Published:Updated:

இயற்கை வேளாண்மை : 5 மண்ணையும் மாற்றும் தென்னைநார்க் கழிவு உரம்!

இயற்கை வேளாண்மை
பிரீமியம் ஸ்டோரி
இயற்கை வேளாண்மை

ஆய்வுப் பார்வையும் அறிவியல் உண்மையும்!

இயற்கை வேளாண்மை : 5 மண்ணையும் மாற்றும் தென்னைநார்க் கழிவு உரம்!

ஆய்வுப் பார்வையும் அறிவியல் உண்மையும்!

Published:Updated:
இயற்கை வேளாண்மை
பிரீமியம் ஸ்டோரி
இயற்கை வேளாண்மை
யற்கை விவசாயமும் அறிவியல் அடிப்படையில் உருவானதுதான். அதைப் புரிந்துகொண்டு செயல்படுத்தினால், அட்சயபாத்திரமாகவே பயன்படும். இயற்கை விவசாயத்தை அறிவியல் பார்வையில் அலசுகிறது இந்தத் தொடர்...

`இந்திய வேளாண் ஆராய்ச்சிக் கழகம், தமிழ்நாடு வேளாண்மைப் பல்கலைக்கழகம் ஆகியவற்றின் பரிந்துரைப்படி மூன்றுவிதங்களில் தொழுவுரத்தைத் தயாரிக்கலாம்’ என்று சொல்லியிருந்தேன். அதை விரிவாகப் பார்ப்போம்.

இயற்கை வேளாண்மை
இயற்கை வேளாண்மை

ஒட்டுமொத்த விகடனுக்கும் ஒரே ஷார்ட்கட்!

கோயம்புத்தூர் முறை

ஆறு மீட்டர் நீளம், இரண்டு மீட்டர் அகலம், ஒரு மீட்டர் ஆழத்தில் குழியெடுத்துக்கொள்ள வேண்டும். வீடுகள், தொழுவம், பண்ணையில் கிடைக்கக்கூடிய அனைத்துக் கழிவுகளையும் குழியில் போடலாம். முதலில் ஐந்து செ.மீ உயரத்துக்குக் கழிவுகளைப் போட வேண்டும். அதற்கு மேலே 10 கிலோ சாணம், ஐந்து லிட்டர் மாட்டுச் சிறுநீர் என்ற விகிதத்தில் பாயசம் பதத்தில் கலந்து, கழிவுகள்மீது தெளிக்க வேண்டும். அடுத்த நாள் கிடைக்கும் கழிவுகளை அதற்கு மேலே போட வேண்டும். அந்தக் கழிவுகள், 15 செ.மீ உயரத்துக்கு வந்த பிறகு, மீண்டும் ஏற்கெனவே செய்ததுபோல சாணம், சிறுநீர் கலந்து மேலே தெளிக்க வேண்டும் முக்கால் மீட்டர் உயரம் வரை இப்படிச் செய்ய வேண்டும். அதற்கு மேல் கழிவுகளைப் போட்டு, சாணக்கரைசலைத் தெளித்து, களிமண்ணால் காற்றுப் புகாத அளவுக்குப் பூசிவிட வேண்டும். எட்டு முதல் 10 வாரத்துக்குள் குழியிலுள்ள கழிவுகள் உரமாக மாறிவிடும். கிளறிவிடுவது, புரட்டிவிடுவது என எந்த வேலையும் இல்லை. இதை வெயிலில்வைத்துத் தயாரிக்கக் கூடாது. மர நிழலில்தான் வைக்க வேண்டும். காற்று உட்புகக்கூடிய நிலையில் தொடங்கும் இந்தத் தயாரிப்பு, காற்று புக முடியாத நிலையில் முடிவடையும். கழிவுகள், உரமாக மாற மாற, உயரம் குறைந்து, மேற்பூச்சில் விரிசல் விழத் தொடங்கும். அப்போது அதை எடுத்துப் பயன்படுத்தலாம்.

இயற்கை வேளாண்மை : 5 மண்ணையும் மாற்றும் தென்னைநார்க் கழிவு உரம்!

இந்தூர் முறை

குழியெடுக்கத் தேவையில்லை. கட்டாந்தரை போதும். மேலே சொல்லிய நீள, அகலத்தில் தரையில் தயாரிக்க வேண்டும். கொட்டும் கழிவுகள் சரிந்து விழாமல் இருப்பதற்காகக் கீழே ஒரு வரி மட்டும் செங்கல் அல்லது ஹாலோபிளாக் வைக்க வேண்டும். அப்போதுதான் சரிந்து விழாமலிருக்கும். இதில் தொழுவத்தில் கிடக்கும் மாட்டுச் சாணம், சிறுநீர் ஆகியவற்றை அள்ளும்போது வரும் மண் முதலான அனைத்துக் கழிவுகளையும் போடலாம். முதலில் 15 சென்டிமீட்டர் உயரத்தில் பண்ணைக் கழிவுகளைப் போட வேண்டும். அதற்கு மேல் தொழுவத்திலுள்ள சாணம், கோமியம் உள்ளிட்ட கழிவுகளைப் போட வேண்டும். மீண்டும் பண்ணைக் கழிவு, அதன்மேல் தொழுவத்தின் கழிவு என முக்கால் மீட்டர் உயரம் வரை போட வேண்டும். அதற்கு மேல் அம்பாரம்போல் குவிக்க வேண்டும்.

‘என் தோட்டத்தில் தண்ணீர் நிற்காது’ என்று சொல்லும் விவசாயிகளும் இதைத் தொடர்ந்து பயன்படுத்தலாம். மண் அடர்த்தி குறைகிறது. காற்றோட்டம் ஏற்படுகிறது. பல்லுயிர் பெருக்கத்துக்கு உதவுகிறது.

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS
விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

அப்போதுதான் நிற்கும். அதற்கு மேல் களிமண்ணை வைத்துப் பூச வேண்டும். அதிலிருந்து ஒரு மாதம் தொந்தரவு செய்யக் கூடாது. பிறகு தண்ணீர் தெளித்து, தினமும் புரட்டிவிட வேண்டும். அதை அப்படியே எடுத்துப் பயன்படுத்தலாம். இந்த முறையில் வெந்தும் வேகாத உணவு போன்ற பதத்தில் உரம் இருக்கும்.

இயற்கை வேளாண்மை : 5 மண்ணையும் மாற்றும் தென்னைநார்க் கழிவு உரம்!

பெங்களூரூ முறை

ஏற்கெனவே சொல்லிய அளவில், குழியெடுக்க வேண்டும். குழியில் பண்ணைக் கழிவுகளை, காய்ந்த இலைதழைகளை 15 சென்டிமீட்டர் உயரத்துக்கு அடுக்க வேண்டும். சாணத்துடன் தண்ணீரைச் சேர்த்து, பாயசம்போலக் கலந்து அதன் மேல் தெளிக்க வேண்டும். ஓரடுக்குக் கழிவுகள், அதன்மீது சாணப் பாயசம் தெளிப்பு என அரை மீட்டர் உயரம் வரை தொடர்ந்து செய்ய வேண்டும். அதற்கு மேலேயுள்ள அரை மீட்டருக்கு இதே முறையில் அம்பாரம்போலக் குவிக்க வேண்டும். அதன் பிறகு இதையும் பூச வேண்டும். இதை 15 நாள்களுக்குத் தொந்தரவு செய்யக் கூடாது. அதன் பிறகு கொத்திவிட வேண்டும். மீண்டும் அம்பாரம்போல் செய்து, களிமண்ணால் பூசிவிட வேண்டும். ஐந்து முதல் ஆறு மாதங்கள் அப்படியே விட்டுவிட வேண்டும். அதற்குமேல் அதை எடுத்து உரமாகப் பயன்படுத்தலாம்.

இயற்கை வேளாண்மை : 5 மண்ணையும் மாற்றும் தென்னைநார்க் கழிவு உரம்!

தென்னைநார்க் கழிவு உரம்

இது முழுமையான, இயற்கையான உரம். நன்கு மட்கிய தென்னை நார்க்கழிவு உரங்கள் சுற்றுச்சூழலுக்குத் தீங்கு விளைவிக்காமல், பயிர்களின் வளர்ச்சிக்கு உதவுபவை. மற்ற உரங்களுக்கு இல்லாத சிறப்பு இதற்கு இருக்கிறது. இதை ஒட்டகத்துக்கு இணையாக ஒப்பிடலாம். பாலைவனத்தில் தண்ணீரைக் குடித்து, இரைப்பையில் சேமித்து வைத்துக்கொள்ளும் ஒட்டகம்போல தனது எடையைவிட 10 மடங்கு அதிக தண்ணீரை உறிஞ்சி வைத்துக்கொள்ளும் திறன் தென்னைநார்க் கழிவு உரத்துக்கு இருக்கிறது.

இயற்கை வேளாண்மை : 5 மண்ணையும் மாற்றும் தென்னைநார்க் கழிவு உரம்!

அங்கக உரத்தில் 20 சதவிகிதம் கார்பன், ஒரு சதவிகிதம் நைட்ரஜன் இருக்க வேண்டும். சரியாக மட்க வைக்கப்பட்ட இந்தத் தென்னைநார்க் கழிவு உரத்தில் 20:1 விகிதம் சரியாக இருக்கும். கார அமிலத்தன்மை 6.5-7.0 என்ற நடுநிலையில் இருக்கும். உப்பும் சரியான அளவில் இருக்கிறது. மட்கிய பிறகு உரத்தில் உப்புத்தன்மை, மீட்டருக்கு 1.0 டெசிசீமன் என்ற அளவுக்குக் கீழே இருக்க வேண்டும். இதில் 0.2 டெசிசீமன்/மீட்டர் (Desi sieman/meter) என்ற அளவில் பயிர்களுக்குத் தேவையான அளவில் இருக்கும்.

இயற்கை வேளாண்மை : 5 மண்ணையும் மாற்றும் தென்னைநார்க் கழிவு உரம்!

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

தேங்காய் மட்டையிலிருந்து நாரைப் பிரித்து எடுத்த பிறகு, தூள் போன்ற கழிவுகள் கிடைக்கும். அந்தக் கழிவுகளிலிருந்துதான் தென்னைநார்க் கழிவு உரம் தயாரிக்கப்படுகிறது. இது தயாரிக்கக்கூடிய இடம் நிழலாக, தண்ணீர் தேங்காத, சமதளமாக, தரையிலிருந்து அரையடி உயரத்தில் இருக்க வேண்டும்.‌

இயற்கை வேளாண்மை : 5 மண்ணையும் மாற்றும் தென்னைநார்க் கழிவு உரம்!

உரம் தயாரிக்கக் குழி எடுக்கத் தேவையில்லை. மேற்கண்ட தரைதள முறைகளில் ஏதாவது ஒரு முறையில் தரையிலேயே தயாரிக்கலாம். நான்கடி நீளம், மூன்றடி அகலமுள்ள இடத்தைத் தேர்வு செய்துகொள்ள வேண்டும். இது ஒரு டன் உரம் தயாரிப்பதற்கான அளவு. கொட்டும் கழிவுகள் சரிந்து விழாமலிருப்பதற்காக ஒரு வரிசை ஹாலோபிளாக் அல்லது செங்கல்லை வைக்க வேண்டும். இதில் கொட்டும் கழிவுகள் மட்கியநிலையில் இருக்க வேண்டும். முதலில் மூன்று இன்ச் உயரத்துக்குக் கழிவுகளைக் கொட்டி, பரப்பிவிட வேண்டும். அதன் மீது 20 கிலோ கோழி எரு அல்லது 30 கிலோ பன்றி எருவைத் தூவிவிட வேண்டும். அதன்மீது ஐந்து இன்ச் உயரத்துக்கு தென்னைநார்க் கழிவுகளைக் கொட்டி, பரப்பிவிட வேண்டும். அதன்மீது 200 கிராம் காளான் விதையைத் தூவிவிட வேண்டும். காளான் விதை தூவப்பட்ட தென்னைநார்க் கழிவின் மீது 20 மி.லி இ.எம் கரைசலைத் தெளிக்க வேண்டும். இதே முறையில் தொடர்ந்து அடுத்தடுத்து ஐந்து இன்ச் அடுக்குகளை அமைக்க வேண்டும். இரண்டு அடுக்குகளுக்கு ஒரு முறை மட்டும் காளான் விதை பரப்பி அதன்மீது இ.எம் தெளிக்க வேண்டும்.

4.5 அடி உயரத்தில் மொத்தம் 10 அடுக்குகள்வரை அடுக்கலாம். பிறகு 10 நாள்களுக்கு ஒரு முறை இந்தக் கலவையைப் புரட்டிவிட வேண்டும். இது காற்று உட்புகும் முறையில் தயாராகிறது. காற்றோட்டத்துக்காக நீள வசத்தில், ஐந்தடி நீளத்தில் ஆங்காங்கே துளையிடப்பட்ட இரண்டு பி.வி.சி குழாய்களை இரண்டு பக்கமும் அரையடி வெளியே இருக்குமாறு சொருக வேண்டும். அதேபோல நான்கடி நீள இரண்டு பி.வி.சி குழாய்களைக் குறுக்குவாட்டில் சொருக வேண்டும். இந்த முறையில் குழாய்களைச் சொருகும்போது காற்று உள்ளே போய் வர ஏதுவாக இருக்கும்.

உரமாக மாறும் காலம்வரை 60 சதவிகிதம் ஈரப்பதம் இருந்துகொண்டே இருக்க வேண்டும்; அதற்கேற்ப தினமும் தண்ணீர் தெளிக்க வேண்டும். ஈரப்பதம் இருக்க வேண்டும்; அதே நேரத்தில் அதிக அளவு தண்ணீர்விடக் கூடாது. 60 நாள்களில் உரம் தயாராகிவிடும். ஆரம்பத்தில் பயன்படுத்தும் கழிவுகள், பழுப்பு நிறத்தில் இருக்கும். 60 நாள்களுக்குப் பிறகு கறுப்பு நிறத்தில் மாறியிருக்கும். இதுதான் கழிவு உரமாக மாறிவிட்டது என்பதற்கான அறிகுறி. பிறகு அந்த உரத்தை எடுத்துப் பயன்படுத்தலாம். அனைத்துப் பயிர்களுக்கும் தென்னைநார்க் கழிவு உரத்தைப் பயன்படுத்தலாம். ஒரு ஏக்கருக்குப் பரிந்துரைக்கப்படும் அளவு இரண்டு டன்.

‘‘தென்னைநார்க் கழிவின் தாயகம் கேரளா. அங்கிருந்து பொள்ளாச்சி வழியாக தமிழகத்துக்கு வந்தது. அங்கு மேலும் தொழில்நுட்ப வளர்ச்சியடைந்து, உலகம் முழுக்கத் தென்னைநார்க் கழிவு உரத்தொழில்நுட்பம் பரவியிருக்கிறது.’’

நன்மைகள்

மண் அடர்த்தி குறைகிறது. காற்றோட்டம் ஏற்படுகிறது. பல்லுயிர்ப் பெருக்கத்துக்கு உதவுகிறது. சில இடங்களில் வண்டல் கலந்த மணல் சாரி மண்ணாக இருக்கும். அந்த மண்ணில் பெரும்பாலும் விவசாயம் செய்ய மாட்டார்கள். அந்த மண்ணை விவசாயத்துக்கு ஏற்ற மண்ணாக மாற்ற, தென்னை நார்க் கழிவு உரம் ஏற்றது. ‘என் தோட்டத்தில் தண்ணீர் நிற்காது’ என்று சொல்லும் விவசாயிகளும் இதைத் தொடர்ந்து பயன்படுத்திவந்தால், காலப்போக்கில் மண்ணின் இயற்பியல், வேதியியல் குணங்கள் மாறும்.

நான்கு பங்கு மண்ணுக்கு ஒரு பங்கு தென்னைநார்க் கழிவு உரம் இட்டால், அந்த மண்ணைச் சாகுபடிக்கு ஏற்றதாக மாற்றலாம். ஒரு சாகுபடியில் அதை மாற்ற முடியாது. தொடர்ந்து பயிர் செய்து கொண்டிருக்கும்போது அந்த மண் மாறும்.

தீமைகள்

தென்னைநார்க் கழிவிலுள்ள தேவையில்லாத வேதிப் பொருள்களை நீக்காமல் பயன்படுத்தினால், மண்ணைக் கெடுத்துவிடும். அதேபோல, தென்னை மட்டைகளை அப்படியே பயிர்களுக்கு மூடாக்காகப் பயன்படுத்துகிறார்கள். அது தவறான செயல். அப்படிச் செய்வதால் காலப்போக்கில் சவ்வூடுபரவல் குறைந்துவிடும். அதனால் தென்னை மரங்கள் கொஞ்சம் கொஞ்சமாகக் காய்க்கும் திறனை இழக்கும்.

எனவே, தென்னைநார்க் கழிவை மட்க வைக்காமல் எந்தப் பயிருக்கும் பயன்படுத்தக் கூடாது. தென்னைநார்க் கழிவை இரவு தூங்குவதற்கு முன்னர் ஒரு கைப்பிடி அளவு எடுத்து, ஒரு வாளித் தண்ணீரில் போட்டு், காலை வேளையில் பார்க்கும்போது வாளியிலுள்ள நீரோ அல்லது நார்க் கழிவை எடுத்துப் பிழியும்போதோ அடர் சிவப்பு நிறத்தில் தண்ணீர் வந்தால் அந்தத் தென்னைநார்க் கழிவை நேரடியாகப் பயிர்களுக்குப் பயன்படுத்தக் கூடாது. தண்ணீர் இளம் மஞ்சள் நிறத்தில் அல்லது வெள்ளை நிறத்தில் வந்தால் அதைப் பயன்படுத்தலாம்.

மண்ணைப் பொன்னாக்கும் மண்புழு உரம் பற்றி அடுத்த இதழில்...

தென்னைநார்க் கழிவிலுள்ள வேதிப் பொருள்கள்

தென்னைநார்க் கழிவுகளை எடுத்து வந்து, பட்டிபோல் அமைத்து அதை தினமும் குழாய் மூலமாகத் தண்ணீரில் மேலிருந்து நனைக்க வேண்டும். ஒரு மாதம்வரை காலை, மாலை இரு வேளையும் நனைக்க வேண்டும். அப்படிச் செய்யும்போது அதிலுள்ள தேவையில்லாத வேதியியல் பொருள்கள் வெளியேறும். பிறகுதான் அதை உரம் தயாரிக்கப் பயன்படுத்த வேண்டும். லிக்னின், டேனின், பீனால், செல்லுலோஸ் ஆகிய நான்கு பொருள்களும் அதில் இருக்கின்றன.

இவற்றில் லிக்னின், டேனின், பீனால் ஆகியவை பயிர்களில் வேர் உறிஞ்சு தன்மையான சவ்வூடுபரவலின் வேகத்தைக் குறைத்து, பயிர் வளர்ச்சிக்கு எதிர்வினையாற்றும். எனவே, தென்னைநார்க் கழிவுகளை நீரில் தொடர்ந்து நனைத்துவந்தால், இந்த வேதிப் பொருள்கள் 60-70% நீர்த்துப்போகும். இதைச் செய்ய முடியவில்லையென்றால், கழிவு கொட்டப்பட்ட இடத்தில் மூன்று மாதங்கள் அல்லது ஒரு மழைக்காலம் முழுவதும் நனைந்த பிறகு எடுத்து, தென்னைநார்க் கழிவு உரம் தயாரிக்கப் பயன்படுத்தலாம். உரம் ஆவதற்கு முன்னர் 30 சதவிகிதம் இருக்கும் லிக்னின், உரமாக மாறிய பிறகு 4.8 சதவிகிதமாகக் குறைந்துவிடும். 26 சதவிகிதம் இருக்கும் செல்லுலோஸ் 10.1 சதவிகிதமாகக் குறைந்துவிடும்.

தென்னைநார்க் கழிவு வரலாறு!

தை ஆங்கிலத்தில் ‘காயர் கம்போஸ்ட்’ என்கிறார்கள். ‘கயர்’ என்ற மலையாளச் சொல்லிலிருந்து உருவான வார்த்தைதான் ‘காயர்.’ ‘கயர்’தான் மருவி, ஆங்கிலேயர்களால் இதற்கு ‘காயர்’ (Coir) எனப் பெயரிடப்பட்டது. பின்னர் ஆங்கில மொழியில் ‘Coir’ என அகராதிச் சொல்லானது. மலையாளத்தில் பயன்படுத்தப்பட்ட `கயர்’ மருவி, தமிழில் ‘கயிறு’ எனவும் அழைக்கப்படுகிறது. அந்தக் காலத்தில் கடல் வாணிகத்தில் கப்பல் நங்கூரத்துக்கும், உள்ளே கப்பல் கட்டுவதற்கும் கயிறு பயன்பட்டது. முதன்முதலில் மலையாள வணிகர்கள்தான் கயிற்றை கப்பல் கட்டுமானத்துக்கும், வணிகக் கப்பல் இயக்கத்துக்கும் பயன்படுத்தினார்கள்.

கேரளாவில் தென்னைப் பரப்பளவு கூடுதல் என்பதால், கயிறு தயாரிப்புக்காகத் தென்னைக் கழிவான நாரைப் பயன்படுத்தினார்கள். தென்னைமட்டையில் கயிறு தயாரிக்க நார் எடுத்ததுபோக, தூளாகக் கழிவுகள் கிடைக்கும். அவற்றை என்ன செய்வது என்று தெரியாமல், கண்ட இடங்களில் கொட்டிவைத்தார்கள். அப்படிக் குப்பையாகக் கொட்டிய சில இடங்களில் விவசாயிகள் பண்ணைக் கழிவுகளையும், இலைதழைகளையும் கொட்டினார்கள். ஒருசில வருடங்களாகத் தேங்கிக்கிடந்த அந்தக் குப்பையை எடுத்துப் பயிருக்கு உரமாகக் கொடுத்தார்கள். பயிர் வளர்ச்சி வழக்கத்தைவிட நன்றாக இருந்தது. அதிலிருந்துதான் தென்னைநார்க் கழிவு உரமாகத் தயாரிக்கப்பட்டது. இதன் தாயகம் கேரளா. அங்கிருந்து பொள்ளாச்சி வழியாக தமிழகத்துக்கு வந்தது. அங்கு மேலும் தொழில்நுட்ப வளர்ச்சியடைந்து, உலகம் முழுக்கத் தென்னைநார்க் கழிவு உரத் தொழில்நுட்பம் இன்றைக்குப் பரவியிருக்கிறது.

உரங்களை இப்படித்தான் ஊட்டமேற்ற வேண்டும்!

தென்னைநார்க் கழிவு உரம், தொழுவுரம், கோழி உரம், பண்ணைக் கழிவு உரம் ஆகிய அனைத்து உரங்களையும் ஊட்டமேற்ற ஒரே தொழில்நுட்பம்தான். மூன்றடி நீளம், இரண்டடி அகலத்தில் தரையில் படுக்கை அமைத்துக்கொள்ள வேண்டும். அதில் மூன்று இன்ச் உயரத்துக்கு உரத்தைப் பரப்பிவிட வேண்டும். அதற்கு மேல் தலா ஒரு கிலோ பாறைத்தூள், எலும்புத்தூள், தொழிற்சாலைச் சாம்பல் ஆகியவற்றைக் கலந்து தூவிவிட வேண்டும். அதற்குமேல் மீண்டும் உரத்தை ஓரடி உயரத்துக்கு இட வேண்டும். அதன்மீது மேலே சொன்ன மூன்று பொருள்கள் கலந்த கலவையை அதே அளவு போட வேண்டும். அந்தக் கலவை மறையும் அளவுக்குக் கொஞ்சமாக உரத்தைத் தூவி அதற்குமேல் 20 மி.லி இ.எம் கரைசலைத் தெளிக்க வேண்டும். மீண்டும் ஓரடி உயரத்துக்கு உரம், அதன்மீது மூன்று பொருள்கள் கலவை, அதன்மீது இ.எம் என மூன்று அடுக்குகள் அமைக்க வேண்டும். இதைப் புரட்டிவிட வேண்டும். இது, 15 முதல் 30 நாள்களில் ஊட்டமேற்றப்பட்ட உரமாகத் தயாராகிவிடும். இதைப் பயன்படுத்துவதற்கு முன்னதாக அசோஸ்பைரில்லம், பாஸ்போபாக்டீரியா, ரைசோபியம் ஆகியவற்றைத் தலா ஒரு கிலோ இட்டு, நன்றாகப் புரட்டி, கலந்துகொள்ள வேண்டும்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism