Published:Updated:

தேங்காய் விலை நிலையாக இருக்கும்!

விலை முன்னறிவிப்பு
பிரீமியம் ஸ்டோரி
News
விலை முன்னறிவிப்பு

விலை முன்னறிவிப்பு

லக அளவில் தேங்காய் உற்பத்தி செய்யும் நாடுகளில் இந்தோனேஷியா, பிலிப்பைன்ஸுக்கு அடுத்து மூன்றாவது இடத்திலுள்ளது இந்தியா. தேசிய தோட்டக்கலை வாரியம் 2018-19-ம் ஆண்டின் முதல் முன்கூட்டிய மதிப்பீட்டின்படி, தேங்காய் 21.27 லட்சம் ஹெக்டேர் பரப்பளவில் பயிரிடப்பட்டு, 163.83 லட்சம் டன் உற்பத்தி செய்யப்படுகிறது. இந்தியாவிலிருந்து ஐக்கிய அரபு நாடுகள், ஈரான் மற்றும் கத்தார் ஆகிய நாடுகளுக்கு அதிக அளவில் தேங்காய் ஏற்றுமதி செய்யப்படுகிறது.

தமிழ்நாட்டில் 2017-18-ம் ஆண்டில் 36.12 டன் தேங்காய், 4.41 லட்சம் ஹெக்டேர் பரப்பளவில் உற்பத்திசெய்யப்பட்டது. தமிழ்நாட்டில் கோயம்புத்தூர், திருப்பூர், தஞ்சாவூர், திண்டுக்கல் மற்றும் கன்னியாகுமரி ஆகியவை தேங்காய் உற்பத்தி செய்யும் முக்கிய மாவட்டங்கள். தற்போது பெருந்துறைச் சந்தைக்குத் தேங்காய் வரத் தொடங்கியிருக்கிறது. முந்தைய பருவத்தை ஒப்பிடுகையில் இந்தப் பருவத்தில் கொப்பரையின் வரத்து குறைவாக உள்ளது. இந்தச் சூழலில், விவசாயிகள் விற்பனை முடிவுகளை எடுக்க ஏதுவாக, தமிழ்நாடு வேளாண்மைப் பல்கலைக்கழகத்தின் தமிழ்நாடு பாசன விவசாய மேம்பாட்டுத் திட்டத்தின் கீழ் இயங்கிவரும் வேளாண் மற்றும் ஊரக மேம்பாட்டு ஆய்வு மையம் ஓர் ஆய்வு முடிவை வெளியிட்டிருக்கிறது.

விலை முன்னறிவிப்பு
விலை முன்னறிவிப்பு

கடந்த 18 ஆண்டுகளாக ஈரோட்டிலுள்ள அவல்பூந்துறை ஒழுங்குமுறை விற்பனைக் கூடம் மற்றும் பெருந்துறை வேளாண் உற்பத்திக் கூட்டுறவு விற்பனை மையத்தில் தேங்காய் மற்றும் கொப்பரை விலை குறித்த சந்தை ஆய்வுகள் மேற்கொள்ளப்பட்டன. ஆய்வு முடிவின் அடிப்படையில் இந்த ஆண்டு அக்டோபர் மாதம் முதல் டிசம்பர் வரை தரமான தேங்காயின் பண்ணை விலை 13 ரூபாய் முதல் 14 ரூபாய் வரை இருக்கும். நல்ல தரமான கொப்பரை கிலோவுக்கு 100 ரூபாய் முதல் 102 ரூபாய் வரை இருக்கும் என அறியப்படுகிறது. எனவே, விவசாயிகள் மேற்கூறிய சந்தை ஆலோசனை அடிப்படையில் விற்பனை முடிவுகளை எடுக்குமாறு பரிந்துரைக்கப்படுகின்றனர்.

தொடர்புக்கு: உள்நாட்டு மற்றும் ஏற்றுமதி சந்தைத் தகவல் மையம், வேளாண் மற்றும் ஊரக மேம்பாட்டு ஆய்வு மையம், தமிழ்நாடு வேளாண்மைப் பல்கலைக்கழகம், கோயம்புத்தூர்-641003 தொலைபேசி: 0422 2431405.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz