Published:Updated:

ஆடு, கோழி வளர்க்கும் சிவகாசி நகராட்சி!

rearing cattles
பிரீமியம் ஸ்டோரி
rearing cattles

கழிவு மேலாண்மை

ஆடு, கோழி வளர்க்கும் சிவகாசி நகராட்சி!

கழிவு மேலாண்மை

Published:Updated:
rearing cattles
பிரீமியம் ஸ்டோரி
rearing cattles

விருதுநகர் மாவட்டம் சிவகாசி நகராட்சிப் பகுதியில் உள்ள வீடுகள், கடைகள் மற்றும் உணவகங்களிலிருந்து நாள்தோறும் 30 முதல் 35 டன் குப்பைகள் உற்பத்தியாகின்றன. இதில் பாதிக்கும் மேற்பட்டவை பழங்கள், காய்கறிகள் போன்ற மறுசுழற்சி செய்யக்கூடிய மட்கும் கழிவுகள்தான். இந்த மட்கும் கழிவுகளை உரமாக மாற்றும் வகையில் திடக்கழிவு மேலாண்மை திட்டத்தின் கீழ் ரூ.45.5 லட்சம் மதிப்பீட்டில் நுண் உரக்குடில் மையம் அமைக்கப்பட்டுள்ளது.

உரத் தொட்டிகள், கோழிகள்
உரத் தொட்டிகள், கோழிகள்

துப்புரவுப் பணியாளர்கள் குப்பைகளைச் சேகரித்து வந்து உரக்குடிலில் சேர்க்கின்றனர். பின்னர் அவை தரம் பிரிக்கப்பட்டு அங்குள்ள 14 தொட்டிகளில் கொட்டப்படுகின்றன. குப்பைகளை விரைவில் உரமாக்கும் வகையில் அங்கு ஆடு, கோழி, வாத்து, முயல் போன்ற கால்நடைகள் வளர்க்கப்பட்டு வருகின்றன. அவை குப்பை களைக் கிளறிக்கொண்டும் அதில் அவற்றின் கழிவுகளைக் கழித்துக் கொண்டும் இருக்கின்றன. இதனால், குப்பை எளிதில் உரமாகிவிடுகிறது.

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer
கூஸ் வாத்துகள், முயல்கள்
கூஸ் வாத்துகள், முயல்கள்

இதுகுறித்துப் பேசிய நகராட்சி சுகாதார அலுவலர் பேச்சிமுத்து, “சிவகாசி நகராட்சி பகுதியில் உருவாகும் மட்கும் குப்பைகளை உரமாக்க 6 இடங்கள் தேர்வு செய்யப்பட்டுள்ளன. வீடு, கடைகள், ஹோட்டல்களிலிருந்து வரும் கழிவுகளில் 45 முதல் 50 சதவிகிதம் வரை, மட்கும் குப்பைகளான காய்கறி மற்றும் பழக்கழிவுகள்தான். இதை மீண்டும் பயன்படுத்தும் வகையில் உரமாக மாற்ற, தொட்டிகளில் கொட்டுவோம். செறிவூட்டப்பட்ட நுண்ணுயிர்க் கரைசலைக் குப்பைகள் மீது தெளித்து வாரம் ஒருமுறைக் கிளறிவிடுவோம். இதுமூலமா நல்ல தரமான உரம் கிடைக்கிறது. 10 கிலோ வெல்லம், 180 லிட்டர் தண்ணீர், 6 லிட்டர் தயிர், நன்கு பழுத்த பப்பாளி பழங்களைக் கலந்து இந்த நுண்ணுயிர்க் கரைசலைத் தயாரிக்கிறோம்.

பேச்சிமுத்து
பேச்சிமுத்து

குப்பைகள் தானாகவே உரமாக மாறுவதற்கு 30 முதல் 45 நாள்கள் வரை ஆகும். ஆனால், கால்நடைகள், காய்கறிக் கழிவுகளைச் சாப்பிட்டுச் சாணமாக மாற்றுவதால் சில நாள்களிலேயே நமக்கு உரம் கிடைத்துவிடும். கோழி, வாத்துகள் குப்பைகளைக் கிளறுவதாலும் விரைவில் உரமாக மாற்ற முடிகிறது. எனவே 40 கோழிகள், 5 ஆடுகள், 15 வாத்துகள், 40 புறாக்கள், 15 முயல்களை இங்கே வளர்க்கிறோம். 1,000 கிலோ குப்பையிலிருந்து 120 கிலோ வரை உரம் கிடைக்கும். பின்னர் அந்த உரத்தை மாடித்தோட்டம், வீட்டுத்தோட்டம் அமைப்போருக்கு இலவசமாகவே வழங்குகிறோம். இதுவரை 2 டன் உரம் வழங்கியுள்ளோம்” என்றார்.

தொடர்புக்கு பேச்சிமுத்து, செல்போன்: 94432 28498