Published:Updated:

Palm Tree Climber | "எல்லாம் கைவிட்ட நேரத்துல பனைதான் என்னைக் காப்பாத்துச்சு!" - பாண்டியன் பனையேறி

பாண்டியன் பனையேறி

சிதறிக்கிடந்த பனையேறிகளை மாநில அளவில் ஒருங்கிணைத்து அவர்களின் உரிமைக்காகவும் முன்னிற்கிறார்.

Palm Tree Climber | "எல்லாம் கைவிட்ட நேரத்துல பனைதான் என்னைக் காப்பாத்துச்சு!" - பாண்டியன் பனையேறி

சிதறிக்கிடந்த பனையேறிகளை மாநில அளவில் ஒருங்கிணைத்து அவர்களின் உரிமைக்காகவும் முன்னிற்கிறார்.

Published:Updated:
பாண்டியன் பனையேறி

பாண்டியன், விழுப்புரம் மாவட்டம் நரசிங்கனூரைச் சேர்ந்தவர். பனையேறுதல் மரபுத்தொழில் என்றாலும் 38 வயதுவரை பனையின் நிழலில்கூட ஒதுங்காமல் வாழ்ந்தவர். காலம் இறுதியில் அவரை பனைக்காகக் களமாட வைத்திருக்கிறது.

கரிஷ்மா - செர்லின்
கரிஷ்மா - செர்லின்

‘பாண்டியன் பனையேறி' என்றே தன்னை அடையாளப்படுத்திக்கொள்ளும் இவர், பனைப் பொருள்களை முழுமையாக மதிப்புக்கூட்டி விற்பனை செய்கிறார். சிதறிக்கிடந்த பனையேறிகளை மாநில அளவில் ஒருங்கிணைத்து அவர்களின் உரிமைக்காகவும் முன்னிற்கிறார்.

ஒட்டுமொத்த விகடனுக்கும் ஒரே ஷார்ட்கட்!

விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

பாண்டியனை நரசிங்கனூரின் எல்லையை ஒட்டியிருக்கும் பனங்காட்டில் சந்தித்தோம். பனஞ்சப்பைகளைப் பொருத்திப் பனையோலைகள் போர்த்திய ஒரு குடிசை... அதையொட்டி விசாலமான வெளி... அவ்வளவு வெயிலுக்கும் இதமாக இருந்தது அந்த இடம். சுற்றிலும் பதநீர் இறக்கும் பானைகள், வெல்லம் காய்ச்சும் உபகரணங்கள், பனையோலைக் கலைப்பொருள்கள், பனம்பழங்கள், பனங்கிழங்குப் பதியங்கள். பாண்டியன் மட்டுமல்ல... அவரின் 13 வயது மகள் கரிஷ்மாவும் 11 வயது மருமகன் செர்லினும் பனையேறிகள்தான்.

பாண்டியன் பனையேறி
பாண்டியன் பனையேறி

அதிகாலை ஐந்து மணிக்கெல்லாம் கரிஷ்மாவும் பாண்டியனும் பனந்தோப்புக்கு வந்துவிடுகிறார்கள். ஆளுக்குப் பத்துமரம் ஏறி, பாளையைச் சீவிவிட்டு, சேர்ந்த பதநீரை இறக்குகிறார்கள். அதை வாங்க பாட்டில்களோடு வந்து காத்திருக்கிறார்கள் மக்கள். அவர்களுக்குக் கொடுத்து மிஞ்சியது அதிகமிருந்தால் அப்போதே பாத்திரத்தில் ஊற்றி வெல்லமாக்கிவிடுகிறார்கள். இந்தப் பனை வெல்லத்தை வாங்க மாவட்டம் விட்டு மாவட்டமெல்லாம் வருகிறார்கள்.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

‘‘பனையை நம்பி தைரியமா வாழலாம். அதோட ஒவ்வொரு அங்கமும் நமக்கு வாழ்வாதாரம். ஆனா அந்த பந்தத்தைத் திட்டமிட்டு அழித்தொழிக்கப் பாக்குறாங்க. நாங்க விடுறதாயில்லை. இப்போ யாரும் போலீஸுக்கு லஞ்சம் கொடுக்கக்கூடாதுன்னு முடிவு செஞ்சுட்டோம். வழக்குப் போடணும்னா எது சரியான பிரிவோ அதுல போட்டுக்கோங்கன்னு சொல்லிட்டோம். பனை ஏறுவதையே போராட்ட வடிவமா மாத்தியிருக்கோம். நிச்சயம் இந்த அரசு எங்களை முழுமையா அங்கீகரிக்கும். சுதந்திரமா நாங்க தொழில் செய்வோம்...’’

நம்பிக்கையோடு சொல்லிவிட்டு, பதநீர் கொதிக்கும் அடுப்பைத் தூண்டி எரிய வைக்கிறார்.

முழுமையான வீடியோவை இங்கே காணலாம்...
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism