Published:Updated:

கண்மாயை ஆக்கிரமித்த கல்லூரி... 20 ஆண்டுகளாகப் போராடும் 85 வயது விவசாயி!

ஆக்கிரமிப்பு
பிரீமியம் ஸ்டோரி
News
ஆக்கிரமிப்பு

போராட்டம்

சுமார் 100 ஏக்கர் பாசன பரப்பைக் கொண்டுள்ள போடேந்திரபுரம் கண்மாயைத் தேனி மாவட்டம், உத்தம பாளையத்தைச் சேர்ந்த தனியார் கல்லூரி நிர்வாகத்தினர் ஆக்கிரமிப்புச் செய்திருப்பதாகக் குற்றம்சாட்டுகிறார் 85 வயதாகும் விவசாயி அனந்த சுப்பிரமணியன்.

இது தொடர்பாக நம்மிடம் பேசியவர், “இந்தக் கிராமத்து ஜனங்க 1865-ம் வருஷம், போடி ஜமீன்தாரிடம் போய், ஊரைக் கடந்து போற ‘சுத்தகங்கை ஓடை’க்கு இடையே கண்மாய் வெட்டிக்கொள்ள அனுமதி கேட்டாங்க. கண்மாய்ப் பாசனம் மூலமா விளையுறதுல இருந்து ஜமீனுக்கு வரி கட்ட வேண்டும்’னு ஒப்பந்தம் போட்டு அனுமதி கொடுத்தாங்க. ஒரு கட்டத்துல சரியா வரிகட்ட முடியலை. உடனே, கண்மாயைத் தன்னோட கட்டுப்பாட்டுக்குக் கொண்டு வர்ற முயற்சியில இறங்குனாரு ஜமீன்தார். ஊர்மக்கள் எதிர்ப்பு தெரிவிச்சாங்க. மதுரை ஜில்லா கலெக்டருக்கு பெட்டிஷன் எழுதுனாங்க.

அனந்த சுப்பிரமணியன்
அனந்த சுப்பிரமணியன்

1956-ம் வருஷம், கண்மாய்க் கரையிலிருந்த மரங்களை வெட்ட வந்துச்சு ஒரு கூட்டம். ‘யார் நீங்க’னு ஊர்க்காரர்கள் கேட்க, ‘போடி ஜமீன்கிட்ட அனுமதி வாங்கியிருக்கிறோம்’னு பழைய பிரச்னையைக் கிளறினாங்க. மறுபடியும் மதுரை ஜில்லா கலெக்டருக்கு பெட்டிஷன் எழுதினாங்க ஊர்க்காரங்க. நேர்ல வந்து விசாரிச்ச கலெக்டர், ‘1949-ம் வருடத்திற்குப் பிறகு ஜமீன் வழங்கிய உத்தரவுகள் ஏதும் செல்லாது. இந்தக் கண்மாய் ஊர் மக்களுக்குப் பாத்தியப்பட்டது’னு சொல்லிட்டாரு. இதை எதிர்த்து அந்தக் கூட்டம் நீதிமன்றம் போனாங்க. ஒவ்வொரு நீதிமன்றமாக நடந்துச்சு வழக்கு. எல்லா இடத்திலயும், இது ஊர் கண்மாய்னுதான் தீர்ப்பு கிடைச்சது. இப்பவும் உயர்நீதிமன்ற மதுரை கிளையில இந்த வழக்கு நிலுவையில் இருக்குது.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS
கண்மாயை ஆக்கிரமித்த கல்லூரி... 20 ஆண்டுகளாகப் போராடும் 85 வயது விவசாயி!

மொத்தம் 19 ஏக்கர் கண்மாயில 10 ஏக்கருக்கு மேல ஆக்கிரமிப்பு செஞ்சு விவசாயம் செய்றாங்க. உப்புக்கோட்டையில இருந்து வர்ற முல்லை-பெரியாறு தண்ணிக்கூடக் கண்மாய்க்குள்ள போக முடியாத அளவுக்கு ஆக்கிரமிப்பு பண்ணிருக்காங்க. எங்களையும் விவசாயம் பார்க்கவிடாம செய்றாங்க. மிச்சம் இருக்கிற இடத்தையும் ஆக்கிரமிப்பு செஞ்சு, கண்மாயை அழிக்கத் திட்டம் போடுறாங்க. நானும் 20 வருஷமா போராடுறேன். அவங்க கல்லூரியை வெச்சுகிட்டு, அதிகாரிகளை விலைக்கு வாங்கி, கொட்டம் அடிக்குறாங்க” என்றார் வேதனையோடு.

இது தொடர்பாக மாவட்ட ஆட்சியர் பல்லவி பல்தேவிடம் கேட்டபோது, “நீர்நிலைகள் ஆக்கிரமிப்பு தொடர்பாகக் கடும் நடவடிக்கை எடுக்கிறது மாவட்ட நிர்வாகம். போடேந்திரபுரம் கண்மாய் ஆக்கிரமிப்பு பற்றியும் விசாரிக்கிறேன்” என்றார்.