Published:Updated:

திருட்டுத்தனமாக நுழையும் பி.டி கத்திரி!

திருட்டுத்தனமாக நுழையும் பி.டி கத்திரி!
பிரீமியம் ஸ்டோரி
News
திருட்டுத்தனமாக நுழையும் பி.டி கத்திரி!

சூழல்

பி.டி கத்திரி மீண்டும் இந்தியாவின் கதவைத் தட்ட ஆரம்பித்துள்ளது. நமது புளிக்குழம்பில் பி.டி கத்திரி மிதப்பதற்கான வாய்ப்பு வெகுதூரத்தில் இல்லை. அறிவியலாளர்கள், சமூக ஆர்வலர்கள், மருத்துவர்கள், விவசாயிகள், பல மாநிலங்களின் முதல்வர்கள் என எல்லோரும் பி.டி கத்திரிக்கு எதிர்ப்பு தெரிவித்ததால், கடந்த 2010-ம் ஆண்டில், அதற்குத் தடை விதிக்கப்பட்டது.

திருட்டுத்தனமாக நுழையும் பி.டி கத்திரி!

உச்ச நீதிமன்றத்தின் தொழில்நுட்ப நிபுணர் குழு, மரபணு மாற்றுப்பயிர்களை நிராகரித்ததோடு, களப்பரிசோதனையும் நிறுத்தப்பட வேண்டும் எனப் பரிந்துரைத்தது. பின் நாடாளுமன்றத்தின் இரு உயர்மட்டக்குழுக்களும் (வேளாண் அறிவியல் மற்றும் தொழில்நுட்பக் குழு) எதிர்த்தன. இந்தியாவின் மரபணு மாற்றுத் தொழில்நுட்பத்தின் தந்தை எனப் போற்றப்படும் புஷ்பா பார்கவா, எம்.எஸ்.சுவாமிநாதன், சுற்றுச்சூழல் பேரறிஞர் மாதவ் காட்கில் எனப் பல அறிவியலாளர்கள் மறுதலித்தனர். உலகெங்கிலும் உள்ள பல விஞ்ஞானிகள் மரபணு மாற்றுப் பயிர்களுக்குப் பெரும் எதிர்ப்பைத் தெரிவித்துள்ளனர்.

காய்ப்புழுத்தாக்குதல் இருக்காது என்று அறிமுகப்படுத்தப்பட்ட பி.டி பருத்தியால் விவசாயிகள் அடைந்த நஷ்டங்கள் குறித்தும் தொடர்ந்து ஏராளமான விவசாயிகள் தற்கொலை செய்து மாண்டு போனது குறித்தும் அனைவருக்கும் தெரியும். இப்படி இருக்கும் சூழ்நிலையில் மீண்டும் இந்தியாவில் தலைகாட்டத் துவங்கியிருக்கிறது பி.டி கத்திரிக்காய்.

வங்கதேசத்தில், கடந்த 2013-ம் ஆண்டில் பி.டி கத்திரிக்கு அனுமதி வழங்கப்பட்டது. ஆனால், அங்கு பெரும் தோல்வியைத்தான் சந்தித்திருக்கிறது, பி.டி கத்திரி. முதல் முறை பயிரிட்ட பெரும்பாலான விவசாயிகள் மறு போகத்தில் சாகுபடி செய்ய தயாராக இல்லை.

உலகின் மொத்த விவசாய நிலத்தில் 3.5% நிலத்தில் மட்டும்தான் மரபணு மாற்றம் செய்யப்பட்ட பயிர்கள் விளைவிக்கப்படுகின்றன. ஆறு நாடுகள் மட்டுமே உலகில் 90% அளவு மரபணு மாற்றம் செய்யப்பட்ட பயிர்களை விளைவிக்கின்றன.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

ஒருசில விவசாயக் குழுக்கள் சில விவசாயிகளை உசுப்பிவிட்டு, பி.டி கத்திரியையும் ‘HT BT’ எனப்படும் களைக்கொல்லியைத் தாங்கும் பருத்தியையும் சட்டவிரோதமாகப் பயிரிடும் போராட்டங்களை நடத்துகின்றன. மகாராஷ்டிராவில் நடக்கும் இந்தப் போராட்டத்துப் பெயர் ‘சத்தியாகிரகம்’ என்பதுதான் வேதனை. அரசும், மரபணு தொழில்நுட்ப மதிப்பீட்டுக் குழுவும் (GEAC) கண்ணை மூடிக்கொண்டு மவுனமாக இருப்பதால்தான், திருட்டுத்தனமாகவும் சட்டவிரோதமாகவும் இவை திணிக்கப்படுகின்றன. பி.டி கத்திரி மற்றும் களைக்கொல்லியைத் தாங்கும் பருத்தி ஆகிய இரண்டுமே விவசாயத்துக்கும் விவசாயிகளுக்கும் பெரும் தீங்கிழைக்கக் கூடியவை. இவற்றை உடனே தடுத்து நிறுத்தப்பட வேண்டும். நாம் விழிப்புடன் செயல்பட வேண்டிய தருணம் இது. பிரதமருக்கும், வேளாண் அமைச்சருக்கும், சுகாதார அமைச்சருக்கும் முகநூல், டிவிட்டர் மற்றும் மின் அஞ்சல் மூலம் நமது எதிர்ப்பைத் தெரிவிப்போம்.

அனந்து