Published:Updated:

பண்ணைக் கருவிகளுக்கு மானியங்கள் பெறும் முறை!

பண்ணைக் கருவிகளுக்கு மானியங்கள் பெறும் முறை!
பிரீமியம் ஸ்டோரி
பண்ணைக் கருவிகளுக்கு மானியங்கள் பெறும் முறை!

சட்டப்பஞ்சாயத்து வழிகாட்டும் தொடர்... - 8சட்டம் சிவ.இளங்கோ

பண்ணைக் கருவிகளுக்கு மானியங்கள் பெறும் முறை!

சட்டப்பஞ்சாயத்து வழிகாட்டும் தொடர்... - 8சட்டம் சிவ.இளங்கோ

Published:Updated:
பண்ணைக் கருவிகளுக்கு மானியங்கள் பெறும் முறை!
பிரீமியம் ஸ்டோரி
பண்ணைக் கருவிகளுக்கு மானியங்கள் பெறும் முறை!
பண்ணைக் கருவிகளுக்கு மானியங்கள் பெறும் முறை!

விதை, தேனீ வளர்ப்பு, காளான் வளர்ப்பு போன்றவற்றுக்கு அரசு வழங்கும் மானியங்கள்குறித்து, கடந்த இதழில் பார்த்தோம். இந்த இதழில், பண்ணை எந்திரங்களுக்கான மானியங்கள்குறித்துப் பார்ப்போம்.

பண்ணை எந்திரங்களுக்கான மானியங்களைத் தமிழக அரசின் வேளாண் பொறியியல் துறை, வேளாண்மைத்துறை, தோட்டக்கலைத்துறை உள்ளிட்ட மூன்று துறைகள் வழங்கி வருகின்றன. டிராக்டர், சுழற்கலப்பை, பவர் டில்லர், தெளிப்பான் (ஸ்பிரேயர்) , களை எடுக்கும் கருவி, தட்டை வெட்டும் கருவி, புதர் அகற்றும் கருவி, நெல் நாற்று நடவு செய்யும் கருவி உள்ளிட்டவற்றுக்கு வேளாண் பொறியியல் துறை மானியங்களை வழங்கி வருகிறது. டீசல் பம்ப்செட், மின்சார பம்ப்செட், போர்வெல் மோட்டார், பருத்திப் பறிக்கும் எந்திரம், ஆயில் இன்ஜின், சிறு டிராக்டர் மற்றும் டிராலி, சுழல் கலப்பை, பவர் டில்லர், விதைக்கும் கருவி போன்றவற்றுக்கு வேளாண்மைத் துறைமூலம் மானியம் வழங்கப்படுகிறது.

டிராக்டர், பவர்டில்லர் போன்றவற்றுக்குத் தோட்டக்கலைத் துறைமூலம் மானியம் வழங்கப்படுகிறது. கரும்பு அறுவடை எந்திரம், கரும்பு களை எடுக்கும் கருவி, கரும்பு ஹைட்ராலிக் கலப்பை, சோகை தூளாக்கும் எந்திரம் போன்றவற்றுக்குத் தேசிய வேளாண் வளர்ச்சித் திட்டம்மூலம் மானியம் வழங்கப்படுகிறது. தோட்டக்கலைத்துறை மூலம் வழங்கப்படும் பண்ணை எந்திரமயமாக்கல் திட்டத்தின் கீழ்… டிராக்டர் வாங்க மானியமாக அதிகபட்சம் 75,000 ரூபாய் அல்லது டிராக்டரின் விலையில் 25% முதல் 40% வரை மானியம் வழங்கப்படுகிறது. அனைத்து சிறு குறு விவசாயிகளும் மானியம் பெறத் தகுதியானவர்கள்.

பண்ணைக் கருவிகளுக்கு மானியங்கள் பெறும் முறை!

ஒட்டுமொத்த விகடனுக்கும் ஒரே ஷார்ட்கட்!

பண்ணைக் கருவிகளுக்கு மானியங்கள் பெறும் முறை!

வேளாண்மைப் பொறியியல் துறைமூலம் விவசாய எந்திரங்கள் மற்றும் உபகரணங்கள் வாங்குவதற்கான நிதி உதவித்திட்டத்தின் மூலம்… டிராக்டர் (8 ஹெச்.பி முதல் 20 ஹெச்.பி வரை) வாங்க தாழ்த்தப்பட்ட மற்றும் பழங்குடிப் பெண்களுக்கும் சிறு, குறு விவசாயிகளுக்கும் டிராக்டரின் விலையில் 35% அல்லது 1,00,000 ரூபாய் இவற்றில் எது குறைவோ அத்தொகை மானியமாக வழங்கப்படுகிறது. இதர விவசாயிகளுக்கு டிராக்டரின் விலையில் 25% அல்லது 75,000 ரூபாய் இவற்றில் எது குறைவோ அத்தொகை மானியமாக வழங்கப்படுகிறது. டிராக்டர் (20 ஹெச்.பி முதல் 70 ஹெச்.பி வரை) வாங்க தாழ்த்தப்பட்ட மற்றும் பழங்குடிப் பெண்களுக்கும் சிறு, குறு விவசாயிகளுக்கும் டிராக்டரின் விலையில் 35% அல்லது 1,25,000 ரூபாய், இவற்றில் எது குறைவோ அத்தொகை மானியமாக வழங்கப்படுகிறது. இதர விவசாயிகளுக்கு டிராக்டரின் விலையில் 25% அல்லது 1,00,000 ரூபாய் இவற்றில் எது குறைவோ அத்தொகை மானியமாக வழங்கப்படுகிறது.

பண்ணைக் கருவிகளுக்கு மானியங்கள் பெறும் முறை!

நெல் சாகுபடிக்கு வயல் தயார்ப்படுத்தும் பணியில் ரோட்டோவேட்டர் (சுழற்கலப்பை) பயன்படுத்தப்படுகிறது. நிலத்தில் உள்ள மண் கட்டிகளை நொறுக்கி மண்ணைப் பொல பொலப்பாக்க ரோட்டோவேட்டர் பயன்படுத்தப்படுகிறது. வேளாண்மைப் பொறியியல் துறைமூலம் விவசாய எந்திரங்கள் மற்றும் உபகரணங்கள் வாங்குவதற்கான நிதிஉதவித் திட்டத்தின் மூலம் ரோட்டோவேட்டர் வாங்க மானியம் வழங்கப்படுகிறது. தாழ்த்தப்பட்ட மற்றும் பழங்குடிப் பெண்களுக்கும் சிறு, குறு விவசாயிகளுக்கும் ரோட்டோவேட்டரின் விலையில் 40%-50% அல்லது 50,000-63,000 ரூபாய் இவற்றில் எது குறைவோ அத்தொகை மானியமாக வழங்கப்படுகிறது. இதர விவசாயிகளுக்கு ரோட்டோவேட்டரின் விலையில் 40% அல்லது 50,000 ரூபாய் இவற்றில் எது குறைவோ அத்தொகை மானியமாக வழங்கப்படுகிறது.

மலைப்பிரதேசங்களில் விவசாய நிலங்களில் பவர் டில்லர் பயன்படுகிறது. இதற்கு டிராக்டரைவிடக் குறைவான எரிபொருளே போதுமானது. விலையும் குறைவானது. பராமரிப்புச் செலவும் குறைவு. நிலத்தைத் தயார்ப்படுத்தும் பணிக்கு பவர் டில்லர் பயன்படுத்தப்படுகிறது. வேளாண்மைத் துறையில் பவர் டில்லர் வழங்குதல் திட்டத்திலும், தோட்டக்கலைத்துறையில் பண்ணை எந்திரமயமாக்கல் திட்டத்திலும், வேளாண்மை பொறியியல் துறையில் விவசாய எந்திரங்கள் மற்றும் உபகரணங்கள் வாங்குவதற்கான நிதிஉதவி திட்டத்தின் மூலமும் பவர் டில்லருக்கு மானியம் வழங்கப்படுகிறது.

பண்ணைக் கருவிகளுக்கு மானியங்கள் பெறும் முறை!

8 ஹெச்.பி திறனுக்குக் கீழ் உள்ள பவர் டில்லர் மானியம் பெற… தாழ்த்தப்பட்ட மற்றும் பழங்குடிப் பெண்களுக்கும் சிறு, குறு விவசாயிகளுக்கும் பவர் டில்லரின் விலையில் 50% அல்லது 50,000 ரூபாய் இவற்றில் எது குறைவோ, அத்தொகை மானியமாக வழங்கப்படுகிறது. இதர விவசாயிகளுக்குப் பவர் டில்லரின் விலையில் 40% அல்லது 40,000 ரூபாய் இவற்றில் எது குறைவோ, அத்தொகை மானியமாக வழங்கப்படுகிறது.

8 ஹெச்.பி திறனுக்கு மேல் உள்ள பவர் டில்லர் மானியம் பெற… தாழ்த்தப்பட்ட மற்றும் பழங்குடிப் பெண்களுக்கும் சிறு, குறு விவசாயிகளுக்கும் பவர் டில்லரின் விலையில் 50% அல்லது 75,000 ரூபாய் இவற்றில் எது குறைவோ, அத்தொகை மானியமாக வழங்கப்படுகிறது. இதர விவசாயிகளுக்குப் பவர் டில்லரின் விலையில் 40% அல்லது 60,000 ரூபாய் இவற்றில் எது குறைவோ அத்தொகை மானியமாக வழங்கப்படுகிறது.

அனைத்து மானிய உதவிகளையும் பெற ஆதார் அட்டை நகல், குடும்ப அட்டை நகல், புகைப்படம், நிலத்தின் பட்டா சிட்டா ஆகியவை தேவையான ஆவணங்கள். சிறு குறு விவசாயி என்ற அடிப்படையில் மானியத்துக்கு விண்ணப்பித்தால் அதற்கான சான்றையும், தாழ்த்தப்பட்ட மற்றும் பழங்குடிப் பெண்கள் என்ற அடிப்படையில் மானியத்துக்கு விண்ணப்பித்தால் சாதிச் சான்றையும் இணைக்க வேண்டும்.

ஒவ்வோர் ஆண்டும், அரசின் அறிவிப்புக்குத் தக்கபடி மானியத்தொகை, விதிமுறைகள் போன்றவை மாறும். மானியம்குறித்த விவரங்களுக்கு மாவட்ட வேளாண்மை பொறியியல்துறை, தோட்டக் கலைத்துறை மற்றும் வேளாண்மைத் துறை உதவி இயக்குநர் அலுவலகங்களை அணுக வேண்டும். சட்டப்பஞ்சாயத்து இயக்க உதவி மையத்தை வார வேலை நாள்களில் காலை 10 மணி முதல் மாலை 5 மணிவரை 76671 00100 என்ற எண்ணில் தொடர்பு கொண்டும் தங்களது சந்தேகத்தைத் தெளிவுபடுத்திக் கொள்ளலாம்.

- வழிகாட்டல் தொடரும்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism