Published:Updated:

நேந்திரன் வாழை விலை வீழ்ச்சி... தீர்வு என்ன?

நேந்திரன் வாழை விலை வீழ்ச்சி... தீர்வு என்ன?
பிரீமியம் ஸ்டோரி
நேந்திரன் வாழை விலை வீழ்ச்சி... தீர்வு என்ன?

பிரச்னை

நேந்திரன் வாழை விலை வீழ்ச்சி... தீர்வு என்ன?

பிரச்னை

Published:Updated:
நேந்திரன் வாழை விலை வீழ்ச்சி... தீர்வு என்ன?
பிரீமியம் ஸ்டோரி
நேந்திரன் வாழை விலை வீழ்ச்சி... தீர்வு என்ன?

நேந்திரன் வாழையைச் சாகுபடி செய்த விவசாயிகள், பெரும் நஷ்டத்தைச் சந்தித்து வருகிறார்கள். கொஞ்சமும் எதிர்பாராத விதமாக, நேந்திரன் தார்களின் கொள்முதல் விலை, கடுமையாகச் சரிந்துள்ளது. உற்பத்தி செலவுகளுக்குக்கூடக் கட்டுப்படி ஆகாது என்பதால், முதிர்ச்சி அடைந்த தார்களை அறுவடை செய்யாமல் பல விவசாயிகள் அப்படியே தோட்டத்தில் விட்டிருக்கிறார்கள். நஷ்டத்திலிருந்து மீட்கத் தமிழக அரசு தேவையான நடவடிக்கைகள் எடுக்க வேண்டும் என வேண்டுகோள் விடுக்கிறார்கள், வாழை விவசாயிகள்.

நேந்திரன் வாழை விலை வீழ்ச்சி... தீர்வு என்ன?

திருச்சி மாவட்டம் வயலூர், குழுமணி, ஜி.ஏ.புரம், பெட்டைவாய்த்தலை, அல்லூர், லால்குடி, தொட்டியம், மணச்சநல்லூர், திருவானைக்காவல், கல்லணை உள்ளிட்ட பகுதிகளிலும், கரூர் மாவட்டம் நெய்தலூர், நச்சலூர், லாலாபேட்டை, குளித்தலை ஆகிய பகுதிகளிலும் ஆயிரக்கணக்கான ஏக்கர் பரப்பில் நேந்திரன் வாழைச் சாகுபடி நடந்து வருகிறது. இங்கு அறுவடை செய்யப்படும் தார்கள், கேரளாவில் விற்பனை செய்யப்படும். கடந்த சில வாரங்களாக மிகவும் குறைவான விலைக்குக் கொள்முதல் செய்யப்படுவதால், இப்பகுதி விவசாயிகள் பெரும் மன உளைச்சலுக்கு ஆளாகியுள்ளார்கள்.

ஒட்டுமொத்த விகடனுக்கும் ஒரே ஷார்ட்கட்!

நேந்திரன் வாழை விலை வீழ்ச்சி... தீர்வு என்ன?

குழுமணியைச் சேர்ந்த விவசாயி பிரசன்ன வெங்கடேசன், “10 ஏக்கர் நிலத்துல நேந்திரன் வாழையைச் சாகுபடி செஞ்சிருந்தேன். இப்ப ஒரு தாருக்கு அதிகபட்சம் 60 ரூபாய்தான் விலை கிடைக்குது. குறைந்தபட்சம் 250 ரூபாயாவது விலை கிடைத்தால்தான் உற்பத்திச் செலவுக்காவது கட்டுப்படியாகும். போன வருஷம், ஒரு தாருக்கு 350 ரூபாய்க்கு மேல விலை கிடைச்சது. இந்த வருஷம், ஏக்கருக்கு 1 லட்சம் ரூபாய்க்கு மேல எனக்கு நஷ்டம். நேந்திரன் சிப்ஸுக்கு மத்திய அரசு ஜி.எஸ்.டி வரி போட்டுட்டதால, சிப்ஸ் உற்பத்தி செய்ற பல நிறுவனங்கள் தொழிலை விட்டுடுச்சு. அதனால்தான் நேந்திரன் காய்களின் தேவை குறைஞ்சுடுச்சு. தேர்தல் சமயத்துல பணத்தை எடுத்துட்டு வர்றதுக்கு இருந்த தடையும் விலை வீழ்ச்சிக்கு ஒரு காரணம்” என்றார் வருத்தத்துடன்.

நேந்திரன் வாழை விலை வீழ்ச்சி... தீர்வு என்ன?

தமிழ்நாடு தோட்டக்கலைப் பயிர்கள் உற்பத்தியாளர்கள் சங்க தலைவர் ‘புலியூர்’ நாகராஜன், “விலை வீழ்ச்சிக்கு, கஜாப் புயல் பாதிப்புதான் முதன்மையான காரணம். திருச்சி, கரூர் பகுதிகள்ல சாகுபடி செய்யக்கூடிய நேந்திரன் வாழையில் வழக்கமாக மார்ச் 15-ம் தேதிக்குள் அறுவடை முடிஞ்சிடும். ஆனால், இந்த வருஷம் புயல் பாதிப்பால், தார்கள் முதிர்ச்சி அடைய தாமதமாயிடுச்சு. தூத்துக்குடி மாவட்டம் வள்ளியூர், களக்காடு, ஸ்ரீவைகுண்டம் ஆகிய பகுதிகள்ல வழக்கமாக அறுவடைக்கு வரக்கூடிய அதே நேரத்துல, திருச்சி, கரூர் பகுதிகள்லயும் அறுவடைக்கு வந்துடுச்சு. ஒரே சமயத்துல எல்லாப் பகுதிகள்லயும் அறுவடைக்கு வந்ததுனாலதான், இந்தளவுக்குக் கடுமையான விலை வீழ்ச்சி.

நேந்திரன் வாழை விலை வீழ்ச்சி... தீர்வு என்ன?

ரெண்டு மூணு வாரமா ஒரு கிலோவுக்கு 7-10 ரூபாய்தான் விலை கிடைக்குது. ஆனால், நேந்திரன் சிப்ஸ் விலை குறையவே இல்லை. ஒரு கிலோ சிப்ஸ் 250-400 ரூபாய்க்குதான் விற்பனையாகுது. ஊட்டச்சத்து பானங்கள்ல கலக்கக்கூடிய நேந்திரன் பவுடர் விலையும் குறையலை. விவசாயிகளை நஷ்டத்துல இருந்து மீட்க, தமிழக அரசு உடனடியாக நடவடிக்கை எடுக்கணும். நேந்திரன் தார்களுக்குக் குறைந்தபட்ச ஆதார விலை நிர்ணயம் செஞ்சு, தமிழக அரசே இதைக் கொள்முதல் செஞ்சு, பள்ளிக்கூட மாணவர்களுக்குச் சத்துணவுத் திட்டத்துல கொடுக்கலாம். திருச்சியில் உள்ள தேசிய வாழை ஆராய்ச்சி நிலையம் மூலமாக, வாழைப்பழ பவுடர் உற்பத்தி செஞ்சு, ஊட்டச்சத்துப் பானம் உற்பத்தி செய்யக்கூடிய நிறுவனங்களுக்கு விற்பனை செய்யணும். வேளாண் விற்பனை பிரிவு மூலமா, நேந்திரன் சிப்ஸ் தயார் செஞ்சு மலிவான விலையில் விற்பனை செய்யலாம்” என்று ஆலோசனைகளை முன் வைத்தார்.

கு.ராமகிருஷ்ணன் - படங்கள்: தே.தீக்‌ஷித்  

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism