Published:Updated:

ராஜஸ்தானில் ஆர்கானிக் மகோத்சவ் - 2019

நாட்டு நடப்பு
பிரீமியம் ஸ்டோரி
News
நாட்டு நடப்பு

நாட்டு நடப்பு

யற்கை விவசாயம், பாரம்பர்ய விதைகள், நாட்டு மாடுகள், பாதுகாப்பான உணவு ஆகியவற்றை வலியுறுத்தி தேசிய அளவில் இயற்கை விவசாய நிகழ்வு இரண்டாண்டுகளுக் கொருமுறை, இந்திய இயற்கை வேளாண் கூட்டமைப்பு (OFAI-Organic Farming Association of India) மூலம் நடத்தப்பட்டுவருகிறது. அந்த வகையில் இரண்டாண்டுகளுக்கு முன்னர் புதுடெல்லியை அடுத்த கிரேட்டர் நொய்டாவில் நடைபெற்ற ஆர்கானிக் வேர்ல்டு காங்கிரஸ் பலரது கவனத்தை ஈர்த்தது. இதைத் தொடர்ந்து ராஜஸ்தான் மாநிலம், உதய்பூர், ஷில்ப்கிராம் என்ற இடத்தில் ‘ஆர்கானிக் மகோத்சவ் 2019’ என்ற பெயரில் தேசிய அளவில் மாபெரும் இயற்கை வேளாண்மை விழா நடைபெற உள்ளது. நவம்பர் 29-ம் தேதி தொடங்கி டிசம்பர் 1-ம் தேதி வரை மூன்று நாள்கள் நடைபெறவிருக்கும் இந்த விழாவுக்கு, பசுமை விகடன் ஊடக ஆதரவை வழங்கியிருக்கிறது. இந்த நிகழ்வுக்கான தமிழ்நாட்டின் ஒருங்கிணைப்பாளராக இந்திய இயற்கை வேளாண் கூட்டமைப்பின் நிர்வாக உறுப்பினராக இருக்கும் சுவாமிநாதன் நியமிக்கப்பட்டிருக்கிறார்.

சுவாமிநாதன்
சுவாமிநாதன்

நிகழ்வு பற்றிப் பேசிய சுவாமிநாதன் “விதைதான் விவசாயத்துக்கு அடிப்படை. அதிலும் பாரம்பர்ய விதைகள் இயற்கை விவசாயத்தின் அச்சாணியாக இருந்து வருகின்றன. பாரம்பர்ய விதைகளைப் பரப்பும்பொருட்டு 4,000 விதைகள் பார்வைக்கு வைக்கப்பட உள்ளன. நாட்டு மாடுகளிலிருந்து கிடைக்கும் பால் மூலம் மதிப்புக்கூட்டப்பட்ட பொருள்கள், சாணம் முதலியவற்றிலிருந்து தயாரிக்கப்பட்ட பொருள்களும் இடம்பெற உள்ளன. புதிய இயற்கை விவசாயத் தொழில்நுட்பங்கள், இயற்கை விவசாயிகளின் உரைகளும் அனுபவங்களும், இயற்கை வேளாண் விஞ்ஞானிகள், தொழில்நுட்ப வல்லுநர்களின் உரைகளும் இடம்பெற உள்ளன. உணவுத் திருவிழா, விதைத் திருவிழா, மாடித்தோட்டம், பண்ணைச் சுற்றுலா, விவசாயத் திரைப்படங்கள் என நவம்பர் 29 முதல் டிசம்பர் 1-ம் தேதி வரை (வெள்ளி, சனி, ஞாயிறு) மூன்று நாள்கள் நடைபெறவிருக்கின்றன.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
Organic Farming
Organic Farming

ராஜஸ்தான் மாநிலம் உதய்பூரிலிருந்து 3 கி.மீ தொலைவிலுள்ள ஷில்ப்கிராம் என்ற இடத்தில் இந்நிகழ்வு நடைபெற உள்ளது. இந்த விழாவை இந்திய இயற்கை வேளாண் கூட்டமைப்பு நடத்துகிறது. இந்த மகோத்சவில் கலந்துகொள்ள மூன்று நாள்களுக்கான உணவு, கையேடு ஆகியவற்றுக்கான கட்டணம் 2,500 ரூபாய். தங்கும் வசதிக்குக் கூடுதலாக 1,500 ரூபாய் (நான்கு இரவுகள், மூன்று பகல்கள்) செலுத்த வேண்டும். தனிப்பட்ட முறையிலும் தங்கும் வசதியை ஏற்படுத்திக்கொள்ளலாம். அதற்கும் வழிகாட்டுகிறோம். அதேபோல இயற்கை விவசாயிகள் தங்களின் புதிய கண்டுபிடிப்புகள், தொழில்நுட்பங்கள் குறித்துப் பேசவும் தொடர்பு கொள்ளலாம். ஆர்வமுள்ளவர்கள் நவம்பர் 10-ம் தேதிக்குள் முன்பதிவு செய்துகொள்ளும்படி கேட்டுக்கொள்கிறோம்” என்று அழைப்புவிடுத்தார்.

Organic Farming
Organic Farming

தொடர்புக்கு,

7th National Biennial Convention on Organic Farming, Shilpgram, Udaipur, Rajastan.

Contact: +919875817520, Email:

organicmahotsav2019@gmail.com

Website: convention.ofai.org/

சுவாமிநாதன், செல்போன்: 88842 42965.