Published:Updated:

தண்டோரா

நெல்
பிரீமியம் ஸ்டோரி
News
நெல்

அறிவிப்பு

‘தண்டோரா’ பகுதியில் இடம்பெறும் நிகழ்ச்சிகளில் கடைசி நேர மாறுதல்கள் ஏற்படலாம். எனவே, சம்பந்தப்பட்ட நிறுவனங்கள், அமைப்புகள் ஆகியவற்றிடம் நிகழ்ச்சி குறித்த தகவல்களைத் தொலைபேசி அல்லது செல்போன் வாயிலாக, முன்கூட்டியே உறுதிசெய்த பின், பயண ஏற்பாடுகளைச் செய்யவும்.

- ஆசிரியர்

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS

இலவசப் பயிற்சிகள்

நாட்டுக்கோழி வளர்ப்பு

நாமக்கல் வேளாண் அறிவியல் மையத்தில் ஆகஸ்ட் 5-ம் தேதி முதல் 10-ம் தேதி வரை ‘நாட்டுக்கோழி வளர்ப்பு மற்றும் மேலாண்மை முறைகள்’ பயிற்சி நடைபெற உள்ளது. முன்பதிவு செய்து கொள்ளவும்.

தொடர்புக்கு, தொலைபேசி: 04286 266345.

முயல் வளர்ப்பு

கடலூர், கால்நடை மருத்துவ அறிவியல் பல்கலைக்கழகப் பயிற்சி மற்றும் ஆராய்ச்சி மையத்தில் ஆகஸ்ட் 6-ம் தேதி ‘கறவைமாடு வளர்ப்பு’, 13-ம் தேதி ‘நாட்டுக்கோழி வளர்ப்பு’, 20-ம் தேதி ‘முயல் வளர்ப்பு’, 22-ம் தேதி ‘வெள்ளாடு வளர்ப்பு’ ஆகிய பயிற்சிகள் நடைபெற உள்ளன. முன்பதிவு அவசியம்.

தொடர்புக்கு, தொலைபேசி: 04142 290249.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

சீர்காழி நெல் திருவிழா

ஆகஸ்ட் 10, 11 ஆகிய தேதிகளில் நாகை மாவட்டம், சீர்காழியில் உள்ள பெஸ்ட் மேல்நிலைப் பள்ளியில் ‘பாரம்பர்ய நெல் திருவிழா’ நடைபெற உள்ளது. இந்நிகழ்வில் பாரம்பர்ய நெல் ரகங்களின் கண்காட்சி, இயற்கை விவசாய விழிப்புணர்வு பேரணி, விவசாயிகளுக்கு விருது வழங்குதல், இயற்கை முறையில் தயார் செய்யப்பட்ட சிறுதானியங்கள், மூலிகைப் பொருள்கள், இயற்கை விவசாயம், நீர் மேலாண்மை பற்றிய கருத்துரைகள் உள்ளிட்டவை இடம்பெற உள்ளன.

தண்டோரா

அமைச்சர் ஓ.எஸ்.மணியன், மாவட்ட ஆட்சியர் சுரேஷ்குமார், இயற்கை வாழ்வியல் மருத்துவம் கோ.சித்தர், ஒற்றை நாற்று நடவு ஆலங்குடி பெருமாள், விவசாய சங்கத் தலைவர் பி.ஆர்.பாண்டியன், சித்தர் தணிகாசலம், இயற்கை வாழ்வியல் ஆலோசகர் சுந்தரபாண்டியன், தமிழர் மரபு வேளாண்மை ஞானபிரகாசம், நீர் மேலாண்மை மற்றும் சுற்றுச்சூழல் மேம்பாடு ஹாரிஸ் சுல்தான், பூவுலகின் நண்பர்கள் அமைப்பைச் சேர்ந்த சுந்தர்ராஜன், வானிலை செல்வகுமார் ஆகியோர் கருத்துரை வழங்க இருக்கிறார்கள். நிகழ்ச்சியில் கலந்து கொள்பவர்களுக்கு விதை பரிமாற்ற முறையில் இரண்டு கிலோ விதைநெல் வழங்கப்படும். நிகழ்வில் விதைப்பந்துகளும் வழங்கப்பட உள்ளது. அனுமதி இலவசம். முன்பதிவு அவசியம்.

தொடர்புக்கு, செல்போன் 99625 55889, 98651 26889

விதைத் திருவிழா

கடலூர் மாவட்டம், விருத்தாசலம் அரசு ஆண்கள் மேல்நிலைப்பள்ளியில் (சந்தைதோப்பு அருகில்) ஆகஸ்ட் 11-ம் தேதி ‘விதைத் திருவிழா’ நடைபெற உள்ளது. இத்திருவிழாவில் பாரம்பர்ய நெல் ரகங்கள், நாட்டுக் காய்கறிகள், கீரை வகைகள், சிறுதானிய விதைகளின் கண்காட்சியும் விதைப் பகிர்வும் நடைபெற உள்ளது. முன்னோடி இயற்கை விவசாயிகள், வல்லுநர்கள் உரையாற்ற உள்ளனர். அனுமதி இலவசம், முன்பதிவு அவசியம்.

ஏற்பாடு: செந்தமிழ் இயற்கை வழி வேளாண் நடுவம். தமிழ்க்காடு - இயற்கை வேளாண்மை இயக்கம்.

தொடர்புக்கு, செல்போன்: 88708 90109, 94439 04817

கட்டணப் பயிற்சிகள்

மரம் வளர்ப்பு

அரியலூர் மாவட்டம், சோழன்மாதேவியில் உள்ள வேளாண் அறிவியல் மையத்தில் ஆகஸ்ட் 7-ம் தேதி ‘நாட்டுக்கோழி வளர்ப்பு’, 21-ம் தேதி ‘மரம் வளர்ப்பு’ ஆகிய பயிற்சிகள் நடைபெற உள்ளன. முன்பதிவு செய்து கொள்ளவும். பயிற்சிக் கட்டணம் ரூ.100.

தொடர்புக்கு, செல்போன்: 96008 30378

மல்லிகைச் சாகுபடி

தூத்துக்குடி மாவட்டம், வாகைகுளம் ஸ்காட் வேளாண்மை அறிவியல் மையத்தில் ஆகஸ்ட்

10-ம் தேதி ‘சிக்கன நீர்ப்பாசன முறைகள்’, 17-ம் தேதி ‘கால்நடைகளுக்கு எளிய முதலுதவி சிகிச்சைகள்’, 23-ம் தேதி ‘மாடித்தோட்டம் அமைத்தல்’, 26-ம் தேதி ‘மல்லிகைச் சாகுபடி நுட்பங்கள்’, 30-ம் தேதி ‘தேனீ வளர்ப்பு’ ஆகிய பயிற்சிகள் நடைபெற உள்ளன. பயிற்சிக் கட்டணம்

ரூ.100. முன்பதிவு அவசியம்.

தொடர்புக்கு, தொலைபேசி: 0461 2269306, செல்போன்: 75983 75871

இயற்கை உரங்கள்

கன்னியாகுமரி மாவட்டம், விவேகானந்த கேந்திரம், இயற்கை வள அபிவிருத்தித் திட்டத்தில் ஆகஸ்ட் 3-ம் தேதி ‘இயற்கை உரங்கள் தயாரித்தல்’, 17-ம் தேதி ‘இயற்கைப் பூச்சிவிரட்டிகள் மற்றும் வளர்ச்சி ஊக்கிகள் தயாரித்தல், சமையல் கழிவுகளிலிருந்து எரிவாயு தயாரித்தல்’ ஆகிய பயிற்சிகள் நடைபெற உள்ளன. பயிற்சிக் கட்டணம் ரூ.200. முன்பதிவு அவசியம்.

தொடர்புக்கு, தொலைபேசி: 04652 246296

அறிவிப்பு

‘தண்டோரா’ பகுதியில் இடம்பெறும் நிகழ்ச்சிகளில் பங்கேற்கும் விவசாயிகள், நிகழ்ச்சிகள் குறித்த நிறைகுறைகளை உடனுக்குடன் தெரிவிக்க 044 66802927 என்ற எண்ணில் தொடர்புகொள்ளுங்கள். அங்கே கணினிக் குரல் வழிகாட்டும். அதற்கேற்ப 3 நிமிடங்களுக்குள், உங்கள் கருத்தைப் பதிவுசெய்யுங்கள். எதிர்முனையில் உங்களுடன் உரையாட யாரும் இருக்க மாட்டார்கள். எனவே, அந்த

3 நிமிடங்கள் முழுக்க முழுக்க உங்களுக்கே! அவசியமென்றால், நாங்களே உங்களைத் தொடர்புகொண்டு, மேலும் விவரங்களைப் பெற்றுக் கொள்வோம்.