Published:Updated:

வெகுதூரத்தில் இல்லை!

வெகுதூரத்தில் இல்லை!
பிரீமியம் ஸ்டோரி
News
வெகுதூரத்தில் இல்லை!

வெகுதூரத்தில் இல்லை!

அனைவருக்கும் பசுமை வணக்கம்!

ந்தியாவுக்கு எல்லா விதத்திலும் போட்டியாக உள்ள அண்டை நாடான சீனா, நம் நாட்டில் சத்தமில்லாமல் நடைபெற்று வரும் இயற்கை விவசாயப் புரட்சியை மோப்பம் பிடித்து, தன்னுடைய நாட்டிலும் இயற்கை விவசாயத்தைப் பரப்பும் பணிகளில் தீவிரமாக இறங்கியுள்ளது. ஆக, நாம் சரியான திசையில்தான் பயணம் செய்து கொண்டிருக்கிறோம் என்று நம் முதுகைத் தட்டிக் கொடுத்துக்கொள்ள வேண்டிய தருணம் இது.

சீனா, அண்மைக்காலம் வரை ரசாயன உரங்களையும் பூச்சிக்கொல்லி விஷங்களையும் பயன்படுத்துவதில் அதீத ஆர்வம் காட்டி வந்தது. உலக அளவில் ஒரு ஹெக்டேர் நிலத்தில் ஆண்டுக்கு 305 கிலோ ரசாயன உரத்தைப் பயன்படுத்துகிறார்கள் சீன விவசாயிகள். உலகில் அதிக ரசாயன உரத்தைப் பயன்படுத்தும் நாடுகள் பட்டியலிலும் சீனா முந்தி நிற்கிறது.

ஆனால், தற்போது, ‘ரசாயன உரங்களை அதிகம் பயன்படுத்த வேண்டாம். வளம்குன்றா வேளாண்மை முறையில் விவசாயம் செய்யுங்கள்...’ என்று பிரசாரம் செய்துவருகிறது. நாடு முழுவதும் பயிற்சிப் பட்டறைகள், செயல் விளக்கங்கள்... நடைபெற்று வருகின்றன. இந்தியாவில் உள்ள விஞ்ஞானிகளைத் தன் நாட்டுக்கு அழைத்து, பயிற்சிக் கொடுத்தும் வருகிறது. அந்நாட்டு விஞ்ஞானிகளும் இந்தியாவுக்கு வந்து, இயற்கை விவசாய நுட்பங்களைக் கற்றுக்கொண்டு செல்கிறார்கள்.

பல விமர்சனங்கள் இருந்தாலும், நம் மத்திய, மாநில அரசுகள் இயற்கை விவசாயத்தை ஊக்கப்படுத்துவதிலும் அதுசார்ந்த திட்டங்களைச் செயல்படுத்துவதிலும் ஆர்வம்காட்டி வருகின்றன. இதன் மூலம் இயற்கை விவசாயம் செய்யும் விவசாயிகளின் எண்ணிக்கையும் பரப்பளவும் ஆண்டுதோறும் அதிகரித்த வண்ணம் உள்ளன. இன்னும் சிறப்புக் கவனம் செலுத்தி, இயற்கை விவசாயத் திட்டங்களைச் செயல்படுத்தினால், இந்தியா இயற்கை விவசாயத்தின் தலைநகராக உருவாகும் நாள் வெகுதூரத்தில் இல்லை.

-ஆசிரியர்