Published:Updated:

கிசான் ஓய்வூதியம் பெறுவது எப்படி?

Kisan Pension
பிரீமியம் ஸ்டோரி
News
Kisan Pension

திட்டம்

விவசாயிகள், தங்களின் வயதான காலத்தில் பணக் கஷ்டத்தை அனுபவிக்காமல் வாழ வேண்டும் என்பதற்காகப் பிரதான் மந்திரி கிசான் மாந்தன் யோஜனா என்ற திட்டத்தின் கீழ் விவசாயிகளுக்கான ஓய்வூதிய திட்டத்தை அறிவித்திருந்தது மத்திய அரசு. கடந்த ஜூன் மாதம் நாடாளுமன்றத்தில் மத்திய விவசாயிகள் நல்வாழ்வு துறை அமைச்சர் நரேந்திர சிங் தோமர், ‘மத்திய அரசு இத்திட்டத்திற்கு ஒப்புதல் அளித்துள்ளது’ எனத் தெரிவித்தார். இதைத் தொடர்ந்து தமிழ்நாட்டில் இத்திட்டத்தில் சேர்வதற்கான பணிகள் மாவட்டந்தோறும் நடந்து வருகின்றன.

வேல்முருகன்
வேல்முருகன்

இந்த ஓய்வூதிய திட்டத்தின் சிறப்பம்சங்கள் குறித்துச் சேலம் மாவட்டம், தலைவாசல் வேளாண் உதவி இயக்குநர் வேல்முருகனிடம் பேசினோம். “18 வயது முதல் 40 வயது வரையிலான விவசாயிகள்தான் இத்திட்டத்தின் கீழ் பயன்பெற முடியும். 18 வயதில் மாதம் 55 ரூபாயில் தொடங்கி 40 வயதில் 200 ரூபாய் வரை வயதுகேற்ப பிரீமியத் தொகையைச் செலுத்த வேண்டும். ஒவ்வொரு வயதிற்கும் ஏற்ப இந்தத் தொகை மாறிக்கொண்டே வரும். 60 வயது வரை செலுத்த வேண்டும். 61-வது வயதிலிருந்து மாதந்தோறும் 3,000 ரூபாய் ஓய்வூதியமாக வழங்கப்படும். பயன்பெறுபவர் இறந்துவிட்டால் அவருடைய மனைவி அல்லது வாரிசுகள் தொடர்ந்து பயன்பெறலாம்.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
கிசான் ஓய்வூதியம் பெறுவது எப்படி?

ஆதார் கார்டு, சிறு, குறு விவசாயிக்கான சான்றிதழ் மற்றும் பேங்க் பாஸ்புக் ஆகியவற்றைப் பயன்படுத்திப் பொது இ-சேவை மையத்தில் பதிவு செய்ய வேண்டும். வங்கிக் கணக்கிலிருந்து மாதந்தோறும் பணத்தைப் பிடித்துக் கொள்ளும் வசதியும், பி.எம் கிசான் திட்டத்தில் இணைந்திருந்தால், அதிலிருந்தும் பணம் எடுத்துக்கொள்ளப்படும். இத்திட்டம் எல்.ஐ.சியால் வழி நடத்தப்படுத்தப்படுகிறது.

ஆகவே மாதம், காலாண்டு, அரையாண்டு, ஆண்டுக்கொருமுறை என வசதிக்கேற்ப பணத்தைச் செலுத்தலாம். குடும்பத்தில் யார் பெயரில் நிலம் இருந்தாலும் குடும்பத்தின் மற்ற உறுப்பினர்கள் பெயரில் இந்தத் திட்டத்தைப் பயன்படுத்திக்கொள்ள முடியும். ஐந்து வருடங்களுக்குப் பிறகு இத்திட்டத்தில் தொடர விருப்பமில்லை என்றால் பணத்தை வட்டியுடன் திரும்பப் பெற்றுக்கொள்ளலாம். எதிர்பாரா விதத்தில் திட்டத்தில் இணைந்த விவசாயி இறந்துவிட்டால், அவருடைய மனைவி திட்டத்தைத் தொடரலாம்’’ என்றவர் நிறைவாக, “மாத வருமானம் 15,000 ரூபாய்க்கும் மேல் உள்ளவர்கள், அரசு ஊழியர்கள், பென்ஷன் பெறுபவர்கள், வருமான வரி செலுத்துபவர்கள் இந்தத் திட்டத்தின் கீழ் பயன்பெற முடியாது. திட்டத்தில் இணைய விரும்புபவர்கள் உரிய ஆவணங்களுடன் அருகிலுள்ள இ-சேவை மையத்தை அணுகவும்” என்று வழிகாட்டினார்.