Published:Updated:

கவுரவ ஊக்கத்தொகையும் அபத்தமான விதிமுறைகளும்!

கவுரவ ஊக்கத்தொகையும் அபத்தமான விதிமுறைகளும்!
பிரீமியம் ஸ்டோரி
News
கவுரவ ஊக்கத்தொகையும் அபத்தமான விதிமுறைகளும்!

ஏமாற்றம்

மோடி தலைமையிலான மத்திய அரசு, அண்மையில் நாடாளுமன்றத்தில் இடைக்காலப் பட்ஜெட் அறிக்கையைத் தாக்கல் செய்தது. அதில்  ‘சிறு குறு விவசாயிகளுக்கு ஆண்டுக்கு 6,000 ரூபாய் கவுரவ ஊக்கத்தொகையாக வழங்கப்படும். இத்தொகை மூன்று தவணைகளாக விவசாயிகளின் வங்கிக்கணக்கில் வரவு வைக்கப்படும்’ என அறிவிக்கப்பட்டது. இது நாடு முழுவதும் விவசாயிகளிடையே வரவேற்பை உண்டாக்கிய நிலையில்... அடுத்தச் சில நாள்களில் இத்திட்டத்தின் விதிமுறைகள் வெளியிடப்பட்டன. அந்த விதிமுறைகளைப் பார்த்து விவசாயிகள் கடும் ஏமாற்றத்துக்கு உள்ளாகியிருக்கிறார்கள். 

கவுரவ ஊக்கத்தொகையும் அபத்தமான விதிமுறைகளும்!

இந்த விவகாரம் குறித்து நம்மிடம் பேசிய தென்னிந்திய நதிகள் இணைப்புச் சங்கத்தின் தலைவர் அய்யாக்கண்ணு, “விவசாயிகள் உற்பத்தி செய்யும் விளைபொருள்களுக்கு லாபகரமான விலை கிடைக்காததால்தான் ஒவ்வொரு விவசாயிக்கும் மாதத்துக்கு 5,000 ரூபாய் வழங்க வேண்டும் எனக் கோரிக்கை வைத்துப் போராடினோம். இந்நிலையில் ஆண்டுக்கு 6,000 ரூபாய் என்று பிரதமர் மோடி அறிவித்ததில் உள்ள விதிமுறைகள் அதிர்ச்சி அளிக்கின்றன. கிராமப்புற விவசாயிக்கு ஒரு நாள் வருமானம் 22 ரூபாயாகவும், நகர்ப்புற விவசாயிக்கு ஒருநாள் வருமானம் 33 ரூபாயாகவும் இருக்க வேண்டும் என்று சொல்லியிருக்கிறார்கள். அதேநேரத்தில் உயர்ஜாதி ஏழைகளுக்கு இட ஒதுக்கீடு வழங்க, இவர்கள் நிர்ணயித்திருக்கும் ஒருநாள் வருமானம் 2,222 ரூபாய். விவசாயிகளுக்கு இதைவிட வேறு என்ன ஓரவஞ்சனை செய்து விட முடியும் என்று யோசித்துப் பாருங்கள். விவசாயிகள் நியாயமான, கவுரவமான வருமானம் பெறக் கூடாது என்றுதான் இவர்கள் நினைக்கிறார்கள். கவுரவ ஊக்கத்தொகை என்ற பெயரில் விவசாயிகளுக்குத் தாராளமாக அள்ளி வழங்குவதுபோல ஒரு மாயத்தோற்றத்தை உருவாக்கியிருக்கிறார், மோடி. விவசாயிகளை ஏமாற்றி இழிவுப்படுத்தும் பா.ஜ.கவுக்கு வருகிற நாடாளுமன்றத் தேர்தலில் சரியான பதிலடி கொடுப்பார்கள், தமிழக விவசாயிகள்” என்றார்.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
கவுரவ ஊக்கத்தொகையும் அபத்தமான விதிமுறைகளும்!

தஞ்சை மாவட்ட காவிரி விவசாயிகள் பாதுகாப்பு சங்கத்தின் துணைச் செயலாளர் சுகுமாறன், “ஆண்டுக்கு 6,000 ரூபாய் என்பது மிகக்குறைவான தொகை. இதுவும் பெரும்பாலான விவசாயிகளுக்குக் கிடைக்க வாய்ப்பில்லை. குறிப்பாகக் குத்தகை நிலத்தில் விவசாயம் செய்யும் விவசாயிகள் யாருக்கும் இந்தப் பலன் கிடைக்காது. அதேபோல, ஒரே குடும்பத்தைச் சேர்ந்தவர்கள், தனித்தனியாக நிலத்தைப் பிரித்து விவசாயம் செய்தாலும்... நிலத்தின் பட்டா, கூட்டுப்பட்டாவாக இருந்தால், அவர்கள் இந்த உதவித்தொகையைப் பெற முடியாது. இதுபோன்ற அபத்தமான விதிமுறைகளைத் தளர்த்தி நாட்டில் உள்ள அனைத்து விவசாயிகளுக்கும் இந்த ஊக்கத்தொகையைக் கொடுத்தால்தான், அது விவசாயிகளுக்கு உபயோகமானதாக இருக்கும்” என்றார்.

கு.ராமகிருஷ்ணன் - படங்கள்: ம.அரவிந்த், தே.தீக்‌ஷித்