Published:Updated:

7 ஆண்டுகளாக உயராத மஞ்சள் விலை! - மாற்றுப் பயிர் நாடும் விவசாயிகள்!

மஞ்சள்
பிரீமியம் ஸ்டோரி
மஞ்சள்

பிரச்னை

7 ஆண்டுகளாக உயராத மஞ்சள் விலை! - மாற்றுப் பயிர் நாடும் விவசாயிகள்!

பிரச்னை

Published:Updated:
மஞ்சள்
பிரீமியம் ஸ்டோரி
மஞ்சள்

‘மஞ்சள் மாநகரம்’ என்ற அடைமொழியோடு குறிப்பிடப்படும் ஈரோடு, தென்னிந்திய அளவில் மஞ்சள் உற்பத்தி மற்றும் வணிகத்தில் 2-ம் இடத்தில் இருக்கிறது. ஈரோட்டில் உள்ள பெரும்பாலான விவசாயிகள் பாரம்பர்யமாக மஞ்சள் விவசாயம் செய்துவருகிறார்கள். அத்துடன் தமிழகம் முழுவதும் உற்பத்தியாகும் மஞ்சளும் வியாபாரத்திற்காக ஈரோடு சந்தைக்குத்தான் கொண்டு வரப்படுகிறது.

 7 ஆண்டுகளாக உயராத மஞ்சள் விலை! - மாற்றுப் பயிர் நாடும் விவசாயிகள்!

இப்படி ஈரோட்டிற்கும், மஞ்சளுக்கும் நெருங்கிய தொடர்பு இருந்தாலும், கடந்த ஏழு ஆண்டுகளுக்கும் மேலாக மஞ்சளுக்குப் போதிய விலை கிடைக்கவில்லை என்று வேதனையில் இருக்கிறார்கள் விவசாயிகள். சமீபத்தில் ஈரோடு மஞ்சளுக்குப் புவிசார் குறியீடு வழங்கப்பட்டது. அதன்பிறகு ஈரோடு மஞ்சளுக்கு நல்ல விலை கிடைக்கும் என நம்பிக்கையிருந்த விவசாயிகளுக்கு ஏமாற்றம்தான் மிச்சம். இதனால், மஞ்சள் சாகுபடி செய்யத் தயங்குகிறார்கள் விவசாயிகள். இதுகுறித்து உழவன் உற்பத்தியாளர் நிறுவனத்தின் தலைவர் பி.நல்லசாமியிடம் பேசினோம். “மூன்று வருடங்களுக்கு முன்பு வரை மஞ்சள் உற்பத்தியில் இந்திய அளவில் ஈரோடு இரண்டாவது இடத்திலிருந்தது. இன்றைக்கு ஈரோடு நான்காவது இடத்தில் இருக்கிறது.

ஒட்டுமொத்த விகடனுக்கும் ஒரே ஷார்ட்கட்!

 7 ஆண்டுகளாக உயராத மஞ்சள் விலை! - மாற்றுப் பயிர் நாடும் விவசாயிகள்!

ஆந்திரா, தெலங்கானா, மகாராஷ்டிரா போன்ற மாநிலங்கள் தமிழகத்தைவிட அதிகளவு மஞ்சளை உற்பத்தி செய்கின்றன. நம்மிடமிருந்து விதை மஞ்சளை வாங்கிச் சென்ற மகாராஷ்டிர மாநிலத்தினர், அதிகளவு மஞ்சளை உற்பத்தி செய்கின்றனர். நம்முடைய தரத்தில் அவர்களும் மஞ்சளைக் கொடுப்பதால், நம்மைத் தேடி வட மாநில வியாபாரிகள் அதிகம் வருவதில்லை.

2011-இல் ஒரு குவிண்டால் மஞ்சளின் விலை 18,000 ரூபாயாக இருந்தது. 2012-இல் ஒரு குவிண்டால் மஞ்சள் 4,000 ரூபாயாகக் குறைந்தது. பிறகு கொஞ்சம் கொஞ்சமாக அதிகரித்து, இப்போது ஒரு குவிண்டால் மஞ்சளின் விலை 7,000 முதல் 8,000 ரூபாய் வரை விற்பனையாகிறது. 7 ஆண்டுகளுக்கு முன்பு சரிந்த மஞ்சளின் விலை இதுவரை அதிகரிக்கவில்லை. ஒரு ஏக்கர் மஞ்சளுக்கு உற்பத்திச் செலவு 1,50,000 ரூபாய் ஆகிறது. ஒரு ஏக்கருக்கு 20-25 குவிண்டால் வரை மஞ்சள் கிடைக்கும்.

ஒரு குவிண்டால் மஞ்சளுக்கு 7,000 ரூபாய் விலை கிடைத்தால், உற்பத்திச் செலவுதான் கிடைக்கும். அப்படியிருக்க விவசாயிக்கு என்ன லாபம் இருக்கிறது. இந்தப் பிரச்னையால், மஞ்சள் விவசாயத்தின் மீதான ஆர்வம் குறைந்துவருகிறது.

வருடத்திற்கு 2 லட்சம் டன் மஞ்சளைக் கையாண்ட ஈரோடு சந்தை, கடந்த சில வருடங்களாக 50,000 டன் என்கின்ற அளவுக்குக் குறைந்து போயுள்ளது. இதிலிருந்தே பிரச்னையின் வீரியத்தைப் புரிந்து கொள்ளலாம்.

 7 ஆண்டுகளாக உயராத மஞ்சள் விலை! - மாற்றுப் பயிர் நாடும் விவசாயிகள்!

ஒருங்கிணைந்த மஞ்சள் விற்பனை நிலையம்

விலை கிடைக்காதது மட்டுமல்லாமல் வேறுசில பிரச்னைகளும் இருக்கின்றன. உதாரணத்திற்கு, ஈரோடு மற்றும் அதைச் சுற்றியுள்ள மாவட்டங்களைச் சேர்ந்த விவசாயிகள் உற்பத்தி செய்யும் மஞ்சள், ஈரோடு மஞ்சள் கூட்டுறவுச் சங்கம், ஒழுங்குமுறை விற்பனைக் கூடம் மற்றும் தனியார் மஞ்சள் சங்கம் ஆகிய ஐந்து இடங்களில் சந்தைப்படுத்தப்பட்டு விற்பனை செய்யப்படுகிறது. ஒவ்வொரு இடத்திலும் தினசரி விலையில் மாற்றம் இருக்கிறது. எனவே, ஒருங்கிணைந்த மஞ்சள் விற்பனை நிலையம் இருந்தால் விவசாயிகளுக்குரிய விலை கிடைக்கும்.

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS
விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

மஞ்சள் தரம்பிரித்தல்

விவசாயிகள் விளைவித்த மஞ்சளை 65 கிலோ மூட்டைகளாகக் கொண்டு வருகின்றனர். அதில் 700 கிராம் அளவே இருக்கும் சாக்கை, ஒன்றரை கிலோ எனக் கணக்கிட்டுக் கழிக்கின்றனர். மேலும், மஞ்சளில் கல், மண் எனச் சொல்லி அதில் 2 கிலோவைக் கழித்து விடுகின்றனர். இப்படி ஒரு மூட்டைக்குச் சுமார் 3 கிலோவைக் கழிக்கின்றனர் வியாபாரிகள். இதைத் தடுத்தாலே விவசாயிகளுக்குப் பெரிய லாபம் கிடைக்கும். மேலும் மஞ்சளின் அளவு, பருமன் போன்ற காரணிகளை வைத்துத் தரம்பிரித்து வகைப்படுத்த வேண்டும். இதைச் செய்தால், வெளியூரில் உள்ள வியாபாரிகள் ஆன்லைன் மூலமாகத் தங்களுக்கு என்ன தரத்திலான மஞ்சள் தேவைப்படுகிறதோ, அதை அங்கிருந்தே கொள்முதல் செய்து கொள்வார்கள். இதனால், இடைத் தரகர்களுக்குக் கிடைக்கும் லாபம் விவசாயிகளுக்குக் கிடைக்கும்’’ என்று ஆலோசனை சொன்னவர் தொடர்ந்தார்.

நல்லசாமி
நல்லசாமி

மஞ்சள் குளிர்பதன சேமிப்புக் கிடங்கு

‘‘ஈரோட்டில் விவசாயிகள் உற்பத்தி செய்த மூட்டைகள் பெரும்பாலும் தனியார் குடோன்களில்தான் இருப்பு வைக்கப்படுகிறது. அப்படி வைக்க 25 மூட்டை மஞ்சளுக்கு ரூ.200 வீதம் வசூலிக்கின்றனர். இந்தக் குடோன்களில் 3 மாதத்திற்கு ஒருமுறை மஞ்சளைத் தாக்கும் பூச்சிகளைக் கொல்ல செல்பாஸ் மாத்திரைகளை வைக்கிறார்கள்.

இடைத்தரகர்களுக்குக் கிடைக்கும் லாபம் விவசாயிகளுக்குக் கிடைக்கும்!

இதனால் மஞ்சளில் வேதிப்பொருள்கள் கலக்கும் அபாயம் இருக்கிறது. குளிர்பதன கிடங்குகளை அமைத்தால், இந்த மாத்திரைகளை வைக்கத் தேவையில்லை. மஞ்சள் விளையும் எல்லா மாநிலங்களிலும் குளிர்பதன கிடங்குகளை அமைத்திருக்கின்றனர்.

ஆனால், தமிழகத்தில் மட்டும் இல்லை. எனவே 2,000 மெட்ரிக் டன் கொள்ளளவு கொண்ட இரண்டு குளிர்பதன கிடங்குகளையாவது ஈரோட்டில் அமைக்க வேண்டும்.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

ஆர்கானிக் மஞ்சள் மற்றும் ஏற்றுமதி

இந்தியாவில் உற்பத்தி செய்யப்படும் மஞ்சளில் 85 சதவிகிதம் உணவுப் பொருள் களுக்காகவும், 5 சதவிகிதம் மருந்து மற்றும் அழகு சாதனப் பொருள்கள் தயாரிப்பதற்காகவும் பயன்படுத்தப் படுகின்றன. மீதமுள்ள 10 சதவிகித மஞ்சள் மட்டுமே வெளிநாடுகளுக்கு ஏற்றுமதி செய்யப்படுகின்றன. வெளிநாட்டு ஏற்றுமதிக்காக, பல விவசாயிகள் இயற்கை முறையில் மஞ்சளை விளைவிக்கின்றனர். அதை அரசு பரிசோதித்து முறையான தரச்சான்றிதழ் வழங்கினால், வெளிநாடுகளுக்கு ஏற்றுமதி செய்ய வசதியாக இருக்கும். தனியார் நிறுவனங்கள் கொடுக்கும் தரச் சான்றிதழ்களை வைத்து வெளிநாடுகளுக்கு மஞ்சளை ஏற்றுமதி செய்ய முடிவதில்லை.

 7 ஆண்டுகளாக உயராத மஞ்சள் விலை! - மாற்றுப் பயிர் நாடும் விவசாயிகள்!

மஞ்சளின் தரத்தை ஆய்வு செய்யவும், அதில் வேதிப் பொருள்கள் கலந்துள்ளனவா எனக் கண்டறியவும் மஞ்சள் ஆய்வுக்கூடங்கள் அமைக்கப்பட வேண்டும். மஞ்சளிலிருந்து மஞ்சள்தூள், மஞ்சள் எண்ணெய் போன்ற மதிப்புக்கூட்டப்பட்டப் பொருள்களைத் தயாரிக்கும் தொழிற்சாலைகளை நிறுவ வேண்டும். மேலும், மஞ்சளுக்கு எனத் தனி வாரியம் இருந்தால், மஞ்சள் மீதான பார்வை அதிகமாகும். அதேசமயம் மஞ்சள் உற்பத்தியில் உள்ள பிரச்னைகளைச் சொல்வார்கள். அதிக உற்பத்தி மற்றும் மஞ்சளின் தரத்தை உயர்த்த ஆலோசனைகளைக் கொடுப்பார்கள் அதிகாரிகள்.

மக்காச்சோளம், மரவள்ளிக்கிழங்கு போன்ற மாற்றுப்பயிர்களை நோக்கி விவசாயிகள் நகர்கிறார்கள்.

தமிழக அரசு மஞ்சளுக்கான குறைந்தபட்ச ஆதார விலையை நிர்ணயிக்க வேண்டும். ஆந்திராவில், மஞ்சளின் விலை குறையும்போது, அரசே குறைந்தபட்ச ஆதார விலையில் மஞ்சளைக் கொள்முதல் செய்துகொள்கிறது. தமிழகத்திலும் அப்படியான அணுகுமுறையை அரசு மேற்கொள்ள வேண்டும். தமிழ்நாட்டில் மஞ்சளுக்குச் சரியான விலை கிடைக்காததால் தான், மஞ்சள் உற்பத்தி குறைந்துபோயிருக்கிறது. மஞ்சள் விதைப்பதைவிட நல்ல விலை கிடைக்கக்கூடிய மக்காச்சோளம், மரவள்ளிக் கிழங்கு போன்ற மாற்றுப்பயிர்களை நோக்கி விவசாயிகள் நகர்கிறார்கள்.

இதை அரசு கவனத்தில்கொண்டு, மஞ்சள் விவசாயிகளின் வாழ்வில், மாற்றத்தைக் கொண்டு வர வேண்டும்” என்றார் அக்கறையாக.

மஞ்சளுக்கு நல்ல விலை கிடைக்கும்!

துகுறித்து ஈரோடு ஒழுங்குமுறை விற்பனைக் குழுச் செயலாளர் சின்னசாமி யிடம் பேசினோம். “முன்பு நம்முடைய பகுதியில் மட்டும்தான் அதிகளவு மஞ்சள் உற்பத்தி நடைபெற்றது. ஆனால், இன்றைக்கு ஆந்திரா, மகாராஷ்டிரா ஆகிய மாநிலங்களில் அதிகளவு மஞ்சள் உற்பத்தி நடைபெறுகிறது. அதனால் நமக்கு விலையில் கொஞ்சம் சரிவு ஏற்பட்டிருக்கிறது.

விவசாயிகள் கொண்டுவரும் மஞ்சளைத் தரம்பிரித்து, அதில் உள்ள குர்மின் என்னும் வேதிப்பொருளின் அளவு போன்றவற்றுடன் ‘இ-நாம்’ எனப்படும் ‘மின்னணு தேசிய வேளாண் சந்தை’ மூலமாகச் சந்தைப்படுத்துவதற்கான வேலைகளைச் செய்துவருகிறோம்.

அப்படிச் செய்யும்போது இந்திய அளவில் நம்முடைய மஞ்சளுக்கு நல்ல விலை கிடைக்கும். மேலும், ஈரோட்டில் மஞ்சளுக்கெனக் குளிர்பதன கிடங்குகளை அமைக்க ஆலோசித்து வருகிறோம். மஞ்சள் உற்பத்தியாளர்களுடன் சேர்ந்து மஞ்சளைத் தூளாக்கி விற்பனை செய்யவும் பேசி வருகிறோம்” என்றார்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism