Published:Updated:

சாதனை- 8 : “வீட்டுத்தோட்ட ஆர்வத்தை விதைத்த பசுமை விகடன்!”

சுல்தான் அகமது இஸ்மாயில்
பிரீமியம் ஸ்டோரி
சுல்தான் அகமது இஸ்மாயில்

வீட்டுத்தோட்டம் பேராசிரியர் சுல்தான் அகமது இஸ்மாயில்

சாதனை- 8 : “வீட்டுத்தோட்ட ஆர்வத்தை விதைத்த பசுமை விகடன்!”

வீட்டுத்தோட்டம் பேராசிரியர் சுல்தான் அகமது இஸ்மாயில்

Published:Updated:
சுல்தான் அகமது இஸ்மாயில்
பிரீமியம் ஸ்டோரி
சுல்தான் அகமது இஸ்மாயில்

‘‘நாலணாவுக்கு விற்றுக்கொண்டிருந்த காலத்திலிருந்தே ஆனந்த விகடன் எங்கள் குடும்பத்தில் ஓர் அங்கம். பசுமை விகடன் தனிப்புத்தகமாக வருவதற்கு முன்னால் ஆனந்த விகடனில் நான்கு பக்கங்கள் வேளாண்மை பற்றி வெளிவந்து கொண்டிருந்தது. அப்போதே நான் எழுத ஆரம்பித்துவிட்டேன். பிறகு, பசுமை விகடனில் மண்புழுக்களின் பயன்கள் பற்றி ‘மண், மக்கள், மகசூல்’ என்ற தொடரை எழுதினேன். இயற்கை வேளாண்மையை முன்னெடுக்கும் இதழ் இந்தளவுக்குப் பிரபலமாகும் என்று, 14 ஆண்டுகளுக்கு முன்னால் யாருமே நினைத்துப்பார்த்திருக்க முடியாது. அந்தளவுக்குப் பசுமை விகடன் இன்று வெற்றி நடைபோட்டுக் கொண்டிருக்கிறது.

பத்திரிகைகளைப் பொறுத்தவரை, அந்தந்த நேரத்தில் புகழ் வெளிச்சத்தில் இருப்பவர்களைத்தான் பேட்டி எடுக்கும். சில நேரங்களில் அவர்களை எழுதவும் வைக்கும். ஆனால், பசுமை விகடனில் மட்டும்தான் எங்கோ ஒரு குக்கிராமத்தில் இருக்கிற விவசாயியும் விவசாயம் தொடர்பான தன்னுடைய கருத்தையும் அனுபவத்தையும் பதிய வைக்க முடியும்.

வீட்டுத்தோட்டம், மாடித்தோட்டம் போடுவதற்கான விதையை மக்களின் மனங்களில் ஊன்றியதில் பசுமை விகடனின் பங்கு மிகப்பெரியது. 2007-ம் ஆண்டு முதலே மாடித்தோட்டம் பற்றி பசுமை விகடன் இதழில் கட்டுரைகள் இடம் பெற்று வருகின்றன. என் மாணவர் ‘பம்மல்’ இந்திரகுமாரின் வீட்டுத்தோட்டம் இன்று பலருக்கும் முன்மாதிரியாக உள்ளது. இதை வெளி உலகுக்கு அறிமுகப்படுத்திய பெருமை பசுமை விகடனையே சேரும். மாடித்தோட்டம் போடுவதற்கு மக்களை ஊக்கப்படுத்துவதற்காக, ஆங்காங்கே நிகழ்வுகளை நடத்த ஆரம்பித்தது பசுமை விகடன். அங்கேயே இயற்கை விவசாயத்தில் விளைந்த பொருள்களுக்கான விற்பனையும் நடக்கும்.

சாதனை- 8 :  “வீட்டுத்தோட்ட ஆர்வத்தை விதைத்த பசுமை விகடன்!”

ஒருமுறை சென்னை எத்திராஜ் மகளிர் கல்லூரியில் ‘வீட்டுத்தோட்டம் போடுவது எப்படி’ என்று பெண்களுக்கான நிகழ்ச்சி ஒன்றை அவள் விகடனுடன் இணைந்து நடத்தியது பசுமை விகடன். ஆயிரம் பேருக்கு மேல் அந்த அரங்கம் முழுக்க மக்களால் நிறைந்திருந்தது. நிறைய பேர் வெளியேயும் நின்றுகொண்டு நிகழ்ச்சியைக் கேட்டார்கள். இதற்கு என்ன காரணம் தெரியுமா? பசுமை விகடன் ஒரு நிகழ்ச்சியை ஏற்பாடு செய்கிறது என்றால் அது தரமாகத்தான் இருக்கும் என்கிற மக்களின் நம்பிக்கை. வீட்டுத்தோட்டத்தில் ஆர்வம் ஏற்படுத்தியதோடு நின்றுவிடாமல், அங்கேயே வீட்டுத்தோட்டம் அமைப்பதற்கான உபகரணங்கள் கிடைப்பதற்கான வழிவகைகளையும் செய்திருந்தது பசுமை விகடன். வெறும் பேச்சளவில் நின்றுவிடாமல் செயல் அளவிலும் பசுமை விகடன் செய்து காட்டியுள்ளது. இதனைத் தொடர்ந்து, வீட்டுத்தோட்டம் குறித்து பசுமை விகடன் இதழில் தொடர் கட்டுரைகள் வெளிவந்தன. தமிழ்நாடு முழுக்க வீட்டுத்தோட்ட நிகழ்ச்சிகள் நடத்தப்பட்டது. இதன் பிறகுதான், அரசின் கவனம் வீட்டுத்தோட்டம், மாடித்தோட்டம் மீது பதிந்தது. இதன் மூலம் சிறப்புத் திட்டம், மானிய விலையில் உபகரணங்கள்... கொடுத்து வருகிறது தோட்டக்கலைத் துறை. இன்று சிறிய நகரங்களில் கூட வீட்டுத்தோட்டமும் மாடித்தோட்டமும் செழித்து வளர்கின்றன. இதற்கு விதைப் போட்ட பெருமை பசுமை விகடனையே சேரும்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism