Published:Updated:

கலப்புப் பயிர்களைச் சாகுபடி செய்தால் விவசாயத்தில் சாதிக்கலாம்!

நாகரத்தினம் நாயுடு
பிரீமியம் ஸ்டோரி
News
நாகரத்தினம் நாயுடு

பயிற்சி

சுமை விகடன் சார்பில் ஜூன் 27-ம் தேதி, ‘விவசாயத்திலும் லட்சங்களில் வருமானம் பெறலாம்’ என்ற தலைப்பில் ஆன்லைன் கட்டணப் பயிற்சி நடைபெற்றது. இந்நிகழ்வில் தெலங்கானா மாநிலம் ஹைதராபாத்தைச் சேர்ந்த முன்னோடி இயற்கை விவசாயி நாகரத்தினம் நாயுடு விவசாயிகளுக்கு ஆலோசனைகளை வழங்கினார்.

‘‘இன்றைய சூழ்நிலையில் ஒரு பயிரை வைத்துக்கொண்டு மட்டும் விவசாயத்தில் அதிகளவு வருமானத்தை எடுத்துவிட முடியாது. கலப்புப் பயிர்களைச் சாகுபடி செய்தால்தான் வருமானம் எடுக்க முடியும். நான் நெல், காய்கறிகள், பழமரங்கள், அழகு மலர்கள் என்று பலவிதமான பயிர்களைச் சாகுபடி செய்கிறேன். இதோடு மாட்டு பண்ணையையும் நடத்தி வருகிறேன். இதில் ஆண்டு வருமானம் எவ்வளவு கிடைக்கும் என்று கேட்கிறார்கள். ஒரு நேர்மையான ஐ.ஏ.எஸ் அதிகாரி வருடத்துக்கு எவ்வளவு சம்பாதிக்கிறாரோ அவ்வளவு சம்பாதிக்கிறேன். நிலத்தை வாங்கிப்போட்டுவிட்டால் மட்டும் போதாது. அர்ப்பணிப்போடு வேலை செய்தால்தான் மட்டுமே வருமானம் எடுக்க முடியும். நான் சிட்டியில் இருந்தாலும் காலையிலேயே 9 மணிக்கெல்லாம் பண்ணைக்குப் போய்விடுவேன். சாயந்தரம் 7 மணிக்கு வீடு திரும்புவேன். தினந்தோறும் எது மாறினாலும் பண்ணைக்குச் செல்வது மாறாது. எந்தப் பொருளையும் வெளியிலிருந்து உள்ளே அனுமதிக்கக் கூடாது. விவசாயத்துக்குத் தேவையான பொருள்களை உள்ளேயே உற்பத்தி செய்துகொள்ள வேண்டும் என்பதுதான் விவசாயத்தில் கவனிக்க வேண்டிய விஷயம்.

நாகரத்தினம் நாயுடு
நாகரத்தினம் நாயுடு

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

ஒற்றை நாற்று நடவு முறையில் ஏக்கருக்கு 70 மூட்டை நெல் விளைச்சல் எடுத்து வருகிறேன். ஒருமுறை 92 மூட்டை விளைச்சல் எடுத்தேன். அப்போதுதான் அப்போதைய ஆந்திர முதல்வர் ராஜசேகர ரெட்டி ஒரு நாள் முழுவதும் என் பண்ணையில் இருந்தார். ஒற்றை நாற்று நெல் சாகுபடியில் வயலில் தண்ணீரைத் தேக்கி வைக்கக் கூடாது. ஈரப்படுத்திக்கொண்டு வந்தால் மட்டும் போதும். இயற்கை இடுபொருள்களாக ஜீவாமிர்தம், பஞ்சகவ்யா, பூச்சிவிரட்டியைப் பயன்படுத்தியே இந்த மகசூல் எடுத்து வருகிறேன். எதுக்கும் உதவாத இந்த 13 ஏக்கர் நிலத்தை வாங்கியபோது நண்பர்களே திட்டினார்கள். இதை எதற்கு வாங்கினாய் என்று. இன்று அவர்களே வாய்மேல் விரல் வைத்து ஆச்சர்யப்படுகிறார்கள்” என்றவர் மேலும் பல தகவல்களைப் பகிர்ந்துகொண்டார்.