புயலால் பாதிக்கப்பட்டு 55 ஆண்டுகளைக் கடந்துவிட்டது தனுஷ்கோடி. அதன் சிறப்பு புகைப்படத்தொகுப்பு இங்கே.
தனுஷ்கோடியில் கிறிஸ்தவ தேவாலயத்தின் மேல் பகலவனின் ஒளிக்கீறல் உ.பாண்டி
சேதமடைந்த தேவாலயத்தை பார்வையிடும் சுற்றுலாப் பயணிகள் உ.பாண்டி
வியாபாரக் கடைகளுக்கு இடையில் கம்பீரமாய்க் காட்சி அளிக்கும் தேவாலயம் ...உ.பாண்டி
தனுஷ்கோடியில் ஆங்கிலேயர்களால் அமைக்கப்பட்ட ரயில்வே தண்டவாளங்கள் உருக்குலைந்து சிதறிக் கிடக்கின்றன. புயலுக்கு சற்று முன்னதாக பாம்பனிலிருந்து தனுஷ்கோடிக்கு போர்ட் மெயில் புறப்பட்டுச் சென்றது. சூறாவளிக் காற்றுடன் பலத்த மழை பெய்யவே, ரயில் தனுஷ்கோடி ரயில் நிலையத்திற்கு முன்னதாகவே வழியிலேயே நிறுத்தப்பட்டது. நிறுத்தப்பட்ட அந்த ரயிலில் புயல் மிச்சம் வைத்தது வெறும் இரும்பு சக்கரங்களை மட்டுமே. மற்றவை அனைத்தையும் புயலால் கடலுக்குள் மாயமாகின. இந்த ரயிலில் அப்போழுது 200-க்கும் மேற்பட்டோர் பயணம் செய்தனர். அதில் 40-க்கும் மேற்பட்டவர்கள் குஜராத்தில் இருந்து ராமேஸ்வரம் சுற்றுலா வந்த மருத்துவத்துறை மாணவர்கள் ஆவர். இவர்கள் அனைவரும் புயலுக்கு பலியாயினர். நூற்றுக்கணக்கான பயணிகளோடு சென்று காணாமல் போன ரயிலைத் தாங்கிய தண்டவாளம் கூட...உ.பாண்டி
தினமும் ஆயிரக்கணக்கான பயணிகள் வந்து சென்ற ரயில்வே நிலையம் மிச்சமாய் நிற்கிறது.உ.பாண்டி
இந்து மக்கள் வணங்கிய தனுஷ்கோடி மாரியம்மன் கோவில் சிதைந்த நிலையில் உள்ளது.உ.பாண்டி
பரபரப்பாக இயங்கிக் கொண்டிருந்த தனுஷ்கோடி துறைமுகம்.உ.பாண்டி
சிதைந்த நிலையில் காணப்படும் தேவாலய பின் புறத்தோற்றம் உ.பாண்டி
தனுஷ்கோடியில் உள்ள மருத்துவமனைஉ.பாண்டி
தனுஷ்கோடி மக்களுக்கு நீராதாரம் அளித்துக் கொண்டிருந்த குடிநீர் தாங்கி ஆகாயத்தைப் பார்த்து பரிதாபமாய் காட்சியளிக்கிறது .உ.பாண்டி
உள்ளூர் வைரல் முதல் உலக டிரெண்ட் வரை உடனடியாக உங்கள் மெயிலில்!
ஆங்கிலேயர் ஆட்சிக் காலத்தில் சென்னையிலிருந்து தனுஷ்கோடிக்கு ரயில் போக்குவரத்து திட்டத்தை உருவாக்கிட முயற்சி செய்தனர். இதற்காக கட்டப்பட்ட கட்டடங்கள் சிதைந்த நிலையில்.உ.பாண்டி
தனுஷ்கோடி பகுதியின் தலைவரான கான்சாகிப் என்பவரால், முதலாம் எலிசபெத் ராணிக்கு அமைக்கப்பட்ட சில்வர் ஜூப்ளி கல்தூண் இன்னும் நினைவலைகளை தாங்கியவாறு காட்சியளிக்கிறது. உ.பாண்டி
தனுஷ்கோடிக்கும் தலைமன்னாருக்கும் கப்பல் போக்குவரத்து தொடங்கிய பொன்விழா ஆண்டான 1964 டிசம்பர் 17-ல் காற்றழுத்த தாழ்வுநிலை அந்தமான் கடல் பகுதியில் உருவானது. அது புயலாக உருவெடுத்து டிசம்பர் 22-ல் தனுஷ்கோடிக்குள் புகுந்தது. தனுஷ்கோடியை புயல் தாக்கியதில் ரயில்வே நிலையத்திலும் துறைமுகத்திலும் இருந்த ஆயிரக்கணக்கான மக்கள் சூறாவளிக் காற்றினால் கடலுக்குள் இழுத்துச் செல்லப்பட்டனர்.அழிந்துபோன இஸ்லாமிய மக்களின் அடக்கஸ்தலங்கள் உ.பாண்டி
தந்தி மற்றும் டெலிபோன் கம்பங்கள் சாய்ந்து விழுந்து விட்டதால் வெளி உலகத்துக்கும் ராமேஸ்வரம் இடையே தகவல் தொடர்புகள் அனைத்தும் துண்டிக்கப்பட்டுவிட்டன. இதனால் சேதாரத்தின் விவரங்களும் உடனடியாக சென்னைக்குத் தெரியவில்லை.உ.பாண்டி
அப்போது புயலுக்குப் பின்பு பாதிக்கப்பட்டவர்களைக் காப்பாற்ற கப்பல்கள், இயந்திரப் படகுகள், ஹெலிகாப்டர், விமானங்கள் ராமேஸ்வரம் நோக்கி விரைந்தன. பாதிக்கப்பட்டவர்களுக்கு விமானத்திலிருந்து சாப்பாடு பொட்டலங்களும் போடப்பட்டன. புயலில் தப்பியவர்களுக்கு மருத்துவ சிகிச்சை அளிக்க தமிழகத்தில் பல இடங்களிலிருந்தும் உடனடியாக மருத்துவர்கள் ராமேஸ்வரத்துக்கும் அனுப்பப்பட்டனர்.உ.பாண்டி
தனுஷ்கோடி பகுதியில் வெள்ளம் வடிவதற்கு ஒரு வாரம் ஆயின. கடற்கரையில் எங்கு பார்த்தாலும் பிணங்கள் குவியல் குவியலாகக் கிடந்தன. அவையெல்லாம் சேகரிக்கப்பட்டு புதைக்கப்பட்டன.உ.பாண்டி
புயல் தாக்கி அரை நூற்றாண்டைக் கழிந்த நிலையிலும் கூட தனுஷ்கோடியில் மருத்துவம், மின்சாரம், போக்குவரத்து, சாலை, குடிநீர் வசதி என்று எந்த அடிப்படை வசதியும் கிடையாது. எவ்வித அடிப்படை வசதியும் இல்லாத நிலையிலும் கடலை மட்டுமே நம்பி தனுஷ்கோடியைச் சுற்றி 1000-க்கும் மேற்பட்ட கரைவலை இழுக்கும் மீனவ குடும்பங்கள் வாழ்ந்து வருகின்றனர்.உ,பாண்டி
ராமேஸ்வரத்திலிருந்து தனுஷ்கோடிக்கு முகுந்தராயர் சத்திரம் வரை மட்டுமே சாலை வசதி இருந்ததால் மூன்றாம் சத்திரத்திலிருந்து தனுஷ்கோடிக்கு கடல் மணலில் 5 கிலோ மீட்டர் நடந்தேதான் செல்ல வேண்டும். பிரசவ கால அவசரம் என்றால்கூட போக்குவரத்து வசதி இல்லாமையால் படகுகளில் 18 கி.மி தூரமுள்ள ராமேஸ்வரம் மருத்துவமனைக்கு வரவேண்டும். சுற்றுலாப் பயணிகளும், பக்தர்களும் கடற்கரை மணலில் வாடகைகளுக்கு வேன்களை அமர்த்தி பாதுகாப்பில்லாத பயணங்களை மேற்கொண்டு வந்தனர்.உ.பாண்டி
இந்நிலையில் 27.07.2017 அன்று ராமேஸ்வரம் முகுந்தராயர் சத்திரம் முதல் தனுஷ்கோடி அரிச்சல் முனை வரையிலும் ரூ. 65 கோடியே 68 லட்சம் மதிப்பில் அமைக்கப்பட்ட புதிய தேசிய நெடுஞ்சாலை திறக்கப்பட்டுள்ளது. புதிய சாலை திறந்த பின்னர் தனுஷ்கோடி மற்றும் அரிச்சல்முனை பகுதிகளுக்கு அரசுப் பேருந்தும் இயக்கப்படுகிறதுஉ.பாண்டி
இருபுறமும் நீலவர்ணத்தில் கடலும் இதமான காற்றும், தேனீயைப் போன்று சுறுசுறுப்பாக எந்த நேரமும் மீன்களைப் பிடிக்கும் மீனவர்களும் தனுஷ்கோடியின் அரை நூற்றாண்டுகளுக்கு முந்தைய அடையாளங்கள்.உ.பாண்டி
அபாயம் உணர்ந்தும் இன்னும் தாய் மண்ணை விட்டு செல்ல மனம் இல்லாமல், வாழ்வின் விடியலை நோக்கி இப்பகுதி மீனவர்கள் பயணித்துக் கொண்டிருக்கின்றனர்.உ.பாண்டி
