Published:Updated:

அனைத்து வீடுகளிலும் வீட்டுத்தோட்டம்!

ஷில்பா பிரபாகர் சதீஷ்
பிரீமியம் ஸ்டோரி
News
ஷில்பா பிரபாகர் சதீஷ்

நாட்டு நடப்பு

திருநெல்வேலியில் பிரான்சிஸ் சேவியர் பொறியியல் கல்லூரி, தூத்துக்குடி ஸ்காட் வேளாண் அறிவியல் மையம் மற்றும் பசுமை விகடன் இணைந்து நடத்திய ‘வீட்டுக்குள் விவசாயம்’ கருத்தரங்கு கடந்த 4-ம் தேதி நடைபெற்றது. ஸ்காட் கல்விக் குழுமத்தின் நிர்வாக மேலாளர் அருண்பாபு நிகழ்ச்சிக்குத் தலைமை வகித்தார். இந்தக் கல்விக் குழுமத்தின் பொதுமேலாளர் முனைவர் ஜெயக்குமார், ஆலோசகர் முனைவர் கோபால் ஆகியோர் முன்னிலைவகித்தனர். கருத்தரங்கின் நோக்கம் குறித்து ஸ்காட் வேளாண் அறிவியல் மையத்தின் தொழில்நுட்ப வல்லுநர் வேல்முருகன் பேசினார். நிகழ்வில் பேசிய மாநிலங்களவை உறுப்பினர் விஜிலா சத்யானந்த், “கோவை மாவட்டம், சூலூர் அருகிலுள்ள ஒரு ஊராட்சி மன்ற அலுவலகத்தின் மேற்கூரைப் பகுதியில் மூங்கில் கூடைகளைப் பயன்படுத்திக் காய்கறிகள், கீரைகளை வளர்த்துவருவதாக மூன்று வருடங்களுக்கு முன்னால் கேள்விப்பட்டேன். அதை முன்மாதிரியாகக் கொண்டு அனைவரும் செயல்பட வேண்டும்” என்றார் முத்தாய்ப்பாக.

விஜிலா சத்யானந்த்,  ‘பூச்சி’ செல்வம்
விஜிலா சத்யானந்த், ‘பூச்சி’ செல்வம்

மாவட்ட ஆட்சியர் ஷில்பா பிரபாகர் சதீஷ், “வீடுகளில் அனைவரும் வீட்டுத்தோட்டத்தை அமைக்க வேண்டும். நெல்லை மாவட்டத்தில் நூற்றுக்கும் மேற்பட்ட அங்கன்வாடி மையங்கள் பப்பாளி, முருங்கை, காய்கறிகள் ஆகியவற்றுடன் கீரைகளையும் உற்பத்தி செய்துவருகின்றன. அவை குழந்தைகளின் மதிய உணவுடன் கலந்து கொடுக்கப்படுகின்றன. வீட்டுத்தோட்டத்தின் நன்மைகள் ஏராளம். அதை மக்கள் பயன்படுத்திக்கொள்ள வேண்டும்” என்றார்.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS
ஷில்பா பிரபாகர் சதீஷ்
ஷில்பா பிரபாகர் சதீஷ்

பூச்சியியல்துறை வல்லுநர் செல்வம், “வீட்டுத்தோட்டம், மாடித்தோட்டம் அமைக்கப் பெண்கள் ஆர்வமுடன் இருந்தாலும், காய்கறி, கீரைச் செடிகளில் தாக்குதலை ஏற்படுத்தும் பூச்சிகளைக் கண்டு பயந்து தோட்டம் அமைக்கத் தயங்குபவர்கள் அதிகம். பூச்சிகளைக் கண்டு பயப்பட வேண்டிய அவசியமில்லை. பூச்சிகளில் நன்மை செய்யும் பூச்சிகள் உள்ளன. அவற்றின் வரவும் அவசியம். அதே நேரத்தில் தீமை செய்யும் பூச்சிகளையும் விரட்ட வேண்டும்” என்றார்.

அனைத்து வீடுகளிலும் வீட்டுத்தோட்டம்!

பள்ளி, கல்லூரி மாணவர்கள் என 800-க்கும் மேற்பட்டோர் இந்தக் கருத்தரங்கில் கலந்துகொண்டனர். கருத்தரங்கின் நிறைவில் கோவில்பட்டி, ஸ்ரீஹரா வித்யாமந்திர் சி.பி.எஸ்.சி பள்ளி மாணவர்கள் தாங்களாகவே தயாரித்து, கொண்டு வந்திருந்த நூற்றுக்கணக்கான விதைப்பந்துகளைத் தாமிரபரணி ஆற்றங்கரையோரம் வீசிச் சென்றனர்.