ஸ்ரீபோஸ்ட்
ஸ்ரீபோஸ்ட்
‘முஜே ஹக் ஹை’ என்ற பெண்ணுரிமையை வலியுறுத்தியுள்ள பாடலின் அருமை பெருமைகளை `நமக்குள்ளே' பகுதியில் விளக்கி அந்தப் பாடல் குறித்துப் பெண்கள் மத்தியில் விழிப்பு உணர்வையும் ஏற்படுத்தியிருந்தது பாராட்டுக்குரியது.
- கலைச்செல்வி வளையாபதி, தோட்டக்குறிச்சி
கடந்த இதழ் இசை சிறப்பிதழோ... இசையில் சாதிக்கத் துடிக்கும் இளைய தலைமுறையினரைப் பற்றிய தகவல்கள் அருமை.
- கே.எல்.புனிதவதி, கோவை-17
ஆண்களுக்கு இருக்கவேண்டிய நான்கு குணங்களைப் பட்டியலிட்டு விளக்கிய அவள் விகடனுக்கு நன்றி.
- கவிதா சரவணன், திருச்சி-6
லட்டு... செல்லம்... தங்கம்... ராஜேஷ் வைத்யாவின் வாழ்வில் இணைந்த அந்தப் பெண் குறித்த நேசம் வியப்பளித்தது.
- மயிலை கோபி, சென்னை-83
உறவுகளுக்கிடையேயான உணர்வு பூர்வமான நேசத்தை எத்தனையோ படங்களில் பார்த்துள்ளோம். ஆனால், பாட்டி - பேத்தி உறவுப் பரிமாற்றம் ‘பூவே பூச்சூடவா’வில் ஒரு காவியமாகவே படைக்கப்பட்டிருந்தது. அந்தக் கதாபாத்திரங்களை நினைவோவியமாக மீட்டெடுத்து பூங்காவனத்தம்மா, சுந்தரி, டேவிட்டை மீண்டும் கண் எதிரே நிறுத்தியதற்கு நன்றி.
- ஆர்.ரங்கநாயகி, சென்னை-28
கடந்த இதழுடன் இணைந்து வந்திருந்த `மன அழுத்தத்தைக் குறைக்கும் 30 வகை ரெசிப்பிகள்' இணைப்பு, இன்றைய இயந்திர கதி வாழ்க்கையில் மன அழுத்தத்தால் துவண்டு இருப்பவர்களுக்கு நல்விருந்து.
- வி.மோனிஷா பிரியங்கா, திருச்சி-18