Published:Updated:

சாதனை-3: தமிழ்நாட்டில் நடந்த பூச்சி புரட்சி!

பூச்சி புரட்சி
பிரீமியம் ஸ்டோரி
பூச்சி புரட்சி

பூச்சி மேலாண்மை - நீ.செல்வம், பூச்சியியல் வல்லுநர்

சாதனை-3: தமிழ்நாட்டில் நடந்த பூச்சி புரட்சி!

பூச்சி மேலாண்மை - நீ.செல்வம், பூச்சியியல் வல்லுநர்

Published:Updated:
பூச்சி புரட்சி
பிரீமியம் ஸ்டோரி
பூச்சி புரட்சி

விவசாயிகளுக்கு எதிரி பூச்சிகள். வயலில் பூச்சிகள் இருந்தால் கடைக்குச் சென்று பூச்சிக்கொல்லி விஷம் வாங்கி வந்து தெளித்து விட வேண்டும். அப்போதுதான் நிம்மதி இருக்கும். இந்தப் பொதுவான மனநிலை தமிழக விவசாயிகளுக்கு இருந்தது. இந்த நிலையில்தான் 1980-ம் ஆண்டு ஒருங்கிணைந்த பூச்சி மேலாண்மை என்ற திட்டத்தை உலக உணவு மற்றும் வேளாண்மைக் கழகம் அறிமுகப்படுத்தியது. பூச்சிக்கொல்லி இல்லாத விவசாயத் திட்டமான அந்தத் திட்டத்தில் வேளாண் அலுவலர்களுக்குப் பயிற்சி அளிக்கப்பட்டது. கர்நாடக மாநிலத்தில் நடந்த ஒரு பயிற்சியில் கலந்து கொள்ளும் வாய்ப்பு எனக்குக் கிடைத்தது. அந்தப் பயிற்சியில்தான் நன்மை செய்யும் பூச்சிகள், தீமை செய்யும் பூச்சிகள், பூச்சிக்கொல்லி இல்லாத விவசாயம் போன்றவற்றில் ஆழமான தெளிவு கிடைத்தது.

சாதனை-3:  தமிழ்நாட்டில் நடந்த பூச்சி புரட்சி!

அந்நிலையில் 2006-ம் ஆண்டு நம்மாழ்வார் ஐயாவின் அறிமுகம் கிடைத்தது. ‘பூச்சிக்கொல்லி இல்லாத விவசாயத்தை, விவசாயிகள் மத்தியில் கொண்டு சேர்க்க வேண்டும்’ என்றார் நம்மாழ்வார். சில கூட்டங்களுக்கும் என்னை அழைத்துச் சென்றார். அந்த நேரத்தில்தான் பசுமை விகடன் வெளிவந்தது. நம்மாழ்வார் தலைமையில் தமிழகத்தின் அனைத்து மாவட்டங்களிலும் இயற்கை வேளாண்மை களப் பயிற்சியைப் பசுமை விகடன் நடத்தியது. மூன்று நாள்கள் நடந்த அந்தப் பயிற்சியில், அரை நாள் பூச்சியைப் பற்றிய எனது வகுப்பும் நடக்கும். வயல்களில் நேரடியாகப் பூச்சிகளைப் பிடித்து விளக்கமாகச் சொல்லித் தருவேன். பயிற்சியில் நடப்பவை அடுத்தடுத்த பசுமை விகடன் இதழில் வெளியானது. அது தமிழக அளவில் பெரிய அதிர்வை ஏற்படுத்திய நிலையில், பூச்சிகளைப் பற்றிய ஒரு தொடர் எழுத வாய்ப்புக் கிடைத்தது.

நன்மை செய்யும் பூச்சிகள், தீமை செய்யும் பூச்சிகள் பற்றிப் பசுமை விகடன் மூலமாகக் கற்றுக் கொடுத்துக்கொண்டே இருந்தது நல்ல பலனைக் கொடுத்தது. பெரும்பாலான விவசாயிகள் பூச்சிக்கொல்லி பயன்பாட்டை நிறுத்தினார்கள். ஒரு காலத்தில் வேளாண் கல்லூரி பேராசிரியர்கள், வேளாண் மாணவர்கள், வேளாண் துறை அதிகாரிகள் மத்தியில் மட்டுமே இருந்த பூச்சிகளைப் பற்றிய தகவல்கள் விவசாயிகளின் புத்தியில் புகுந்தது.

இது, தமிழகத்தில் எண்ணிப்பார்க்க முடியாத மிகப் பெரும் மாற்றத்தை ஏற்படுத்தியது. பூச்சிகளைப் பற்றித் தொடர்ந்து பேசி வருவதால் எனது பெயருடன் பூச்சி என்பதையும் அடைமொழியாகச் சேர்த்துவிட்டார்கள். தற்போது ‘பூச்சி’ செல்வம் என்றே விவசாயிகள் அழைக்கிறார்கள். இது பசுமை விகடன் மூலம் எனக்குக் கிடைத்த மிகப்பெரிய பட்டமாக நினைக்கிறேன்.

ஒட்டுமொத்த விகடனுக்கும் ஒரே ஷார்ட்கட்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism