Published:Updated:

70 முயல்கள்... மாதம் ரூ.30,000 - மொட்டை மாடியில் முயல் வளர்ப்பு!

ஜான்சன் செல்வம்
பிரீமியம் ஸ்டோரி
ஜான்சன் செல்வம்

கால்நடை

70 முயல்கள்... மாதம் ரூ.30,000 - மொட்டை மாடியில் முயல் வளர்ப்பு!

கால்நடை

Published:Updated:
ஜான்சன் செல்வம்
பிரீமியம் ஸ்டோரி
ஜான்சன் செல்வம்

ருகருகே வீடுகள் அமைந்துள்ள நகரங்களில் உள்ளவர்களில் பலருக்கும் விவசாயம், கால்நடை வளர்ப்பு, பண்ணை அமைத்தல் போன்றவற்றில் ஆர்வமும், குறைந்த பட்ச ஆசையும் இருக்கிறது. இத்தகைய ஆர்வத்தைப் பூர்த்தி செய்யும் வகையில் திருச்சியைச் சேர்ந்த ஜான்சன் செல்வம் மாநகரின் மையப்பகுதியில் உள்ள தனது வீட்டின் மொட்டை மாடியில் தகரக் கொட்டகை அமைத்து மிகச் சிறிய அளவில் இவர் ஆரம்பித்த முயல் பண்ணை தற்போதைய சூழ்நிலையிலும் அவருக்கு வருமானத்தை கொடுத்துக் கொண்டிருக்கிறது.

திருச்சி மாநகருக்குள் அமைந்துள்ளது காட்டூர். அங்குதான் இவரது முயல் பண்ணை உள்ளது. மாடியில் அமைந்துள்ள முயல் பண்ணையைப் பார்வையிடச் சென்றோம். ‘‘நான் 21 வயசுலயே வெளிநாட்டுக்கு வேலைக்குப் போயிட்டேன். 19 வருஷம் அங்க வேலை பார்த்துட்டு பிறகு, ஊருக்குத் திரும்பிட்டேன். இங்க வந்த பிறகு, மொட்டை மாடி சும்மா இருக்கே. ஏதாவது செய்யலாம்னு தோணுச்சு. காளான் வளர்க்கலாம்னு முயற்சி பண்ணினேன். ஆனா, அதுல என்னால முழுமையா கவனம் செலுத்த முடியல. நான் வெளிநாட்டுக்குப் போறதுக்கு முன்ன, சின்ன வயசுல ஆசைக்காக வீட்டுல 4 முயல்களை வளர்த்துட்டிருந்தேன். வெளிநாட்டுக்குப் போகும்போது அதைத் தெரிஞ்சவங்ககிட்ட கொடுத்துட்டுப் போனேன். இந்த நிலையில காளான் வளர்ப்பு ஆரம்பிச்சதும், முயல் வளர்க்கும் எண்ணமும் உருவாச்சு. உடனே அதுக்கான தேடல்ல இறங்குனேன். முயல் பண்ணை அமைக்க முறையா பயிற்சி எடுத்துக்கிட்டேன். முயல் பண்ணை ஆரம்பிக்கப்போறேன்னு சொன்னதும் வீட்டுல எதிர்ப்பு. யாருக்கும் விருப்பமில்ல. ஆனால், பண்ணை வைக்கணும்ங்கிறதுல நான் பிடிவாதமா இருந்தேன். ஒரு கட்டத்துல எல்லாரையும் சம்மதிக்க வெச்சு, மாடியில பண்ணையை ஆரம்பிச்சுட்டேன்.

ஜான்சன் செல்வம்
ஜான்சன் செல்வம்


முயல் பண்ணை ஆரம்பிக்க ரெண்டு தேவைகள் மிக முக்கியம். ஒண்ணு இடம். இன்னொண்ணு தீவனம். என்கிட்ட வீட்டு மாடியில மட்டுமே இடம் இருந்துச்சு. அதைப் பண்ணைக்கு ஏத்த மாதிரி மாற்றியமைக்க முடிவெடுத்தேன். மாடி முழுக்கத் தகர ஷீட் மூலமா குடில் அமைச்சேன். முயல்களுக்கு வெப்பம் அதிகமாக இருக்கக் கூடாது. அதனால தகர ஷீட்டுக்குள்ள தென்னங்கீற்று மூலம் குடில் அமைச்சேன். முயல்கள் வளர்க்க ஆரம்பிக்குறவங்க, யூனிட் (7 பெண் முயல்கள், 3 ஆண் முயல்கள் என 10 முயல்கள்) கணக்கில முயல்களை வாங்கி வளர்ப்பாங்க. ஆனால், நான் 4 முயல்களை மட்டுமே வெச்சு ஆரம்பிச்சேன். முடிஞ்சளவு பண்ணை செலவைக் குறைக்க நினைச்சேன். அதனால முயல்கள் வைக்கக் கூண்டு, குட்டி ஈனும்போது பாதுகாப்பா இருக்கத் தேவையான பெட்டி எல்லாத்தையும் நானே என்கிட்ட இருக்கப் பொருள்களை வெச்சு செய்ய ஆரம்பிச்சேன். 2017-ம் ஆண்டு நான் பண்ணை ஆரம்பிக்கும்போது என்கிட்ட 4 முயல்கள் மட்டுமே இருந்துச்சு. இப்ப 7 யூனிட் முயல்கள் இருக்குது. சோவியத் சின்சில்லா, நியூசிலாந்து ஒயிட், டச்சு ரக முயல்கள் என்கிட்ட இருக்குது.

கினியா பிக்
கினியா பிக்


முயலுக்குக் காலை, மாலை ரெண்டு வேளையும் அடர் தீவனம், பசுந்தீவனம் உணவாக வைக்கணும். இது நகரப் பகுதிங்கிறதால பசுந்தீவனம் கிடைக்கிறதுல பிரச்னை. இந்த 4 வருஷத்துல முயல்களின் எண்ணிக்கை 20 ‘யூனிட்’ வரை பெருகியிருக்கும். ஆனால், பசுந்தீவனப் பிரச்னை இருக்குறதுனால 7 ‘யூனிட்’டுக்கு மேல நான் வெச்சிக்கிறதில்ல. பசுந்தீவனத்துக்காகப் பக்கத்துல இருக்க மார்க்கெட்ல இருந்து முட்டைக்கோஸ். காலிஃப்ளவர் இலைகளைக் கொடுக்குறேன். பண்ணை ஆரம்பிச்சு ஒரு வருஷம்வரைக்கும் பெருசா எந்த வருமானமும் இல்ல. ஆனாலும் முயற்சியை விடல. தொடர்ந்து பண்ணையில வேலை பார்த்துக் கிட்டே இருந்ததால இப்ப வருமானம் கிடைக்க ஆரம்பிச்சிருக்கு.

ஜான்சன் செல்வம்
ஜான்சன் செல்வம்

கறிக்கான முயல் உயிருடன் கிலோ 450 ரூபாய், வெட்டிச் சுத்தம் செய்த இறைச்சி கிலோ 600 ரூபாய்னு விற்பனை செய்றேன். வளர்ப்புக்கான முயல்களை 45 நாள் குட்டியா கொடுக்குறேன். 49 பெண் முயல்கள், 21 ஆண் முயல்கள்மூலம் மாசம் 50,000 வருமானம் கிடைக்கும். அதுல மருந்து, தீவனச் செலவு 20,000 போக, மாசம் 30,000 ரூபாய் லாபம் கிடைக்குது. முயல் வளர்ப்பு மட்டுமல்லாம முயல்களுக்கான கூண்டு, பண்ணையும் அமைச்சு கொடுக்குறேன். அதோட மாடியிலயே வெளிநாட்டுப் பறவைகள், புறா வளர்த்து, விற்பனை செய்றேன். அது மூலமா மாசம் 5,000 ரூபாய் லாபம் கிடைக்குது’’ என்றார்.



தொடர்புக்கு, ஜான்சன் செல்வம்,

செல்போன்: 89460 79569

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism