் உயிரினங்களின் வாழ்விலும் பூச்சிகளுக்கு முக்கியப்பங்கு உண்டு. குறிப்பாக விவசாயத்தில் பூச்சிகளின் பங்கு அளப்பரியது. அவைகுறித்துத் தொடர்ந்து பார்ப்போம்.

- அறிவோம்

நீ.செல்வம், 

தொகுப்பு: ஆர்.குமரேசன்