Published:Updated:

விவசாயிகளுக்குப் பாடநூல்... விஞ்ஞானிகளுக்கு ஆய்வு நூல்!

அழகு.கண்ணன்
பிரீமியம் ஸ்டோரி
News
அழகு.கண்ணன்

பயிற்சி

“பசுமை விகடன், விவசாயிகளுக்கான பாடநூல் மட்டுமல்ல, எங்களைப் போன்ற வேளாண் விஞ்ஞானிகளின் சிந்தனையைத் தூண்டக்கூடிய ஆய்வு நூலாக இருக்கிறது” என்று நெகிழ்ச்சியுடன் சொல்கிறார், கிரீடு வேளாண் அறிவியல் மையத்தின் முதுநிலை விஞ்ஞானியும் தலைவருமான முனைவர் அழகு.கண்ணன்.

ஆட்டுப் பரண்...
ஆட்டுப் பரண்...

அரியலூர் மாவட்டம், ஜெயங்கொண்டம் அருகில் சோழன்மாதேவி கிராமத்தில் இயங்கி வருகிறது, கிரீடு வேளாண் அறிவியல் மையம். பத்து ஆண்டுகளாக விவசாயிகளுக்குச் சேவையாற்றி வருகிறது, இம்மையம். கிராமப்புற மக்கள் மற்றும் விவசாயிகளின் வாழ்க்கைத் தரத்தை உயர்த்தும் நோக்கத்தோடு பல்வேறு பயிற்சிகள் அளிக்கப்படுகின்றன. பயிற்சி குறித்த விவரங்கள் பசுமை விகடனின் ‘தண்டோரா’ பகுதியில் தொடர்ந்து வெளியிடப்பட்டு வருகிறது.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
விஞ்ஞானிகளிடம், ‘பசுமை விகடன் படித்தீர்களா’ என்று கேட்பார். மண்ணின் ஈரப்பதத்தை அறியும் ஈரப்பத மானியை விவசாயிகளுக்கு அறிமுகம் செய்திருக்கிறோம்.

அவரது அலுவலகத்தில் கண்ணனைச் சந்தித்துப் பேசினோம். “கிராமப்புறக் கல்வி மற்றும் பொருளாதார மேம்பாட்டு நிறுவனமான (CREED) கிரீடு தொண்டு நிறுவனத்தின் ஓர் அங்கமாக, 2009-ம் ஆண்டு கிரீடு வேளாண் அறிவியல் மையம் தொடங்கப்பட்டது. இந்திய வேளாண் ஆராய்ச்சிக் கழகத்தின் நிதியுதவி மற்றும் வழிகாட்டுதலுடன் இது செயல்பட்டு வருகிறது. எங்கள் மையத்தின் மொத்தப் பரப்பளவு 50 ஏக்கர். தென்னை, வாழை, மா, கொய்யா, சப்போட்டா, உளுந்து, நிலக்கடலை, காய்கறி, தீவனப்புல் என்று பலவிதப் பயிர்களை இங்கு சாகுபடி செய்து வருகிறோம். இவற்றில் நாங்கள் ஆராய்ச்சி மேற்கொள்வதோடு, விவசாயிகளுக்குக் களப்பயிற்சியும் கொடுத்து வருகிறோம். அதோடு, விதை மற்றும் நாற்று உற்பத்தியும் செய்து வருகிறோம். நாங்கள் உற்பத்தி செய்யக்கூடிய நாற்றுகள் நல்ல முளைப்புத்திறன் கொண்டவையாகவும், பூச்சி, நோய்த்தாக்குதல்களை எதிர்க்கும் திறன் கொண்டவையாகவும் இருப்பதால், விவசாயிகள் தேடி வந்து வாங்கிச் செல்கிறார்கள். நாங்கள் சந்தை விலையைவிடச் சற்று குறைவான விலையில்தான் விற்பனை செய்கிறோம்.

பாசன அமைப்புகள்..
பாசன அமைப்புகள்..

பொருளாதாரம் மற்றும் கல்வியில் பின் தங்கியுள்ள மாவட்டம், அரியலூர். இம்மாவட்ட விவசாயிகளுக்கு எங்கள் மையம் சிறப்பான சேவையாற்றி வருகிறது. விவசாயம் மற்றும் விவசாயம் சார்ந்த தொழில்கள் தொடர்பான சந்தேகங்கள், தகவல்கள் தேவைப்படுவோர், எங்களை அணுகி தங்களது சந்தேகங்களைத் தீர்த்துக் கொள்கிறார்கள். தரமான பஞ்சகவ்யா உள்ளிட்ட இயற்கை இடுபொருள்கள், உயிர் உரங்கள், பசுந்தாள் விதைகள் ஆகியவற்றையும் மலிவான விலையில் விற்பனை செய்து வருகிறோம். இயற்கை இடுபொருள்கள் தயாரிப்பு குறித்த இலவசப்பயிற்சிகளையும் அளித்து வருகிறோம்.

‘‘எங்கள் மையத்தில், நாட்டுக்கோழி வளர்ப்பு, கறவை மாடு வளர்ப்பு, ஆடு வளர்ப்பு ஆகிய பயிற்சிகளுக்கு அதிக முக்கியத்துவம் கொடுத்து வருகிறோம்.’’

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS

எங்கள் மைய வளாகத்தில் 100% இயற்கை விவசாயத்தை மேற்கொள்கிறோம். அதில், எங்கள் நிறுவனர் மற்றும் பெருந்தலைவர் நடனசபாபதி மிகவும் உறுதியாக இருக்கிறார். அவர் பசுமை விகடனின் தீவிர வாசகர். ‘விவசாயிகள், விவசாயத்தோடு தொடர்பு உடையவர்கள் அனைவரும் அவசியம் பசுமை விகடன் படிக்க வேண்டும். இது விவசாயத்தின் வேதநூல்’ என்று அவர் சொல்வார். ஒவ்வொரு இதழ் வெளியானதுமே, எங்கள் மைய விஞ்ஞானிகளிடம், ‘பசுமை விகடன் படித்தீர்களா’ என்று கேட்பதோடு, அந்த இதழில் வெளியான கட்டுரைகள் குறித்து விவாதிப்பார். பசுமை விகடனில் இடம்பெறக்கூடிய விவசாயிகளைச் சந்தித்து அவர்களின் அனுபவங்களைத் தெரிந்து வருவதற்காக எங்களை அனுப்பி வைப்பார்.

வேளாண் அறிவியல் நிலைய பண்ணையில் அழகு.கண்ணன்...
வேளாண் அறிவியல் நிலைய பண்ணையில் அழகு.கண்ணன்...

எங்கள் மையத்தில், நாட்டுக்கோழி வளர்ப்பு, கறவை மாடு வளர்ப்பு, ஆடு வளர்ப்பு ஆகிய பயிற்சிகளுக்கு அதிக முக்கியத்துவம் கொடுத்து வருகிறோம். மேலும் மீன் வளர்ப்பு, தேனீ வளர்ப்பு, காளான் வளர்ப்பு, பசுந்தீவனச் சாகுபடி, விளைபொருள்களை மதிப்புக்கூட்டுதல் போன்ற பயிற்சிகளையும் நடத்தி வருகிறோம். இவற்றுக்கான முன் அறிவிப்புகள் தண்டோரா பகுதியில் வெளியிடப்படுவதால், தமிழகத்தின் பல்வேறு பகுதிகளைச் சேர்ந்த விவசாயிகள், எங்கள் மையத்துக்கு வந்து பயிற்சி பெற்றுச் செல்கிறார்கள்” என்ற கண்ணன் கால்நடை வளர்ப்புக் குறித்துச் சொன்னார்.

 ஈரப்பதமானி...
ஈரப்பதமானி...

“எங்கள் மையத்தில் நாட்டுக்கோழிகளை வளர்த்து வருகிறோம். அவற்றின்மூலம் தரமான கோழிக்குஞ்சுகளை உற்பத்தி செய்து மலிவான விலையில் விற்பனை செய்கிறோம். நாட்டுக்கோழி வளர்ப்பை மேற்கொள்வதால், அதுகுறித்த நேரடி களப்பயிற்சியும் கொடுக்க முடிகிறது. கொட்டகை அமைத்தல், கோழிகளைப் பராமரித்தல், தீவன மேலாண்மை போன்றவை குறித்துச் சொல்லித்தருவதுடன் விற்பனை செய்வதற்கும் வழிகாட்டி வருகிறோம்.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

இங்கு தலைச்சேரி ஆடுகளை வளர்த்து அவற்றின் குட்டிகளை விற்பனை செய்து வருகிறோம். அவற்றை வாங்கிச்செல்லும் விவசாயிகள் தாங்கள் வளர்த்து வரும் நாட்டு ஆடுகளுடன் சேர்த்துக் கலப்பின ஆடுகளை உருவாக்கி வருகிறார்கள். இப்படிப்பட்ட கலப்பின ஆடுகள் விரைவாக வளர்ந்து அதிக எடைக்கு வந்து விடுகின்றன. இதனால், விவசாயிகளுக்குக் குறுகிய காலத்தில் அதிக வருமானம் கிடைத்து விடுகிறது.

நடனசபாபதி
நடனசபாபதி

நாங்கள் மண்ணின் ஈரப்பதத்தைத் தெரிந்துகொள்ளும் விதமாக ஓர் ஈரப்பத மானியை விவசாயிகளுக்கு அறிமுகம் செய்திருக்கிறோம். இதை மண்ணில் செருகி மண்ணின் ஈரப்பதத்தை அறிந்துகொள்ள முடியும். சில இடங்களில் நிலத்தின் மேற்புறம் காய்ந்திருக்கும். ஆனால், மண்ணுக்குள் ஈரப்பதம் இருக்கும். அதனால், பயிருக்குத் தண்ணீர் தேவை இருக்காது. ஆனால், மேல் மண் காய்ந்திருப்பதை வைத்து விவசாயிகள் பாசனம் செய்வார்கள். இதனால், தண்ணீர் வீணாவதோடு, வேர் அழுகல் போன்ற நோய்களும் தாக்கக்கூடும். இந்த ஈரப்பதமானி மூலம் ஆய்வு செய்துகொண்டால் தேவைப்படும்போது மட்டும் தண்ணீர் கொடுக்க முடியும்” என்று சொல்லிமுடித்தார் கண்ணன்.

விவசாயிகளுக்குப் பாடநூல்... விஞ்ஞானிகளுக்கு ஆய்வு நூல்!

தொடர்புக்கு: அழகு.கண்ணன், செல்போன்: 96292 46586, 96559 26547

விதை முதல் விற்பனை வரை!

ராஜதுரை
ராஜதுரை

ரியலூர் மாவட்டம், அழிக்குடி கிராமத்தைச் சேர்ந்த இளைஞர் ராஜதுரை இம்மையத்தில் பயிற்சி பெற்று நாட்டுக்கோழி வளர்ப்பில் ஈடுபட்டு வருகிறார். அவரிடம் பேசினோம். “நான் சென்னையில் ஒரு தனியார் நிறுவனத்தில் குறைவான சம்பளத்துக்கு வேலை செய்துகொண்டிருந்தேன். அந்தச் சமயத்தில் என் நண்பர் ஒருவர், பசுமை விகடன் புத்தகத்தைக் கொடுத்தார். அதில் தண்டோரா பகுதியில் கிரீடு வேளாண் அறிவியல் மையத்தில் நாட்டுக்கோழி வளர்ப்புப் பற்றிய தகவல் வெளியாகியிருந்தது. அதில் கலந்துகொண்டு, 2017-ம் வருஷம் 20 கோழிகளை வைத்துப் பண்ணையை ஆரம்பிச்சேன். இப்ப 100 தாய்க்கோழிகள் இருக்கு. கோழிக்குஞ்சுகள், முட்டைகளை விற்பனை செய்துகொண்டிருக்கிறேன். நிறைவான வருமானம் கிடைக்குது. பசுமை விகடனாலதான் என் வாழ்க்கையே மாறியது” என்றார் நெகிழ்ச்சியுடன்.

சுந்தரேசன்
சுந்தரேசன்

அரியலூர் மாவட்டம், ஆண்டிமடம் அருகேயுள்ள பெரிய தத்தனூர் கிராமத்தைச் சேர்ந்த சுந்தரேசன், “நான் ஆசிரியராகப் பணியாற்றி ஓய்வுபெற்ற பிறகு, என்ன செய்யலாம் என யோசனை செய்திட்டிருந்த சமயத்தில்தான், பசுமை விகடன் மூலமாகக் கிரீடு வேளாண் அறிவியல் மையம் பற்றித் தெரியவந்தது. வேளாண் அறிவியல் மையத்தினர் கொடுத்த யோசனைப்படி, 6 ஏக்கர் நிலத்தில் பாரம்பர்ய நெல் சாகுபடியை ஆரம்பித்தேன். சாகுபடித் தொழில்நுட்பங்களுக்கு வழிகாட்டியதோடு, இயற்கை இடுபொருள்களும் அவர்களிடமே கிடைத்தது. நான் உற்பத்தி செய்யும் பாரம்பர்ய நெல் ரகங்களை, பசுமை விகடனில் வரும் ‘பசுமைச் சந்தை’ மூலமாகத்தான் விற்பனை செய்து வருகிறேன். விதைப்பிலிருந்து விற்பனை வரை பசுமை விகடன் எங்களுக்கு உதவி செய்கிறது” என்றார் உற்சாகத்துடன்.

தொடர்புக்கு, ராஜதுரை, செல்போன்: 85267 14100, சுந்தரேசன், செல்போன்: 97887 80578