Published:Updated:

தனிநபர் கடன் நோ... டெர்ம் பாலிஸி கட்டாயம்... சொந்த வீடு லாபமா?

தனிநபர் கடன்
தனிநபர் கடன்

வருமானம் குறைவாக இருக்கும் இந்த நிலையில், கடன் வாங்கும் எண்ணம் பலருக்கும் வந்துவிடலாம். நண்பரின் வீட்டு உரிமையாளர் அவர் குடியிருப்பதற்காக வீடு வாங்காமல் முதலீட்டுக்காக வாங்கியிருக்கிறார்.

நிறுவனங்களின் சம்பளப் பிடித்தம், ஆட்குறைப்பு ஆகிய நடவடிக்கைகளால் மாதச் சம்பளக்காரர்களின் வாழ்க்கையிலும், அவர்களின் பட்ஜெட்டிலும் பாரதூரமான பாதிப்புகளை ஏற்படுத்தியுள்ளன. வருமானக் குறைவு அல்லது வருமானமின்மை இவை இரண்டுமே நிம்மதியாகச் சென்றுகொண்டிருந்த ஒரு குடும்பத்தில் மோசமான நிலையை ஏற்படுத்திவிடும். இப்படிப்பட்ட சூழலில், குடும்ப பட்ஜெட் தொடர்பாக ஆலோசனை வழங்குகிறார் ரேணு மகேஸ்வரி.

"வருமானம் குறைவாக இருக்கும் இந்த நிலையில், கடன் வாங்கும் எண்ணம் பலருக்கும் வந்துவிடலாம். 'உங்களுக்குக் கடன் தரத் தயாராக இருக்கிறோம், வாங்கிக்கொள்ளுங்கள்' என்று உங்களுக்கு அடிக்கடி போன் செய்து, ஆசையைத் தூண்டலாம்.

தனிநபர் கடனைத் தேடிவந்து கொடுத்தாலும் வாங்கக்கூடிய நேரமல்ல இது. இந்தக் கடன்களுக்கு வட்டி அதிகம் வசூலிப்பார்கள் என்பதுடன், வாங்கிய கடனைச் செலுத்த முடியாத நிலை ஏற்பட்டால், வட்டிக்கு மேல் வட்டி செலுத்த வேண்டிய நிலைக்கு ஆட்பட வேண்டியிருக்கும்.

சொந்த வீடு
சொந்த வீடு

எனவே, உயிர்காக்கும் சூழ்நிலையைத் தவிர்த்த வேறு எந்தக் காரணத்துக்காகவும் புதிய கடன் பெறவே கூடாது.

இந்தச் சமயத்தில் மட்டுமல்ல, காப்பீடு என்பது அனைத்துக் குடும்பங்களுக்கும் எப்போதும் இருப்பது அவசியம். இதில், உயிர்க் காப்பீட்டுக்குத் தேவையான டேர்ம் இன்ஷுரன்ஸைப் போதுமான அளவுக்குக் கட்டாயம் எடுக்க வேண்டும்.

இந்த டேர்ம் பாலிசியை இதுவரை எடுக்கவில்லையென்றால், இனியாவது எடுப்பது அவசியம். மருத்துவக் காப்பீட்டு பாலிசிக்கான பிரீமியத்தையும் இந்தக் கஷ்டமான காலத்திலும் முன்னுரிமை தந்து செலுத்திவிடுவது அவசியம். `யூலிப்' (ULIP) என்றழைக்கப்படும் முதலீட்டுடன் இணைந்த காப்பீட்டுத் திட்டங்களைத் தவிர்க்கலாம்" என்கிறார் ரேணு மகேஸ்வரி.

குடும்பத் தலைவியும், தலைவரும் குழந்தைகளிடம் கடைப்பிடிக்க வேண்டியவை உள்ளிட்ட முழுமையான வழிகாட்டுதல்களை நாணயம் விகடன் இதழில் வாசிக்க க்ளிக் செய்க... > தங்க நகை, சுற்றுலா நோ... இன்ஷூரன்ஸ் ஓகே! - சிக்கலான நேரம்... சிறப்பான திட்டம்! https://bit.ly/2zXbKPZ

வாடகை வீடா... சொந்த வீடா... எது பெஸ்ட்?

சொந்த வீடு வாங்குவதைவிட வாடகை வீட்டில் வசிப்பதே சிறந்தது என நண்பர் ஒருவர் என்னிடம் விவாதித்தார்.

``நான் வசிப்பது சென்னையின் முக்கியமான பகுதியில்; இரண்டு படுக்கை அறைகொண்ட ஓர் அடுக்குமாடிக் குடியிருப்பில். அந்த வீட்டின் வாடகை ரூ.15,000. அதை ஐந்தாண்டுகளுக்கு முன்னர், ரூ.60 லட்சத்துக்கு என் ஹவுஸ் ஓனர் வாங்கியிருந்தார். அதற்காக அவர் ரூ.45,000 ரூபாய் வரை வீட்டுக் கடனுக்கான இ.எம்.ஐ செலுத்திவருகிறார்.

மாதம் ரூ.45,000 செலுத்தப்படும் வீட்டில் நான் 15,000 ரூபாய் வாடகைக்கு இருக்கிறேன். என்னைப் பொறுத்தவரை `கடைசி வரை வாடகை வீட்டில் இருப்பதே சிறந்தது' என நினைக்கிறேன்'' என்று தனது கருத்தைத் தெளிவாக முன்வைத்தார் அந்த நண்பர்.

சொந்த வீடு
சொந்த வீடு

மேலோட்டமாகப் பார்த்தால், அவர் சொன்ன காரணத்தில் கொஞ்சம் நியாயம் இருப்பதுபோல் தெரியும். கொஞ்சம் ஆராய்ந்து பார்த்தால், வேறு சில விஷயங்கள் புரியும். அந்த விஷயங்கள் என்னென்ன என்று பார்ப்போம்.

முதலில், நண்பரின் வீட்டு உரிமையாளர் அவர் குடியிருப்பதற்காக வீடு வாங்காமல் முதலீட்டுக்காக வாங்கியிருக்கிறார். வெறும் முதலீடு என்பதற்காக மட்டும் வாங்காமல், குடியிருப்பதற்கு என்ற தேவையை நிறைவேற்றிக்கொள்வதற்காக வாங்கியிருந்தால், அது மிகச் சரியான முடிவாக இருந்திருக்கும். அது எப்படி?

- நாணயம் விகடன் இதழில் முழுமையாக வாசிக்க க்ளிக் செய்க... > வாடகை வீடா... சொந்த வீடா... எது பெஸ்ட்? - ஒரு லாபக் கணக்கீடு! https://bit.ly/2BssbnH

சிறப்புச் சலுகை: விகடன் App-ஐ டவுன்லோடு செய்து ரெஜிஸ்டர் செய்தால், ஆனந்த விகடன் தொடங்கி அவள் கிச்சன் வரை அனைத்து இதழ்களையும் 30 நாள்களுக்கு கட்டணமின்றி வாசிக்கலாம். குறிப்பாக, கடந்த 2006-ல் இருந்து வெளியான அனைத்து ப்ரைம் கன்டென்ட்டுகள், பொக்கிஷக் கட்டுரைகளிலும் வலம்வர முடியும். விகடன் ஆப் டவுன்லோடு லிங்க் இதோ https://bit.ly/2VRp3JV

அடுத்த கட்டுரைக்கு