Published:Updated:

கழிவுநீர் மேலாண்மை - 3 - தோட்டத்துக்கும் பயன்படும் சுத்திகரிக்கப்பட்ட நீர்!

ஒட்டுமொத்த விகடனுக்கும் ஒரே ஷார்ட்கட்

Use App
பள்ளியில் உள்ள தோட்டத்துக்கு சுத்திகரிக்கப்பட்ட நீர்...
பள்ளியில் உள்ள தோட்டத்துக்கு சுத்திகரிக்கப்பட்ட நீர்...

கழிவுநீர் மேலாண்மை

பிரீமியம் ஸ்டோரி

வீடு, தொழிற்சாலை, அரசு நிறுவனங்கள் ஆகியவற்றில் மழைநீரைச் சேகரிக்கும் முறைகள், தண்ணீரைச் சுத்திகரிக்கும் முறைகள் போன்றவை குறித்து விரிவாக அலச இருக்கிறது, இந்த பகுதி. இந்த இதழில் ஈரோடு மாநகர், பெருந்துறை சாலையில் உள்ள ‘பாரதிய வித்யா பவன்’ என்ற பள்ளியின் வளாகத்தில் செயல்படுத்தப்பட்டு வரும் கழிவுநீர் சுத்திகரிப்பு குறித்துப் பார்ப்போம்.

1. கழிவுநீர் வரும் வழி, 2. கழிவுநீர் சேகரிக்கும் தொட்டி
1. கழிவுநீர் வரும் வழி, 2. கழிவுநீர் சேகரிக்கும் தொட்டி

இந்தப் பள்ளியில் சுத்திகரிப்பு நிலையம் அமைத்து, கழிவுநீரைச் சுத்திகரித்துத் தோட்டத்துக்கும் கழிப்பறைக்கும் பயன்படுத்தி வருகிறார்கள். இதுகுறித்து, பள்ளியின் தாளாளர் ராமகிருஷ்ணனிடம் பேசினோம்.

3. மூலிகைக் கலவை மருந்து சேர்த்தல், 4. சுழலவிடுதல்
3. மூலிகைக் கலவை மருந்து சேர்த்தல், 4. சுழலவிடுதல்

“மக்கள்தொகை பெருகிக்கொண்டே இருப்பதால், தண்ணீர்த்தேவை அதிகரித்துக்கொண்டே இருக்கிறது. அதே நேரத்தில் தினந்தோறும் வெளியாகும் கழிவுநீரின் அளவும் அதிகரித்துக்கொண்டே இருக்கிறது. முறையான மறுசுழற்சி நீர்ப் பயன்பாடு இல்லாததால், நிலத்தடி நீர் அதலபாதாளத்துக்குப் போய்விட்டது. இந்தியா போன்ற நாடுகளில் கழிவுநீரைச் சுத்திகரித்துப் பயன்படுத்த வேண்டியது மிகவும் அவசியம். மலேசியா, சிங்கப்பூர் போன்ற நாடுகளில் கழிவுநீரைச் சுத்திகரிக்கும் திட்டத்தை அரசாங்கமும், தனியார் நிறுவனங்களும் வெற்றிகரமாகச் செயல்படுத்தி வருகின்றன. சிங்கப்பூர் விமான நிலையத்திலேயே சுத்திகரிக்கப்பட்ட கழிவுநீர்தான் பயன்படுத்தப்படுகிறது.

5. மணல் வடிகட்டி, 6. ஃபில்டர் அமைப்பு
5. மணல் வடிகட்டி, 6. ஃபில்டர் அமைப்பு

கழிவுநீர் சுத்திகரிப்பைப் பள்ளியில் செயல்படுத்தி, படிக்கும்போதே மாணவர்களுக்கு விழிப்புஉணர்வு ஏற்படுத்த வேண்டும் என்ற நோக்கத்தில் நாங்கள் செயல்படுத்தி வருகிறோம். எங்கள் பள்ளியில் ஒரு நாளைக்குச் சுமார் 1,20,000 லிட்டர் தண்ணீர் வெளியேறுகிறது. இதைச் சேகரித்துப் பல்வேறு நிலைகளில் சுத்திகரித்து, மறு பயன்பாட்டுக்கு உட்படுத்துகிறோம். கழிவுநீரிலிருந்துப் பிரித்தெடுக்கும் கசடுகளைப் பள்ளியைச் சுற்றியுள்ள மரங்களுக்கும் செடிகளுக்கும் உரமாகப் பயன்படுத்துகிறோம்” என்ற ராமகிருஷ்ணன், சுத்திகரிப்பு அமைப்பை மேற்பார்வை செய்துவரும் திருவாசகம் என்பவரை நமக்கு அறிமுகப்படுத்தினார்.

7. சுத்திகரிக்கப்பட்ட நீர்
7. சுத்திகரிக்கப்பட்ட நீர்

நம்மை அழைத்துச் சென்று சுத்திகரிப்பு அமைப்பைக் காட்டிய திருவாசகம், “கழிவறை, சமையலறை, கேன்டீன், விடுதி ஆகியவற்றில் வெளியாகும் கழிவுநீரைக் குழாய்கள்மூலம் ஒரு தொட்டியில் சேகரிக்கிறோம். அந்தக் கழிவுநீரில் உள்ள கனிமங்களைப் பிரித்தெடுத்துவிட்டு, மூலிகைக் கலவை மருந்து கலக்கும் தொட்டிக்கு அனுப்புவோம். அந்தத் தொட்டியில் உள்ள கழிவுநீரில் துளசி, தேற்றாங்கொட்டை, வேம்பு போன்ற மூலப்பொருள்கள் அடங்கிய மூலிகைக் கலவை மருந்து கலக்கப்படும்.

சிங்கப்பூர் விமான நிலையத்திலேயே சுத்திகரிக்கப்பட்ட கழிவுநீர்தான் பயன்படுத்தப்படுகிறது. முன்பெல்லாம் கோயில் குளத்தைச் சுற்றி தேற்றாங்கொட்டை மரங்கள் இருந்தன.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

 பள்ளியில் உள்ள தோட்டத்துக்கு சுத்திகரிக்கப்பட்ட நீர்...
பள்ளியில் உள்ள தோட்டத்துக்கு சுத்திகரிக்கப்பட்ட நீர்...

பிறகு ‘அஜிடேட்டர்’ எனும் சுழலும் எந்திரத்தை இயக்கி 5 நிமிடங்கள் சுழலவிடுவோம். இதனால், மூலிகைகள் தண்ணீரில் நன்கு கலந்துவிடும். இந்தத் தொட்டியில் கசடுகள் கீழே சென்றுவிடும். பிறகு மேல்மட்டத்தில் உள்ள சுத்தமான நீரை அடுத்தத் தொட்டிக்கு அனுப்புவோம். அந்தத் தொட்டியில் சிறுதுளைகளுடன் கூடிய குழாய்களின் மூலம் தண்ணீர் சொட்டும் அமைப்பும் மணல் வடிகட்டியும் (சாண்டு ஃபில்டர் பெட் - Sand Filter Bed) இருக்கும். இதில் வடிகட்டப்பட்டு வரும் தண்ணீர், ‘ஃபில்டர் ஃபீட் டேங்க்குக்கு (Filter Feed Tank) அனுப்பப்படும். அதன்பிறகு வெளிவரும் நீர் குடிக்கும் தரத்தில் இருக்கும். ஆனாலும், மாசு கட்டுப்பாட்டு வாரியத்தின் விதிமுறைகளின்படி இந்தத் தண்ணீரை, ‘கார்பன் ஃபில்டர்’ மூலம் மீண்டும் சுத்திகரித்துப் பயன்படுத்துகிறோம்” என்றார் உற்சாகத்துடன்.

ராமகிருஷ்ணன்
ராமகிருஷ்ணன்

கழிவுநீரைச் சுத்திகரிக்கும் மூலிகைக் கலவை மருந்து தயாரிக்கும் நிறுவனத்தின் மேலாண்மை இயக்குநர் மூர்த்தி சத்யராஜ், “இந்த மருந்து முழுக்க முழுக்க மூலிகைகளால் ஆனது. துளசி இயல்பிலேயே மருத்துவ குணம் வாய்ந்தது. வேப்பெண்ணெய் தண்ணீரில் பரவும் பாக்டீரியாக்களை அழிக்கக்கூடியது. தேற்றாங்கொட்டை எனப்படும் கொட்டைகள் நம் பெரியவர்கள், தண்ணீரைச் சுத்திகரிக்கக் கிராமங்களில் பயன்படுத்துவதுதான். இந்த மருந்து, தண்ணீரின் தரத்தை உயர்த்துவதோடு தண்ணீரில் உள்ள ‘ஈகோலி’ கிருமிகளையும் செயலிழக்க வைத்துவிடும். இந்த மருந்தைக்கொண்டு சுத்திகரிக்கும் நீரைக் குடிநீராகப் பயன்படுத்தலாம்.

திருவாசகம், மூர்த்தி சத்யராஜ்
திருவாசகம், மூர்த்தி சத்யராஜ்

ஆனால், கழிவுநீரைச் சுத்திகரித்துக் குடிக்கும் மனப்பக்குவம், நம் மக்களுக்கு இன்னும் வராததால், மற்ற தேவைகளுக்குப் பயன்படுத்தலாம். மேலைநாடுகளில் கழிவுநீரைக் குடிநீராக்கும் திட்டத்துக்குப் பெரும் வரவேற்பு உள்ளது. இதுபோன்ற சுத்திகரிப்பு முறைகளைச் செயல்படுத்தினால், தமிழகத்துக்குத் தண்ணீர்ப் பஞ்சமே வராது” என்றார் நம்பிக்கையுடன்.

-சுத்தமாகும்

தொடர்புக்கு, திருவாசகம், செல்போன்: 98427 22373.

சுனில்
சுனில்

முன்னோர் கடைப்பிடித்த தொழில்நுட்பம்தான்!

மூலிகைக் கலவை மருந்து நிறுவனத்தின் இயக்குநர் கே.பி.சுனில், கழிவுநீர் சுத்திகரிப்புக் குறித்துச் சில விஷயங்களைச் சொன்னார். “தண்ணீரைச் சுத்திகரிக்க நமக்குப் புதிதாக எந்தத் தொழில்நுட்பமும் தேவையில்லை. முன்பெல்லாம் கோயில் குளத்தைச் சுற்றி தேற்றாங்கொட்டை மரங்கள் இருந்தன. அந்த மரத்திலிருந்து விழும் விதைகள்மூலம் குளத்திலிருந்த தண்ணீர் சுத்திகரிக்கப்பட்டது. அதேபோன்று முருங்கை விதைகள் இயல்பிலேயே தண்ணீரைச் சுத்திகரிக்கும் தன்மை வாய்ந்தது. தற்போது வெளிநாட்டினர்கூடத் தண்ணீரைச் சுத்தமாக்க முருங்கை விதைகளைப் பயன்படுத்துகின்றனர். வேம்பு மிகச் சிறந்த கிருமி நாசினி(ஆன்டிபயாட்டிக்). சுத்திகரிக்கும் நீரில் உள்ள பாக்டீரியாக்களை இது அழிக்கும். அதனால்தான் பெரும்பாலான குளியல் சோப்புகளில் வேம்பு ஒரு மூலப்பொருளாகப் பயன்படுத்தப்படுகிறது. துளசி, சுத்திகரிக்கப்படும் நீரில் ஆக்ஸிஜனேற்றம் செய்கிறது. இந்த மூலப்பொருள்களைப் பயன்படுத்தித்தான் மூலிகைக் கலவை மருந்தைத் தயாரிக்கிறோம். 1 லிட்டர் மூலிகைக் கலவை மருந்து மூலம் 25,000 லிட்டர் தண்ணீரைச் சுத்திகரிக்க முடியும்” என்றார்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு