Published:Updated:

கழிவு நீரில் விவசாயம்... சுத்திகரிப்பு முறைகளும் மேலாண்மைக்கான வழிகளும்...

கழிவுநீர் மேலாண்மை
பிரீமியம் ஸ்டோரி
கழிவுநீர் மேலாண்மை

புதிய பகுதி

கழிவு நீரில் விவசாயம்... சுத்திகரிப்பு முறைகளும் மேலாண்மைக்கான வழிகளும்...

புதிய பகுதி

Published:Updated:
கழிவுநீர் மேலாண்மை
பிரீமியம் ஸ்டோரி
கழிவுநீர் மேலாண்மை

கழிவுநீர் மேலாண்மை

ண்ணீர்... இந்தக் கோடையில் தமிழகம் முழுக்க ஒலித்த குரல். இப்போதும் ஒலித்துக் கொண்டிருக்கிறது. இனியும் ஒலிக்கும். காரணம், மழை எப்போது கிடைக்கும் என்று தெரியாத நிலைதான். ‘இயற்கை வேளாண் விஞ்ஞானி’ நம்மாழ்வார், ‘தண்ணீரைப் பூமியில் தேடாதே... வானத்திலிருந்து வரவழை’ என்றார். வானத்திலிருந்து வரவைக்கும் வழிகளெல்லாம் இன்று அரசுகளால் அடைபட்டு நிற்கின்றன.

இன்றைய சூழ்நிலையில், இருக்கும் தண்ணீரைச் சிக்கனமாகப் பயன்படுத்துவது, பயன்படுத்திய தண்ணீரை மறுசுழற்சி செய்து மீண்டும் பயன்படுத்துவது ஆகிய இரண்டு வழிகள்தான், தண்ணீர்ப் பற்றாக்குறையைச் சமாளிக்கும் வழிகள்.

கழிவு நீரில் விவசாயம்... சுத்திகரிப்பு முறைகளும் மேலாண்மைக்கான வழிகளும்...

தமிழ்நாட்டில் மாநகராட்சி, நகராட்சி, பேரூராட்சி அமைப்புகள் என அனைத்துப் பகுதிகளிலும் அமைந்திருக்கும் வீடுகள், தனியார் நிறுவனங்கள், தொழிற்சாலைகள் போன்றவை தினந்தோறும் பல லட்சம் லிட்டர் கழிவு நீரை வெளியேற்றுகின்றன. இப்படி வெளியேற்றப்படும் கழிவுநீரில் பாதியளவுக்கு மேல் நிலத்தடி நீரையும், சுற்றுச்சூழலையும் பாதிப்படையச் செய்கிறது. இந்தியாவில் ஒருநாளைக்கு 61,948 மில்லியன் லிட்டர் கழிவு நீர் வெளியேற்றப்படுகிறது. இதில் 23,277 மில்லியன் லிட்டர் தண்ணீர் மட்டுமே சுத்திகரிக்கப்படுகிறது. தமிழ்நாட்டில் ஒருநாளைக்கு 5,599 மில்லியன் லிட்டர் கழிவு நீர் வெளியேற்றப்படுகிறது. இதில் 1,799 மில்லியன் லிட்டர் தண்ணீர் மட்டுமே சுத்திகரிக்கப்படுகிறது. தொழிற்சாலைகளிலிருந்து ஒரு நாளைக்கு 501 மில்லியன் லிட்டர் கழிவு நீர் வெளியேற்றப்படுகிறது.

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

‘இப்படி வெளியேற்றப்படும் கழிவு நீரை முறையாகச் சுத்திகரித்து மறுபயன்பாட்டுக்கு உபயோகப் படுத்த முடியும்’ என்று சூழலியல் அறிஞர்கள் வலியுறுத்தி வருகிறார்கள். இந்த முறையில் சில நிறுவனங்கள் கழிவுநீரைச் சுத்திகரித்து மறு பயன்பாட்டுக்கு உபயோகப் படுத்தினாலும், அது போதுமானதாக இல்லை என்பதே நிதர்சனம்.

கழிவு நீரில் விவசாயம்... சுத்திகரிப்பு முறைகளும் மேலாண்மைக்கான வழிகளும்...

‘ஒரு நபர் ஒரு நாளைக்குச் சுமார் 135 லிட்டர் தண்ணீரைப் பயன்படுத்துகிறார்’ என்கிறது, புள்ளிவிவரம். நான்கு பேருள்ள ஒரு வீட்டில் ஒரு நாளைக்குக் குறைந்தபட்சம் 500 லிட்டருக்கு மேல் கழிவு நீர் வெளியேறும். இதை மறுசுழற்சி செய்தால் குறைந்தபட்சம் பாதியளவு தண்ணீராவது கிடைத்துவிடும். அதைச் செடிகள் வளர்ப்பு, மரங்கள் வளர்ப்பு, புல்வெளி பராமரிப்பு என ஏதோவொரு விதத்தில் உபயோகப்படுத்தலாம்.

பெரிய தொழிற்சாலைகள், ஒரு நாளைக்கு 10 லட்சம் லிட்டர் முதல் 10 கோடி லிட்டர் வரை கழிவுத் தண்ணீரை வெளியேற்றுகின்றன. இந்தத் தண்ணீரைச் சுத்திகரித்துப் பயன்படுத்தினால், தண்ணீர்ப் பற்றாக்குறையை விரட்டியடிக்க முடியும். ஊரகப் பகுதிகளில் விவசாயத்துக்குப் பயன்படுத்தலாம். நகர்ப் பகுதிகளில் வீட்டுத்தோட்டம், பூங்கா பராமரிப்பு, கழிப்பறைகள் போன்றவற்றுக்குப் பயன்படுத்தலாம். தமிழ்நாட்டில் ஒவ்வொரு மாநகராட்சியும் தினமும் கோடிக்கணக்கான லிட்டர் கழிவு நீரை மறுசுழற்சி செய்து வெளியேற்றுகிறது. அவையெல்லாம் அருகில் உள்ள விவசாய நிலங்களுக்குக் கிடைத்தால் தண்ணீர்ப் பற்றாக்குறையான காலங்களில் பேருதவியாக இருக்கும். இவ்வளவுக்கும் இந்தியாவிலேயே அதிக கழிவுநீர் சுத்திகரிப்பு நிலையங்களைக் கொண்டிருக்கிறது, தமிழகம். இருந்தும் மறுசுழற்சி தண்ணீர்ப் பயன்பாட்டில் போதிய முன்னேற்றம் இல்லை.

வீடு, தொழிற்சாலை, அரசு நிறுவனங்கள் ஆகியவற்றில் தண்ணீரைச் சுத்திகரிக்கும் முறைகள், ஏற்கெனவே இருக்கும் சுத்திகரிக்கும் அமைப்புகளை மேம்படுத்தக்கூடிய முறைகள், புதிதாக ஆரம்பிக்கும் முறைகள், சுத்திகரிக்கப்பட்ட தண்ணீரைப் பயன்படுத்தும் முறைகள் போன்றவை குறித்துப் பார்ப்போம். கழிவுநீர் மேலாண்மையில் சிறந்து விளங்கும் அமைப்புகள் குறித்தும் இந்தப் பகுதியில் பார்க்கவிருக்கிறோம்.

- சுத்தமாகும்