Published:Updated:

பாரம்பர்ய நெல்லில் இனத்தூய்மை காப்போம்!

அறச்சலூர் ரா.செல்வம்
பிரீமியம் ஸ்டோரி
அறச்சலூர் ரா.செல்வம்

பயிற்சி

பாரம்பர்ய நெல்லில் இனத்தூய்மை காப்போம்!

பயிற்சி

Published:Updated:
அறச்சலூர் ரா.செல்வம்
பிரீமியம் ஸ்டோரி
அறச்சலூர் ரா.செல்வம்

மிழகத்தில் பாரம்பர்ய ரகங்கள் குறித்த தேடலும் எழுச்சியும் அதிகமாக இருப்பதற்குக் காரணம், இயற்கை வேளாண் விஞ்ஞானி நம்மாழ்வார்தான். விவசாயப் பாரம்பர்யத்தை மண்ணின் அடையாளத்தோடு கட்டிக் காத்தவர் அவர். அவரது கோட்பாடுகளைப் பரவலாக்க வேண்டியது மிக அவசியம். அதன் ஒரு பகுதி, பாரம்பர்ய விதைகளின் இனத்தூய்மை. தமிழகத்தில் பல ஊர்களில் விதைத்திருவிழாக்கள் நடந்து வருகின்றன. பாரம்பர்ய விதைகளைத் தேடி வருபவர்களின் எண்ணிக்கையும் அதிகமாகிக் கொண்டே வருகிறது. இப்படிப்பட்ட திருவிழாக்களில் பரிமாறிக்கொள்ளும் விதைகளின் இனத்தூய்மை காக்கப்பட வேண்டியது மிக அவசியம். ஒவ்வொரு ரகத்திலும் விவசாயிகளின் பல நூற்றாண்டு அனுபவங்கள் புதைந்துள்ளன. இனத்தூய்மைதான் அந்த ரகத்தை அழியாமல் காப்பாற்றவும் புதிய ரகத்தை உருவாக்கவும் உதவும்.

தேபால் தேப்
தேபால் தேப்

அண்மையில் ஆஷா அமைப்பு (இயற்கை விவசாயத்துக்கான கூட்டியக்கம்- ASHA- Allaiance for Sustainable and Holistic Agriculture) நெல்லில் இனத்தன்மைகள் அறிதல், இனத்தூய்மை காத்தல் ஆகியவற்றுக்கான பயிற்சியை நடத்தியது. விவசாயிகள், பொறியாளர்கள், பேராசிரியர்கள், தொண்டு நிறுவனத்தினர், விவசாயிகள், விதைச் சேகரிப்பாளர்கள், இயற்கை அங்காடி வைத்திருப்போர் எனப்பலரும் இப்பயிற்சியில் கலந்துகொண்டனர். இதிலிருந்தே இனத்தூய்மையில் அவர்கள் வைத்திருக்கும் அக்கறை வெளிப்படையாகத் தெரிந்தது.

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

மேற்கு வங்கத்தைச் சேர்ந்த அறிவியலாளர், தேபால் தேப். இவர் தனது பணியைத் துறந்து பாரம்பர்ய ரகங்களின் தனித்தன்மைகளைக் கண்டறிந்து பதிவு செய்து வருகிறார். அதன் மூலம் பாரம்பர்ய ரகங்கள் வணிக விதை நிறுவனங்களின் சொத்தாக மாறுவதைத் தடுத்து 1,300-க்கும் மேற்பட்ட ரகங்களில் இனத்தூய்மையைக் காத்து வருகிறார். ஒடிசா மாநிலத்தில் பசூதா என்ற சிறு நகரத்தை ஒட்டிய பழங்குடி கிராமத்தில் தனது வயல்வெளி ஆய்வகத்தையும் பாதுகாப்பு மையத்தையும் நடத்தி வருகிறார். அவர்தான், இனத்தூய்மை காக்கப்பட வேண்டிய அவசியம், பாரம்பர்ய ரகங்களின் அவசியம், பசுமைப் புரட்சியால் நம் ரகங்கள் அழிந்த விதம் போன்றவை குறித்து பயிற்சியில் எடுத்துரைத்தார். வளர்ச்சிப் பருவத்தில் ஒவ்வொரு ரகத்துக்குமான சிறப்பம்சம் குறித்துப் படங்களுடன் விளக்கினார்.

அறச்சலூர் ரா.செல்வம்
அறச்சலூர் ரா.செல்வம்

ஒவ்வொரு ரக நெல்லுக்கும் எழுபதுக்கும் மேற்பட்ட சிறப்புத் தன்மைகள் உள்ளன. இவற்றில் 50 தன்மைகளைக் கூர்ந்து பார்ப்பதன் மூலம் அறிந்துகொள்ள முடியும். நம் முன்னோர் பயிர்களைக் கூர்ந்து கவனிக்கும் வழக்கம் கொண்டவர்கள். விதைகளை வெளியில் வாங்க ஆரம்பித்த பிறகுதான், கூர்ந்து பார்க்க வேண்டிய அவசியம் இல்லாமல் போனது. பூக்கும் தன்மையில் உள்ள மாறுபாடுகள், பூக்கள் பூத்திருக்கும் காலம், விதைகளில் முளைப்பு நுனியருகே உள்ள உள்ள ‘லெம்மா’ எனும் சிறுதோல், கொம்புள்ள விதைகளில் உள்ள கொம்பின் அளவு, விதையில் உள்ள கோடுகள், இருகோடுகளுக்கு இடையில் உள்ள பரப்பில் உள்ள மேடு, பள்ளங்கள் எனப் பல தன்மைகள் கவனிக்கப்பட வேண்டியவை. நெல்லில் இயற்கையாகவே தன் மகரந்தச்சேர்க்கை நடைபெறும் பயிர். பெரும் காற்று வீசும்போது, குறைந்த அளவில் அயல் மகரந்தச் சேர்க்கை நடக்க வாய்ப்புண்டு. இதனால், இனக்கலப்பு ஏற்படலாம். அதனால், மிகக்கவனமாக இனத்தூய்மையைக் காக்க வேண்டும். இல்லாவிடில் நாமே நம் பாரம்பர்ய ரகங்களின் சிதைவுக்குக் காரணமாகி விடுவோம்.

தற்போது நடந்த முதற்கட்ட பயிற்சியில் கலந்து கொண்டவர்கள் விரைவில் தேபால் தேபின் வயல்களில் தொடர் பயிற்சி எடுக்க உள்ளனர். இவர்கள் தமிழகத்தில் பாரம்பர்ய ரகங்களைக் காக்கும் முயற்சியில் ஈடுபடுபவர்களுக்கு உதவி செய்வோம் என்று நம்பிக்கை அளித்துள்ளனர்.

தொடர்புக்கு: அறச்சலூர் ரா.செல்வம், செல்போன்: 94436 63562