Published:Updated:

வங்கிகளின் வாராக் கடனுக்கு யார் காரணம்?

வங்கிகளின் வாராக் கடனுக்கு யார் காரணம்?
பிரீமியம் ஸ்டோரி
News
வங்கிகளின் வாராக் கடனுக்கு யார் காரணம்?

வங்கிகளின் வாராக் கடனுக்கு யார் காரணம்?

ஹலோ வாசகர்களே..!

வங்கிகளின் வாராக் கடனுக்கு யார் காரணம்?



வங்கிகளின் வாராக் கடனுக்கு யார் காரணம்?

ங்கிகளின் வாராக் கடன் தொடர்பாக ரிசர்வ் வங்கியின் முன்னாள் கவர்னர் ரகுராம் ராஜன் நாடாளுமன்ற நிலைக்குழுவிடம் கொடுத்த அறிக்கை பெரும் சர்ச்சையைக் கிளப்பியிருக்கிறது. ‘‘வாராக் கடன் பெருமளவில் விதைக்கப்பட்டது 2006-08-ல்தான். வங்கிகளில் கடன் பெற்ற சில ‘முக்கிய’மானவர்களின் பட்டியலைத் தயாரித்து, அவர்களில் ஓரிருவரைக் கண்காணிக்கும்படி பிரதமரின் அலுவலகத்துக்குக் கடிதம் அனுப்பினேன். ஆனால், என்ன நடவடிக்கை எடுத்தார்கள் என்று தெரியவில்லை’’ என்று ரகுராம் ராஜன் சொல்ல, வாராக் கடன் பிரச்னைக்கு நீங்கள்தான் காரணம் என பி.ஜே.பி-யும் காங்கிரஸும் அடித்துக்கொள்ள ஆரம்பித்துள்ளன.

காங்கிரஸ் கட்சியின் தலைமையிலான ஆட்சிக் காலத்தில் கேட்டவர்களுக் கெல்லாம் கடன் தரப்பட்டுள்ளதை யாரும் மறுக்க முடியாது. வங்கிகள் கடன் தருவதில் அரசியல் தலையீடுகள் இருந்ததாகவும் சொல்லப்படுகிறது. யாருக்குக் கடன் தருகிறோம், கடன் தரும் தொழில் தொடர்ந்து நடக்குமா, கடனாகத் தரப்படும் பணம் திரும்ப வராமல் போக வாய்ப்பு உண்டா என எந்த வகையிலும் ஆராயப்படவில்லை. இப்படி நடந்த பல தவறுகளுக்கு காங்கிரஸ் கட்சிதான் காரணம் என்பதில் எள்ளளவும் சந்தேகமில்லை.

ரகுராம் ராஜன் கடிதம் அனுப்பியபோது பிரதமராக இருந்தது யார்  என்பது தெளிவாக இல்லை. மோடியின் அலுவலகத்துக்கு அந்தக் கடிதம் அனுப்பப்பட்டிருக்கும்பட்சத்தில், அதன்மீது ஏன் நடவடிக்கை எடுக்கப்பட வில்லை என்பதை அந்தக் கட்சி சொல்லியாக வேண்டும். அதே சமயம், வாராக் கடன் பிரச்னையைத் தீர்ப்பதற்கு திவால் சட்டம் உட்பட பல நடவடிக்கைகளை மோடி அரசு எடுத்துள்ளதை மறுக்க இயலாது.

ரகுராம் ராஜனின் பேச்சு, வாராக் கடன் பிரச்னை இனியும் உருவாகாமல் இருக்க என்ன செய்ய வேண்டும் என்கிற திசையில் செல்லாமல், யார் காரணம் என்கிற வகையில் திசை திரும்பியிருப்பது துரதிருஷ்டவசமானதே. இதேரீதியில் இந்தப் பிரச்னை செல்லும்பட்சத்தில் வாராக் கடனுக்கான தீர்வு நிச்சயம் கிடைக்காது.

வாராக் கடன் பிரச்னை இப்போதே பெரிய அளவில் இருக்க, சிறு, குறு மற்றும் நடுத்தர நிறுவனங்களுக்கு (MSME) பெருமளவில் அளிக்கப்பட்டிருக்கும் கடன் எதிர்காலத்தில் வாராக் கடன்களாக மாற வாய்ப்புள்ளதாக ரகுராம் ராஜன் சொல்லியிருப்பதை இனியாவது ஆட்சியாளர்கள் கவனத்தில் எடுத்துக்கொண்டு நடவடிக்கை எடுக்க வேண்டும்.

பொருளாதாரம் வளர்ச்சி காண வேண்டுமெனில், நிறுவனங்களுக்குக் கடன் தருவது அவசியம்தான். ஆனால், அதிக அளவில் கடன் தருவதினாலேயே பொருளாதாரம் வளர்ச்சி கண்டுவிடாது. மக்கள் டெபாசிட்டாக தந்த பணத்தைத்தான் கடனாகத் தருகிறோம். கடன் திரும்ப வராமல் போனால், அவர்களுக்கு நிச்சயம் பதில் சொல்ல வேண்டியிருக்கும் என்பதைப் புரிந்துகொண்டு செயல்பட்டால், இனிவரும் காலத்தில் யார் மீதும் எந்தப் பழியும் வராது!

- ஆசிரியர்

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz