Published:Updated:

சாதனை- 5 : தமிழ் மண்ணின் நல்விதை!

யதீஸ்வரி ஆத்மவிகாசப்பிரியா அம்பா
பிரீமியம் ஸ்டோரி
யதீஸ்வரி ஆத்மவிகாசப்பிரியா அம்பா

பாரம்பர்ய நெல் ரகங்கள் - யதீஸ்வரி ஆத்மவிகாசப்பிரியா அம்பா இயக்குநர், அக்ஷ்ய க்ருஷி கேந்திரா, சாரதா ஆஸ்ரமம்

சாதனை- 5 : தமிழ் மண்ணின் நல்விதை!

பாரம்பர்ய நெல் ரகங்கள் - யதீஸ்வரி ஆத்மவிகாசப்பிரியா அம்பா இயக்குநர், அக்ஷ்ய க்ருஷி கேந்திரா, சாரதா ஆஸ்ரமம்

Published:Updated:
யதீஸ்வரி ஆத்மவிகாசப்பிரியா அம்பா
பிரீமியம் ஸ்டோரி
யதீஸ்வரி ஆத்மவிகாசப்பிரியா அம்பா

‘‘எழுபதே நாளில் விளையும் பூங்கார் ரகம் பற்றிக் கேள்விப்பட்டு வியந்து போயிருக்கிறார் ஜப்பான் நாட்டைச் சேர்ந்த, ‘இயற்கை விஞ்ஞானி’ மசானபு ஃபுகோகா. ‘‘இந்த ரகம் கிடைத்தால், எனக்கு வேண்டும். கண்டிப்பாக ஜப்பான் நாட்டுக்கு அனுப்பி வையுங்கள்’’ என்று கோரிக்கையும் வைத்திருந்தார். 2008-ம் ஆண்டு, அக்டோபர் மாதம் ‘பூங்கார் என்றொரு பொக்கிஷம்..!’ என்று அந்தப் பாரம்பர்ய நெல் ரகம் பற்றிய கட்டுரை பசுமை விகடன் இதழில் வெளிவந்தது. ஆனால், இதை ஆவலுடன் கேட்ட மசானபு ஃபுகோகா 2008-ம் ஆண்டு ஆகஸ்ட் மாதம், இயற்கையில் கலந்துவிட்டிருந்தார். ஒரு வேளை அவர் இருந்திருந்தால், இந்த ரகத்தை அவரிடம் பசுமை விகடன் இதழே கொண்டு சேர்த்திருக்கும்.

இப்படி நம்ம மண்ணுக்குச் சொந்தமான பல பாரம்பர்ய நெல் ரகங்கள் அழியும் நிலையில் இருந்தன. கடந்த 14 ஆண்டுகளாகப் பாரம்பர்ய நெல் ரகங்கள்தான் சிறந்தவை, உயர்ந்தவை... என்று மீண்டும் மீண்டும் ஆதாரத்துடன் கட்டுரைகளை வெளியிட்டு வருகிறது பசுமை விகடன்.

பாரம்பர்ய விதைகள் குறித்து எல்லோரும் பேசத் தொடங்கியதற்கு மூலக்காரணம் பசுமை விகடன்தான். மகத்தான நம் பாரம்பர்ய விதைகளை விவசாயிகளிடம் கொண்டு சேர்க்க இயற்கை வேளாண் விஞ்ஞானி நம்மாழ்வார், தொடர்ந்து செயல்பட்டு வந்தார். அவரது செயலுக்கு ஊக்கம் கொடுத்தது பசுமை விகடன். பாரம்பர்ய விதையைச் சேகரித்துக் காக்கும் காப்பாளர்களைத் தொடர்ந்து வெளிச்சத்துக்குக் கொண்டு வருகிறது. எங்கள் க்ருஷி கேந்திராவில்கூட முதலில் 27 பாரம்பர்ய நெல் ரகங்களைத்தான் சேகரித்து, விவசாயிகளுக்குக் கொடுத்து வந்தோம்.

சாதனை- 5 :  தமிழ் மண்ணின் நல்விதை!

சுவாமி விவேகானந்தரின் 150-வது ஜயந்தியைக் கொண்டாடும் விதமாக 150 பாரம்பர்ய விதைகளைச் சேகரித்து, விவசாயிகளுக்கு வழங்கத் திட்டமிட்டோம். எங்கள் குழுவினர் தமிழகம் முழுவதும் சுற்றி விதைகளைச் சேகரித்தார்கள். விதைகள் சேகரிப்புடன் நிறுத்திக் கொள்ளாமல், எந்தப் பருவத்தில் சாகுபடி செய்யலாம், எந்தப் பகுதிக்கு ஏற்றது, அந்த ரகத்தின் மருத்துவக் குணம்... என ஒவ்வொரு நெல் ரகம் குறித்தும் அலசி ஆராய்ந்து தகவல்களைத் திரட்டினோம். இந்தச் செயல்கள் அத்தனைக்கும் பசுமை விகடன் இதழில் வெளிவந்த தகவல்கள் உறுதுணையாக இருந்தன.

எங்கள் இலக்கைத் தாண்டியும் அரிய நெல் ரகங்களைச் சேகரித்தோம். உளுந்தூர்பேட்டையில் உள்ள ஆசிரமத்திலிருந்து தமிழ்நாடு முழுவதும் உள்ள விவசாயிகளுக்கு விதைநெல்லைக் கொண்டு சேர்க்க உதவியதும், பசுமை விகடன்தான். இப்போதும்கூட, ‘பசுமை விகடன் இதழில் படித்தோம், விதை நெல் வேண்டும்’ என்ற தொலைபேசி அழைப்புகள் வந்த வண்ணம் உள்ளன. தற்போது பாரம்பர்ய விதைகள் மீது அரசின் கவனம் திரும்பியுள்ளது. பாரம்பர்ய நெல் ரகங்களைப் பயிரிடும் விவசாயிகளின் எண்ணிக்கையும் பரப்பளவும் கூடிக்கொண்டே வருகிறது. அதேபோன்று மறையும் நிலையில் இருந்த சிறுதானியங்களை மீட்டெடுத்ததும் பசுமை விகடன்தான். நல்ல மாற்றத்தை உருவாக்க நல்விதையாக உதவி வருகிறது பசுமை விகடன்.

ஒட்டுமொத்த விகடனுக்கும் ஒரே ஷார்ட்கட்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism