Published:Updated:

சட்டம்: விவசாயிகளுக்கு வழிகாட்டும் மாவட்ட ஆட்சியர்கள்!

மாவட்ட ஆட்சியர்
பிரீமியம் ஸ்டோரி
மாவட்ட ஆட்சியர்

சட்டப்பஞ்சாயத்து வழிகாட்டும் தொடர்... - 16

சட்டம்: விவசாயிகளுக்கு வழிகாட்டும் மாவட்ட ஆட்சியர்கள்!

சட்டப்பஞ்சாயத்து வழிகாட்டும் தொடர்... - 16

Published:Updated:
மாவட்ட ஆட்சியர்
பிரீமியம் ஸ்டோரி
மாவட்ட ஆட்சியர்

விவசாயத்திற்கும் மற்ற தொழில்களுக்கும் வித்தியாசம் உண்டு. பிற தொழிலில் மூலப்பொருள்கள் பூமியிலிருந்து மட்டுமே எடுத்து, பொருள்கள் உற்பத்தி செய்யப்படுகின்றன. ஆனால், விவசாயத்தில் சூரியஒளி உதவியுடன் உற்பத்தி செய்யப்படுகிறது. அதனால்தான் புதிய பொருளாதாரத்தையும், பணப்புழக்கத்தையும் உருவாக்குபவர்கள் விவசாயிகள் என்பார்கள். புதிய பொருளாதாரத்தை உருவாக்கும் விவசாயத்தை வளர்ச்சி அடையச் செய்யவும் அதில் ஏற்படும் பிரச்னை களுக்குத் தீர்வுகாணவும், விவசாயிகள் சந்திக்கக்கூடிய நபர் மாவட்ட ஆட்சியர்.

 சிவ.இளங்கோ
சிவ.இளங்கோ

மாவட்ட ஆட்சியர் வருவாய்த்துறையின் தலைமைப் பொறுப்பை வகித்தாலும், அனைத்துத் துறைகளின் நிர்வாகத்தைக் கட்டுப்படுத்தக் கூடியவராக உள்ளார். அதனால்தான் மாவட்ட அளவில் தங்களுக்குள்ள பிரச்னைகளைத் தீர்க்க மாவட்ட ஆட்சியரை மக்கள் நாடுகின்றனர். ஒவ்வொரு வாரமும் திங்கள்கிழமை மாவட்ட ஆட்சியர் அலுவலகத்தில் நடக்கும் குறைதீர் நாள் கூட்டத்தில், அனைத்துப் பிரச்னைகளுக்கும் மாவட்ட ஆட்சியரை நோக்கி மனுக்களுடன் வருகிறார்கள் மக்கள்.

தங்கள் பிரச்னைகளைச் சொல்ல விவசாயிகளுக்கு ஒரு தளம் இருக்கிறது. ஒரு சில ஆட்சியர்கள் மாவட்ட அளவிலான பிரச்னைகளை உடனே தீர்த்துக்கொடுக்கிறார்கள்.

மாவட்ட ஆட்சியர் தனது அதிகாரத்திற்குட்பட்ட விஷயங்களை அவரே தீர்த்துவைப்பார். கொள்கை ரீதியான பிரச்னைகளுக்கு அரசுக்குப் பரிந்துரை செய்வார். பொதுமக்களுக்காகக் குறைதீர் நாள் கூட்டம் நடைபெறுவதுபோல் விவசாயி களின் பிரச்னைகளுக்காக மாதம் ஒருநாள் விவசாயிகள் குறைதீர் நாள் கூட்டம் நடத்தப்படுகிறது. பெரும்பாலும் மாதத்தின் மூன்றாவது, நான்காவது வியாழன் அல்லது வெள்ளிக்கிழமைகளில் கூட்டம் நடத்தப்படும். இந்த நாள்களைத் தவிர அந்தந்த மாவட்ட ஆட்சியரின் அப்போதைய அறிவிப்புக்கு ஏற்ப இந்தக் கூட்டங்கள் நடத்தப்படுகின்றன. கூட்டங்கள் நடத்தப்படும் தேதி, நேரம் உள்ளிட்ட விபரங்கள் விவசாயச் சங்க பிரதிநிதிகளுக்கும், அடிக்கடி இந்தக் கூட்டத்தில் கலந்துகொள்ளும் முக்கிய விவசாயிகளுக்கும் கடிதம்மூலம் அனுப்பப் படுகிறது. மேலும் பத்திரிகைச் செய்தி வாயிலாகவும் அறிவிப்பு வெளியிடப்படும். இந்தக் கூட்டமும் அந்தந்த மாவட்ட ஆட்சியர் அலுவலகத்தில் நடத்தப்படுகிறது. இந்தக் கூட்டத்தில் விவசாயிகள், விவசாயச் சங்க பிரதிநிதிகள் கலந்துகொண்டு பிரச்னைகளை மாவட்ட ஆட்சியருக்கு எடுத்துச் சொல்கிறார்கள்.

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

விவசாயிகள் குறைதீர் நாள் கூட்டம்... விவசாயி களுக்கும், மாவட்ட ஆட்சியருக்கும் முக்கியத்துவம் வாய்ந்த கூட்டமாகப் பார்க்கப்படுகிறது. விவசாயி களின் பிரச்னைகளை மாவட்ட ஆட்சியர் விரிவாகத் தெரிந்துகொள்ள இந்தக் கூட்டம் உதவியாக உள்ளது. இதன்மூலம் மாவட்டங்களில் விவசாய வளர்ச்சிக்கான திட்டங்களை மாவட்ட ஆட்சியர் வகுக்கலாம். விவசாயிகள் தங்களது ஊராட்சி, ஒன்றியம், மாவட்டத்திற் கான பிரச்னைகளைச் சொல்லக்கூடிய ஒரு தளமாக இந்தக் கூட்டம் அமைகிறது. இந்தக் கூட்டத்தில் மாவட்ட ஆட்சியருடன் வேளாண்துறையைச் சேர்ந்த அலுவலர்கள் மற்றும் விவசாயத்துடன் தொடர்புடைய துறைகளான மின்சாரத்துறை, வருவாய்த்துறை, கூட்டுறவுத்துறை, பொதுப்பணித்துறை, வங்கித்துறை, காப்பீட்டுத்துறை, உள்ளாட்சித் துறை உள்ளிட்ட துறை அலுவலர்கள் கலந்துகொள்வார்கள்.

சட்டம்: விவசாயிகளுக்கு வழிகாட்டும் மாவட்ட ஆட்சியர்கள்!

இந்தக் கூட்டத்தில், இலவச மின்சாரம், வாய்க்கால் தூர்வாருதல், விவசாயக் கடன், விவசாயக் காப்பீடு குறித்தும் பெரும்பாலான கேள்விகள் கேட்கப்படுகின்றன. தடை இல்லாமல் மின்சாரம் கொடுக்க, அப்போதே மின்வாரிய அதிகாரிகளிடம் விளக்கம் பெற்று தற்போதைய சூழலில் எவ்வளவு நேரம் மின்சாரம் கொடுக்க இயலும் என்பதை விவசாயிகளுக்குச் சொல்கிறார்கள்.

பாசன மற்றும் வடிகால் வாய்க்கால் தூர்வாருவது டெண்டர் மூலம் நடைபெறுவதால் அதற்கான நிதியை அரசிடம் பெற்று, தூர்வார நடவடிக்கை எடுக்கப்படுகிறது. வேளாண்மை கூட்டுறவுத்துறையில் உரியக் காலத்தில் விவசாயக்கடன் கொடுக்க அறிவுறுத்தப் படுகிறது. அந்தந்த மாவட்டத்திற்கு எவ்வளவு பணம் தேவை, தற்போது எவ்வளவு நிதி ஒதுக்க வேண்டும் என அரசுக்கு மாவட்ட ஆட்சியர் தெரிவிக்கிறார். விவசாயக் காப்பீடு செய்யக் கடைசி நாள் குறித்து விவசாயிகளுக்கு அறிவிப்புச் செய்ய வேளாண் இணை இயக்குநர் மூலம் அறிவுறுத்தப்படுகிறது. மேலும் வேளாண்துறை, விவசாயிகளுக்குச் செய்யவேண்டிய அறிவிப்புகள், விழிப்புணர்வு கூட்டங்கள் உரியக் காலத்தில் உரிய வழி வகைகளில் செய்யப்பட்டதா என்பதைக் கண்காணிக்க வேண்டிய பொறுப்பு மாவட்ட ஆட்சியருக்கு உள்ளது. அதுகுறித்து வேளாண்துறை அலுவலர்களுடன் மாவட்ட ஆட்சியர் விவாதிக்கிறார்.

சட்டம்: விவசாயிகளுக்கு வழிகாட்டும் மாவட்ட ஆட்சியர்கள்!

தரமற்ற விதை விற்பனை, தரமற்ற உரம் பூச்சிக்கொல்லி விற்பனையைத் தடுக்க வேண்டிய பொறுப்பும் மாவட்ட ஆட்சியருக்கு உள்ளது. இதைக் கண்காணிக்க விதை சான்றளிப்புப் பிரிவு, மாவட்டம் முழுவதும் கண்காணித்து, துறைமூலம் ஆட்சியருக்கு அறிக்கை அனுப்புகிறது. விவசாயத்துறையுடன் பல துறைகள் சேர்ந்து வேலைசெய்ய வேண்டியுள்ளதால், இந்தத் துறைகளை ஒருங்கிணைத்து உரிய உத்தரவுகளை மாவட்ட ஆட்சியர் பிறப்பிப்பதன் மூலம் விவசாயிகளின் பிரச்னைகள் ஓரளவு தீர்க்கப்படுகின்றன.

‘‘விவசாயிகளின் பிரச்னைகளை மாவட்ட ஆட்சியர் விரிவாகத் தெரிந்துகொள்ள இந்தக்கூட்டம் உதவியாக உள்ளது.’’

பிரச்னைகள் தீர்க்கப்படுகிறதோ இல்லையோ தங்கள் பிரச்னைகளைச் சொல்ல விவசாயி களுக்கு ஒரு தளம் இருக்கிறது. பிரச்னைகளைக் காது கொடுத்து அரசு அலுவலர்கள் கேட்கிறார்கள் என்பதே விவசாயிகளுக்கு ஒருவித மகிழ்ச்சிதான். அவர்களின் பிரச்னை தீர்க்கப்படும்போது மகிழ்ச்சி இரட்டிப்பாகும். ஒரு சில ஆட்சியர்கள் மாவட்ட அளவிலான பிரச்னைகளை உடனே தீர்த்துக் கொடுக்கிறார்கள். கொள்கை முடிவு சார்ந்த பிரச்னைகளுக்கு அரசின் சம்பந்தப்பட்ட துறை உயர் அலுவலர்களுக்குக் கடிதம் எழுதித் தீர்க்க முயற்சி செய்கிறார்கள். அதைப்போல் அனைத்து மாவட்ட ஆட்சியர்களும் நடவடிக்கை எடுக்க வேண்டும் என்பதே தமிழக விவசாயிகளின் எதிர்பார்ப்பு. உங்கள் மாவட்ட விவசாயக் குறைதீர்கூட்டம் எப்போது நடைபெற உள்ளது மற்றும் உங்கள் விவசாயப் பிரச்னைகளுக்கு, மாவட்ட ஆட்சியருடன் கொடுக்கப்பட்டிருக்கும் செல்போன் எண்களில் நேரடியாகத் தொடர்பு கொள்ளலாம்.

மேலும் விபரங்களுக்குச் சட்டப்பஞ்சாயத்து உதவி மையத்தை 7667-100-100 என்ற எண்ணில் தொடர்பு கொள்ளவும்.

-வழிகாட்டல் தொடரும்

மாவட்ட ஆட்சியர்களின் தொடர்பு எண்கள்

தமிழ்நாட்டில் உள்ள மாவட்ட ஆட்சியர்களின் செல்போன் எண்கள்:

அரியலூர் - 90479 92233

சென்னை - 94441 31000

கோயம்புத்தூர் - 94441 68000

கடலூர் - 94441 39000

தருமபுரி - 94441 61000

திண்டுக்கல் - 94441 69000

ஈரோடு - 94441 67000

காஞ்சிபுரம் - 94449 91481

கன்னியாகுமரி - 94441 88000

கரூர் - 94441 73000

கிருஷ்ணகிரி - 94441 62000

மதுரை - 94441 71000

நாகப்பட்டினம் - 99421 84000

நாமக்கல் - 94441 63000

நீலகிரி - 94441 66000

பெரம்பலூர் - 94433 58888

புதுக்கோட்டை - 94441 81000

ராமநாதபுரம் - 94441 83000

சேலம் - 94441 64000

சிவகங்கை - 94441 82000

தஞ்சாவூர் - 94441 79000

தேனி - 94441 72000

தூத்துக்குடி - 94441 86000

திருச்சிராப்பள்ளி - 94441 74000

திருநெல்வேலி - 94423 57777

திருவள்ளூர் - 94441 32000

திருவண்ணாமலை - 94441 37000

திருவாரூர் - 94441 78000

திருப்பூர் - 94422 00909

வேலூர் - 94433 52300

விழுப்புரம் - 94441 38000

விருதுநகர் - 94441 84000